السلام عليكم ورحمه الله
بنات انا دخلت من نك ثاني ما اقدر ادخل بمعرفي الاصلي اخاف انعرف بطرح عليكم مشكلتي
انا حدي نفسيتي تعباااااااااانه ومتدهوره لأبعد حد بحكي لكم قصتي و أبيكم تساعدوني
أستحلفها بالله اللي تدخل موضوعي ترفعه ولو بدعوه
بنات أنا من يوم أني صغيره و انا محجوزه لولد خالتي الين كبرت ولد خالتي مافيه شيء ينعاب شاب
الف من تتمناه اخلاااااااقه عاااااااااااااااااليه وحنون وطيب تعامله مع امه وأهله مافيه مثله
عزيز نفس و قنوع سيرته الحسنه سابقته قلبي تعلق فيه وحبه وهو بعد حبني
دائما لمن يصادف اشوفه بالزورات الاهل أحلم باليوم اللي يجمعنا كان هو حلمي الوحيد
في هالدنيا ولا كنت ابي منها الا طيبته وحنيته كنت اشوفه الزوج المثالي وكانوا الناس
كلهم يعرفون اني له وهو لي
لكن تجري الرياح بما لا تشتهي السفن لمن تقدم لخطبتي رسمي أمي رفضت بسبب
أنه ما معه وظيفه وكيف يبي يصرف علي والمصيبه أنها تعذرت فيني عند خالتي وقالت أنها حاولت
فيني وانا رافضه أقترن بشاب مو لاقي وظيفه هو وصله هالكلام و سبب له جرح قووووي و أعتقد
أني شايفه نفسي عليه بحكم أني موظفه وهو عاطل يبحث عن الوظيفه وما لقى
بنااااات انا ما دريت عن كلام امي الا من بنت خالتي ــ أخته ــ
بعدها بكم شهر خطبوا من ناس ثانييين ووافقوا عليه وهو ما معه وظيفه الشاهد أنه قال لاخته
اللي يشرني اشريه واللي يبينعني ابيعه ـ يقصدني انا ـ
أمي انصصصصصدمت أنه الناس عطوه وهو ما معه وظيفه
بناااااات هو تزوج الاسبوع اللي راح والله يااابنات ما غاب عن عيني من يوم تم رفض اهلي له
وأنا أبكي و يوم زواجه احسني مو مع الناس قلبي سااااااااااااااااااااااااااالي فيه الم وحسسسره
ودي انسسسسسسسسسسسسساه ودي انسسسسسسسسسسساه
لكن كيف حبه متمكن من قلبي واللي يقهر يحسسبني أني انا اللي رفضته ما دارى اني احبه
وعادي عندي اعيش معه لو في عشششه
بنات اللي حبوا قبل الزواج وما تم الزواج هل قدرتم تعيشون بعدها ؟؟؟
يعني هل نسيتم الرجل اللي حبيتوه وكملتوا حياتكم عااااااادي ؟؟
