روايتي الآولى : لآ تلعبين معاي تراج منتي قدي ( نوف * حمد ) / بقلمي

[أموت بعيونك]

ي رررربي نبي التكممممممممممله
و الرؤووؤااايه وآآآآآآآووؤ
كآآفي اسسم نوؤوفي فيهآآ لوووول :$ x_x

 

[Dashtawya]

نااااطرينج كملي اب اب اب اب اب اب اب

 

[Zhm1996]

قطييييييييعه مو احنه مــــا نفتك من هالجلكسي الله ياخذها كل شي من وره راسها 
نااااااااااااطرييينج ع نااار و ياريت البارت يكون طويل ؛**
و يعطيج العافيه 

 

[shyy'Om]

الجزء الثاني من البارت الأخير .. ! ​

بالمستشفى عند ديمة وخالد
ريم : ديوم خالد معاج بنفس المستشفى .. دقيت علييه سألتة .. و بعدين انا رحت تحت و سألت عنة و قالولي وين موجود و بأي طابق
ديمة فرحاانة : صج .. انا الحين رايحة
ريم : لا ديمة لا تروحين لا تفتحين الجروح الي يمكن تسكرت .. بعدين انتي مو زين عليج تشيلين الدرب و المضاد الحيوي وحتى الاوكسجين ما تقدرين تتنفسين بدونة .. انتي ما تقدرين تمشين
ديمة : انتي تعرفين شنو يعني خالد معاي و بنفس المكان .. انا ما اقدر اقعد هني اكثر واذا ما قلتيلي انا بروح تحت اسئلهم
ريم : انا خايفة علييج مو زين عليج
ديمة : انتي اليوم راح تنامين هني
ريم : اي
ديمة شالت الدرب من ايدها حيييل وكانت لابسة روب المستشفى
ريم : انتي شقاعدة تسويين
ديمة : انا رايحة .. !
ريم : انزين لبسي ملابسج
ديمة : مابي اخاف يروح
طلعت من غرفتها وعلى طول راحت صوب غرفة خالد .. وكانت تمشي بصعوبة .. و آخر الايام حاشها إلتهاب بالصدر ما تقدر تتنفس الا و الكمام معاها اهي شالت كل الاجهزة و رضت تختنق بس عشان حبيبها خالد


•••​

قربت صوب الغرفة افتحت الباب ما قدرت تكمل الا تطيح من طولها
خالد فز من نومة و كان توة شايل الجبس
خالد : ديمة .. قام من الفراش .. ديوم قومي .. ( بصعوبة كان يمشي لان الجرح لي الحين ما ألتام و توة شايل الجبس الي على ريلة )
قاعد يطق على ويها
خالد : ديمة شفييج ديمة قومي
ديمة كانت ما تقدر تتنفس مختنقة اتأشر على رقبتها بس خالد مو فاهمها
خالد : ديووم روحي قومي شفييج تكلمي قوليلي شفييج !!
ديمة قاعدة تكح حييل خالد طلع من الغرفة و بالغصب قادر يمشي على ريولة راح عند السستر وقالها ان ديمة مختقة و مو قادرة تتنفس .. على طول السستر يابت جهاز التنفس معاها و حطتة حق ديمة وكان الاكسجين عندها واصل 80 يعني الله ستر انها ما ماتت المعدل الطبيعي حق الاوكسجين بالجسم 90 و فوق
خالد قاعد على الكرسي و ديمة على الفراش
خالد : انتي ليش بالمستشفى ؟!
ديمة : لاني انتحرت
خالد وقف من الصدمة : شنو انتحرتي .. ليش ( يحط ايدة على جرحة ) آآه
ديمة تبجي : خالد انا عبالي انت مت قلت ابي اموت معاك
خالد معصب : انتي شنو مو صاحية .. تدرين لو صاير فيج شي جان الحين انا مو مسامح روحي كلش
ديمة : خالد انا ما اقدر اعيش بدونك
خالد يدوس على قلبة : بس انا اقدر
ديمة سكتت فترة رفعت راسها : شنو ؟!
خالد : اي ديمة انا اقدر اعيش بدونح .. ترى الي حصلتة انا مو شوية .. انا بغيت اموت طعنوني بصدري .. و كسرووا ايدي و ريلي .. الله يحبني الي قومني من هالسالفة بسهولة
ديمة : بس ..
خالد : لا بس ولا شي .. خلاص الي بينة انتهى .. ما اجذب عليج انتي كنتي احلى شي بحياتي .. ( نزلت دمعت خالد ) اصلا انتي كنتي كل شي .. بس ما يصير .. غلط ديمة غلط
ديمة : انت شقاعد تقول ؟! بهالسهولة تتخلة عني
خالد يصرخ : لا مو سهولة انا معاج بغينة نموت لو ما الله ستر .. انت توج بغيتي تموتين جدامي وانا مادري شنو اسوي بغيتي تختنقين والسبب منو السبب انا .. انتي انتحرتي لو مو اهلج لاحقين عليج .. جان انتي ميتة .. والسبب منو ؟! السبب انا .. انا طعنوني لو حارس الملعب مو شايفني جان انا الحين تحت التراب .. ديمة ما يصير
ديمة : ااااخ عليك يا خالد اااخ .. عمري ما كنت متوقعة اسمع هالكلام منك .. قولي خالد انا شلون راح اعيش .. انا تعودت عليك انت روحي .. انا بدونك جسم بدون روح انا ولا شي الحين .. تعرف شنو يعني ولا شي .. خالد انا صج حبيتك .. ابي اعطيك شي و مو انا الي راح اعطيك ريم اهي الي راح تعطيك لان هذي آخر مرة اشوفك بحياتي
فصخت الكمام قرب من خالد باستة على راسة
ديمة : فمان الله ياحب غالي .. احبك
خالد : وانا ...
ديمة حطت ايدها على حلج خالد : بس خالد اسكت
خالد قرب من ديمة ولمها وهمس بأذونها كان يبجي : اذا تحبيني ديري بالج على روحج


