خواتة بيدمرون حياتي

[خلوقة]

السلام عليكم
كيفكم بنات000
موضوعي باختصار انا توي متزوجة زين؟
وخواتة بيسكنون عندي:eh_s(11): انتم شرايكم كل وحده تحط نفسها مكاني000
طبعا بحجة البحث عن وظايف بنفس منطقتي000
اووووف والله منغثة اقوى شي
انصحوني هاوشوني لو غلطانة او شريرة؟​

 

[شادن33]

ياالشرييييره اضحك وياج !!حبيتي هذول خواته استحمليهم عشان حبيب القلب خصوصا اذا ماكان حد عندهم الا ريلج وعامليهم بالحسنى. والله حاسه فيج ان صخ بيكون شوي مغثه بس شسوين الظروف تحكم مرات باشياء ثقيله عالواحد يلا ايام وتعدى ولا تضيعين أحلى ايام عمرج بالمشاكل بالتوفيق

 

[Bnt.Azmer]

الله يعينج تحملي شتسوين بعد وخلج على طبيعتج لانج ابيتج

 

[قل علها خيره]

هوصج يمكن تتضايقين شوي وماراح تاخذين رااحتج بيتج ومع زوجج مثل اول ,’ بس شتسوين هذوول اهله ماتقدرين تقوولين شي ~ وانشششالله انهم يكونون ضيووف خفاف عليكم وانتي لاتقصرين معاهم ولاتحسسينهم انج مضاايقه من وجودهم انتبهي !

 

[فوفو22]

وين المشكله اذا قعدتهم لها بدايه ونهايه

وهدف

اعوذ بالله من هالوقت

ما عاد احد يتحمل احد

كأننا قاعدين بغابه

الكل يحب الامتلاك

عديهم خواتج وقومي بالواجب.....

بالنهايه هم عمات عيالج

وواجب احترامهم وتقديرهم

فوفو

 

[المرتاحة]

تحملي اشويه وخصوصا انهم بيسكنون عندكم مؤقتا حسب ما فهمت من كلامج

والله يكون بعونج

 

[مشتاقة الى الله]

حبوبة

تحملي وصبري والله يفرجها عليج

انا مثلج حمولتي وياي

بس صابرة وراضية

والله يفرج همي وهمج وهم المهمومين

عامليهم حسبة اخواتج وتجنبي الحساسيات

مابليد حيلة

 

[zaina alotibi]

كلام الاخت فوفو صحيح امية بالمية

 

[ماحب اتدلع]

حراااام خواته يعني وين يروحون حبيهم من البداية وزين عشان علاقتكم تصير حلوة شفيها
وريلج بيستانس اذا شافكم مع بعض تضحكون وتتغشمرون
واذا على راحتكم عندكم الغرفة اوف

 

[سارة ة]

كلام فوفو عدل مالج الا تتحملين 

 

[اشكي]

بصراحه ترضينها لنفسج لواخوج توه متزوج واضطريتي تسكنين معاه ترضين مرته تتضايق منج ولا يطردج عشان زوجته

 

[بنت حظوظ]

ضيفهم وورتبي لهم الغرفة وممكن يكنون طيبين معاج خلج سنعة

 

[q6aiwa]

ياحظكم الي حمواتكم عندكم بدال مانتو عندهم يعني حابينكم من البدايه

حمدوا ربكم انا قاعده احاول اسوي المستحيل عشان ايون عندي

منو مايبي الحسس والوناسه واليمعه الحلوه والضحك بالبيت احسن مايكون صخه خصوص توكم متزوجين

 

[رحيل المرافيء]

حطي نفسج مكانهم؟؟
وياترى لو كانوا خواتج بتقولين نفس الكلااام؟؟؟؟

 

[بنت الدوام]

بيه !! شدعوه بيخربون حياتج!

ترى وايد قاعده تبالغين!! بيقعدون عندج ضيوف واكرام الضيف واجب

اعتبريهم خواتج!

 

[بقلبي انت]

خير ان شاء الله وسكنوا معاج شنو بيصير هذولي خواته شنو بيخربون حياتج
كلام فوفو عدل
الله يهديج:::

 

[بنت الاحلام]

يا قلبي انتي ظالمه حيل

واستني الضن الحين ماسكنو ولا وحده فيهم غثتج وحاطه بيدرمون حياتج طيب شدراج

حرام عليج ليش هالحين محد يحب الخير ولا احد يتحمل احد
لو خواتج راح يدمرون حياتج

تري الدنيا ما تسوا

والواحد يسوي خير

ويحسن الضن بالناس

وبذات هذول خوات زوجج حشمتهم من حشتمه

وغلاتهم من غلاته

 

[Queenleo]

وووي هذه الي تزهب الدواء قبل الفلعه
يعني اذا خواتج قالوولج بنقعد عندج لان نبي مكان علما نلقى شغل
ترضين زووجج يطردهم ويقوول مابيهم !! :/
يمكن خواته زينين وبيعاونج بالبيت
وواذا مازلتي متردده استخيري اذا يقعدون عندج او لا
ووتوكلي على الله

 

[السيده ام حسين]

حببتي تحملي اشويه بالعكس انا اشوفه وناسه وثانيا موقتا وعلشان زوجش تكبرين في نظر زوجك لان مافي رجل مايحب اهله حتى لو بينهم مشاكل في النهايه هذوله اهله من لحمه ودمه اكسبي خواته لان بيضلون حمياتك مدى العمر وسلامتك

 

[PuPa^^SWeeT]

العنوان مبالغ فييه


حسب اللي فهمته انهم مامنهم شرر
بش مشكلتج انهم بيسكنون


خل يسكنون


مافيها شي


انا مع فوفو بكلامها لما قالت محد يتحمل احد

شدعواا