بعد انتهاء معرض الكتاب 2011 .. تقبلوا مني كلامي ...

[:: Diva ::]

السلام عليكم و رحمة الله و بركاته​

مرت 10 أيام و انتهت
خلالها عشت حياة أخرى و روتين مختلف و عاشرت ناس يدد حولي
للأمانه تعودت على هالنمط الجديد الحلو و صج حزينه لان المعرض انتهى .. !​

ليته موجود 24 ساعه و أداوم فيه كل يوم
من حلاة الأجواء و الصديقات الجديدات​

تسلم على هذا و تكلم هذاك
توقع لانسانه و تشرح لآخرى نبذه
يسلمون عليك .. يشكرونك .. ينتقدون عملك بابتسامه ..​

ااااه من أحلى الأيام الي عشتها هالسنه فعلاً على الرغم من بعض الاشياء الي تغث ​

صفيه الخطيب و خواتها
زينب بهمن
سحر غلوم
انفال الصراف و اختها عبير
موضي الرباح
شيخه , بتول ..​

شكراً على وجودكم معاي و شكراً على تواصلكم الدائم
شكراً على اخلاقكم العاليه شكراً اني كسبتكم اخوات
استمتعت معاكم و ياكم كان الوقت يطير
ان شالله ما نكتفي بالعلاقات عبر وسائل الاتصال و نتشاوف
الى المعرض الياي نعيش نفس الأيام ​

و مثل ما كان في تشجيع من داخل المعرض
كان في تشجيع من جمهور كبير ما أعرفه ودي لو الكويت تقرا الموضوع
شكراً لكم .. شكراً للجميع .. ​

أما المنتدى
بيتي الثاني .. للأسف ما قدرت اتواجد في الفتره الصباحيه
فطافني لقاء الكثيرات منكن و أيضاً يوم الخميس و الجمعه ما حضرت المعرض
كان بودي لو اقدر اعيد الوقت و اقابلكم كلكم ..​

شكراً لكل عضوه يات و تعنت لي
و شكراً لكل وحده منكم خذت كتابي او دعت لي بالتوفيق من بعيد لبعيد
شكراً حبيباتي على قراءه الروايه و النقد :
جوري - جروح الناس - مس مادري - كراميلا مرة - آلاء - دانه الشطوره و غيرهن الكثير
و كل من أرسل لي رسايل خاصه
و يسألني عن موعد الاصدار الجديد ​

هناك عضوات كلمتهم بنفسي و اخذت اسمائهم
انا لهم جداً ممنونه​

حبيبة عبود في اكثر من لقاء ضاحك و جميل
برعم الخوخ بكل رقي و هدوء
الدكتوره نوف و صورنا
المشرفه : ام طلال :eh_s(7):
بطيخه بالجبن
شوشا
الجميله حلوه و بسبوسه
انجيروكا
فانتوم
ام حسن
بريتي سمايل
قطيوه
مس ميك
ماندي 1234
وحده
الكاتبه الجميله : ساره الراشد
أحاسيس مبهمه
كتن
انجنيره 2007
حسينه
بنوته طموحه
لتل كوين
كاتبه
ام عثمانو​

يارب ما أكون نسيت أحد ..
و لا يزعل مني احد تكفون :eh_s(2):​

الاسماء السابقه هي للناس الي كنت محظوظه و قابلتهم بنفسي
بس الي كانت مفاااااااااااااااااااااجئه لي ​

ان الاخت دنيا غريبه للاسف تركت لي كرت عند الدار
لما اخذته شهقت ..​

للامانه ما توقعت :eh_s(11)::eh_s(11):
كرت رقيق و بسيط .. مريح
فتحته و لا تمنيات بالتوفيق ..​

توقيع
نهى الأحمد
:eh_s(16)::eh_s(16):



​

أحبكم و ربي أحبكم
معاكم قويه و وياكم أستمر
الله لا يحرمني منكم كلكم
لكم الشكر موصول من كل قلبي :eh_s(7):​

*** شكراً أيضاً للطاعنات في الظهور و المبديات عكس ما يخفين شكراً تعلمت من اخلاقكم و اطباعكم للأسف
لكن ما لا يقتلك يجعلك أقوى لذا أشكركم​

​

 

[جوري!]

تمنياتي لك بالتوفيق ولجميع الكاتبات ان شاء الله .

 

[:: Diva ::]

شكراً جوري ..

على أمل أن أراكِ في يوم معنا ..
روائيه و كاتبه كبيره

 

[كراميلا مرة]

بالتوفيق ديفا وان شاء الله منها للاعلى

ونشوف لك اعمال اكثر
كان ودي اقرا روايتك بس للاسف مو موجود عندنا

 

[:: Diva ::]

كافي كلماتج لي
و التماسكِ لي العذر ..
و تمنياتكِ القلبيه بالتوفيق


هذي تسوى عندي الدنيا
مشكوره حبيبتي

 

[دنياغريبه للاسف]

حبيبتي ديفا..الله يعطيج العااافيه..
موفقه ان شاءالله..
والله استانست وايد لاني فرحتج..
تستاهلين كل خير..
نهوي وااايد تمدح فيج..
..صورت روايتج ..وطرشتهاا برودكاست لكل اللسته الي عندي..علشان تنتشر اكثر..

