اتقوا الله يالمعلمات

[درة أهل الطولات]

يعني وقفت علينا حنا المدرسات بس اللي ما نخاف الله عشان ساعتين اعتصام

وغيرنا يلعب بالمال العام يوزع رشاوي بالملايين ما قلتوا حرام

حنا اعتصامنا مو عشان الكادر بس .. اعتصامنا عشان موقف وزيرنا واستفزازه لنا .. اول من وقف ضد ناصر المحمد هو المليفي ايام ماكان نائب والحين صار من اتباعه بس عور راسنا بالتصريحات ماوراه الا الحجي واول ما مسك الوزارة يقول انا مع المعلم ويستحق الكادر الحين تغير الكلام

كافي الذل اللي ذلونا صارلنا سنة كل ما حددوا جلسة للتصويت وزيرنا يطلب تأجيل هو اللي عقد الأمور

وبعدين منو اللي خذا كادره بدون اضراب كل القطاعات اضربت والناس معاهم بس المعلم حرام عليه ينذل ويكرف مثل الجـ ... ولا له حق يفج حلجه

صاااااااااااااااااااااااااااااااجة

 

[miele]

الاضراب والاعتصام من حق اي موظف ... واحنا نعلم الطالبات بعد ان تدافع عن حقووقها .. وهذا احنا ندافع عن حقوقنا ... وبعدين موبس احنا اللي معتصمين حتا الاوقاف والنفط
شمعنا المعلمين كبرتوا الموضوع وجنهم مسوين جريمة
ومحد يعوف الزيادات اذا كان مخلص بعمله .. وحتا انتي ايا كانت وظيفتج .. لاقصروا بحقكم من حقكم تعتصمون ولا احد بيقول لكم اتقوووو الله ...
شصار عاد

 

[فراولة وردية]

كلامج ماخوذ خيره وينج عن النفط الي اعتصمموا واهو اهم دخل للدوله واحتياطي الاجيال
وينج عن الجمارك والخطوط الجويه الي عطلوا مصالح الناس الي رايح علاج والي دراسه
هذيلا عندهم وطنيه وكفو عليهم
بس المعلم اذا طالب بحقه صااار خاين وماعنده ولاء
اقول لاانتي ولاعشره منج يشككون بحبنا لديرتنا ولائنا
حسبالج الكلمه سهله هذا لانج ماتعرفين قيمتها

 

[masoo 511]

معاج حق في كل كلمة بس اتمنى من ابو الجميع الشيخ صباح الغالي انه يصدرقرار بوقف جميع الزيادات اللي اقرت في الآونة الاخيرة وتكليف وزارة المالية بدراسة الرواتب المتدنية مع وضع نسبة متكافئة لزيادتها على الراتب الاساسي مع مراعاة طبيعة المهن وعدم حدوث فوارق كبيرة في المجتمع وبهذي الحالة نقطع الطريق على بعض النواب اللي يتاجرون بمشاكلنا

 

[هجووورة]

سبحان الله بس احنا الى طلعنا مجرمات ومانخاف الله ليش ما قلتو هالكلام للنفط وليش ما قلتوه للتعليم العالى وليش ما قلتوه للخطوط الجويه كلهم اضربو وعطوهم الى يبونه الا احنا قومتو الدنيا علينا

لو تحسون بالكرف الى علينا ماقلتو هالكلام كافى مقابل الطلبه وياويلج لو غلطتى غلطه بسيطه بدون لا تدرين اهو لفت نظر واهو تعهد اهو زف من رئيسه القسم اهو زف من الوكيله والناظره اهو زف من ولى الامر

كافى اننا نربى اجيال ونطلع المهندس والدكتور والمحامى وبخلانين علينا بجم فلس وياليت من مخباتهم هذا من خير ديرتنا واحنا اولى فيه من الغريب

بس ما اقول الا الحمد لله الى رزقنا على الله مو عليكم ولا جان متنا من زمان

النفط يستاهلون شفتات ترضين تشتغلين شفتات بدون غياب والنفط هم اللي يطلعون البترول اللي تاخذين منه راتبج تعيشين دون راتب
والخطوط الجويه اللي تسافرين معهم من ذاك الراتب ويتعرضون لمخاطر وحوادث تقارنين نفسج فيهم
والله مدرسات اخر زمن يبون حصة وحده وفراشه تكتب عنهم وتشيل اغراضهم واداريه تحط الدرجات لها وتدخلها وتراجعها وياريت تصلح بدالها واذا ممكن تحضر الطابور عنها ويبون اعمال شااااااقه:rgewrg:

 

[أميرة 22]

ما طلعتوا حرام وحلال الا على المعلم المسكين صج حرام
على اللي قال هالكلام لأ وبعد ناس قامت تنشر
حرام الاضرابات ................. !

