سؤال أوجهه لجميع الكويتيات بلا استناء وارجو ارد !!!!!!

[MZAJY 93B]

~ يارب تحفظ الكويت من كل شر يارب ~

 

[شلة بنات وبس]

حبيبتي الكوووووويت رااااااااااااااااااااااااااحت وتدمررررت وانتوا تقولون احنا بخير ! :eh_s(11):

مدري تضحكون على نفسكم أو ما تدرون شقاعد يصير بالبلد ؟! :eh_s(16):

الوثائق اللي نشرتها ويكليكس تقول ( الكويت لن تبقى إلى عام 2020 والقائمين على البلد وأعيانها مشغولين بنهب ثرواتها )

المواطنين والوافدين يعذبون وبعضهم يقتل تحت التعذيب ولا أحد يحاسب مثل البناي والميموني اللي انذبحوا وراح دمهم هدر والله أعلم كم واحد غيرهم بعد :eh_s(11):

الرشاوي المليونيه اللي سرقت فلوسنا وفلوس عيالنا :eh_s(11):

أمس قاعده أطالع برنامج على صباح الوطن وفيه خبراء اقتصاديون وواحد منهم يقول بالحرف الواحد ( اللي قاعد يصير في البلد الحين كأنهم يقولون لك بالطقاق بالأجيال القادمه ) << انا مو حافظه كلامه واذا لقيت رابط راح أحطه
الخبراء يقولون سعر النفط احتمال ينخفض والكويت ما عندها مصدر غير النفط واذا انخفض راح نحتاج اشياء واجد ولن يتوفر البنزين بسهولة وووو ....الخ
كلاااااام كله خطير :eh_s(11):
ويقولون ان كل مشروع يقدمونه يحذف بالدرج ولا ينفذ شيء
ويقولون بعد كم سنة سيصبح عندنا مليون كويتي وما عندهم وظايف بسبب عدم تنفيذ مشاريع تنمية بالكويت :eh_s(11):
7 حكومات لناصر المحمد هل أنجزنا مشروع واااااااحد ؟؟ << أتمنى وحده تتحفني وتقول شنو ؟! غير ضرب النواب والقبائل والاعلام الفاسد وقتل الميموني ووو..الخ


التهديدات الأمنيه المخترقه بالكويت من الحرس الثوري الايراني ودفاع محامي رئيس الوزراء عن الشبكة التجسسية الايرانيه :eh_s(11):
التهديدات العراقيه المستمرة واعتذار رئيس الوزراء لهم !

الأمن أصبح مفقود :eh_s(11):
مستشفياتنا من أردى إلى أردى :eh_s(11):

كل هذا وتقولون الكويت بخير !!!!!!!!!

فتحوا عيونكم قبل فواااات الاوان :eh_s(11):


قولوا الله يحفظ الكووويت وشعبها من كل مكرووووه :yaaaaaarb:

ورع البدو انتى على راسي من فوق احب الانسان الصريح والغير منافق والغير برجوازي والغير خيالي ويقص على عمره كلامج كله صح بصح الديره مافيها امان الديره قاعده تنباق وتنهب وتضيع فوق الضياع اللى اهي فيه قبل النواب والدكاتره كان لهم هيبه الحين الدكتور الجامعي ينطق بالجوتى والمطاعات من القوات الخاصه او المباحث او حتى الشرطي الفرد النواب ينهانون في مجلسهم ويرشون عليهم ماى وحيل طق فيهم واذا حطو واحد براسهم ذبحوه ولفقو له تهمه مخدرات او جرعه زايده او تاجر خمور او عادي ارهابي او انتحر او فجأه تلاقون واحد من اهلكم ماله اي اثر فص ملح وذاب مفقود الله يحفظ لنا امن الدوله اللى كلها امان الله يرحمك يا محمد الميمونى ودمك وحقك عند الله سبحانه مايضيع حتى لو ضاع عند كل البشر وحقك يامحمود البناى مايضيع وحق كل مقتول ومظلوم لا والله مايضيع لان في رب اسمه الحق المبين ذو البطش العظيم اللى يمهل ولايهمل

 

[ديانا سبنسر]

ورع البدو عيني خير وقولي حمدلله ومسلم البراك واشكاله هم سبب تاخر الديرة والتنمية

 

[عمرى شقا]