​

•••
​

كانت تمشي بممرات المسشتفى و قلبها يتقطع و ينزف دم .. دموعها ما وقفت و صلت غرفتها و ريم حاطة ايدها على قلبها
ريم : ديوم شفيييج
ديمة : ريم احنا خلاص فلينا .. ماكو شي اسمة خالد خلاص .. طلعت الدفتر من الكبت الي بالمستشفى
ديمة : هاج روحي عطي هذا خالد
ريم : ليش ؟!
ديمة : روحي عطييه ولا تقولين ليش ؟!
ريم راحت الا تعطي الدفتر حق خالد
خالد يبجي : هذا الي راح يخليني اعيش .. هذا الي راح اعيش عشانة .. هذا احلى شي

​

•••​

بعد مرور شهر

نواف حط التهمة على روحة ان اهو الي ذبح حور .. وحور دخلت مستشفى الطب النفسي .. حالتها كل يوم تتحسن بس ما تسمح لها انها تطلع من هالمكان .. كل يوم تفز من النوم والسبب الكوابيس الي تشوفها
حور بعد اسبوعين من دخولها المستشفى اكتشفت انها حامل و كل يوم تحاول تطيح الياهل بس ماكو فايدة .. ما تبي تتذكر تبي تنسى بس بوجود هالياهل النسيان راح يصير صعب حييل .. الطبيب قالها اول ما تولد راح يطلعونها من المستشفى
نواف كانت عقوبتة الاعدام بس اهل جاسيكا تنازلوا عن القضية لان نواف فهمهم كل الموضوع ان اهو بريئ و الي ذبحت جاسيكا دشت الطب النفسي و ان حور حامل ما تقدر على السجن و المحامي طلع نواف بجريمة قتل بالغلط و بجذي الحكم صار 25 سنة سجن !!
او مشعل والهندي كانت عقوبتهم الاعدام بعد والسبب انهم تسببوا بموت اكثر من شخص لان الحادثة مات فيها 6 مهندسين و غير العمال الي بالمحطة
اما عبدالله ودانة
عاشوا احلى حياة وعبدالله قاعد يربي بنتة احسن تربية و اهم شي عندة بيتة وعايلتة راح عاش بالبيت مع ابوه عشان ما يستاحش بعد ما ام عبدالله هدت ابوه وردت حق حبيبها القديم
نروح بعيد شوي بالنسبة حق قصة خالد وديمة بس مو كل الابطال بس ديمة وخالد
بعد سنة من الموقف الي صار بين ديمة و خالد .. ديمة كانت قاعدة مع رفيجتها و رفيجتها هذي اخوها رفيج خالد
مريم : الا ما دريتي ديوم
ديمة : شنو ؟!
مريم : اليوم عرس خالد بالصالة مالت الافراح الي بالشعب الا اسمها صالة بهبهاني
ديمة وقفت من مكانها و تجمعت دموعها .. رفعت راسها فوق ما تبي دموعها تنزل .. خلاص يا خالد نسيت الي بينة وتزوجت .. هههه صج انا نسيت سنة كافية اتنسيك كل شي
مريم بتصنع : وي انتي بعدج .. يبة انسي مثل ما اهو نساج
ديمة معصبة : اهو مغصوب ولا خالد يموت على التراب الي انا امشي علييه اصلا احنا اثنينة هدينة بعض
ديمة راحت عند الصالة و هالصالة المعرس يكون واقف عند الباب و وقفت من بعيد و قاعدة تطالع الشباب يباركون حق خالد واهو حيل فرحاان
ديمة : خلاص كل شي خلص .. خلاص أحلى شي راح .. اغلى شي خلص احلى ايامي صارت مجرد ذكريات .. أعز شخص صار حق غيري
مبروك عليك اهي
​

