تجمع طالبات الاداب ~ colleGe oF ARTS ~ حياكم =)

[مس روبنز]

السلام عليكم ورحمة الله وبركاته

شلونكم بنات

آنا ماخذه تاريخ الكويت عند د. عبدالله الهاجري وآنا علمي وما أعرف شلون أدرس وطريقة الاختبارات

بالشرح ضايعه شوي آخر خريطه شفتها لما كنت بعاشر ههههه

دلوني وارشدوني عالحل المناسب لأن المقرر إلزامي علي والدكتور ممتاز ما عليه كلام بس آنا مو عارفه أمسك الكتاب وأدرس

وجزاكم الله خير

جارتكم: بنت الشريعه​

 

[~عيون الحب~]

هلا وغلا بجارتنا
الله يسهلها عليج
مشكله ان مواد أدبيه الزاميه ومواد علميه الزاميه
مو عاجبني هالنظام :\ محد مترقع لوول
انشالله يساعدونج البنات =)

 

[×~NoOoSh~×]

السلام عليكم ورحمة الله وبركاته

شلونكم بنات

آنا ماخذه تاريخ الكويت عند د. عبدالله الهاجري وآنا علمي وما أعرف شلون أدرس وطريقة الاختبارات

بالشرح ضايعه شوي آخر خريطه شفتها لما كنت بعاشر ههههه

دلوني وارشدوني عالحل المناسب لأن المقرر إلزامي علي والدكتور ممتاز ما عليه كلام بس آنا مو عارفه أمسك الكتاب وأدرس

وجزاكم الله خير

جارتكم: بنت الشريعه​

انا نفسج ماخذه تاريخ الكويت عند محمد العنزي، واحس ضايعه بالكلاس
و الكميه كبيره حق الامتحآن و مو عارفه شلون ادرسها! :eh_s(2):

ان شاء الله البنات يفيدونا
​

 

[ㅊ.tötášhÿ.ㅊ]

انا نفسج ماخذه تاريخ الكويت عند محمد العنزي، واحس ضايعه بالكلاس
و الكميه كبيره حق الامتحآن و مو عارفه شلون ادرسها! :eh_s(2):

ان شاء الله البنات يفيدونا
​

اممم اول شي اذا علا الدراسه .. بلكلاس كل شي يقوله سجليه بنوت عندج وانتبهي واذا رديتي للبيت اخذي اللي سجلتيه واقريه وراجعي لنفسج بعدين حضري حق باجر اقريلج اشياء تحسينها مهمه وبلكلاس اذا سال وجذي جاوبي ومثل هطريقه كل يوم سووها راح تكونين مثبته معلوماتج عدل ووقت الامتحان ماكو تحسين قاعده تراجعين لعمرج
وترا حفظ بس شنو فهميه بلول وراح يكون الحفظ اسهل عليج وماراح تنسين شي

اتمني فدتكم ..

 

[مس روبنز]

=> ~عيون الحب~​

هلا وغلا فيج حبوبه
جزاج الله خير
الله المستعان آنا بنت علمي بعد ​

=> ×~NoOoSh~×


شلون دكتورج زين؟

الله يسهل ويعين

إحنا اختبارنا الأول الاسبوع الجاي​

اممم اول شي اذا علا الدراسه .. بلكلاس كل شي يقوله سجليه بنوت عندج وانتبهي واذا رديتي للبيت اخذي اللي سجلتيه واقريه وراجعي لنفسج بعدين حضري حق باجر اقريلج اشياء تحسينها مهمه وبلكلاس اذا سال وجذي جاوبي ومثل هطريقه كل يوم سووها راح تكونين مثبته معلوماتج عدل ووقت الامتحان ماكو تحسين قاعده تراجعين لعمرج
وترا حفظ بس شنو فهميه بلول وراح يكون الحفظ اسهل عليج وماراح تنسين شي

اتمني فدتكم ..

جزاج الله خير وما تقصرين
فعلا الدراسه أول بأول والتحضير تريح والفهم وتدوين الملاحاظات​

الدكتور مخوفني شي كوني بنت علمي ويقول ما راح تمشون نفس الأدبي :eh_s(22):
وفي قصة قالها لنا لما كان طالب يدرس بالجامعه اختبار تاريخ وفي معاه زميل بكلية الطب
دكتورنا ما فتح الكتاب إلا قبل الاختبار بوقت قصير وزميله كان يحفظ ويصم سطر سطر بالكتاب
بالنهايه الدكتور خذى أعلى من طالب الطب لأن كان ياخذها على شكل قصة واحداث​

ويقول اخذوا التاريخ وادرسوه على شكل قصه​

 

[ㅊ.tötášhÿ.ㅊ]

^^ اي اصلن التاريخ ححلو جنه قصص وانا ادرسه علع هشكل
في شخصيات واحداث ونتايج رتبي افكارج ودرسيه جنج تسلين قصص
والله يوفقج

 

[B6O6A CUTE =)]

حتى انا ماخذه تااريخ كويت عند عبدالله الهاجري ساعه 1 يوم احد وثلاثا وخمميس
ها منو معاي.؟

 

[احيرهم]

مشكورة على هالتجمع انا اداب تخصص تاريخ تونى متخصصة والمساند اعلام

 

[KelyAmanii]

مسسآء الخير حبآيبي :**
شلوونكم يَ ادآبيآت :d
لكم وحششه :$
في عندكم سؤال استفسار شي مني مناك ؟ :d

 

[×~NoOoSh~×]

ㅊ.tötášhÿ.ㅊ

مششكوره حياتي، و ما قصرتي وان شاء الله اسوي اللي قلتي عليه ;*

مس روبنز

حتي احنا امتحان اسبوع الياي
والله ما اقدر اقولج راي فيه الا بعد القريد
بس عموماً الدكتور مزاجي! و اهم شي عنده الحضور!

