عادي عندكم تتزوجون وااااحد فري

[قلت الحيله]

السلام عليكم

راح اختصر مشكلتي عشان تساعدوني بس بنات انا ابي حلول

أنا عايشه عند مرت أبوي هي مربيتني من يوم صغيره هلي متوفين بس مشكلتها من فتره مصره تزوجني

وتلمح انها تبي تتزوج وانا شاكه انها على علاقه بواحد

هي معلمتني ان مالي شغل بحياتها وانا عادي عندي اذا تزوجت هي وايد فري و ماتحجب المسكينه

و بعد صراااااااااااع طويل اعتقتني وخلتني اتحجب بس مااسافر معاها برا عشان الحجاب تقول يفشلها

المشكله حاطه براسها ولد اختها عشان تزوجني ايااه و المصيبه الاكبر هو كلمها عشاني

والسبب هي تقعد تسوي حركات غلط تخيلو قالت بنروح نتعشى عندهم وقعدت تختار

شنهو البس و هالسوالف حسيت شكلي اوفر و تحسسني ان محد بالبيت غير خالتي والبنات حتى يوم

رحنا بيتهم قالت لي بالسياره شرايج تخلين حجابج بالسياره

بس مارضيت أخت أمي هم نفسها

واللي مضايقني ان ولدهم كا ن موجود ومد يده يسلم على وأنا عمري مامديت يدي حق ريال غريب

انحرجت ماعرفت شاسوي

وفوق هذا شكلي كاان غلط اني اطلع جدامه وللحين احس بالذنب

أدري بتقولون الموضوع بيدي وأنا اكيد مستحيل اربط نفسي بأنسان سطحي الاخلاق

أمي ماقالت لهم اني رافضه قالت فكري و تعرفي عليه اكثر

اقنعتني اني اكلمه بالتلفون و كله تمدح فيه وتقولي وأنتي تكلمينه تدلعي عليه :eh_s(2):تخيلو سألني

سؤال تهقون شنو قالي انتي تصلين وشلون صلاتج قلت له انت تصلي قال الصلاه بيني وبين ربي

يقولي تابعي بالتويتر فلاان الفلاني ادخل اتابعه احصل هالفلان يطعن بديني

بطريقه مب حلوه قلبي يعورني حيل تعبانه من التفكير أنا غلط ولا أمي

 

[أم الأسلوب]

امهات اخر زمن خوش ام اللي تعرفج على ريايييل سنعه هههه شناطره ما تزوجتيه للحين ؟؟؟


ويستمر المجتمع بالهروب من مشاكل الاسريه بالزواج


الزواج هو الحل السحري لكل فتاة تعاني من مرت اب ظالمه و لا اب ظالم يضربها ولا اخوات سيئات ولا ولا ولا


كلللل مشكلها حلها للبنت الزواااااااااااج


مجتمع شرقي تعيييييييييييس وغبي المرأه فيه منقاده

 

[سفيره الكويت]

هههههه اخاف م.ل دربالج يالغلا اهو سالج تصلين واهو مايصلي فهذا من فئه اعرفها انا عموما ارفضيييييييييييه رفض تااااااااام

والله سبحانه يرزقج شخص يخاف الله

 

[Beautiful soul]

ارفضي طبعا وخلج عوبا ولسانج طويل واخذي حقج
صدقيني لو تزوجتي من دون قناعه راح تكونين اتعس انسانه بالدنيا وماحد راح يعيش حياتج غيرج

 

[مشآعل مطير]

كم عمررك ؟
آتوقع آنك مو صصغيره وتعرفين الصح من الغلط ؟
حبيبتي آقطعي علآقتك فيه نهآئيآ ,, ومرت آبوك لآتسسمعين كلآمهآ اللي فيه غضب لربي
آنتي من كلآمك وآضح آنك مآشآء الله عليك وآعيه وخلوووقه وضآبطه نفسسك
خلك كذآ لآآحد يأثرر علييك ,, وآذآ جآك خطيب آسستخيري الله فيه ووكلي آمرك له سبحآنه
آمآ هذآ الآنسسآن لآعآد تكلمينه وآذآ كلمتك مرت آبوك فيه لآتوآفقين عليه عندهـ آفكآر تخوف ويبي يجرك ورآهـ

آنتبهي ع نفسسسك

 

[غربه الروح]

ديربالج ... شنو انتي بس تمشين ورا مرت ابوج ؟؟ الناس مو جذي تتزوج ترا
وخليج ع دينك وحجابج والله يوفقج

 

[دلوعة صلوح]

ارفضى عجبها عجبها ماعجبها ماتشوف شر.