•••
​

نرد حق باجي ابطالنا نوف و مشاري و شيماء وحمد
نوف ردت من مستشفى الطب النفسي واهي ضايق خلقها على حالة رفيجتها حور
ام نواف : نوف !!
نوف : هلا يمة
ام نواف : انا ادري ان الي مرينة في مو شوية موت ابوج و بعدها سالفة مشعل و سالفة حور و نواف .. بس احنا لازم ننسى كل شي و نبلش من يديد
نوف : يمة ما فهمتج و مالي خلق افكر قوليلي شنو عندج ؟!
ام نواف : اليوم خطبوج
نوف كانت تدري ان ام مشاري اليوم راح ادق على امها .. مثلت انها فرحانة : صج يمة !
ام نواف : اي صج وانا رحت السجن حق اخوج و خذيت راية وكان موافق .. وبعدين رحت حق حور و فرحت لج حييل
نوف : متى رحتي حق حور
ام نواف : اول ما انتي طلعتي من المستشفى انا رحت لها .. الا انتي وين كنتي
نوف : بالجامعة يمة .. يالله انا بروح اريح
ام نواف : انزين تعالي يالمطفوقة ما تبين تعرفين اسم الصبي و عايلتة
نوف بخجل : لا يمة ابيها مفاجئة يوم الخطبة قوليلي .. الا اهم متى راح ايون
ام نواف : باجر انشاء الله
نوف تجمعت الدموع بعينها
ام نواف : شفيج يا حبيبتي
نوف : كنت اتمنى ان حور تكون معاي بهاليوم .. ونواف اخوي يشوف خطيبي .. أأخ
ام نواف : خلاص احنا شنو قلنا .. الكل راضي ودامهم راضين و فرحانين لج انتي لازم تفرحينهم اكثر و توافقين
نوف : الله كريم يمة ​

•••


مشاري يتكلم بالتلفون
مشاري : هلا حبيب قلبي .. شلونك فاقدينك والله
... : ما تفقد غالي .. حبيب ميشو
مشاري : ههههه انزين مستعد حق باجر
... : على اتم استعداد ​

•••

　
اليوم الي ورااه .. نوف قاعدة من الصبح وحدها مستعدة حق مشاري
مشاري يدق عليها ما ترد يعني تتغلى الا تدز له مسج ( يمة منك مو قادر تنطر خو المغرب راح اجاابلك ) ​

رد عليها (

can't wait )​

ام نواف شبت البخور و سنعت البيت و كل شوي تيبب
نوف : يمة انا حدي خايفة .. جني فجأة راح اهون
ام نواف : لا لا محد راح يهون ما اصدق انج توافقين تتزوجين .. انا ما راح اقدر اشوف عيال نواف اخوج على الاقل ابي اشوف عيالج
نوف معصبية : يمة شفيييج .. نسيتي ان حور حامل ولا انتي ما تبين ولد حور بعد
ام نواف : هذا اذا ولدت .. كل يوم اروح المسشتفى و يقولي الدكتور انها كل يوم تحاول تطيح الياهل
نوف : حتى لو ترى حور قلبها طيب و ما راح يهون عليها ولدها
ام نواف : يووه نسيت اقولج ان ام الصبي مسافرة و عمتة راح تخطب بدالها
نوف استغربت على طول دقت على مشاري بس مشاري ما رد يعني يبي يرد لها الحركة
نوف دزت مسج : انا كنت ابي امك تخطبني و كنت راضية انطر
مشاري : بس انا مو قادر انطر ناديت عمتي بدالها .. على قولة بشار يا نوف شوقي وصل حدة مو قادر ​

•••


شيماء ردت البيت و اهي فرحانة حيييل .. حمد كان قاعد يتزهب يبي يطلع
شيماء : حمد
حمد : يا عيون حمد ..!
شيماء بفرح : حمد انا حامل
حمد لف ويهة ومستغرب حييل : شلون و متى ؟!
شيماء : انا كنت أعالج من وراك .. انا قتلك عن العلاج وانت رفضت الفكرة على اساس ان الموضوع ما منة فايدة .. بس شوف (تحط ايدها على بطنها ) هني ولدك
حمد مو مستوعب : شيوم انتي من صصج ولا تلعبين بعصابي ؟!
شيماء تجمعت دموع الفرح بعيونها : اي من صجي
حمد لم شيماء حييل و بدت دموعة تنزل بدون ما يحس
حمد : انا فرحان وااايد انا اصلا مو مصدق الي صار .. احبج شيوم انا احبج
شيماء : و انا اكثر .. يشهد الله علي انك عندي أغلى شي بحياتي و اموت من الفرحة لمن اشوفك مستانس و فرحان .. الا انت وين رايح ؟!
حمد : مواعد الربع بالدوانية
شيماء : يالله بو طلال بالسلامة .. دربك خضر ههه
حمد : الله يسلمج ويخليج و ياخذ من عمري ويعطييج يا بعدهم كلهم ​