واللي يسد نفسية المعلم في المدرسة هي الادارة من ناظرة والوكيلة
ياليت بعد يسكتون هالاشكال من ناظرة والوكيلة ... ويحطون قوانين
وخطوط حمرا على اللي لوعوا جبود المعلمات والله وصارت احزاب ومشاكل ما تخلص ..
واتمنى يضبطون العملية التعليمية مو بس زيادة كادر لأ
نبي تشيلون هـ ورش ودروس خربوطية
اللي بس فيها قطية فلوس وخرابيط قدام الموجهين
والطالب المسكين ما يستفيد واشياء شكثر مالها اي معنى .. !

 

[moone GRL]

كل اللي معترضات مو مدرسات اولهم هجوره .. ليش مشتطه ومتعبه عمرج يا قلبي كل هذا من الحره

ا
والله مدرسات اخر زمن يبون حصة وحده وفراشه تكتب عنهم وتشيل اغراضهم واداريه تحط الدرجات لها وتدخلها وتراجعها وياريت تصلح بدالها واذا ممكن تحضر الطابور عنها ويبون اعمال شااااااقه:rgewrg:

ايه من حقنا .. خل الاداريات يحللوون معاشاتهم 10 بكل مدرسة وكله غياب ما يداوم حتى نصهم يتناوبون على الغياب ولا انتاج ولا شي احنا نسوي شغلهم .. والفراشات يشيلون اغراضنا لانه هذي شغلتهم

انا شغلتي اقدم حصتي وامشي وموتوا قهر خذوا شهايدنا واشتغلوا نفس شغلنا بعدين تكلموا .. صج لولا الحسد ما مات احد

يعني بس المدرس ماعنده ضمير وما يشتغل ما جنه اغلب وزارات الدولة مايحضرون يوقعون لبعض وحنا الاستئذان بالحسرة علينا

 

[LA TROO7]

النفط يستاهلون شفتات ترضين تشتغلين شفتات بدون غياب والنفط هم اللي يطلعون البترول اللي تاخذين منه راتبج تعيشين دون راتب
والخطوط الجويه اللي تسافرين معهم من ذاك الراتب ويتعرضون لمخاطر وحوادث تقارنين نفسج فيهم
والله مدرسات اخر زمن يبون حصة وحده وفراشه تكتب عنهم وتشيل اغراضهم واداريه تحط الدرجات لها وتدخلها وتراجعها وياريت تصلح بدالها واذا ممكن تحضر الطابور عنها ويبون اعمال شااااااقه:rgewrg:

بالذمه على هالكلام بعرف شنو شهادتج !!

موظف النفط والخطوط اهم من االمعلم بالذمه يعني !

بسالج ماما شنو اساس نهضه اي وطن ؟ والا بلاش بلاش احس كبيرة عليج هالكلمه :krkrkr:


الكادر وضامنينه والف عاافيه علينا روحي كملي تعليمج يمكن بيوم من الايام تقدرين تفلحين وتصيرين معلمه ادري حلم مستحيل بس ماتدرين :eh_s(8):

 

[∫ ∫ ∫ ∫ جــوان ∫ ∫ ∫ ∫]

سبحان الله هالكادر طلع كل وحده على حقيقتها الله يعينكم على نفسكم المريضه والحقوده وان شاء يقرون الكادر وموتو حره وعلينا بالف عافيه

masoo 511

الحمد لله ان رزقنا على رب العالمين مو عليج

هجووورة

قبل لا تشدين حيلج وتكتبين هالرد ما سالتى روحج منو الى طلع موظف النفط وموظف الخطوط مو اول خطوه بحياتهم بناها معلم

فكرى شوى فيها ياحلوه

 

[∫ ∫ ∫ ∫ جــوان ∫ ∫ ∫ ∫]

la troo7

انتى شلج بعوار الراس مع ناس حقوده جنا ماخذين حلال ابوهم مو من خير ديرتنا طنشيهم وان شاء الله بيرزقنا الله سبحانه

