التمر واللبن ... من اليوم بديت لمدة اسبوعين بس .. اللي حابة تشاركني حياها الله ^^

[برميت]

قوه رشيقات المستقبل

اليوم الحمد الله قست وزني 73.7 ..ادري اقل من كيلو لاني امس شربت قهوه بالسينما بس بدون سكر ..قهوه رجيم يايبتها معاي قلت لهم ابي ماي حار و سووها و كليت معاها تمرتين و ماتعشيت
و ادري انه ال73 ماراح تنكسر بيوم واحد ..لاني سويت كل شي علشان اكسرها و ما انكسرت ..بس ان شاءالله يومين ثلاث تلقوني اهني ايبب و ازغرط لاني وصلت 70

امس رحت السينما و طول الطريج ادعي انه ربي يقويني و ما اكل نفيشه وحده و ريحته اكفخت براسي
و الشيطان وسوس لي علشان اشرب دايت بيبسي ...بس شربت ماي
اول شي صعب بس لما دخلت السينما نسيت كل شي
واحلى شي بالرجيم هذا انه مافي يوع .. و تعرفين عادات الغلط الي تسوينها
عرفت اني اتغدا وايد و لما اخلص لازم اكل حلو و اشرب مع الاكل ..و المغرب اخربط كاكاو و بطاط و هالسوالف
كل شي حلو بهالرجيم الا صداع الراس ..يروح و يرد
ويااارب يااارب ياااارب اوصل 64 بتاريخ 18/10 يااااارب

 

[αмάι]

معكم صبايا
وان شاء الله انحف بسرعه
الله يجزاك خير يا صاحبه الموضوع

وزني 68
وطولي 167
صارلي اسبوع احاول ما اكل شي وبعض المرات ينقضي اليوم ما كلت الا شي خفيف
ومعى ذالك ما نقص الا غرامات
ان شاء الله تنفع معي هذي

 

[كويتيه سبيشل]

قوه اليوم
وزنت والنتيجه كانت










75.0
يعني ناقصه 7 غراام
الحمدالله الحمدالله

اليوم مفتوح وان شاء الله اكمل من بااجر

 

[حزن الليل]

صباح الخيرات صباااايا

اليـــوم الأول ....

تريقت 7تمرات ومع لبن اكتيفيا
+
مشيت 2/1 ســـاعه

الحمد الله ,,,

 

[لياحه بنت لواح]

بنات هالرجيم عجييييييب
سويته اسبوووع. نزلت ٣ كيلو ونص. بدون ريااضه

جربو تسوون رياضه راح تضعفون اكثر. وكثروو ماااي


وراح ابدي في يوم الاحد لي الجمعه انشاء الله

وتضعفون من غير شر قولوو امييين

 

[حزن الليل]

8
8
8

امـــــــين امـــــــين يارب

الحمد الله مراليوم كله ماخربطت لبن وتمر وروب :eh_s(9):
وشربت شمر زين حق اللي تبي تضعف:eh_s(15):

ان شاء الله ما خربط اليووووم

 

[^jooryaa^]

شلووونكم بنااااات

اصراحه شدني موضوعكم والرجيم

عندنا عرس وابي اضعف

كنت اضعيفه بس لظرووف خاصه جدا متنت (

وابي اتبع برناامجكم وابي اضعف معاااكم ووحده قالتلي عنه واتبعته واليوم صارلي 3 يوووم ونزلت كيلوين بس

الوزن قبل الرجيم:88

الطول: 155


والحين ورني 86

بناااات عفياااا شجعوني امبيه صايره بطه

قبل كان وزني 65 والحين وااااااي قهر

ابي اضعف معاكم شجعتوني والله

 

[engineera84]

قوة بنااااات شلونكم ويا الريجيم

مشكورين حبيباتي اللي ردو عالموضوع والله ونااااااسة استانس لما القى البناات كلهم شادين حيلهم معااي

انا صارلي يومين ملتزمة بالتمر والحليب وبس ووزني قاعد ينزل الحمدلله بس ابي اكمل هالاسبوع وان شاء الله كلنا نستمر وننزل اكثر


كويتية سبشل مبروك النزول حبيبتي وان شاءالله تنزلين اكثر واكثررر

وجووورية يلا شدي حيلج معانا وترى كيليويين وايد حلو ب 3 اياام مبروك حبيبتي النزوول وانا رح اضل دايما اتابعج واشجعج