•••


بعد ما اجهزت نوف و نزلت عند امها وعمة المعرس
كان شكلها ناعم حييل .. حاطة مكياج خفيف و حمرة وردية فاتحة و شعرها مسويتة ويفي و لابسة نفنوف و ردي ناعم حييل .. بختصار شكلها اينن
ام فيصل ( عمة مشاري )
ام فيصل:لا إله الا الله .. تبارك الرحمن .. ماشاء الله عليها جنها البخت
نوف مستحية و ساكتة باست راس ام فيصل و قعدت
نوف : السلام عليكم
ام فصيل : وعليكم السلام .. الا ما قلتيلي بنتي نوف انتي شكثر باقيلج و تتخرجين
نوف : والله كلها سنة و اتخرج
ام فيصل : بس المفروض انتي متخرجة
نوف : اي خالتي بس لاني خذيت سنة تمهيدي عشان جذي تأخرت
ام فيصل : اها .. وانتي شنو تخصصج
( تحقيق مو خطبة ) نقدر نقول ان ام فيصل دمها كان ثقيل شوي
نوف : محاسبة
ام نواف : الا يا ام فيصل .. الولد وين راح يسكن بنتي
ام فيصل : والله الي يريحكم اذا البنت راضية تسكن عندهم حياها الله واذا تبي شقة بروحها هذا حقها
نوف طول الوقت ساكتة و بعد التحقيق
ام فيصل : الحين الصبي برة عشان يشوف البنت
ام نواف : يالله نوف يمة الصبي يبي يدش .. تفضلي يا ام فيصل معاي السرداب
ام نواف و قفت صوب بنتها الا تهمس بأذونها : اظن ان الحين الوقت المناسب انج تعرفين اسم المعرس .. يمة المعرس اسمة ....
​

•••​

نهاية البارت نطروني بالبارت الياي
ملاحظة * ( الجزء الاخير كلة راح يكون عن نوف .. ابي توقعاتكم ورايكم .. واهم شي شرايكم بنهاية قصة كل شخصية )
سؤال حدي حابة اعرف اجابتة
بما ان ديمة و خالد قصتهم حقيقية وانا دايما اختلف مع ابطال القصة بان الغلط على خالد ولا ديمة .. مرة اقول ان ديمة اهي الغلطانة لان اهي فضحت روحها بروحها ومرة اقول ان خالد اهو الغلطان لان اهو اكبر من ديمة بــ4 سنين وفاهم اكثر منها والمفروض ما يغلط معاها
الحين السؤال ؟!
منو الغلطان ديمة ولا خالد ؟!


عاد ابي خوووش تفاعل يا جماعة الربع
​

 

[F6omii]

Waiting 3la A7rrrr min eljamer!

 

[MeeMeeYoo_2]

انا عندي خالد ما غلط
خالد كان يقدر يخطبها من اول ما عرفها

بس ديمة انا من اول الرواية ما تعاطفت معاها من حركاتها !


يعطيج الف الف عافيه

 

[ღرحت فيهاღ]

ثااانكس على البارت الي يبجي ولاديمة ولاخالد اهم الغلطانين لان مثل مايقولون الحب اعمى واحسس مو مشاري الي رايح يخطب نوف يمكن احد يعرفه وديمة وخالد صجج يبجووووووووووووون من قلب ااااااخ ونواف الله الله 25 سنة وحور تكسسر الخاطر وووووناطرينج وبثث

 

[Zhm1996]

أنا اقول ديمه لانها غبيه ولعبت ع الحبلين انها أوهمت احمد انها اتحبه وراحت خربطت وياه و فضحت عمرها 
و يمكن المعرس حمد ! او مشاري مادري

و بسس نااااااااااطرييينج على ناااااار ;*

 

[كلي أحزان وهموم]

مشكوورة على البارتات بس لييييش وقفتي وانا كنت ميتة ابي اعرف منو :eh_s(2):
أتوقع الي خاطبها حمد مو مشاري مادري أحساسي يقول جذي:eh_s(4):
وحوور كسرت خاطري الله يعينها ونواف هم كسر خاطري لانه ماله شغل اهو حبها غصبن عنه مو بكيفه يعني
وديمة وخالد امممم أنا أقول اثنينهم غلطانين وخالد لو حبها جان خطبها من الاول بدال مايخليها تضيع من ايده وديمة مفروض توقف بويه الكل عشانه وجذي
كمممممممملي نـــاطريييييينج:ggdw:

 

[أموت بعيونك]

ابي التكممممممممممممممممممممممممله :
مااادري ششنوؤ التوقعاات مااعرف اتوؤقع لووؤؤل :$

 

[أووص بس]

أتوقع ام فييصل خطبت نوف حق فيصل < اتمنى يكون غلط

بالنسسبه لسؤآلج الحب ما يعرف العمر ..~
خالد غلط يوم تخلى عن حبه ..~
وديمه غلطت يوم فضحت روحها ..~
نـآطرينج حبوبه ..~