 

[ساندريلا]

النفط يستاهلون شفتات ترضين تشتغلين شفتات بدون غياب والنفط هم اللي يطلعون البترول اللي تاخذين منه راتبج تعيشين دون راتب
والخطوط الجويه اللي تسافرين معهم من ذاك الراتب ويتعرضون لمخاطر وحوادث تقارنين نفسج فيهم
والله مدرسات اخر زمن يبون حصة وحده وفراشه تكتب عنهم وتشيل اغراضهم واداريه تحط الدرجات لها وتدخلها وتراجعها وياريت تصلح بدالها واذا ممكن تحضر الطابور عنها ويبون اعمال شااااااقه:rgewrg:

انتي مسكينه :ch12:
والله يامعلمات قامت تكسر خاطري مأرقينها تدش القسم اكثر منه

 

[wjdan]

شلون تبون هيبة المعلم ترجع وانتو مبادئ موماشين عليها
اعلم الطلبة طاعة ولي الامر واتمرد واسوي اعتصام
اعلم الطلبة حب الكويت واروح اخسرها بغيابي
اعلم الطلبة انه نتحرى الحلال والحرام واروح اغيب واخّ طبية وانا مومريضة
اعلم الطلبة حب الله والتوكل عليه وانه الرزق بيده ومااشتغل بقصد اضغط على الحكومة عشان يزيدوني
اعلمهم عدم الجحود وانا جحدت خيير الكويت علي والمعاشات وهالسنة جانا خير ألف الامير وكادر موضي
اعلمهم على القناعة وانا مو مقتنعة اقل معلمة راتبها الف
اعلمهم الرضا بما قسم الله وانا موراضية
اعلمهم لايظلمون ويعدلون وانا ظلمت الطلبة بغيابي اللي جايين من الصبح الى الظهر يبون يتعلمون مو لاقين ابلة تربيهم وتدرسهم " اتق دعوة المظلوم يمكن ولي امر ولاطالبة تدعي عليج

للاسف على -اعتصام مربي الاجيال -وتبون صلاح حكومة وصلاح نواب وديرة خالية من الفساد شلون اذا بعض المربين يبيلهم صلاح واخلاق على قدر عال شلون بيطلعون اجيال واعدة تبني الكويت يربونهم ويعلمونهم


للأسف نعاني (انهيار القدوة في هالزمان)


لاتقولولي نستاهل ونتعب وغيرنا اقل من شغلنا واكثر

انا معاكم نستاهل الكادر بس بدون خيانة للامانة وظلم للطلبةوبعدين مو الكل يستاهل الزيادة يليت يكون على نظام المكافأة والمجتهدة تاخذ والغيابة اللي ماتخاف الله الله بيجازيها

نقدر نعتصم بس مو وقت الدوام نقدر نوصل راينا عن طريق النواب شحقه منتخبينهم واكثر من طريقة بس مو على حساب صورة المعلم

السلام عليكم ورحمة الله وبركاته

اختي ام الخير

كنت اتمنى القى مثل حدتة موضوعج

لمواضيع تمس الطالب والمناهج والوزارة بكبرها

مو للمعلم

خليتي اختي كل شي وحطيتي على المعلم

موجور بإذن الله ايها المعلم

بغضب النظر عن رايي بالاعتصام

ما حبيت اشوف مواضيع تظلم المعلم

انا معلمه صارلي 4 سنوات فقط

التدريس اخذ من صحتي وعافيتي ومن وقتي

وما قلت شي

لكن توصل ان الكل يتكلم عن المعلم وانه مسئول عن كل شي

وينسون ان المعلم لا يقر القرارات وهو اخر شخص يعرف عن القرارات

اهتموا بالمناهج الفاشله بنظام الدراسه بكبره

تعبنا وحنا نتكلم

بس لا حياة لمن تنادي

وكل جم يوم القى موضوع تظلم باستمرار للمعلم

ماراح اقول احنا شنو نسوي من الصبح لي اخر طالب يطلع من المدرسه

اعتقد حفظتو من كثر ما يشتكون المعلمات

لكن إذا سووا المعلم غلط ايا كان هذا الغلط

صااااارت مصيبه


واخيرا انا متاكده ان بعد جم سنه ماراح تلقون ولا معلمه كويتيه موجوده بالمدارس

وراح يكون الاغلب من الوافدين

وهذا الي يحز في خاطري وحارني والسبب الوزاره وضياع هيبة المعلم

 