برميت والله ماشاءالله اراادتج قوية تعجبينييي مو نفسي يوم رحت السنما خربت ههههههههه


اليوم يومياتي كالتالي


الصبح كوب حليب خالي الدسم

5 تمرات + نسكافيه بلاك عليه معلقة وحدة صغيرة سكر

الساعه 11 شاي بالنعنع

الساعه 2 حليب خالي الدسم

الساعه 8 : 8 تمرات + لبن اكتيفيا خالي الدسم


والرياضة مشيت ربع ساعه على البحر


بانتظاار باقي البنات ويومياتهم

 

[برميت]

قوه حبيباتي

يوم الخميس و اليمعه و السبت ..الحمدالله ماخربطت و لا كليت و لا شي غير التمر و الروب ..بس امس السبت شربت نسكافيه بدون سكر ..ووزني علق موراضي ينزل عن 72.8
والله يتني بجوه
و امس رحت الافنيوز ..ريحه الاكل بطت راسي ..ماابي نينو و لا لانوتر و لا جوكليت بار و لا شيك شاك ...ابي هاارديز جكن فليه
امس فصلت عليه ..والله كسرت خاطر روحي ..وريلي بعد عيني يشجعني يقولي قولي قلبج و حقري ارادتج باجر تصيرين غزال ما يصيدونه ...و طول الطريج اتحلطم لي وصلت البيت و كليت روب و تمر و طخت الدوده
واليوم صايمه و بفطر على تمر و روب
يااارب يااارب قبل لا يخلص الرجيم يوم الخميس وزني يكون 70 ياااااااارب والله ياارب طالعه من قلب
ويوم اليمعه اوف ..ماابي اروح مطعم ابي هارديز حدي مشتهيته


احلى شي ..مساعه وحده تقولي جنج منخرطه و ضعفانه
والله كنت بتييير بتيييير متل الاسافير لوووول
حدي استانست و شجعتني وراح اكمل هالرجيم بعزم
ويوم اليمعه اوف الغدا و السبت اوف الريوق و ببلش رجيم ثاني لمده 3 ايام علشان اخلص صيامي و ارد على رجيم التمر
ياارب يااارب سهل علينا و نوصل للرشاقه بسرعه قبل لا تروح الاراده

 

[حزن الليل]

8
8
8
اميـــــــــن اميــــــــن اميــــــــن يااااااااااااااااااااااارب

هاااي صبايا

صباح الخيرات :eh_s(17):

شخباركم السبت الريوق شربت لبن وكليت تمر خربطت ع الغداء كليت صدر ديايه مشويه:eh_s(4):
ماقومة ريحة الشوي:eh_s(16):
ف الليل مسكت روحي عدل

والاحد الحمد الله تمر ولبن وروب

واليوم تريقت لبن وتمر و شربت نسكافتي وبس

ان شاء الله نضعف بصحه وعافيه يآاآاآاآاآاآاآاآاآاآاآاآاآارب

 

[برميت]

بنات ماادري اشفيه وزني صارلي جم يوم على 72.8
لعبت رياضه نطيت حبل و رقصت و افتريت على القرص الدوام ولا يزال وزني مثل ما اهو
حده فيني بجوه

احس وزني يقولي يا انا يا انتي

يوم الخميس المفروض اوقفه ..بس اشلون جذي 10 ايام بس 4 كيلو وايد تعبت عليهم

شسوي تو الناس علشان يعلق وزني ..عيل لي وصلت الستينات شنو راح يسوي كل 10 ايام كيلو

 

[engineera84]

حبيبتي برميت بس 4 كيلو بعشر ايام ترى واااايد زييين

احس شي طبيعي الوزن مرات يثبت بس انتي حاولي تغيرين شي

انتي سوي نفس اللي تسوينه ولا تغيرين شي ولا تيأسين وحاولي انسي الميزان جم يوم

بعد فترة بتلقين الوزن نااازل

اهم شي لا تيأسين واستمرري

 

[برميت]