النوايا الطيبه والنيه الصافيه وحب الوطن والتمسك بالامل..
والخوف على الديره والاعتراف بفضل الكويت واحترام ولاة الامر
والدعاء لان يحفظ الله ديرتنا من كل شر ليس نفاقا او برجوازيه
وعدم صراحه ,,,,,,,,,,
عدم الصراحه هو الهمز واللمز اللي تحاولين توصلينه بطريق غير
مباشر إن كانت لك وجهة نظر فيما أكتبه قوليها بصريح العباره
ثانيا الكويت أمنا وطننا ال\ي لاغني لنا عنه مهما جري من أحداث
وازمات تببببقي الكويت أفضل بكثير مما حولنا من دول ومايحصل الأن
ظرف طارئ سوف يعالجه أبناء الكويت الشرفاء وحكامها وشيوخها
وستبقي الكويت قنديل يضئ فى قلوبنا لن يطمس نوره احد ,,,,,,,,,
وغير \لك نحن حدود قدرتنا هو الدعاء ورفع ايدينا ليحفظ الله دولتنا
والامل بأن تعود لنا كما كانت وحفظ جميلها وليس الأكل من لحمها
فمايجري له رجال يقفون أمامه وبعون الله يهونون الأمور ويحلون
الأزمه

 

[عمرى شقا]

أتعرفون عزيزاتي الخير اللي ننعم فيه بالكويت أننا نستطيع أن نقول رأينا بكل
صراحه ودون خوف ننتقد حكومتنا وولاة أمرنا وشيوخنا وبكل جرأه وشجاعه
دونما خوف ورهبه .... تلك نعمة من أفضل النعم التى قلما يتمتع بها أحد من
الدول الأخري الدول قامت بها ثورات ليس بحثا عن مال أو لقمة عيش بل
من أجل حرية الكلمه وحق التعبير جميع الدول مرت بأزمات ومشاكل
وبعضها حروب أهليه وطائفيه واستطاعت تجاوزها ونحن لسنا لوحدنا فى المضمار
وليس معني ذلك أن نرفع القلم ونستسلم ونسب ونردح ونقول الكويت راحت
فهذا ليس حبا وولاء بل انهزاميه واستسلام

 

[وردة-الكويت]

الحمدالله احنا راضين بلكويت ولكن في امر حصلت ف الكويت تخلي الواحد لازم يتكلم

اكبر دليل مستشفياتنا في حقوق لنا ماحصلناها اشياء كثيره صارت الكويت نوعا ا فيها فتن وعنصريه

صار عندنا راشي ومرتشي

مباحث الكويت ظلمو ناس كثيره وقتلو مثل البناي ومحمد الميموني وتكتم على الحقيقه ولكن الحمدالله انهم انكشفو

اي ونسيت المراهق السعودي الي اعتدو عليه وهتكو عرضه وين حقه ضايع محاكمه قل الميموني كله تتاجل

وشياء كثيره من المرتشين القبيضه حطو لنا المدعو جويهل ليضرب اهل القبائل ولازال مخليته الحكومه ينشر الفتن والعنصريه

اطفال ف المدارس حصلت لهم اغتصابات من معلم ومن اخصائي وناظر مدرسه الي طق طفل عشان اسمه عمر


ناظره مدرسه جابت لها معمم يلقي محاضره على طالباات مراهقات ويحثهم على زواج المتعه باي حق هذا يدش مدرسه بنات

ويتكلم عن مذهبه بدون علم المنطقه التعليميه لازم نتكلم ونتحلطم ونحتتج على هلتصرفات الغريبه


مراهقين يدخلون بيوت الله مساجد ويكتبون ويشتمون ام المؤمنين عائشه ؤضي الله عنها ةعن ابو بكر صديق وعمر رضي الله عنهم وارضاهم


الحكومه تهاونت بامور كثيره ف لازم نعدل العوج ف الحكومه واشياء كثيره ضرت البلد لو بكتب ماراح اخلص مني لي باجر


وفوق هذا نحب الكويت ونفديها بارواحنا بس لازم نتكلم وساكت عن الحق شيطان اخرس

 

[وردة-الكويت]

حبيبتي الكوووووويت رااااااااااااااااااااااااااحت وتدمررررت وانتوا تقولون احنا بخير ! :eh_s(11):

مدري تضحكون على نفسكم أو ما تدرون شقاعد يصير بالبلد ؟! :eh_s(16):

الوثائق اللي نشرتها ويكليكس تقول ( الكويت لن تبقى إلى عام 2020 والقائمين على البلد وأعيانها مشغولين بنهب ثرواتها )

المواطنين والوافدين يعذبون وبعضهم يقتل تحت التعذيب ولا أحد يحاسب مثل البناي والميموني اللي انذبحوا وراح دمهم هدر والله أعلم كم واحد غيرهم بعد :eh_s(11):

الرشاوي المليونيه اللي سرقت فلوسنا وفلوس عيالنا :eh_s(11):

