؟؟ هل بدأت رائحة العفن الطائفى تنتشر بافق الكويت؟؟

[LuLiTa]

كلنا كويتيين و عايشين مرتاحين مع بعض لكن بعض الدخلاء مو عاجبهم هـ الشي ...الله يحفظ ديرتنا و يديم عليها الامن و الامان ...

 

[مقمش لولو]

كلها محاولات لتفتيت الشعب الكويتي وانهاكه ودب روح الكراهيه والعداوه بين الشعب لاغراض اخرى اكبر

لكن فى الحقيقه ان محد يقدر على هالشي الشعب الكويتي صف واحدبعون الله كلنا اهل وحبايب عشنا على ترابها

وكلينا من نفس الصحن محد يقدر يشتتنا ويارب تحفظ الكويت من الفتن وترد كيدهم بنحرهم

 

[FeShinGoOo]

للاسف نعم الفتنه انتشرت بالكويت بشكل كبير وحسبي الله ونعم الوكيل عاللي زرع الفتنه بينا للاسف في دول قائمه علي التفرقه والطائفيه ومعروفه جدا هالدول واهي الي قاعده تحاول تخلق الفتنه بينا وتزعزع وحدتنا

 

[نور خانوم]

مشكورة ياقلبي على الموضوع

 

[فوز فواز]

جزاج الله خير موضوع راااااااااااااااااااااااااااااااااااااا ائع

 

[بوغاتي88]

الله يحفظ هالديرة من شر الفتن ماظهر منها ومابطن ويحفظ شيوخنا وعسى الله لايفرقنا انشاء الله

 

[ام كوثر2007]

الله يبعد عننا الفتن الدخيله علينا .. من اي بلد سواء كانت حوالينا او بعيده عنااا


ما دخل هلفتن علينا الا منهم قطيعه تقطعهم


والا احنا من يوم الله خقلنا ندري اننا كويتيين ما ندري هذا شيعي وهذا سني ..


بس هذيل اللى دا شين عرض وخصوصا بالمنتديااات عسى الله يرد كيدهم بنحرهم ويقلعهم عناااااااااااااااااا بس احنا بخير ..


مشكوره حبيتي .. وكلنا سنه وشيعه كويتيييين رغم انف اللى ما يرضي ...

 

[بخور حنين]

اللهم من أراد الكويت وشعبها بسوء فرد كيده في نحره واجعل تدبيره تدميره يارب

اللهم أعز الاسلام والمسلمين..
وعليك بأعدائك ..

آآآآمين

 

[غرأم]

حلو العنوان العفن الطائفي

بس صعبة بالكويت يتسير طائفية

لان من يقرأ تآريخ الكويت بيلاقي ان الشعب متجانس جدآ


والله يكفينا شر الفتن ياارب​

 

[دلوعة حسّون]

الله لا يبلانا
الحمدلله والشكر عايشين بنعمه
والله انا اشوف سبب الفتن هذي الي توهم متجنسين من العراق وايران
الفتن هذي والله ما كنا نسمع فيها
يوم كنت ببريطانيا كانت جارتنا شيعية اهي مرة كبيرة ما كنت ادش بيتي قبل لا اشوفها الله يرحمها ويغفر لها
والله يكفينا شر الفتن​

 

[دلوعة حسّون]

حلو العنوان العفن الطائفي​

بس صعبة بالكويت يتسير طائفية ​

لان من يقرأ تآريخ الكويت بيلاقي ان الشعب متجانس جدآ​

والله يكفينا شر الفتن ياارب​

هههههههههههههههه صاجه
غصبن عليج ان شاء الله ماراح تصير فتن طائفية
يامنافقة اعوذ بالله منج
يلا بنات شوفوا النفاق والالفاظ والاخلاق القذرة
لا تعلقون عليها تراها مسكينه مسويه نكين وتتكلم وترد على حالها
الله يحفظ الكويت من شر هالاشكال


http://www.q8yat.com/t949328-14.html​

 

[هجووورة]