ودي لج ..~

 

[MeeMeeYoo_2]

يمكن صج مشاري خطبها بس حمد ياي معاه ؟ مااايندرىىىىى


ثنكيووو

 

[احب المدرسة]

انا بالنسبة لي اثنيناتهم غلطو يعني خالد مو كان يحبها جان اول ماعرفها راح يخطبها وديمة دام من الاول عرفت ان خالد يعرف عزيز < اهم شي اني قمت ادلع
المهم جان هدتة واهي الي فضحت روحها يعني انتي مسافرة الدفتر ليش يايبتة معاج ؟؟

 

[ابي قطوة ميوووو]

شيووووووم انا قريييت الباارت الاخيير بكووول كوييييتي
امببببببببببببببي النهاااااااااية تبببببببببببببببجي
حرااام عليييج نفسييتي تعبت وانا افكر بحل حق حمد ونوف << ملكة الاحسااس المرهف ؛$
لا يعنيي صج صج عللىىىىىى ما كثررر ما كنت كاااارهة نووووووووف على كثثثثثثر ما كسسسسسرت خاااااطري
حمممممد ليييششش جذذذي حقييييييييييييير اصلا حمد غلطااان ليييش ماااسمعها يعني اهيا مسكييينه حبته على اخر جم يووم
سبحااانه الله كل هذاا مت تحت رااس عبووود الوحييييييييد الي كاااانت نهاايته سعييييدة
فررررق اثنييين وعاااش احلاااا حياااة ؛@
مشاااري انا من البدااية ما كنت مرتااحتله لانه طرييقة تعاارفهم اهوا ونووووف حدهاااااااااااا حدهااااااا غلططططط
شيمااااء من الاول المفروض ما تتزووج حمد مسكييينة الحييين واااايد قعد تتعذذذب :'(
وبس!
احب اشكرررج على هالروااية الحلوووة وننتظر يديدج ومنها للاعلى ان شااء الله ؛*

 

[فتاة الكئابه]

نبييييي باااااااااااارت
حديييي متشووووقه

 

[حبكـ ملكني]

بـلــــييييز نبــي بااارت ....,

 

[shyy'Om]

الجزء الاخير

نوف وقفت من مكانها مو مصدقة الي اطالعة
نوف : حــ’ح م د

حمد يضحك : اي حمد شفيج مخترعة !!

نوف الدموع تجمعت بعيونها : انت ليش ياي هني !!

حمد : افاا بدال لا تقولين حياك الله تو ما نور البيت .. تقولين ليش ياي هني !

نوف : بس ..

حمد يقاطعها : بس انا اكمل .. بس كنتي ناطرة مشاري مو حمد صح ؟!

نوف انهارت مو قادرة تجمع : انت شعرفك بمشاري .. لا يكون انت اخووه لا لا مشاري عايلتة غير عن عايلتك .. بس انت ما عندك اخو غير طلال .. بس مشاري وين وانت وين .. لا لا صح

حمد : حبة حبة انا اقولج .. ( حمد باحتقار ) نوف مشاري صاحبي
نوف نزلت دمعتها و تتكلم بصعوبة : حمد لا لا تقول .. حمد انت تجذب مو .. (بدت تصرخ ) مشاري حبيبي مشاري زوجي مشاري روحي .. مشاري كل شي لا لا مشاري مو جذبة مشاري صج .. لا تقول ان الي عشتة مع مشاري جذبة .. حمد وغلاتي لا تقول

حمد : اي غلات قصدج الغلات الي راحت .. بييه من زمان مكانج راح .. الحين هني ( يأشر على قلبة ) مافي الا شيوم ام عيالي ام طلال .. انتي مالج مكان .. انت الحين نكرة ولا شي .. اي جذب كل شي جذب .. شفتي السنتين الي انا عشتهم انتي عشتييهم بجم شهر .. شفتي الاحساس الي انا حسيتة انتي الحين تحسينة .. شفتي الدموع الي نزلت مني الحين انتي قاعدة تنزل منج .. شفتي الجرح الي بقلبي الحين صار .. نوف البادي اظلم

نوف تبجي بهستيرية والكحل كلة ساح : حراام علييك يا حمد ليش ؟! ليش تسوي جذي انا صج احبك شلون قلبك طاوعك .. شلون قدرت .. انت من وين يبت كل هالحقارة انا نوف انا حبيبتك انا اوكسجينك على قولتك .. شلون قدرت تخلييه يقص علي و يستغلني ..