 

[الاحاسيس المبهمه]

ديفا =))
جميله الجميله
ليس فقط شكلياَ
روحياَ وقلبياَ ... جمالك فتان =)))

شكراَ تعني لي الكثير ..
وكما قلت وسأقول ...
المشكوره عليه واجب علي كوني مهتمه =))

شرف لقائك و التعرف عليك من قرب كان أكبر ، صدقيني **;

 

[ام عثمانو]

حبيبتي انا اللي تشرفت فيج بمعرفتج .. انسانه جميله كجمال اخلاقج وروحج .. جميله كجمال وابداع قلمج ..
وتشرفت بالكل الصراحه .. مشكوره ديفا واتمنى ان الله يوفقج ويسعدج وين ماتروحين :*

 

[دانه الشطوره]

العفوو حبيبتي ولوو :eh_s(17):

ما سوينا شي يا جميله الجميله

و مبرووك نجاح روايتج و الفال للإصدارات القادمه ان شاء الله يارب :eh_s(7):

تحقق نجاح اكبر و اكبر :yaaaaaarb:

و بصراحه استانست و تشرفت بمعرفتج خوش انسانه و راقيه بتعاملج مع الكل :eh_s(22):

الله يوفقج و يسعدج ان شاء الله

ودي
دانه الشطوره

 

[M!SS EV!L]

ديفاا

الله يوفقج ان شاء الله والنجاح الدائم

وان شاء الله احصل عل روايتج ^_^

 

[سنيوؤره]

غميضه ..ما شريت روايتج ...المهم ...الله يوفقج ..وتصيرين روائيه أد الدنيا ...

 

[عهود الحب]

ثاني سنة احوس بالمعرض و اتسكع من قلب
و لا اصادفج
يمكن لاني ما احب بلاتينيوم بوك و لا اقرب صوبهم
متروسة و زحمة وطبيعتي تختلف عن جو بلاتينيوم بوك
المهم
ايا كان الي تشعرين به كـ كاتبة
و ايا كان الي سمعتيه او تسمعينه
لازم تتقبلينه الشين قبل الزين
الكمال لله
و انتي توج نونو صغنونو
ياما بتشوفين و ياما راح تسمعين
اذا ليلى عثمان و هي من هي بالكتابة
لها قراء
و ناس ما تقرالها منهم انا
الناس اذواق و كل شخص له مزاجه الخاص بالقراءة
مثل القهوة بالضبط

هل عدم عشقنا للقهوة التركية مثلا يجعلها سيئة !!
لا
مسألة ذوووق و اختيار

عشان تنجحين و يكبر اسمج

وسعي افقج و طولي بالج حيييييييييل
تقبلي النصيحة و الانتقاد
السيء و البناء
بالنهاية انتي مستفيدة

لا تعتبرين الامر شخصي بحت
انا نفسي مااحب الروايات العامية
و في ناس تحبها


في قارئ مصري يقرأ " عايزة اتجوز " و قارئ اخر بجانبه
يقرأ العبرات للمنفلوطي


اثنينهم صح

و الادب يكسب


وجهة نظري الخاصة

وكلمة ودي عيالنا الشباب يسمعونها و يقرونها
لاتنشرون لمجرد النشر
لا تكتبون لمجرد الكتابة
اكتب شيء يبقى و يدوم
كتاب واحد ناجح ومتعوب اليه افضل من خمسين كتاب من طقة
التيك اوي


اهم شي بالختام
ابتسمي ابتسامة رضا و قناعة






ملاحظة ؛ انتي بالمعرض واقفة عاليسار ولابسة ملفع وعباية كتف سودا بيوم السبت الصبح
شدراني حسيت انتي

 

[Tom ♥ Jerry]

,


مآدري بشنو آرد !
الله يخس هالكليه الي مآخذه وقتي حتى مآ عطتني مجآل آمر معرض الكتاب :eh_s(2): ,،
صارلي 5 الى 6 سنين و انا مآ آطوف معرض الكتاب
كل سنه لآزم اروحله بس هالسنه بسبه الظروف ، حساافه !!!

بس آختي رآحت و شرت جم روايه ,،
رآح آستعيرهم منهآ عشان آقرآهم ,، ماشالله جميله
آلكل يمدح بـ روايتج ,،

و الآحلى من الروايه روحج الحلوة الله يعلم آني آحبج في الله :eh_s(7): !

طبعا روايتج مآ رآح آطوفها حتى لو فاتني معرض الكتاب
آصيدها بـ مكآن ثاني آن شاء الله !

