يا أبله حللّي معاشج !!!! ... سؤالي يبيله جواب من المعلمة الى الناظرة ردوا علي ؟؟

[المـــــها]

سؤالي بسيط




الحين كل الوظايف يسوون شغلهم بساعات الدوام الرسمي صح؟؟
لكن اللي لاحظته ان المعلمات مستثنيات من هالميزة !
المعلمة تكرف بالمدرسة و برى المدرسة !
تحاتي شغلها داخل و خارج أسوار المدرسة !
عملها يلازمها صباحا و مساءا !



الحين انا فهمت شغلة كدرتني بخصوص وقتنا اللي نقضيه بالمدرسه !
يااااااااااااااااحسررررة علينا بس غشيمات و حقنا مأكوووووووووووول:eh_s(11):


مو ملاحظين ان احنا نعطي حصصنا حلو ؟؟؟ اوكي .. بوقت الفراغ ممكن نصحح كتب \ نحضر \ نسوي امتحانات \ نضبط شغلنا \ نضبط شغلنا لباجر ... لي هني الكلام حلووو




لكن




اللي يكدر الخاطر ان مستحيل أسوي هالشغلات اللي ذكرتها فوق مستحيل يمديني اسويها كلها
تدون ليش ؟؟
:eh_s(4):




لأن الوكيلة حاطتلي احتياط !!!
أو مناوبة !!
أو اشراف !





سؤالي​

اذا كنت مندمجة بالتحضير بما اني معلمة جديدة يبيلي قعده عالتحضير , وجاني احتياط و انا مشغولة ماعندي وقت .. أقدر اعتذر عن هالاحتياط؟؟؟​

لأن فعلا أنا قاعده أعمل أنا بدوامي الرسمي قاعده أحضر لأن مو من حقهم يخلوني أشتغل بالبيت بحجة اني امسك احتياط !!!


سؤالي الثاني
مندمجة بتصحيح كتب\امتحانات\رصد درجات
و جاني سجل الاحتياط
و أنا ماعندي وقت .. يعني ابلة قاعده تصحح تقط شغلها اللي بيدها و تروح تمسك احتياط؟؟؟
معقولة يرضيكم آخذ شغلي للبيت؟؟
ليش وقتي بالمدرسة يضيع عالاحتياطات و الاعمال الادارية ،، اما التصحيح و التحضير نصيبه بالبيت !!




ليش منو الاولى تحضيري و لا الاحتياط؟؟

يعني كثير اسمع ان الابله اللي تعترض عالاحتياطات و الاعمال الادارية هاذي ماعندها سالفة و مالها خلق و ما تحلل معاشها!!!!!!!!!!!!!!!!!!!!!!!!!!!!!!!!!!
:rgewrg:






اتمنى تجاوبوني اول شي على هالسؤالين




بعدين رايي
الابله مو وظيفتها الاشراف و الاحتياطات
صراحه قمة المصخرة و ربي ان حقنا مأكول
يعني الدولة توفر ميزانية مفروض تكون لناس مختصين يحتاجون معاش ع الاقل ياخذون الغياب يمسكون الاشراف و المناوبات يمسكون الاحتياطات
في ناس محتاجة مثل مشرفات التغذية و ربي لو يفتحون مجال شوفوا شكثر اللي بيون هالوظيفة
بس هم حابين يوفرون و يقطون الحمل علينا احنا المساكين اللي مالنا لسان
لاقلنا مانقدر قالوا يالله وقعي على عدم تعاون :eh_s(4):






رايي ان الابلة تحلل معاشها لما تستغل وقتها بالدوام في تأدية عملها
مو في سد ثغرات غياب المعلمات و الجلوس نهاية الدوام حالها حال الحارس
و بنهاية الدوام تاخذ قشها و تكمل شغلها بالبيت !!!!!!!!!!!




