** تجمع مسافرات دبـــــي 2011 **

[Stop ana top]

صاجه الجوريات لا يطوفكم عطر اسمه واو من انفاسك دخون بدبي مول اشتريته ريحته رووعه

 

[أم سيف وسلطان]

دبي هذا وقتها

 

["*آآآنؤؤؤقهـ*"]

الكل يقول


هذا وقتهااااا


الله يتمم علينااا

 

["*آآآنؤؤؤقهـ*"]

اب






اب

 

["*آآآنؤؤؤقهـ*"]

وبن البناات


اليوم الجوووو رووووووعه ،، امطار وخييير وبركه

 

[الدلال]

اي ماشالله خووش جو اليوم

الله يتمم علينا ويرزقنا من خيره

 

["*آآآنؤؤؤقهـ*"]

اللهم اميييييييين

 

[ليدي دبي]

إحنا الجو حرر عندنا بالنهار بس بالليل حلوو

 

[منو انت]

خاطري اروح هالفتره بس مافي احد يشجعني

كذا مره رحت وكله يكون حر ان شاءالله اقدر اروح هالفتره


عليكم بالعافيه اهم شي القعده بالليل جدام النافوره حده وناااسه

 

[كفايه 22]

صاجه الجوريات لا يطوفكم عطر اسمه واو من انفاسك دخون بدبي مول اشتريته ريحته رووعه

وين محلهم بدبي ؟؟؟؟؟؟؟؟؟؟

ياليت تسولفون عن شغلات الحلوه الي تاخذونها من دبي

 

[غلآ نوآف]

بنات انصحكم بفندق كوبتثورن اسلامي والله عجيب ونظيف ورخيص اخذت سويت الليله ب 60 وقريب من سيتي سنتر وابو الهيل ودبي مول والفندق جد نظييف

حلوو

بليز ستووب
هذا كان شعار الفندق؟

ولو الفندق عندهم موقع خاص بعد(عالانترنت)

 

[غلآ نوآف]

هاي خواتي حبيباتي انا توني راده من دبي لي خمس ايام تقريبا الي تعبني صج المشي كله مشي بمشي سوا بالمولات ولا الاماكن الثانيه اول يوم ريحنا بالفندق لان وصلنا متاخر وثاني يوم بلشناف طلعات رحت لدبي مول وشريت من سيفورا شدوا ارباي ديكاي الباليت الكامل وشريت معمول الياس من الياس الملكي للعطور وشريت من انفاسك دخون بخور جديد توه منزلينه اسمه وايد شي مع عطره بنات لايطوفكم صج روعه محل انفاسك دخون ومميز نصيحه لاتطوفونه مع انه غالي بس يستاهل انا تحسفت اني ماخذيت عطر واو لان مزانيتي كانت شويه طبعا الي تبي الاسعار ماعندي مانع اقولكم وبعدين طلعنا من دبي مول وراحنا لسوق صيني بنات سوق الصيني موعلي سمعته حيييل غالي موشويه بس صراحه عندهم فلاتات عجيبه شريت منهم لاتطوفكم جواتيهم وفلاتاتهم تكرمون واليوم الي وراه رحنا لسوق ابوهيل ابي عبايه والله مالقيت عبايه صاحيه كلش ماعجبني بس لماتعبت اخذت وحده حليوه عشان خاطر زوجي تعب معاي ويبي يخلص بس ونزلت تحت قلت بشوف عطورهم الاشفت عطر عجبني واخذته واخذت لامي وخالتي وبعدين طلعت لسوق نايف سوق عادي بس انه رخيص وكان زحمه قلت بشوف سوق المنال وحنا طالعين من سوق نايف الا ذاك الهندي الي يكلم زوجي ويقوله تبي شناط تقليد ماركه درجه اوله بنات تعبت. وانا اقررر اذا تبون اكمل لكم قوليلي

الجوريات
شلون قدرتي تلقين الهندي الي قال لكم عن شنط التقليد؟
باي مكان القاهم؟
وهل فعلا امان؟؟؟

 

[منو انت]

انا بعد اذكر في هندي قالي تبين تعالي الظاهر يحطونهم بالمكان بعيد عن المحل انا مارحت لان كنت بطلع من السوق مافي وقت على الطياره بس مااهتميت لكلامه على بالي يبالغ

 

[الجوريات]

هلا خواتي فعلن فندق كوبثورن حلو جربته هو فندقنا بس تري بليل يمكن ليلتين ازعاج ومااخف الازعاج الا لمازوجي كلم الرسبشن وحنا حاجزين غرفه مع فطور وبنات بوفيهم مال الفطور حلوو واكلهم نظيف فنصيحه احجزوا مع فطور منها توفير ومنها الوقت مايروح عليكم تدورون مطعم تفطرون فيه وتري فطورهم من ساعه ست لين ساعه عشر بعدين يصير بفلوس لشخص ثمانين درهم وتري فيه مكتب صغير جنب الرسبشن حق الحجوزات االباص العجيب وبق باص وسفاري وعشي علي البوم بخور دبي وتقريبا كل العروض السياحيه تلقونها هناك تختارون شنوا تبون وتحجزون وتدفعون الحساب وحجوزاتهم مظبوطه واسعار المنيو بار الي بالغرفه غالي عشان جذي راح زوج للبقاله قريبه من الفندق وشرا كل الي نحتاجه من عصير وماي الخ ً...وبعد تري فيه حمام سباحه بس حسافه مادشيته وفيه صالون بعد هم مادشيته واي قرقرت وايد ههههههه بس والله نيتي اني ابيكم تستفيدون والاخت الي تسال عن الهندي اهم يفترون ومالهم مكان محدد ومن ناحيه الامان ايه والله امان عقب ماشفت العالم عندهم عوايل وناس ولا انا حدي خوافه وبنات الي تسال عن انفاسك دخون هو كشك صغير لونه ابيض ومكتوب اسمه بالانجليزي بدبي مول وله افرع بس هاذا الي اعرفه وهناك بالمولات اسالوا وايد حاطين كونترات تساعد الناس من كبير مجمعاتهم واتمني سفره موفقه* للجميع

 

["*آآآنؤؤؤقهـ*"]

الجورياااات حبيبتي مشكووووره

 

["*آآآنؤؤؤقهـ*"]

لااله الاالله محمد رسول الله


استغفرالله والحمدلله والله أكبرر



سبحان الله


سبحان الله

سبحان الله

 

["*آآآنؤؤؤقهـ*"]

منو انت

لاتنطرين تشجييع من احد

روحي لنفسج استانسي خيتوووو



مووفقه ،،،

 

[بنفســج]

بليييييييييييز بنات بعد باجر طيارتي وين تنصحوني اروووووووووح للتسوق والتشري

خلووووونا نشوفكم انوقه والدلال هناك

 

["*آآآنؤؤؤقهـ*"]

ان شاااااءالله

ليش لا. تقريبا سفرتنا قريبه من بعض خلنشوف بعض



ان شاااالله اروح وارجع بسلاامه واقولكم وين رحت هالمررره ،،

 

[الجوريات]

خواتي نسيت لا اقولكم عن اذا وحده منكم حابه تشتري خط مناك وهي تبي خط ونت وسوالفنا الايفون والواتسب تاخذ. خط دو احسن من الاتصالات بسوالف الشبك وتقريبا سعره مع الاشتراك. ميه درهم واذا تذكرت شي راجعه لكم ولا تنسون الجواتي رياضيه والفلاتات لا ن صراحه تعب مشي بمشي ههههه انا تقصت كيلو وزوجي كيلوين مع انه كنا ناكل عدل بس مشي هههه