اخوي راح الحج سلمت عليه وصد عني

[كويتيات *]

السلام عليكم ورحمة الله


اخوي راح الحج وقبل مايطلع رحت اسلم عليه مديت يدي اصافحه رد مو لازم روحي روحي وصد عني وراح وجلست ابكي طول الوقت

كنا على خلاف من قبل ودايما احاول ابين له ان الوضع عادي بس هو مش راضي يصلح الوضع اسلم مايرد ويمر بالمكان اللي انا فيه مايسلم علي ..

اخرها سفرته للحج قبل شوي قلت انا ببدأ السلام وبيصلح الحال ان شاء الله

وكان صده لي صدمه لازلت اتجرع مرارتها احرجني قدام كل الاهل


هل علي شي لو ماكلمته خلاص مره ثانيه بس بصفا نيه يعني بصفي نيتي بس ما ابغى اعرض نفسي لاحراجات


جزاكم الله خير

 

[na3oomi]

وعليكم السلآم

حبوبه يمكن انتي مزعلته زعله قويه او بدر منك تصرف خطآ او جرحتيه وعشان كذا باقي حاز بخاطره ومو قادر يسامحك

واكيد ان بينه وبين نفسه يبي يراضيك بس في شي يمنعه

وانتو اخوآن حاولي مره ومرتين وثلآث ترا مالكم الا بعض بالدنيا

والله يرجعه لكم سالم

اذا رجع من الحج بأذن الله حاولي تجيبين له هديه او تسوين له عشاء او تعزمينه بمطعم وتقولين له ان خلاص مالنا الا بعض واذا انتي غلطانه اعتذري منه وقولي له اوعدك هالشي مايتكرر ترا الدنيا اقصر من اننا نكره بعض او نزعل من بعض وانت اخوي وعزوتي وسندي بالحياة وانا مالي غيرك

اتمنى اني افدتك

 

[A_M_A]

آلله يهدي سركم

دزي له مسج قولي لي كآن بخآطري ترضى علي قبل لآتحج

ووصيه آنه يدعي لج ويصفي آلقلوب بينكم

وآذآ رجع سلمي عليه مرة ثآنية ولآ كآنه شئ صآر

وآن شآءآلله يحنن قلبه عليج

..

 

[بلبله سعوديه]

انا اختي زعلت مني وقاطعتني 4 شهور وهي الكبيره وطبعا انا نيتي مافيها قطاعه والشاهد ري والسبب بناتها ظلموني واهانوني في المسجات وطبعا انا خالتهم اخت امهم الشقيقه يعني من اب وام واحد
وطبعا مشت على كلام بناتها ولا كلمتني علشان تعرف السالفه وعلى فكره بناتها أنا اكبر منهم ب17 سنه والثانيه اكبر منها انا ب25 سنه ورغم هالفرق في العمر وانا خالتهم ظلموا خالتهم في الكلام والسب والاهانات طبعا انا سالت داعيه وقالتلي ابعدي عنهم تجنبا للمشاكل بس مش النيه القطاعه كذه افضل المهم حبيبتي لما نوت اختي الكبيره تحج اتصلت علي وانا سامحتها وحللتها وهي الحين في مكه وعسى الله يتقبل حجتها يعني لازم الانسان يطلب التحلل من اللي متزاعل معاه او اللي بينهم مشاكل

 

[عاشقة الاسلام]

الله يصلح مابينكم
انشاءالله

 

[كويتيات *]

انا مازعلته بشي

هو مايبغى يخدمني ولا يقضي لي حاجه

خاصمني علشان ماتصير العلاقه عاديه واحتاج اطلبه

قلبه مليان حقد بشكل كبير وقت مايحتاج شي يجي لعندي واذا مو محتاج سوى لي مشاكل

انا معه ببيت ابوي واخدمه وقت حاجته

وماقصرت معاه بشي بشهادة الجميع

حتى انهم شاركوني الصياح اليوم وقت ماصارت السالفه وكسرت خاطرهم

المشكله انه غسل مخ اخوي الصغير .. صار مايكلمني

الله لايحوجني لهم ياااارب

 

[amal ksa]

هذا وهو رايح للحج هذي حركاته لاحول ولاقوة الابالله
ياربي لاتبلانا
وكل بيت فيه مشاكل ترى الله يفرج عليكم وعلينا وعلى كل المسلمين

 

[ام عفاف الكويت]

ماعليه ياعمري
حلليه
الله يهديه وان رجع كلميه وشوفي

 

[ميس الورود]

لازم تنبينه انه رايح للحج يعني لازم هو اللي يطلب السماح سبحان الله الانسان مايضمن روحه فهميه برساله ارسليها لازم وادعي ان الله يلين قلبه

 

[تباعدناااا]

الله يصلح حالكم
بصراحه يقهر
وخاصه انو مافي سبب يخليه يسوي كذا
الله يهديه بس

 