بس قوليلي وين ممكن آحصلها و متى تنزل بالمكتبات ؟!



كل الكلآم يعجز آن يوصف روعتج

ششششكرآ

:***

 

[راعية الطويلة]

الله يجعل في روايتج و كل مؤلفاتج خير لج
و لكل عباده

آمين

أنا ما رحت هالسنة المعرض
بس إن شاء الله أحصل روايتج في العجيري
و الله يوفقج لما يحبه و يرضاه

 

[عادت ذكرياتي]

الله يوفق كاتبتنا جميلة والجميع

للأسف ما حصلتلي فرصة هالسنة أروح المعرض بس إن شاء الله اليايات أكثر

و كلمة بالاخير لكل كاتبة ::::

لاتيئسين مهما وجه لج من نقد .... هالشي لصالح الكاتبة نفسها ....يمكن المدح يشجع بس النقد أفضل ويكون بناء طبعا ...

موفقة كاتبتنا ؛)

 

[ليلو جبريت]

كنت حابه اشارك في المعرض لكن الله كاتب ما اشارك فيه

شكراً أيضاً للطاعنات في الظهور و المبديات عكس ما يخفين شكراً تعلمت من اخلاقكم و اطباعكم للأسف
لكن ما لا يقتلك يجعلك أقوى لذا أشكركم

اكيد المجاملات والمنافقات هم الطاعنات
لانهم مايخلون الكاتب يتطور ويخدعونه بالكلام المعسول


وماراح ازيد بعد كلام عهوود

 

[نهى الأحمد]

بس الي كانت مفاااااااااااااااااااااجئه لي


ان الاخت دنيا غريبه للاسف تركت لي كرت عند الدار
لما اخذته شهقت ..



للامانه ما توقعت :eh_s(11)::eh_s(11):
كرت رقيق و بسيط .. مريح
فتحته و لا تمنيات بالتوفيق ..



توقيع
نهى الأحمد
:eh_s(16)::eh_s(16):



ديوووووووووووف ياقلبي انتي

وربي انج اخت عزيزه وغااااليه على قلبي

عشررررة عمررررررر

ومستحيل انسى وقفتج معاي


يا ليتني كنت موجوده جان شفتيني كل يوم في المعرض

وكل الشكر لاختي الغاليه دنيا لانها لبت طلبي ووصلت لج الكرت

هذا شي بسيط من اللي قدمتيه لي

تراا هاا
لاتنسين نسختي من الرواية الاولى واليديده لما اشوفج عن قريب واخذهم منج


ديوف ياقلبي

ما عليج من للطاعنات في الظهور و المبديات عكس ما يخفين

وان تواجد فئة منهم

كوني واثقة لانج انسانه ناجحه ورح تبقين ناجحه طووول العمر :ggdw::ggdw:

أختج

نهى​

 

[:: Diva ::]

حبيبتي ديفا..الله يعطيج العااافيه..
موفقه ان شاءالله..
والله استانست وايد لاني فرحتج..
تستاهلين كل خير..
نهوي وااايد تمدح فيج..
..صورت روايتج ..وطرشتهاا برودكاست لكل اللسته الي عندي..علشان تنتشر اكثر..

اول شي يزاج الله خير انج وصلتي رساله و فرحتيني فيها
و شكراً لانج تعنيتي و تعبتي نفسج و حرصتي على ان توصل لي ..

و الف شكر للتشجيع و الدعم
:eh_s(17)::eh_s(17):


لا خلا و لا عدم حياتي

 

[:: Diva ::]

ديفا =))
جميله الجميله
ليس فقط شكلياَ
روحياَ وقلبياَ ... جمالك فتان =)))

شكراَ تعني لي الكثير ..
وكما قلت وسأقول ...
المشكوره عليه واجب علي كوني مهتمه =))

شرف لقائك و التعرف عليك من قرب كان أكبر ، صدقيني **;

أحاسيس احرجتيني :eh_s(22)::eh_s(22):
انتي صافيه
كالهواء العليل ..
رقيقه ..
كلمة شكراً تدفعكِ الى الأعلى





الشرف لي انا حبيبتي :*
و الله لا يحرمني منج

 

[:: Diva ::]

حبيبتي انا اللي تشرفت فيج بمعرفتج .. انسانه جميله كجمال اخلاقج وروحج .. جميله كجمال وابداع قلمج ..
وتشرفت بالكل الصراحه .. مشكوره ديفا واتمنى ان الله يوفقج ويسعدج وين ماتروحين :*

للأسف ما شفتج آخر يوم
كنت أدورج


الشرف لي انا عنودي
و ياربي يعطيج من دعائج الطيب و أكثر ..

موفقه عنودي
ان شالله كل سنه نجتمع على خير
و ياربي منها للأعلى فديت قلبج :eh_s(17):