السلام عليكم خواتي شحالكم عساكم بخير وعافيه ....
هذا اول مــوضوع لي من اشتركت في هالمنتدى الرااائع
وياريت تتقبلوني كاخت وصديقه من الامارات وان شاء الله اكون خفيفه على القلب ههههه
طبعا اول موضوع لي رااح يكون في قسم الطبخ... بما اني احب الاكل ههههههههههههههه
واحب اني امزر كرشة زوووجي
فكانت هالسفره اوول عشاء اسويه حق ريلي وحبيبي الغالي ربي يخليه لي
وعاد اسمحووولي على الصور والترتيب لانها كاانت اول مره اسوي عشاء لريلي فبتلاحظون فيه وايد نواقص مااعليه توني مبتداه ههههه
الممهم السفره كانت عباره عن
ربيان مقلي
سمك فيليه مع رقائق البطاطس المقلي و خضار السوتيه بالزبده
كبده الدجاج
معكرونة بالدجاج
حمص ومتبل
اول شي المعكرونه ماصورت الطريقه للاسف بس اكيد كلكم تعرفون تسووونها واللي تبي الشرح من عيوني .....
طبعن اول شي ببدا بالطيق المفضل عند ريلي الغالي اللي هو الربيان المقلي
خذت الطريقه من ربيعتي ...
طبعن المقادير ماقدر اقولج الكميه لاني دايما اقايس بعيني وعلى حسب الاشخاص
وهي عباره عن
ربيان جمبو مغسول جيدا
بيضه مخفوقه
كمون مطحون
ثوم بودره
ملح وفلفل اسود
رشة بسيطه كركم
فلفل بابريكا
(((طبعن انا حطيت كل انواع البهارات اللي عندي هههه))
طحين
وكورن فليكس او بقسماط وانا حطيت الاثنين
عقب ماتغسلين الربيان تخلينه على جنب اتيبين الطحين وتحطين فيه كل البهارات مع الملح والفلفل
هاي الصوره بتشوفون الطريقه بالترتيب كيف نتبل الربيان
الربيان نغمسه في الطحين عقب البيض وعقب البقسماط
انا خليته تقريبا نص ساعه فالثلاجه لين مااجهز السمج عسب تتشرب الخلطه
هذا الربيان عندنا جاهز ونقليه في زييت بس مش حاااااااااااااااااار واايد يعني لين مايغدي لونه ذهبي نرفعه عن الزيت ونقدمه واخر شي براويكم الصور النهائيه ....
......
اني للجبده خدت الطريقه من منتدى ثاني
بس اسمحولي ماصورت المقادير والطريقه
لكن بكتبها لكم
اول شي غسلي الجبده عدددددددددددددددددددددددل ضروري لان راح تلاقين فيه دم لازم ينغسل عدل عدل
عقب نقعيه في شوية ثوم وليموون وفلفل اسود وخليه على جنب
عقب احمسي البصل لين يشقر وطماط وكزبره وبهارات يعني نفس الناشف وضيفي الجبده وخليه لين ماينشف شوي وقدميه
لو مافهمتو خبروني هههه
ونقدمه في صحن التقديم ونحط فوقه شوي بقدونس
.....
الحين سمك فيليه
شوي يباله وووقت بس عن جد لذيييذ ويبيض الويه
اول شي السمج نبهره وعباره عن ملح وفلفل اسود وفلفل احمر مجروش بس ماحطيته لان ماكان متوفر عندي عصير ليمون فلفل بابريكا خليه نص ساعه
هني بهرت السمج وخليته نص ساعه
الحين بنسوي الغلاف للسمجه
ومقاديره طحين امم نص كوب ملعقة كزبرة بودرة وبقدونس بدورة ملعقة كبيره كمون ملعقة كبيره كاري بودر وملح وبابريكا
حطي عليه ثلاث ارباع كاس ماي وبيضه واخلطي لين يغدي جي شبه سائل نفس جي
قبل ماتحطين السمج فيه خلي الخلطه تتركز ربع ساعه
وعقب غمسي السمج فيه وقليه عاادي بس انتبهي لا يكون الزيت حااااااااااااااااار جداااا
...
رقائق البطاط
قطعي البطاط شرائح بقشره بس اغسليه زيييييييييييييييييين وقليه عادي في الدهن وخليه على جنب
....
الخضار سوتيه
عباره عن الخضره المشكله تقدرين تحطين بصل اخذر بس انا ماحطيت
فيه مقلاه حطي الخضره والزبده
واخلطي المقادير وضيفي ملح وفلفل اسود واريجانو وفلفل الحمر
انا حطيت وايد ملح خخخخ واستوا مالح شوي لا تغلطون غلطتي بس الحمدلله طلع لذيذ وصح الملح وايد بس طعمه مقبول
....
الحين رتبي الصحن حطي السمج والبطاط والخضره والتزيين يعتمد عليج طبعن بتشوفون الطبق اخر شي
.....
طبعن سويت كل شي على السريع لان ريلي كان ياي من الدوام وحده يوعان هههه
ورتبت السفره حتى بتشوفون ماحطيت شرشف حلو او شي خخخخخخخخخخخ وبس حطيت شموع وورد ماصورت اسمحولي
وهاي السفره النهائيه وصح الحمص والمتبل خذته من برع والتزيين كان بسيط ولكن ريلي واايد استانس ومدحني ههههه :eh_s(22):
هاي السفره
وهذا الربيان حطيت وياه كتشب تقدرين ويا اي صوص
الجبده
السمج
.....
وهدا السويت اللي سويته والمعتمد عندي من زماااان وطبعمه واااااااااااااااااااو
بحط لكم طريقته
هالمره سويته في بايركس
....
اتمنى سفرتي العشاء عيبتكم تعبت من الكتابه والتحميل والسموووحه
:eh_s(17):
اختكــــم قلب الزعابي :eh_s(9):