[nawaraa]

سبحان الله بس احنا الى طلعنا مجرمات ومانخاف الله ليش ما قلتو هالكلام للنفط وليش ما قلتوه للتعليم العالى وليش ما قلتوه للخطوط الجويه كلهم اضربو وعطوهم الى يبونه الا احنا قومتو الدنيا علينا ​

لو تحسون بالكرف الى علينا ماقلتو هالكلام كافى مقابل الطلبه وياويلج لو غلطتى غلطه بسيطه بدون لا تدرين اهو لفت نظر واهو تعهد اهو زف من رئيسه القسم اهو زف من الوكيله والناظره اهو زف من ولى الامر ​

كافى اننا نربى اجيال ونطلع المهندس والدكتور والمحامى وبخلانين علينا بجم فلس وياليت من مخباتهم هذا من خير ديرتنا واحنا اولى فيه من الغريب ​

بس ما اقول الا الحمد لله الى رزقنا على الله مو عليكم ولا جان متنا من زمان

(( اقتباس ))

صح لسانج الناس محد ذكر الإضرابات إللي فاتت بس إحنا سبحان الله بس العين علينا​

 

[toto84]

الحمدالله و الشكر ..... الي مو معلم او معلمه لا يقط يقط حجي مو قده

 

[Winter Q8]

بسالج ماما شنو اساس نهضه اي وطن ؟ والا بلاش بلاش احس كبيرة عليج هالكلمه :krkrkr:

اساس النهضة أمينـــة المكتبة .. مو الاخت هجورة أمينة مكتبة حاقدة على المعلمات لان في مرة مسكوها حصة احتياط و رفضتها و حولوها التحقيق ..
...

أمناء المكتبة للمعلمين: واحنا بعد وياكم


تتسع دائرة الاعتصامات التي تواجهها وزارة التربية للمطالبة بحقوق مالية وادارية حيث اعلن امناء المكتبات عن انضمامهم لاعتصام المعلمين اليوم دعماً لمطالبهم من ناحية ومطالبة منهم بحقوق مالية لهم اضافة الى مطلب احتسابهم ضمن المعلمين لتدريسهم مادة ادارة المكتبات!!
وصرح رئيس جمعية المكتبات والمعلومات الكويتية عبيد البرازي بأن امناء المكتبات المدرسية والعامة سوف يشاركون في اعتصام المعلمين والطلبة وذلك تأييدا لمطالب المعلم وتعديل تقويم الطلبة في نفس الوقت.
وذكر البرازي بأن سيتحدث مؤيدا لمطالب المعلمين بالدرجة الاولى لنيل حقوقهم واقرار الكادر المستحق لهم مبينا بأنه سوف يطالب باقرار حقوق خريجي كلية التربية الاساسية تخصص المكتبات والتقنيات كي ينالوا شرف حمل مهنة معلم لمادة اعداد التقارير وقبولهم ايضا معلمين لمادة الحاسوب حيث انهم اولى من غيرهم من خريجي الهندسة وخريجي العلوم الادارية تخصص محاسبة والذين هم بعيدون جداً عن الحقل التربوي وكونهم لا يحملون مؤهلا تربويا.
وبين البرازي بأن وزارة التربية طلبت معلمين للحاسوب من خريجي الهندسة والمحاسبة وتخصصات اخرى وكتبت في الاعلان (عدا تكنولوجيا التعليم).
وقال ان هذا يدل على تعمد بابعاد هذه الفئة مع انهم كويتيون مشيرا بأن هناك مطالبات اخرى للمكتبات وهي عبارة عن مسميات وظيفية لمن يرغب بالبقاء في العمل داخل المكتبة المدرسية او العامة على ان يكون هناك مكافأة مستوى وظيفي لكل مسمى وظيفي مع احتفاظهم بباقي البدلات.
واشار البرازي بأن هناك نقصا شديدا في موجهي المكتبات مطالبا بفتح المجال للتقدم والترشح لوظيفة موجه فني مكتبات والغاء مسمى موجه نشاط مكتبات لانها بالاساس كانت موجهاً فنياً.
وعليه طالب وزارة التربية بإقرار مسمى رئيس قسم مكتبة عامة لمن يتولى مسؤولية المكتبة.

http://alwatan.kuwait.tt/articledetails.aspx?Id=147564 ..

