طالبتكم طلب دشوا

[بالانتظار]

السلام عليكم
بنات انا عضوة يديده كنت دايماً اقرا مواضيعكم واستفيد منها
وفعلاً استفدت منها ماقصرتوا يا احلي كويتيات
بس انا اليوم يايه وطالبتكم طلب ومابيك تردوني علموني
وطمنوني وادعولي تكفون
انا الشهر اللي طاف اخذت كلوميد وابره تفجيريه وصار موعد الدورة ومايت وحللي دكتوري بنفس يوم موعدها والنتجة سلبيه
وسويت سونار 3 ايام وهم ماكو شي السونار سوالي اياه دكتور ثاني طبعاً سونار داخلي لان الدكتور يقول لازم داخلي عشان اشوف في حمل والا لا قالي مافي حملوبطانه الرحم سميكه يعني دورتج راح تنزل اليوم او باجر وصار اليومين اللي قالي عليهم ولا نزل شي
بس اذكر اني سويت تحليل هرموني قبل موعدها ب5 ايام وهم سلبي بس عقب مارديت من التحليل نزل علي افرازات بنيه مخلوطه بخيوط دم قصيرة يومين ووقف هالافراز وكان هذا يوم 14 و15 من ابرة التفجير
والحين صارلي 25 يوم من ابرة التفجير رالدورة مانزلت بس الم بظهري لما انسدح ومغص ابطني ايي ويروح بس خفيف مو قوي وايد
واللي يعافيكم طمنوني من صار لها مثلي وطلعت حامل وشنو تتوقعون انا حامل والا هذا طبيعي بعد الكلوميد لان دورتي اول مرة تتاخر جذي 6 ايام

 

[cute_batoota]

حبيبتي ردي عيدي التحليل الهرموني وان شاء الله حامل ياااااااارب

 

[sha3oolah]

انا والله ماجربتها ولا لي خبره بهالشي
بس اتوقع انها اعراض الدوره
ويمكن حمل ليش لا
بس اصبري وعسى الله يفرح قلبج..

 

[sha3oolah]

كم صارلها مايتلج الدوره؟

 

[بالانتظار]

٦ ايام

 

[بالانتظار]

اللي ردوا مشكورين ويارب اكون حامل ادعولي تكفون

 

[بالانتظار]

بنات واللي يعافيكم ردوا علي شوروا علي انا حامل والا شنو

 

[توفـــا]

انشاءلله حامل والله يرزقج الزريه الصالحه تأكدي مره ثانيه

 

[بدوية بملامح كشميرية 86]

ان شاءالله حاااامل

 

[لوراااا]

انشالله حامل يارب

 

[ابدا يالغالي مانساك]

نطري حبيبتي وحللي ويااارب حامل

 

[بالانتظار]

بنات توني حللت هرموني بالشفا وطلع سلبي
معقولة اكون حامل وما بين ليما الحين
والا شنو والله نفسيتي تعبببببببت

 

[احساااااس انثى]

الافرازات البنيه من علامات مجيء الدوره ...
الله يرزقك الحمل السليم عاجلا غير اجلا ...
طمنيني اختي اذا صرتي حامل ولا نزلت الدوره جعلها ماتنزل الا بالنفااس يا رب

 

[ماي الورد]

يمكن نفسيتج قالبه عليج موعد الدورة وما اخرتها للحين ريحي نفسج وخليها تنزل

وان شاءالله الشهر الجاي تحملين

 

[بالانتظار]

ان شا الله
انا دكتوري قثني قالي اني سليمه وماعندي اي موانع حمل معني ما سوالي لا تحاليل غدد ولا هرمونات
معني قبل زواجي كانت عندي الغدة الدرقيه بس الحمدالله عالجتها قبل الزواج
وقالي ان ماعندي تكيسات بس رحت حق دكنور ثاني وقالي امبلي انتي عندج تكيسات

 

[بالانتظار]

انا بعرف الحين عندي ولا ماعندي
وحامل ولا موحامل
جبروا بخاطري تكفون

 

[sha3oolah]

باذن الله تحملين
لا تحاتين

اهم شي النفسييييييه


وخل يمر 40 يوم عشان تتاكدين انه فعلا حمل

خلي ثقتج بالله كبيره
انتي توج الصغير وباذن الله حامل

 

[مواصله]

انا مره صار لي جذي وعطتني الدكتوره الدوفاستون حبتين باليوم خمس ايام اذا فيه حمل بتثبته وتقويه

واذا مافيه حمل بتنزل لج الدوره،،كل شيئ وارد الله كريم وان شاء الله حمل

 

[ثنايا الورد]

الله يسوي اللي فيه صالح الج
ان كان خير ربي يرزقج اياه
وان كان شر يبعده عنج
اهم شي النفسيه ريحي نفسج ولاتفكرين وايد
اللي بيصير يصير خليها على الله​

 

[بالانتظار]

بنات طلع حمل خارج الرحم وحولني الدر حق الصباح عشان يعطوني ابرة تموت تلحمل قبل مايكبر ويتحول التخلص منه حق فتح بطن
ادعولي الله يعوضني خير عنه ويسهل اموري الله يخليكم يمكن دعاويكم مستجابه