حمد عض شفايفة حييل .. بحسرة : وانا كنت امووت علييج مو بس احبج .. انا تعلمت منج شلون انتقم شلون اجرح شلون اجذب .. كل صدفة كانت تجمعني معاج كانت جذبة انا الي مسويها .. نوف انا دمرتج مثل ما دمرتيني .. الحين قلبي ارتاح انتي شفتيني وانا منكسر الحين انا شفتج وانتي منكسرة .. مشاري لا حبج ولا شي مشاري عرفج مني ولا انتي ما سألتي روحج شلون مشاري يفهمج حييل ( نزلت دمعة حمد ) لاني انا كنت افهمج لاني انا كنت اعرفج لاني انا كنت احبج .. انا لي الحين عيوني تدمع والسبب انتي .. انا ما نسيت انا كل يوم اتذكر .. اتذكر كل شي ولا شي راح من بالي سنتين يا نوف سنتين من عمري تعرفين شنو يعني سنتين !!

نوف حست ان الدنيا تدور فيها مو قادرة توقف راسها يدور يدور و مو قادرة ترد بولا كلمة حست ان لسانها منربط

حمد : شفتي مو قادرة تردين .. انا لمن دريت طحت من طولي رحت بغيبوبة الله لا يرد ذيج الايام .. حتى بالغيبوبة كنت اشوفج .. كنت احبج ليش نوف كنت احبج .. انا رديت مو عشان اضحكج عشان ابجيج عشان اكسرج .. انتي صج حبيتني ولي الحين تغلطين بأسمي بس عقب شنو اذا فات الفوت ما ينتفع الصوت

( لا تسألوني حمد من وين ياب هالقسوة كلها .. بس الي عاشة مو شوية و سنيتن جذب و اوهام تسوي اكثر من الهقد والكره الي في قلب حمد
نوف محترقة من دااخل .. ما توقعت هذي تكون نهاية حبها مع مشاري .. وما توقعت ان حمد حاقد عليها و يكرهها لهالدرجة .. عمرها ما سمعت كلمة مو حلوة من حمد .. واليوم ياي بس عشان يكسرها و يجرحها )

نوف بدت تطق ريلها حيل : بس انا مو بنت حرام عليك ليش خليت مشاري يسوي جذي فيني والله حرام عليك الله ينتقم منكم

حمد : على فكرة نوف .. الشي الي سويتييه انتي مع مشاري ما كان ضمن المخطط مشاري كان يبي منج هالشي وخذاه بكل سهولة .. استغربت حيل منج .. حسيت اني منكسر اكثر .. قتلة لا مو هذي نوف الي اعرفها نوف ما تسوي جذي نوف ما تحط راس اهلها بالتراب .. بس للأسف انج الحين قلتيها و كل شي صار تحت أرادتج ومشاري ما غصبج على شي انتي رحتيلة بريلج
نوف نزلت راسها و حست انها راح تموت حست في شي على قلبها.. مقموتة مو قادرة تبلع ريجها حاسة بقصة
نوف : بس ..

حمد يقاطعها : لا بس ولا شي انا كلش ماراح اتعاطف معاج .. إلي سويتة ما يرد جزء من الي انتي سويتييه

نوف قربت من حمد حطت راسها على جتف حمد شالت راسها وحطت عيونها بعيون حمد

نوف تأشر على قلبها : هالقلب بعدة يحبك .. هالعيون بعدها تشوفك و ما تشوف غيرك .. هالعقل ما يفكر الا فيك .. انا صج حبيت مشاري وحبيتة حييل بعد .. بس انت غير ..

حمد ما قدر يقاوم نوف : نوف انتي تأخرتي تاخرتي حيييل انتي كنتي اغلى من روحي علي و فجأة حسيت اني خسرت كل شي والسبب احلى شي بحياتي نوف انا ما انام الليل مثل الاوادي التفكير يقتلني بعدي احلم فيج واغلط بأسمج نوف انا احبج تعرفين شنو يعني احبج

نوف تبجي : نقدر نكمل نقدر نرد مثل اول ( قربت منة وحطت عيونها بعيونة ) ترجععلي

حمد يقاطعها وكلش مو مهتم بكلامها :

نوف لا تلعبين معاي تراج منتي قدي
​

نوف لا تلعبين معاي تراج منتي قدي





نزلوا تحت

لحد يرد

!
​

​

 

[shyy'Om]

اتكلم بلسان كل بطل من ابطال قصتنا :*

حمد :حسيت بالفرحة والحزن بوقت واحد .. حسيت اني فجأة ابي ألمها و ابجي بحظنها كنت امثل القوة ولا انا من داخل وايد ضعيف جدامها .. ضعيف جدام دمعتها ضعيف جدام عيونها .. حسيت اني بروح لها وامسح دمعتها و اقولها لا تبجين يالغالية دام انا موجود ما عاش من ينزل دمعتج .. بس انا إلي نزلتها .. وفجأة نسيت كل هالمشاعر و تذكرت تسجيل صوتها تذكرت الشقة والخيانة تذكرت الكلام والجذب تذكرت عبدالله وحقارتة تذكرت كل شي .. كنت اتمنى اني فقدت الذاكرة ولا اعيش طول عمري بهالعذاب والألم .. أأأخ هالموقف اصعب شي سويتة بحياتي .. خفت فجأة اضعف و ارد لها .. انا صج كسرتها و بجيتها بس راح اتم طول عمري احبها ..