 

[عادت ذكرياتي]

الله يثبتج عالدين ...

 

[روحي متفائله]

أكيد ترفضينه حبيبتي والله يساعدج ويقويج ..

 

[مهوسة بالزين]

الله يثبتك عالدين ونصيحة لاتسمعين كلام زوجة اابوك واارفضيه وخلي لك شخصية ومو علي كيفها تلبسك اانت حرة نفسك ياقلبي

 

[:: Diva ::]

حبيبتي هذا مو فري ..


في فرق بين الفري و بين الطاعن بالدين الي ما يعرف ربه و لا يخافه
ديري بالج

 

[القصيدة]

السلام عليكم و رحمة الله و بركاته

زوجة أبوك ربتك بعد وفاة والدك و والدتك الله يرحمهم و جزاها الله خير حتى لو حياتها فيها أخطاء ​

و واضح انو علاقتكم قوية و الدليل انو تنادينها أمي و اختها تسمينها خالتك ​

إصرارها على زواجك من ولد أختها أو انو اعتقادها انو يناسبك أو انها تبغى تبعدك عن طريقها حتى تقدر تتزوج ​

ممكن توضحين لها انو زواجها حق من حقوقها و ما يحتاج تزوجك حتى تقدر تتزوج هي ​

أو إذا تأزمت المشكلة بينكم ممكن تنتقلين للعيش عند واحد من أعمامك أو خوالك مع انو أتوقع بإذن الله ما راح توصل المشكلة بينكم لهالدرجة ​

و أبداً لا توافقين على الزواج من شخص ما اقتنعتي فيه و تفكيركم مختلف ​

موفقة الغاليــــــــــــــــــة :eh_s(17):​

 

[بنوته كيكه]

لا تزوجين دامه الريايل ماصلي ولا عرف ربه شلون بكره
وبعدين وين اهل امج واهل ابوج معقوله مخليج ذيه عند مرة ابوج ؟
بص انصحج لا تعطينها ويه واذا صارة الامه تمدا عليج واخوها تمدون عليج
علمي عمانج وقفونهم عند حدهم

 

[* ملكني الخوف *]

الله يعينج ياحياتي لاتزوجين الاعن قنااااعه

 

[مـــروة]

رفضي و قولي لا بشكل مباشر أو قولي حق الولد نفسه دام مرت أبوج جذي :eh_s(4):

 

[* Snow White *]

هالعايله شكلها علمانيه بحته، وضد الدين
منها هالصبي من طرف مرت ابوج، ومرت ابوج
حرام تبي تضيعج استغفرالله بس!!
خلج واعيه انتي اكبر من جذي، لاتصيرين رخيصه حق هالاشياء
يبون يودونج بداهيه، يمكن بلوه والله بيختبرج
خلج شاطره وذكيه
غيره الف ريال ان شاءالله

الله يرزقج الزوج الصالح ويوفقج يارب

 

[* Snow White *]

صج وين خوالج وعمامج؟

 

[أعشقه]

والله باين عليك فاهمه وعارفه
يعني واحد بها المواصفات وشكله مايصلي اصلا .. تتوقعين لو ارتبطتي فيه راح يحميك ويصونك
لا والله هذا الرجال مايناسب لك من الاساس انتي غير وهو غير ..
انتظري يجي لك نصيبك الي يكون افضل واحسن من هذا ..
نصيحة مني لك اتركيه ولا تكلمينه من الاساس ولا تعطين نفسك مجال تتعرفين عليه ..
ادعي ربك انه يستر عليك ويجمع بابن الحلاال الاحسن من هذا الي يصونك ويعرف قيمتك

 

[Ms.Candy]

انا انصحج انج ترفضيه لان عاداتج مو مععاداته

 

[الوفيه للابد]

السلام عليكم ..

تبي نصيحتي يالغاليه لا توافقي عليه ولا تحتكي ف زوجة ابوج
واذا مترددة استخيري ربج وادعي ربج كثيرر ف السجده وقومي اليل
وربج راح يوصلج الطريق الصحيح باذن اللخ
وان شاء الله ربي بيرزقج بالزوج الصالح اللي يصونج ويحفظج
تمنياتي لك بالتوفيق