كلنا عشنا واحنا جيران ونسايب عمرنا ما فكرنا شنهو ملته والاشنهو اصله
اللي قاعد يصير يعور القلب افكار دخيلة ومدمرة تحاول تفرقنا
لكن بأذن الله يرجع كيدهم اللي نحورهم

 

[moo-0-oon_14]

كلنا كويتيين سواء شيعة ولا سنه بنظل اخوان وحبايب

والله يحفظ الكويت

 

[عمرى شقا]

هههههههههههههههه صاجه
غصبن عليج ان شاء الله ماراح تصير فتن طائفية
يامنافقة اعوذ بالله منج
يلا بنات شوفوا النفاق والالفاظ والاخلاق القذرة
لا تعلقون عليها تراها مسكينه مسويه نكين وتتكلم وترد على حالها
الله يحفظ الكويت من شر هالاشكال


http://www.q8yat.com/t949328-14.html​

عيب الكلام هذا ومافيه داعي الشوشره داخل الموضوع واللي بينج وبين الاخت خليه برا الموضوع
رجاء لانج اذا مهتمه بالكويت وحريصه عليها مااتدشين موضوع فيه دعوه للتكاتف
وتحاولين تخربينه بالاسلوب المرفوض والالفاظ اللى مالها داعي

 

[دلوعة حسّون]

عيب الكلام هذا ومافيه داعي الشوشره داخل الموضوع واللي بينج وبين الاخت خليه برا الموضوع
رجاء لانج اذا مهتمه بالكويت وحريصه عليها مااتدشين موضوع فيه دعوه للتكاتف
وتحاولين تخربينه بالاسلوب المرفوض والالفاظ اللى مالها داعي

هلا حبيبتي
والله انا ما خرجت برا الموضوع تتكلمون عن الفتن وهذي تثير الفتن ولا ماشفتي كلامها
وما في بيني وبينها اي شئ اعوذ بالله من ذلك
على العموم موضوعج وانتِ حرة فيه كيفج
إذا ترضين بالنفاق عشان مايخترب موضوعج اوك
سلام​

 

[فلنتينو]

الله يحفظ ديرتنا وشعبنا ويديم علينا نعمة الامن والامان

 

[^^yasmina^^]

مشكورة جدا عالموضووووع المميزز
احنا مافي فرق بينا شيعه وسنه احباب ولله الحمد كلنا مسلمين وكلنا نرفع راية لا اله الا الله محمد رسوول الله

انا ارفيجاتي كلهم سنه وايام الجامعه كانت ارفيجتي بنفس منطقتي ارد وياها توصلني وسوالف وضحك وي الباجي حتي ايام محرم ارفيجتي كانت تقولي بليززز ادعيلي اذا رحتي الحسينيه او المسيد
وانا ادعيليها واهيه تدعيلي اشحلاتنا وي بعض يا زينا

بس للاسف في نفووس ضعيفه بالمنتديات وبالنت يشككون بولاء طائفة للكويت
يقولون ان ولائها لدولة ثانيه

احب اقول حق هالفئة الضعيفه ان بالغزوووو ما كنا نعرف شنو شيعي شنو سني شنو بدوي شنو يعني حضري
كنا كلنا كويتيين مسلمييين كلنا شاركنا بالغزو كلنا قلووبنا علي بعض كلنا وقفنا وي بعض


وحتي لو صار غزو ثاني الله لا يقول ويحفظ الكويت من كل شررر
لو لو صاار راح كلنا نووقف صف واااحد كلنا رااح ندافع عن ارضنا الغاليه الكويت وما نبي غير بو ناصر ولا نرضى نبدل بحكامنا

 

[^^yasmina^^]

عمري شقاا
تري دلوعة حسوون صاجه
دشي واقري الكلام
كل وحدة اسلووبها اقذر من الثانيه ماشاءالله امبينين من اسلوبهم

 

[حلآ الدنيآ]

مشكوره​

 

[دلوعة حسّون]

عمري شقاا
تري دلوعة حسوون صاجه
دشي واقري الكلام
كل وحدة اسلووبها اقذر من الثانيه ماشاءالله امبينين من اسلوبهم

الحمدلله
اكيد اهي تعرف اني صاجه بس اهي تخاف على موضوعها
الله المستعان​