لا ماراح ايأس لاني ابي اضعف ..بس بط جبدي وزني ليش ما ينزل

والله عقب فطور امس 8 تمرات و روب ماكليت شي لي للحين
مااحس بيوع كلش

انا احب التمر ..بس الحين احسه واايد حاالي مااقدر اكله


على قوله امي وزنج ثبت لانه الشحم قاعد يتوزع بالجسم و جسمج قاعد يتقسم بعدين راح تنزلين
و امس كل من قالي ضعفانه ..و امي قررت تسوي هالرجيم معاي
بس الميزان اهم شي ..اهو الفاصل المفروض ينزل اكثر
اتوقع لما افج الرجيم راح انزل ..لاني جسمي تعود على الحرق ..لما اكل اكثر راح يحرق الاكل اكثر و ان شاءالله اضعف

ياارب انك تعيني

 

[dünya kraliçesi]

hi 7ilwaaaaaaaate
w ana ba3d ma3akoum
babtidi min bikra ​

 

[برميت]

بااركوولي و اخيرا وزني تحرك

صرت 71.1

وااي حدي مستانسه

لاني قمت اكل وجبه وحده باليوم 10 تمرات و روب و كلش ما احس بالجوع
و بليل قبل لا انام اخذلي فره على القرص الدوار ..و انط الحبل 50 نطه

و قاعده افكر بالمساج

 

[engineera84]

دنيا منورة معانا حبيبتي ..

برميييت والله ونستيني مبروووووووووووووووك واخيرا ههههههههههههه


انا اليوم الصبح غيرت شوي واكلت صمونة حلوم ما اكلت تمر ... محتاجة اغير شوي

 

[برميت]

ليش تخربين الرجيم
امس ريلي يوعان جان يمر ماكدونالدز و ياخذ وجبه و ريحتها اكفخت براسي ..قلت له بطاطه وحده ..قالي حرام تخربين رجيمج
و بعد الحنه عطاني ربع بطاطه ..والله ربع بطاطا ..حطيتها بحلجي و مصيتها لين اختفت لووول

حشيش مو اكل لووول

 

[برميت]

>> صار هالموضوع حق يومياتي لووول

امس عقب فرحه وزني 71 رجعت البيت من عقب الدوام و قسته الا يطلع 72.9 صدمه حده
ورحت مع رفيجتي سبا تايمز و خربطت كليت تفاح اخضر اول مره اخربط من بديت هالرجيم
ورديت البيت حدي مكتأبه و قست وزني 72.4
رفيجتي تقولي ميزانج خربان ؟؟ يوم قاست وزنها طلع 48 و اهي وزنها 44 تقول وناسه زايدني
ميزاني الكتروني ..يديد توه شاريته بس احس انه مخرف ..لاني لما اركب عليه يقولي رقم و لما انزل و اركب مره ثانيه يعطيني رقم و لما اغير مكانه يعطيني رقم ثاني ؟؟
و انا حاطته على الرخام مو على الزوليه
حده محيرني بعرف ضعفت و لا لا

اليوم قست وزني 71.9
ان شاءالله على يوم اليمعه اقيس وزني 70 يااااااارب

 

[خوش كلام]

مسااااااااااااء العسل وصباح الورد على بنوتاتنا الحلوين..

بنات ريجيم التمر والحليب صاحبته الاساسيه وصاحبة الموضوع اهي خوش كلام..
وانا اشكر فعلا العضوة engineera84 على اعاده نشر هالمعلومات علشان الكل يستفيد..
للافاده اكثر ادخلوا الموضوع الاساسي واقروا جميع الاستفسارات والردود علشان تاخذون كفايتكم من المعلومات والردود والاجوبه لاسئلتكم...

http://www.q8yat.com/t909125-new-post.html​

مع خالص تحيات صاحبة الموضوع...خوش كلام..​

 

[برميت]

خوش كلام اشرايج فيني و انا اناقز مني و مناك لوووول

طماعه ابي اكبر دعم ممكن

اليوم وزني 71.9 مع اني امس خربطت قرمت هوت دوق ..بس اول مارديت البيت خذيت لي جم فره على القرص الدوار و نطيت الحبل .... احس اني خفيفه وايد مو مثل قبل و كرشي واااااايد خفت الحمدالله

اليوم اخر يوم رجيم ...و باجر اووف ..بس بحاول ما اهجم على الاكل وايد

و ان شاءالله برجع لكم عن قريب علشان اعيد هالرجيم لي اوصل 64 و اخذ هديتي من ريلي