[@الشقردية]

أختي الكريمة
الله يجزاج خير ويوصل بينك وبين أخوج
إسمحيلي يالغلا أعلق على هالعبارة

هل علي شي لو ماكلمته خلاص مره ثانيه
( تعوذي من الشيطان فأخوج يبقى أخوج والأخوة لها حق على الطرفين فلوأخطأ طرف فعلى الطرف الثاني أن يزن الأمور يعقله وعاطفته)
العقل أنه أخوج والعاطفة أنه أخوج لااااااااااااااااتنسين حتى لو هو نسى
بس بصفا نيه يعني بصفي نيتي بس ما ابغى اعرض نفسي لاحراجات
وهني بعد إسميحلي وين الإحراجات ؟؟؟؟ هواللي يعمل خير ويسعى لخير يضع نفسه بإحراج ؟؟؟؟؟
لا تيأسين وإدعيله أن الله يهديه ويصفي قلبه فوالله الذي لا إله إلا هو
أنج راح تندمين لوقطعتيه مثل مايسوي وبجذي تتساوون بالخطأ
هالله هالله بأخوج وعينيه على الخير بالصبر عليه والدعاء له ولاتسمعين اللي يشيشج عليه .
الله يجمعكم على الخير يارب وأسأل الله الذي لا يرد من دعاه أن يتقبل الله حجته ويرجع بالسلامة وكل الحجاج بإذن الله ويمسح الله على قلبه بالرحمة ووصل الرحم.
اللهم آآآآآآآآآآآمين

 

["GloRia"]

لا حول ولا قوة الا بالله
الله يهدي مابينكم ويصفي النفووس
اذا هو مو متقبل منج الكلام خلي اي احد كبير بالعايله يقعد معاه ويتفاهم وياااه
وان شااءالله يلين قلبه

 

[& شرطان الذهب &]

اللي يروحللحج يصفي نيته ويسلم حتى ع جيرانه بس شقول الله يهديه

 

[نآعمـه]

.
هونيهآ و تهون =)
مهمآ سوآ يبقى اخوج
ادعيله ان الله يهديه ويلين قلبـه عليـج
لـ رد من الحج اقعدي معاه او امـج تقعد معاه
صحـوه شوي ..​

 

[ابلة لولوة]

الله يهديه

رايح الحج وهذي سلوكياته ؟

اذا رجع خليج عاديه معاه ولاتفتحين معاه اي مواضيع لين يهدى بروحه​

 

[فتونة الكويت]

حبيبتى انا حاسه فيج بس ارد واقولج هذا اخوج ومهما سوا يضل اخوج لا تخلين الشيطان يلعب براسج
ما يخالف الاحراج اللي صار ما دام نيتج لوجه الله سامحيه وحلليهوعليج بالدعاااااااء
والله العظيم صارت بيني وبين اخوى اصغر منى بسنين مشكله كبيرة وما كنت انا السبب فيها الناس حسبي الله ونعم الوكيل فيهم ما ابي ادخل بتفاصيلها وحلف انه ما له اخت مع ان اللى فرق بينا دخل بحياتنا مره ثانيه واخوى خسرته بسبب الغيره من هالناس وكنت ادعىا الليل والنهار ان يحنن قلب اخوي على وكنت اقعد عند الدريشه اتسمع صوته
ولهت عليه وايد وكنت ابجى وابى اخوى يرد لى مع اني ربي شاهد ما سويت شي بس لاسف ما رد
وسبحان الله بعد الدعااء والالحاح رجع لى اخوى بطريقه عجيبه
صج للحين ما نكشف الظلم بس ربي رده وهذا المهم والحين يدش يبوس راسي
طولت عليج بس اللي بقوله لا تياسين هذا اخوج اخوج اخوج رجعيه لج بقوه الدعاء لا تخلينه
قلبي معاج ودعائي لج يولف بين قلبج وقلبه ويرده ويسامحج
وسامحينى على الاطاله حبيت اهون عليج
تحياتي لج

 

[لمعة السيف]

الله يصفي لقلوب انشاء الله

 

[دلوعة صلوح]

الله يهدى ويتقبل منة اهوو رايح حج وجذى؟؟

 

[atoooty]

سبحآن الله

بهالوقت أكثر الاعداء اهم الي من لحمج ودمج

مو بس انتي حالتج جذي انا من طرف اهل ابوي واهل امي كله حقد وحسدد مع اني عمري ماسويتلهم شي بس يكرهوني لاني افضل واحلى منهم

والله لو اسولف من لي باجر ماراح نخلص

بختصاار الاشكال هاذي لاتعبين نفسج معاهم

الحقران افضل شي

لاتحتكين فيهم وايد عشان ترتحين والله حرام تفكرين فيهم دقيقه وحده

ومثل مآقلتي صفي النيه وبس

 

[kndora]

الله يصلحكم