نوف : كنت متخيلة اني متوهمة لمن امي قالتلي المعرس اسمة حمد .. كان ودي ان حمد ثاني يدش من باب الصالة .. قبل لا ارفع راسي شميت عطرة .. حمد ريحتة غير كنت اميزها .. خفت ارفع راسي و يكون كل هذا صج .. كنت اتمنى اني اقعد على صوت صراخ امي و يكون كل هذا حلم .. بس لمن سمعت اسم مشاري على لسان حمد .. استوعبت ان كل الي عشتة بالشهرين الي طافوا جذب .. كنت اتمنى مليون مرة ان الي قاعدة افكر في ما يصير بس صار .. انا كرهت عمري .. كرهت الحياة .. اصلا الي مثلي المفروض ما يعيشون .. قمة الحقارة لمن ألعب بمشاعر انسان مالا اي ذنب .. حسيت بس عقب شنو ؟! حسيت ان الي سويتة غلط .. انا أسئل روحي معقولة انا استاهل الي صار لي .. معقولة استاهل هالانتقام ؟! .. صج اني حبيت حمد بس حبيتة وايد متأخر ..

.................................................. .................................................. .........



شيماء : كنت مصرة حييل ان حمد يصير حقي .. وبالنهاية صار حقي .. تعودت على حمد وعلى احلامة .. ما يمر اسبوع الا واهو فاز من نومة و يصرخ بأعلى صوتة نوف .. تعودت ان نوف تكون معانة بكل شي .. صار هالشي عادي بالنسبة حقي .. كنت اغار حيييل منها مع ان حمد مو معاها بس كل شي فييه يبيها .. مع ان اهي سبب تعاستة وحزنة بس بعدة يحبها .. كنت استغرب حييل شلون يحبها كل هالحب .. بس انا لمن اصير ام طلال راح انسييه نوف نهائية .. نص حمد حقي والنص الثاني حق نوف .. بعض الاحيان أرضى بالواقع ان نوف صارت شي أساسي بحياة حمد .. بس انا مو راضية بهالشي و مع الايام راح يصير حمد حقي بروحي !! ..


.................................................. .................................................. .........


نواف : مابي شي بس ابي ارد الزمن .. بالجمعية بستاربكس بالتحديد عند خويلد .. مابي ارفع راسي واشوفها . .اهي أكبر غلطة بحياتي .. حبيتها بس المفروض ما احبها .. انا الحين بين اربع طوف بالظلمة لمدة 25 سنة لا سنة ولا سنتين انا استاهل كل الي يصيرلي وحدة ماتت والسبب انا والثانية بالطب النفسي .. لمن ولدي يطلع على الدنيا راح يطلع يتيم يمكن انا اموت بهالمكان و بعدي ما شفت ولدي .. انا مستعد اشوفة من بعيد بالشارع ولا بالبحر يمكن اطلع و يكون جدامي بس مادري اذا هذا ولدي .. ماراح اسمع اول كلماتة بابا ولا راح اشوف اول خطواتة ماراح اشوف اول سنونة ولا راح اشوفة يكبر .. كنت اقدر اكتفي بحب حور حقي الي من كبرة يمكن يملي العالم كلة .. بس انا طمعت بأكثر .. انا غلطان وهذا إلي لازم يصير فيني



.................................................. .................................................. .........

حور : فجأة شفتها بالارض ميتة بس قبل هاللحظة ما اذكر شي مادري متى و شلون ماتت ما كنت بوعيي ولا ادري شنو قاعدة اسوي .. بس اهو خاني لو اهو صايني جان ما صار كل هذا يبيها تصعد معاه الغرفة وتنام بفراشي ليش لهدرجة انا رخيصة لهدرجة اهو يحتقرني ومايحبني اكره الي فـــبطني لان يذكرني في انا ما ابي ولدي يطلع ابي يموت ابطني ابي ينزل لان بكل لحظة اشوفة اذكر كل شي كل شي وانا ابي انسى .. هذي نتيجة حبي له !!

.................................................. .................................................. .........


ديمة : تمنيت ان اهلي مو اهلي .. انكسرت لمن دريت ان خالد تزوج و كابرت و قلت موافقة على ولد خالتي .. بس عشان اثبت حق الي حواليني اني نسيت بس انا ما نسيت .. نظرات احمد و عزيز تذبحني .. قمت اكره منطقة الشعب و كل شبر فيها .. كل ما ادخلها احس اني منقمتة و مو قادرة اتنفس اتذكر الجمعية و بيت يدي اتذكر خالد و صالة الافراح .. مو قادرة انسى والذكرى بدت تذبجني .. كنت اتمنى اني قاطة جياس الادوية بالزبالة عشان يدتي ما تطالعهم و تعرف اني قاعدة انتحر جان انا الحين بمكان ثاني جان انا الحين تحت التراب .. بالفترة الاخيرة وايد قاعدة اصادف خالد وهالصدفة قاعدة تذبحني !! .. قمت اكره عيال عمي و ما اقدر اروح بيت يدي .. خطيبي يحبني وانا قاعدة احاول احبة .. بس مو قادرة مو قادرة


.................................................. .................................................. .........

