امه جرحتني حيييل<<<<<

[ابعلن جنوني]

السلام عليكم ...

اولا انا اول مشاركه
هذا نك رفيجتي


انا مخطوبه عن حب؟

انا مطلقه واهو بعد
معاي بالدوام

المهم
كلمته وتمينا 3 سنوات

وكلم امه عني
ورفضت اني مطلقه \

لانه مطلق بنت خالته \

المهم حن عليها وقالت عشان خاطرك

كلمت امي وحددو موعد \

ودق ودخلت امه وانا ع الخط

نزل الفون

وقتا يما بحدد العرس انا باسرع وقت

انا انسان ابي الاستقرار والراحه
مابي الخرابيط




تخيلوا شقاالت؟؟\\

قالت دق عليها اذا فيك خربطه وتجيلك برسم الخدمه:eh_s(2):
ليش هالنيه فيني ليش هالكره
بناتها 3 كلهم عن حب وتزوجوا وهي عارفه هالشي

ليش ماظنت فيهم

قالها تعوذي من بليس عندج بنات
قامت تضحك قالت الله يعينها عليك وسكرت الخط مقهووووووووووووووووره

والموعد قررب
احس مابي اشوفها
خايفه



>>>>مع العللم اهيا مو امه اهيا مرت ابووه بس مربيته من ولادته
امه ميته ؟؟:eh_s(2):
<<<<<<

اهوا عارف اسلوبها
وكلمني


بس انا خايفه منها
لان عيشتي بتكوون معاها

شسوي:eh_s(2):​

 

[اوووسه]

لاحول ولاقوة الا بالله
الله يكون بعونج حبيبتي
ماعليه اهي للحين ماعرفتج ولاعرفت سنعج واخلاقج
باجر لاصار نصيب ان شاءالله بتعرف قدرج وقيمتج
والانسان عدو ماجهل...يمكن ظنت انج دايرة عليه
ماتدري انه العلاقه شريفه وعفيفه
ماعليه هالشي يخلي عندج تحدي اكبر تعلمينها معدنج وطيب اصلج لاتضايقين
وصدقيني مع الصبر الايام كفيله تداوي هالجرح
وبالتوفيق حبيبتي

 

[ابيك لي بروحي]

والله مادري
على قوله الاخت اووسه هي للحين ماعرفتج وماعرفت اخلاقج
الله يوفقج ان شالله ويكتب الي فيه خير

 

[لوفيه]

قلة أدب

الله يعينج

 

[cheese cake 84]

اولا اهي مو امه يعني مالها حق عليج ثانيا يفضل تقعدين بشقه وتحطينه شرط لان اذا هذا اولها ينعاف تاليها مابي احبطج واايد بس الطيب يبين بالناس الطيبه

 

[shak!shoka]

شكله مو هينه الله يعينج
بس مالج شغل فيها و تخافين منها شكوو

انا اقول اذا يت تشوفج حسسيها انج قوية شخصيه يمكن تخق شوي

اهم شي الريال يبيج و شاريج و غيره طااااااااااااااااف

 

[جلكسيه اس 3]

لاتخلين ثقتج تهتز بسبب كلامها
لو كانت صاحبة مبداء جان تذكرت بالاول بناااتها
بس لا لان بناااتها عادي وحلال كل شي يسوون
بس خلق الله حرام يسوون شي
انا اقول عطيهااا اكبر طااف
و بعد لو اتعيشون فشقه ابروحكم احسن عن المشاكل
و مبروووك

 

[لياليـ]

اذا انتي مو عاجبج الوضع او حاسه انه تصير مشاكل استخيري
اتقبلي مروري

 

[لياليـ]

اب
اب
لعيونج

 

[<<لمار>>]

شعليج منها المهم الريال اللي بتعيشين معاه ماخطبج الا عارف انتي شنو

 

[أغلى حبيبه]

ول ول ول شالكلمه ماتدري الدنيا دواره وعندها بنات

اذا انتي موتاحه مع الريال اخذيه وسكني بعيييد عن امه

هذي من اولها مشينه النفس

الله يعينج ويسخرهم لج

 

[ملواكي]

ادا في مجال تسكنين بشقة بروحج افضل

 

[Vdieta]

مثل ما قالت ملواكي

اذا في مجال تسكنين بشقه

 

[سكوتي بذوقي]

حسبي الله عليها

ليش الظن

اسكني مع زوجك بعيد عنها أحسن لك اختي

 

[الحللللوه]

الله المستعااااان

استغفري كثيييييرررر
ورددي اللهم اكفينيهم بما شئت

 

[منو انت]

كلن يرى الناس بعين طبعه


ماعليج منها واذا اهو زين لا تخربين على نفسج علشانها

 

[Q8-93]

مع الايام اذا عرفتج عدل وعرفت نيتج رااااح تتغير و راااح تتفشل من نفسها وتتحسف عل كلام اللي قالته

وبالتوفييييق انشالله

 

[فوق الثريا محلي]

ما تعرف ان الدنيا دوارة بعض الناس يعقون الرمسة و ما يثموننها

 

[ما كو اسم]

قالها تعوذي من بليس عندج بنات
قامت تضحك قالت الله يعينها عليك وسكرت الخط مقهووووووووووووووووره



من كلامج هي قالت الله يعينها عليك يعني الريال فيه شئ والظاهر بنت خالته هي اللي عايفته لا تستعيلين وتصيرين مطلقه للمره الثانيه

 

[om '3ala]

طنشي و لا يهزج كلامها
انتي واثقه من نفسج
والله يوفقج