اهل زوجي مايحبون يجون عندي

[.حساسه.]

السلام عليكم ورحمة الله

كيفكم حبوبات

انا مستغربه من اهل زوجي مايحبون يجون بيتي مع ان سلفتي الكبيره كانت ساكنه وياهم بنفس
العماره واسبوعيا زيارات لها وجمعات اما انا نااااااااااااادرا مايجون لي واقولهم ليش ماتجون:bbbiu:يقولون انتي اخف تعالي وانا متلزمه مرتين اسبوعيا اروح لهم بس انقهر ليش مايحبوني :eh_s(2):ويجون عندي زي زوجة ولدهم الكبير وزوجي ملاحظ هالشي ع الاقل علشان ولدهم مع اني طيبه حييييل وياهم اي شي يبونه مني حاضر طيبه بحدود وخالتي اعاملها مثل امي لما يجوني نادرا يجلسون يتكلمون عن زوجة اخوهم الاكبر ووناستهم وياها وذكرياتهم معاها وانا عمرهم ماشكروني بشي اصلا باين التفرقه بالمعامله
قولتكم ليش يعاملوني كذا انا ودي انهم يجوني وتصير بيني وبينهم موده مو عشاني عشان زوجي يرتاح

ردو علي تكفووووووووووووووون:eh_s(17):

 

[فيونكه..~!]

وآلله ة أششوف أنه ششي عآدي ومآله دآأعي تتضآيقن منه !

آللي يجي حيآه آلله ة ، وآللي مآيبي بككيفه / يممكن تكون عندهم ضرووف .،

وبعدين يمكن يكون خيره ! تخيلي لو كل يوم أو كل اسبوع عندك .؟

أككيد بتملين منهم وهم بعد بيملون !ولآسسمح آلله تصير مشآكل وهوآشش بينكم

خلـي علآقتك فيهم سسطححيه! ولآتقولين لهم ليش مآأتجونـي ! خليهم على رآححتهم

 

[.حساسه.]

انا ما اعطيهم جوهم ما ادخلهم غرفتي ما اوريهم اغراضي اللي اشتريها من السوق يعني عندي شوي خصوصيه هي عكسي

 

[الاهله]

احسن لج لايجون

انا نفس الشي جو مره بس من تزوجت الحين 3 سنين واحاول اعزمهم مافي فايده لدرجه صار لي حادث وصرت مقعده 8 شهور

ويوم جيت شقتي ماجو ولا همهم اصلا

 

[الأوركيدة]

انتي سوي لج مناسبة للتجمع عندج مثلا عيد ميلادج عيد ميلاد بنتج اي شي كذا يعني وشوي شوي راح تكثر زياراتهم

 

[.حساسه.]

اها يعني قولتكم عادي كذا بس انا عشان زوجي ودي ينبسط لما يجون اهله ودايما اعزمهم يعتذرون هما اجتماعيين بس مايحبون يدشون بيتي مع اني انيقه وبيتي يلق وطبخي حلو ومميزه عن ناس اعرفهم بس سبحان الله يلا انا حساسه شوي ما ودي افكر بس اهلكني التفكير ما ابي احد يكرهني

 

[.حساسه.]

اسوي مناسبات واعزمهم ولايجون

 

[جلكسيه اس 3]

والله اريحلج و نصيحه لاتعزمينهم الا حق اذا عندج مناسبه
ماحد تاذا من العزام كثرنا
يا اهواش يا بلاوي و فوق هذا تكسر اليهال و بليل شوفي تعبنا على ما انضف البيت
و الحين افتكينا و مرتاحين

 

[عشقك وطن]

ي شيخه ارتاحي من هالمجاملات


وخليك ثقيله ورسميه احيانا بعض الناس لاصرتي طيبه استضعفوك



ريحي وارتاحي الا اذا انتي حابه تختلطين فيهم هذا شي ثاني

 

[بنت عطا]