كل هذااااااااااااا و يقولون حللوا معاشاتكم :rgewrg:







شرايكم؟؟




اتمنى تتفاعلون عن الكسل بليز ردوا بشوف رايكم ؟؟؟​

 

[kuwaitya_zoGaa]

حبيبتى تبين اقول لج على شغله ؟؟ وتحر زيادة ؟؟؟ شوفي سالفتي
انا كنت فى مدرسه ومفهمينه انه من حقنا 3 استاذانات بالشهر ولمدة ساعتين فقط !!
وكنت اخذهم بطلعة الروح يوم انتقلت وانصدم انهم 4 ولمدة 3 ساعات كل استّاذان ؟؟؟ ولما استفسرت من المعاي والا اغلب اللى موجودين بعضهم كانت مدارسهم قاصين عليهم مثلنا علشان نقوم بشغل المدرسه ؟؟؟ وانه هالمدرسه اللى احنا فيه ماشيه على قرار الوزارة !!!

 

[المـــــها]

من صجج ؟؟؟
فعلا شي يحر
تدرين شنو اللي يحر أكثر؟؟


إن احنا المعلمات ما نعرف حقوقنا !!!!!!
بالله عليج شفتي موظف مايدري شنو حقوقه و صلاحياته؟؟؟

هذا دليل ان احنا مستغلين و قاصين علينا و مسكتينا و اذا تكلمنا قالوا انتي مو متعاونه انتي و انتي ... و يواجهونا بقرارات ماندري عن صحتها من عدمها!



عاد انا فهموني بعد ان لي 3 استئذانات وكل واحد مدته ساعتين !!!!
صج شي يفشل
مادري الغلط من الوزارة ولا المديرة !!

 

[kuwaitya_zoGaa]

حبيبتي القرار موجود بالمنطقه التعليميه وانا اعرف وحده قالت لى انه زوجها يشتغل هناك وطلع لها القرار وقامت رزته بويه الوكيله ... والوكيله استخفت وقالت لها لاتيبين خبر لاحد وطلعى وردي باستاذاناتج بس لحد يشم خبر !!!

 

[المـــــها]

@@
من صجج !!!
زين بيحسدونا على هالجم ساعه اللي بنطلع فيها!!!
بالله عليج شنسوي يعني الحين؟؟
اذا هم مو راضيين يعطونا حقنا
و فوق هذا يتذمرون علينا و نفسياتهم بخشومهم و يتأمرون و يعطونا شغل فوق طاقتنا و اللي تتكلم يا ويلها
آاااااااااااه بس لو أعرف صلاحيات المعلم و حقوقه و واجباته

 

[زهرة الفردوس]

الله يعينكم
المشاكل اللي مثل جذي يبيلها تسوين كتاب شكوى وترسلينه للوزاره عل وعسي تلقين لها حل

 

[المـــــها]

up



...

 

[حلوى عمانيه]

ليش الاداره ما تخاف الله فيكم ؟؟؟

 

[Turquoiseya]

توج ماشفتي شي

طعيني طقي وانحاشي من هالوزارة
تخصصج حلو ومقبول بغالبية الوزارات

 

[sweet-doll]

خل وحدة تقولي حللي معاشج شوفي شسوي فيها

احللها معاه

 

[ولـوف]

فقط في وزارة التربية تسمعين هالجمله ( حللي معاشج )
مهنة التعليم في كل دول العالم مهنة كريمة ينظر لها بكل احترام وتقدير الا عندنا
شي استفزازي صراحه لما هالجمله تحط تعبي وجهدي في كفة الحلال والحرام
حتى لو كنت واثقه اني ادي عملي على اتم وجه وخايفه الله في تلاميذي

 

[المـــــها]

تركوازية قوووويه ههههههههههه انحاشي

 

[بنات حواء2]

لج الحق تعترضين اذا طنتي مضغوطه
بس كرمال بند التعاون لاتسوينها دايم
وربي يوفقنه
تصدقون على كثرت الحجي انا احب وظيفتي

 

[لمعة السيف]

حللي معاشج تنقال لكل واحد يشتغل مو بس المدرسين
تقبلي مروري

 

[PuPa^^SWeeT]