خالد : وافقت على هالزواج عشان انسى .. خذيت احسن بنت بالكويت هذا كلام امي .. ابي انسى الهم والبجي .. انا بعدي مكسور و اتذكر حالة ديمة بالمستشفى !! .. تعرفون شنو يعني انتحرت علشاني .. هذا بحد ذاتة دليل كبير على حبها حقي .. احاول احب زوجتي كثر ما اهي تحبني .. بديت احبها شوي شوي .. بس مادري اذا راح تخليني انسى ديمة ولا لأ .. قمت احب انام لان الاحلام المكان الوحيد الي اشوف ديمة واسولف معاها بدون لا احد يضايقنا او يعكر مزاجنا .. ربي شاهد علي اني كنت ابيها على زواج و خطبتها بس امها رفضتني .. حاولت ارد علاقتي مع عزيز واحمد .. بس الي انكسر عمرة ما يتصلح .. اكره الصدفة لان تبطل جروح يمكن تسكرت .. انا احبها اكثر من كل شي بهالدنيا .. احبها اكثر من روحي ويمكن اتم طول عمري احبها

.................................................. .................................................. .........


عبدالله : قمت اكرهها .. اكره كل شي فيها جمالها و صوتها ملامحها و تصرفاتها .. كنت وايد مجروح منها .. انا حبيتها صج و كنت مستعد اسوي كل شي بس عشانها .. بس بكل مرة احاول اني اتقرب منها اتفاجأ بالصد و الكره .. حبيت ام ريان ام بنتي اهي نقطة التحول بحياتي .. احب كل شي فيها احب عيونها و شعرها .. احب طريقة كلامها و شخصيتها .. احب عيوبها و ميزاتها .. انا تغيرت والسبب دانة .. عمري ما كنت اتخيل اني راح اوقف على السيادة و تدمع عيوني خوف من الله .. الحين قمت اصلي و اصوم و كل يوم اروح المسيد .. دانة غيرت حياتي فوق تحت للاحسن !! .. اهم شي بحياتي زوجتي و بنتي و ابوي ..

.................................................. .................................................. .........


فاطمة : انا يبت طلال .. وكل ما يسموني ام طلال اذكر كل شي جنة امس صاير .. ابتسم بدون لا احس و تنزل دمعة حارة على خدودي امسحها اخاف احد يشوفها .. طلال شي حيييل كبير بحياتي لي الحين احس ان اهو معاي بكل شي اسويييه .. لي الحين اسمع صوتة و اتذكر كل شي .. ما نسيت ولا شي .. بالنسبة حق جاسم و ابو عيالي اهو اغلى شي بحياتي احبة حييل واحترمة .. اهو الي قدر يدخل قلبي بعد طلال اهو الي نساني الي صار مع ريل امي .. لي الحين اذا قعدت على سيادتي ارفع ايدي وادعي على صقر عسى الله ياخذ حقي منة .. ما ما تكلمت عشان امي و ريلي .. كل ما اشوفة احس اني مخنووقة ما قمت اروح الكويت واايد حتى بالعطل انا بلندن .. الله يسامحة بس !!


نهاية الرواية

!!​

 

[MeeMeeYoo_2]

اح ! حيل انصدمت من نهاية نوووف !! يعني حياتها ضاعت بالكااامل !

ماقدر اعلق ..


يعطيج العاافيه وناطرين يديدج

 

[احب المدرسة]

وانا بعد قريت البارت اخير بكوول كويتي

انا توقعت ان يكون حمد بس ماتوقعت ان يعلقها ومايتزوجها

وااي صج عيني دمعت وانا اقرا البارت وماتوقعت حمد جذي وايد قاسي

توقعت ان يبتزوجها !!

ونواف بعد كثر ماكرهته كسر خاطري يعني بيشوف ولدة واهوة عمرة 25 سنة ؟؟

بيضيع شبابة بالسجن وبسبة منو ؟؟ بسبة وحدة فلبينية

وحتي حور تكسر الخاطر لو انها سامعة كلام نوف ومو رادة حق نواف جان ماصار كل هذا !!؟؟

_________

صج حسافة الرواية خلصت
الرواية كانت احلى رواية قريتها صج اني الحين قاعدة اقرا روايات ثانية بس مو مثل هالرواية !!
هالرواية انا كنت لازم كل يوم اشوف اذا منزلة بارت ولا لا وحتى وقت الي سافرت طبعت الرواية كاملة على شان ماامل
الروااااااية الصراااحة كلمة ابداع عليها شوية
ياريت تنزلين رواية يديدة لان هالرواية كانت من جد روعة
ويعطيج العافية حياتي وماقصرتي