تبين الصج سبحان الله في بيوت ناس لو اني احبهم مااحب ادشها مدري تجيني ضيق وهم وكذلك امي في كذا وحده من قرايبنا الخاصيين مانحب ندش بيوتهم مدري تحسين بقمته من ادشين فصرنا نروح لهم اذا في مناسبه فقط وحتا عشا ماناكل عندهم مع انه بيوتهم نظيفه وجذي يمكن اهل زوجج جذي مايرتاحون في بيتج حتا كان نظيف وشغلج مميز هي عالنفسيه وانا اقول اريح لج بدل الجمعات والبهذله الا انتي روحي لهم واستانسي وتقربي لهم ولاتصيرين حساسه اشوف الوضع طبيعي

 

[نور و نار]

يا من شرا له من حلاله علة .. انتي من صجج حساسة؟ صاحية انتي .. بدال ما تحمدين الله ع النعمة !

 

[فلنتينو]

اللي يجي حياه الله واذا ماجوو مايشوفون شر

 

[محتارة وبصيح]

لا تعبين نفس الي يجي حياه الله والي مايجي يحفظه الله

 

[PuPa^^SWeeT]

ماكو مشكلة


اهيا سلفتج كبيرة و لهم تاريخ وياها

بالتالي يرتاحون وياها اهيي


وحتى بالعزيمة يرتاحون وياها لأنه اتعرفلهم

اهم مايبون يضغطون عليج


مو سالفة تفرقة


مالحب الا للحبيب الاولي


الجنة الاولى اذا كانت حليوة حمولتها يستانسون عليها

وحسب كلامج قلبها عليهم اتوريهم اغراضها و يدشون غرفها ماعندها مشكلة


انتي يمكن لج قواعد و حدود فا بالتالي ما يرتاحون وياج


انتي قوليلي

عندج صديقتين و اتموتين فيهم

وحدة اتدخلج بيتها و غرفتها و اتسلفج هدومها و اتخليج اتحسسج اختها مو صديقتها


وصديقتج الثانية اتموت عليج و اتموتين عليها



بس لها حدود لما بتشوفج بس اببيتج ولا بمطعم ومالج دخل بحياتها الخاصة

منو تختارين كصديقة

مع العلم الاثنين حسن النية عندهم كافي مكتفي


انتي نفس الشي بالمقارنة انه سلفتج لها حميمية وياهم اكثر منج


من جذي يرتاحون وياها اكثر



مو غلط فيج ولا فيها وفيهم


حالج و حالهم صار بالنصيب هذا


مو شرط اتغيرين علشانهم اذا كان الود والرحمة و التفاهم موجود كافي



اذا ريلج يبيهم اييون اهوو يلزم وانتي وياه

يعني مرة وحدة و خل اتشوفون

 

[كويتية222]

مع الايام بيتعودون عليج وياخذون عليج اكثر

لا تخلقين مشكلة من ولاشي

الايام كفيلة بتقريبكم من بعض

وسالفة ريلج انه متضايق وعلشانه شيلها من بالج ولا تزنينن فيها ع راس ريلج وتكبرين الموضوع في راسه

وتاليتها يقوله لهم وتطلعين انتي بالشينة وانج حجاية وغيورة وراعية نقل علوم وسوالف

 

[barbya balwa]

مكبره السالفه على ولاا شي

 

[سكوتي بذوقي]

لاتضايقين

ولاتحطين مقارنه بينك وبينها راح تتعبين

انتي سويتي اللي عليكِ

وهم لهم حريتهم يجون عندك ولا لا

 

[sosowaty]

ما شوووووفها مشكله تعوذي من ابليس

 

[الأماكن]

حمدي ربج يا معودة

ع الاقل ماخذة راحتج

مو يخلون بيتج سرداد مرداد رايحين رداين عليج

ان جوا حياهم الله و اللي ما يبي حافظه الله

بعض الناس ما ودج تعطينهم وجه

 

[رفاعيه]

احس انج متحسسه من الموقف وتقارنين نفسج ومتعبه نفسج عالفاضي