حواء


من قالج مانحب وظيفتنا


ترا على فكرة لو ابي اطلع بسهووولة اطلع


بس انا تامة بمهنتي لأني حابتها


مهما يكون البنات احبهم و الجو العام احبه مدرسة و لها الفة



بس اللي ماحبيته سوالف الحريم فيها


بسسس


وسالفة انه مانشتغل ولا مانكرف



بس والله ربج ادرى باللي انسوييه

انا حاليا تبين الصراحة

حصتي و بس


وتوني منتقلة مدرسة يدييدة لأني كويتية بروحي الوافدات مسويين قروووب بروحهم و تاركيني


تحضيري بروحي

وسايلي بروحي


ومانسى كلهم وسيلة اتنقل بينهم

قلتلهم ابيها باجر جان اتقولي صاحبتها اسفة ماقدرش


سكتت قلت اسوي وسايلي بروحي



وتحضيري برووحي و بالطقاااق

 

[ام عفاف الكويت]

انا لما اروح احتياط
اخذ معاي قشي بعد شسوي
اكمل بالحصه ولا اعطل نفسي
لانه احتياط ماكو شي
وسالفته حللي معاشج
قالتها لي مره وحده بس مو ناظره
قلت يوم معاشي يكون من جيبج تعالي حاسبيني
ماعليج من احد سوي اللى يملي عليج ضميرج وبسسسسس
اهم شي ربج وطالباتج اللى عشانهم نهتم
اما الباقي طاف

 

[قـہۈه فـرنسيـہ™]

والله أنا الحمدلله ....
دارسه القوانين عدل قبل ما أتعين ...خخخخخخ ومجمعه كل النشرات ...>>> حرام اكسر الخاطر حسيت اني داشه جهاد :/

أدري ان لي 12 ساعه بالشهر 3 ساعات لكل مره .... وما أطووووف ولا استأذان .....

لأني من البدايه ماخذه حقي فـــ صرت بلاك لست عندهم ...


مو مهم ...أهم شي اني مرتاحه واذا لي حق باخذه

 

[المـــــها]

أشكر تفاعلكم




حسبي الله عليهم قاصين علينا بسالفة الاستئذان !

 

[اريج الجوري]

أزيدكم من الشعر بيت

بالنسبة للتأخير الصباحي طبعا من عقب ال7:30 توقعين تأخير لو دقيقه مع ان بعض الوكيلات حرام يتسامحون اول خمس دقايق مؤ الكل طبعا

سمعوا الصدمه

الوكيله المساعده منى اللوغاني قالت في مقابله تلفزيونيه ان التأخير من حق المعلمين لي غاية الساعه ٧:٤٥ دقيقه وما ينسحب تأخير كلش

لج ربع ساعه كامله ما ينحسب التأخير

لكن عقب هالربع ساعه ان تأخر تي تنسحب الدقائق من ٧:٣٠

مثلا وصلتي المدرسة ٧:٤٧

ينحسب لج من ٧:٣٠ تأخير

وتكونين متأخرة ١٧ دقيقه

بس للأسف بالمدارس يحسبون لج من اول دقيقه

وبعض المدارس يجدمون الساعة عشان يبدي الطابور مجبر

وهذا غيض من فيض

ويقولون حللو معاشكم

والله انه حلال بلال وأردى معلم يشتغل اكثر من انشط موظف

 

[اريج الجوري]

وبعدين أنا قبل كنت أخذ شغلي البيت

اللحين مستحيل أخذ شي للبيت

احضر بالمدرسة والاحتياطات

الا عاد الوسائل وغيرها لازم أخذها البيت عشان اكملها مثل البطاقات والصور والشفافيات

شنسوي بعد

معاشاتنا اللي يقولون مؤ محلله نقطها على الوسائل وغيره ونفتح من دسمان لي الخطاطين لي مكاتب الطباعة لي محلات الهدايا والحلويات والخام والخياطين

والصباغين والرسامين

كل هذا ومعاشنا مؤ محلل

حلهم بطنهم يارب

ههههههههه