 

[ㅊ.tötášhÿ.ㅊ]

^^ العفو ولو ماسويت شي والله يوفقكم ياارب
وعلميني اذا خلص الامتحان شسويتي
وان شاء الله تبشريني بلعلامه الكامله ؛*

 

[~عيون الحب~]

هاااي بنات
باقي 12 اسبوع هيااااا :eh_s(9)::eh_s(9):
شويه صح
لوع جبدي 090
حتى أفكر ما اخذ الكورس الياي 141 بريح من الانقليزي لوووووول
مع ان ابي افتك

 

[صب القفشه]

عيون الحب

صج باجي ١٢ اسبوع بس ؟؟

ونااسه هههه بس هم ما ودي يخلص هالكورس حده حده ايين و الدكاتره روووووعه d;

 

[~عيون الحب~]

لوووووووووووووووول الله يهنييج فيهم عيل ;p
بالنسبه لي اي .. لأن الفاينل 5-1 وهذا آخر يوم
صج شصار على طلال التويجري اذكر كنتي حاطه موضوع عنه؟؟

 

[صب القفشه]

اييييي زين اتبلشين 1/5

و الله الدكتور حده زين و يبينا نتعلم و يبي مصلحتنااا و بحثه يبيله شوي مجاابل بس ككل حده زييييين d;

 

[~عيون الحب~]

خوش والله الحمدلله دامج مرتاحه
صب القفشه انتي تخصصتي اعلام ؟؟
انا انشالله ناويه اعلام ومابي غيره
وخايفه وايد من شروط التخصص خصوصا من 141 ونحو1 وايد قاعده احاتي
عند منو تنصحيني اخذ هالمادتين بالمستقبل >_<

 

[صب القفشه]

اي و الله احمد ربي اني تخصصت هالتخصص : )

مممم شروط التخصص حدها سهله بس يبيلهااا تحطين هدف ابالج و اهوا انج تخصصين اعلااام و ما اتفكرين تخصصين غيره

و بصراحه 141 بالنسبه لي قثيييييث حدا لي درجه اني ماخذيت 142 و ما ودي اخذه بس لازم اخذه لان من المواد الالزاميه بالكليه ،،،

و نحو ١ اسهل من 141 بوااايد كافي ان محاضرات النحو ٣ ايام بس اما 141 كل يوم :/

اما باالنسبه لمعدل التخصص يبون ٣ نقااط ،،،

بمعنى حاولي كثر ما تقدرين اتيبين قريدز عالي بمواد الاعلام عشان اتعوضين اذا ما يبتي زين بال ١٤١ لا سمح الله ،،

انا الحمدلله بمدخل اعلام قريديي حلو و هم ب تاريخ اعلام و بالنحو مع اني عدت النحو مرتين اول مره استهترت علا ساس ان درجتي بالميدتيرم كانت حلوه هههه و عدت المقرر و اتمرمطت بس الحمدلله اخر شي طلعت بقريد وايد حلو اما 141 قريدي فيه حده مو حلو و ما عدته لان قريدز المواد الباجيه ٣ نقاط ،، و بس عقبها اتخصصت و الحمدلله التخصص حده حلو ...

اما بالنسبه لسؤالج عند منو تاخذينها ال 141 كانت الدكتوره حدها مو شي كرهت الانجليزي منها ،، و النحو عدته مرتين اول مره عند د.حوراء سفر و كانت وايد زينه و ثاني مره عدته هم عند حوراء سفر لكن اسحبت الكورس ف بدالها قامت تعطينا المقرر د.وضحه الميعان ..

و انتي شدي حيلج ترى النحو حده سهل بس يبيله تركيز بشرح الاستاذ و اتنوتين الملاحظات الي يقولها الدكتور و اذا عندج اي سؤال او شي مو فاهمته سالي الدكتور بالاوفيس اور هالشي وايد راح يفيدج و هم بعد حاولي تتمرنين علي امثله و دوري مواقع بالنت اعراب او اشتري كتب اعراب تلقين بجرير كتب اعراب ،، و لا تسمعين كلام البنات الي اتقولج هالدكتور مو زين او الماده صعبه لان كل وحده راح اتقولج تجربتها بالمقرر ،،،


و موففقه ،،

 

[~عيون الحب~]

بعد عمري ماقصرررتي طمنتيني :*
كفيتي ووفيتي لا خلا ولا عدم
نحو احتمال اخذها صيفي اذا ينزلونها صيفي عشان يحذفون منها شوي وانشالله اشد حيلي فيها
بس سؤال أخير مهارات اتصال تبطل لي نحو1 ولالا؟ مره قريت جذي
وموفقه انشالله بتخصصج والله يسهل لج باجي الكورسااات :eh_s(7):

 

[صب القفشه]

حياج الله ،،

و الله سوي الي يريحج يعني تبين تاخذينها صيفي و الا كورس عادي

و الله ما ادري انا خذيت مهارات و حدي بدعت فييها هه قريدي يفشل فيها ! بس بنحو ١ شديت حيلي و طلعت بقريد حلو الحمدلله ،، بس تاكدي اذا مهارات تفتح نحو ١ و الا لا

اجمعييييين يارب و مشكوره

 

[~عيون الحب~]

الله يحييج
انشالله الله يسههل
العفوو