و كا أمناء المكتبة قاعدين يطالبون بحقوقهم يبون يصيرون مدرسين علشان ياخذون الكادر و ليــكون بعد خانو الثقة و ما يحبو الكويت و لازم يتقون الله .. حراام على الانسان لما يطالب بحقوقه ..

 

[رويال كلاس]

الموضوع متداخل ... اكو فرق
​

 

[miele]

ماادري.. استغفرالله .. بناخذ كادرنا من جيبهم وانامادري
اقوول اللي مو معلمة ولابيوم جربت تدرس .. لاتتفلسف زيين
مساكين يكسرون الخاطر فيهم نقص*

 

[Your Dream]

انتي اتقي الله في كلامج !

ماتدرين المدرسه شنو تسوي وشكثر تتعب

والله والله طول اليوم تشتغل من حصص وتحضير ومناوبات واحتياطات واشراف

وتخاف على الطلبه اكثر من اهلهم شوفي المناوبه اذا صارت هوشه بين طلبه شنو يصير لها المسكينه

ومابي اتكلم عن اللي يدرسون بنين لاني لو بتكلم بقعد يوووم كامل اكتب عن طعن الطالب والهوشه كل ثانيه

صج يابنات شي لايعقل

وغير هذا ترد البيت وتسوي وسااااائل

اولياء الامور لو طلب منهم ولده وسيله شوفي شلون ينغث ويصارخ علشان وسيله

هذا غير الموجهات يبوون فنتق ووسائل جديده ، من وين مادري

و و و و و و اكثر من جذي والله ومع هذا المعلمه تدخل الحصه وتبتسم وتشرح بكل امانه !

اي وظيفه بالكويت تسوي جذي وتتعب كل هالتعب غير المعلم ؟

وغيره وغيره من قرارات ولازم نقعد ربع ساعه نوكل الطلبه

وياويلج لو ما طلع طالب ! شنو اكثر من جذي امانه ؟

واي شخص مايقدر يتحمل ازعاج طفل ، فما بالكم بأزعاج اطفااال طول اليوم

ولاتنسون ( كاد المعلم ان يكون رسولا )

 

[ياا راسي التعب]

ابدا مو من حقهم الاضراب

معاش المعلمة 1000 الا شوي

هذا بنظركم مو واجد طلعوا لنا دولة تعطي المدرسات نفس هالمعاشات

بعدين انتوا بغيابكم هاليوم ما تدرون جم خسرتوا الدولة واضح ان حيل هامكم مصلحة الدولة

كل وحدة همها اهيا شنو تبي محد يفكر بغيره ولا احد يفكر بالطالبة اللي مداومة من الصبح لي الظهر و بالاخير المدرسات غايبات

وبعدين انتوا احسن من غيركم بكثيييير اللي يقول ليش ما تكلمتوا عن المطار و و و

هذيل ما عندهم اجازات نفسكم انتوا عطلة نص السنة وعطلة الصيف و و و

مو نفسهم اهم يكرفون طووووول السنة من حقهم اللي سووه مع ان هم اهم خسروا الدولة ملاايين

لكن منووو يفهم

لاا حول ولا قوة الا بالله

 

[$بنت الأمير$]

اولااا ام الخير كنت برد عليج بس البنات مااا قصروووا
هجووووووره حبيبتي كأني عرفتج امينة مكتبتنااا اقل شي النفط لو تعرض الاصابه خارج العمل تعويض١٠٠٠دينار كويتي لو انهاا بسيطه من غير الزيادات ونظام تجميع الاجازات والشفتات عليها فلووووس مو بلااش بس الاحتياطات والمناوبات والوسائل والبرامج شعليهم ؟؟؟؟؟؟؟!!!!!!!
وانتي عااارفه شكثر مدرسات تعرضووا لضرب من قبل طلااب الابتدائي لا تعووويض ولاا خيرر ولد ضرب الابله كف على وجهاااا ؟؟؟ الواسطه ترده للمدرسه والمعلمه المسكينه لو تكلم الطالب جاااب قبيلته كلهم لهاااا
اقووووووووووووووووول استحوووووووووووووووا ياللي تتكلموون عن المعلمين بالطريقه هذي والاعتصاامات ماا فيهاا شي طريقه لابداء الراي ودولتنا الحبيبه ما تسمع الا بالطريقه هذي