أمس قاعده أطالع برنامج على صباح الوطن وفيه خبراء اقتصاديون وواحد منهم يقول بالحرف الواحد ( اللي قاعد يصير في البلد الحين كأنهم يقولون لك بالطقاق بالأجيال القادمه ) << انا مو حافظه كلامه واذا لقيت رابط راح أحطه
الخبراء يقولون سعر النفط احتمال ينخفض والكويت ما عندها مصدر غير النفط واذا انخفض راح نحتاج اشياء واجد ولن يتوفر البنزين بسهولة وووو ....الخ
كلاااااام كله خطير :eh_s(11):
ويقولون ان كل مشروع يقدمونه يحذف بالدرج ولا ينفذ شيء
ويقولون بعد كم سنة سيصبح عندنا مليون كويتي وما عندهم وظايف بسبب عدم تنفيذ مشاريع تنمية بالكويت :eh_s(11):
7 حكومات لناصر المحمد هل أنجزنا مشروع واااااااحد ؟؟ << أتمنى وحده تتحفني وتقول شنو ؟! غير ضرب النواب والقبائل والاعلام الفاسد وقتل الميموني ووو..الخ


التهديدات الأمنيه المخترقه بالكويت من الحرس الثوري الايراني ودفاع محامي رئيس الوزراء عن الشبكة التجسسية الايرانيه :eh_s(11):
التهديدات العراقيه المستمرة واعتذار رئيس الوزراء لهم !

الأمن أصبح مفقود :eh_s(11):
مستشفياتنا من أردى إلى أردى :eh_s(11):

كل هذا وتقولون الكويت بخير !!!!!!!!!

فتحوا عيونكم قبل فواااات الاوان :eh_s(11):


قولوا الله يحفظ الكووويت وشعبها من كل مكرووووه :yaaaaaarb:

صح لسانج يااختي ورع البدو والله انج قلتي الحق برافووو عليج

قلتي مثل الي انا قلتي احترم كل ردودج ومواضيعج وحوارج الراقي :rerrerek::rerrerek:

 

[Madrideya ~]

إي والله صآجه الوآحد لآ شآف مصيبة غيرة تهون عليه مصيبة
والله والله والله والله احنأ عايشين بنعمة مو حاسين فيهآ !

شوفوآ بآقي الدول و باقي الشعوب !! شلون عايشين بفقر وعماة عين الله يفك عوقهم
الله يحفظ لنا الكويت ويدوم عزهاآ و يدوم ذخرهاا صباح الله يطول بعمره

يا بعد قلبي يالكويت كل يوم يزيد فخري فيج اكثر من اللي قبلة


حريه
ديمقراطيه
امن وامان
نفط


شتبووون اكثثثثثثثثثثر !!!!!

مشكورة ياقلبي عالموضوع والله يكثر من امثااااااالج يارب ♥ ♥
سبحان الله المواضيع اللي فيها هواش و خناق و سب وشتم الردود يا كثرهآ !
والمواضيع اللي تكون فيها فايده و منفعه ما فيها الا 5 او 6 ردود !


صج ياا حب الحريم للهواش هههههه

 

[فيلجاويه كيوت]

الله يحفظ ديرتنا من كل مكروه

 

[*المــــلكة*]

الحمدلله يااارب على كل النعم اللي احنا فيها بس بصراااحة احنا موووو حاسين بالنعمة هذي بس نتحلطم وموعاجبنا شي والحكومة احتاااارت معانا شتسوي عشان ترضينا​

 

[عادت ذكرياتي]

الحمدلله نحمد ربنا عالنعم في ديرتنا .... اللهم لك الحمد ...

ربي احفظ الكويت وشعبها من كل مكروه

 

[bentalhasa]

الله يحفظ بلادكم ويديم عليكم الامن والامان

بلادي وان جارت علي عزيزة

 

[amera bklmtee]

الف مليون الحمد الله يااااااااااااااااا رب
علي كوني كويتية .. وديرتي الكويت .. اللي ما قصرت
مع شعبهاااااا ..من الازل ..:yaaaaaarb: ربي يحمي ديرتناااا من كل شر والحاسدين والحاقدين واللي يكرهون الكويت..:fun:
ويخلي ابوناااااااااااا بابا صباح طول الله عمره ويخلية ذخر وسند لناااااا
برووووووووووح والدم نفديك ياااااااااااااااا الكويت:q8:

 

[حناينq8]

راضيه كل الرضا
كويتيه وما اشوف غير الكويت لي ديره

 

[قفشـه]

الديره تغيرت ماعادت الكويت القديمه

صرنا بالصف الاخير

الكل تطور واحنا نرجع لورا

اكل فاسد ماي فاسد..مجلس فاسد..شبقى مافسد؟؟؟

حسافه على ديرتنا بس

 

[بنوته كيكه]

الحمد الله راضين بس شنو نسوي في الي مو راضي
فيه ناس قاعده تخرب وتسبب فتنه ومشاكل وتخترع سوالف من راسه
والله لو في دوله ثانيه كان تشوفين حالنا مثل حال اي دوله
بس طمع ابن ادم شين
الحمدالله اني كويتيه وعايشه في الكويت

 

[um khaled]

الحمدلله على نعمه هالديره
ولا فوق هذا مو عاجبهم كل يوم اضرابات ويشتكون من الفقر يبون علاوات و زيادات
واهم معاشاتهم حق المظاهر والسفر والفسق

 

[هدوء العالم]

الحمدالله راضية وأفتخر إني كويتية

تحت ظل والدنا بوناصر الله يحفظه ويعطيه الصحة والعافية

وإن شاءالله يخلص دور مجلس الأمة وتتغير الوجوه بوجوه سمحه و متعلمه وتخاف ربها مثل نبيل العوضي

مو إلي يلهفون أموال الكويت وأبناء الكويت وإن شاءالله كل من حط ربع دينار لهفه من فلوس الكويت نار بطنه وبطن أهله

ومعروف جزاء السارق عند ربنا جلا وعلا

قولو أمين

الله يفك الكويت من من ولاءه الخارجي أكثر من ولاءه لبلده الكويت أمين

والله يفك الكويت من يمول خلايا إرهابية لتدمير الكويت أمين

والله يفك الكويت من يحرض أبناءها على الإعتصامات أمين

الله يفك الكويت ومجلس الإمة من هالوجوه الــ 50 مع وزراءهم إلي كلهم زادو الطين بله أمين ( سني ، شيعي ، بدوي ، حضري ) أمين

والله يفك الكويت من يفكر بنفسه وبأهله ومعارفه أكثر من مصلحة الكويت وأبناء الكويت أمين

والله يفك الكويت من يوقف صوب التنمية لأنه ماله نصيب من الصفقات أمين

والله يفك الكويت من بعض الموظفين إلي بس يطقون بصمة وياخذون الرواتب بدون العمل وتوقيف مصالح وأعمال المواطن من أجل النوم أو الإعتصامات أمين

مشكوووورة غلاتي على الموضوع الحلو
إلي مالنا غناة عن حبيبتنا الكويت

 

[SHoSHoWa.PiNKYa]

آااااااااميين 
الله يحفظ ديرتنا الغاليه و يخلينا لها و يخليها لنا 
الحمدلله على نعمة " الكويــــت "
صح في اختلافات و في سلبيات بسس 10000000 بالـ100 الكويت مافي مثلهآ 
و انشالله توقف الطائفيه بالديره و كل واحد يحترم نفسه !!!!! *احنا كويتيين وبس* <~ اكره شي عندي الطائفيه 
يسلمووووو ع الموضوع 

 

[شوقـي غ ـــريـب]

اللهم صلي على محمد واله واصحابه وزوجاته الطيبين الطاهرين ...

لووووووووووول !!!!

من صجكم انتوا وين الأمان اللي تتحجون فيه !!!!

إلا فقدنا الأمان الواحد قبل ينام يحاتي نخاف نصير نفس البحرين (( الله يحفظ ديرتنا ))

اذا طالع لنا واحد من الرميثيه يهدد اهل ديرته (( بالسيف اللي خاشه ببيته ))

والاختلاسات المليونيه والرشاوي ولا تنميه ولا اصلاحات لا تقولون مسلم البراك اللي خلتا الحكومه

مسمار جحا او الشماعه اللي تعلق عليه رداتها لا يكون مسلم البراك اهوا اللي ما راح يخلي الكويت تبقى لي سنه 2020 !

هالحكومه يهمشون فئه لصالح فئه اخرى ويضربون المتعلم والمتثقف فيهم عشان يكسرون شوكتهم لصالح الفئه الاخرى !!!!!

والله يعيننا على هالحكومه مادري وين بتوصلنا عمر هالاشياء ما صارت بالكويت من قبل لا عمرنا سمعنا بالرشاوي الحكوميه ولا

ولا اختلاسات ولا تهديد من اهل الرميثيه ولا طائفيه ولا غيره بالعكس كنا عايشين بأمن وأمان وراحة بال اما الحين لا والله البلد في خطر

الله يحفظ الكويت ويصلح ولاة أمرها ويعرفون عدوهم قبل لا يجوفون شي ما يرضيهم