إللي عندها أي استفسار بخصوص الديكورات والبناء تتفضل ( للفائده فقط )

[دلوول 2006]

السلام
بنات بصبغ صالتي وفيها صبتين كبار يم بعض عرض كل وحدة تقريبا 75 سم
ومن ناحية ثانية بعد في صبتين بس مو يم بعض
كل هذا طلعلي لما وسعت صالتي والحين ابتلشت فيهم
شلون أقدر أخلي شكلهم مقبول
ومرتب عفية اللي عندها تجربة تفيدني
وشكرا

 

[tattoma]

السلام عليكم

قوه اختي
بغيت استشيرج بموضوع
بيت ابوي .. الحوش من الواجهه الاماميه معدوم
و صوب يمين البيت فيه غرفه السايق و باب لدوانيه
و الصوب الثاني فيه باب المطبخ ..و هالمساحه اكبر من مساحه الحوش الي على اليمين
ودي اسوي حديقه صغيره او تغطيه علشان بحط فيه العاب حق بنتي و الاجيال القادمه
فكرت ابيت زجاجي ..بس اخاف بالصيف يصير حرر
و ماابي اغطيه بمظلات السيارات علشان ما اخرب شكل البيت
المساحه يايه بالطول .. احنا حاطين فيها طاوله و كراسي ..بس نبي نسكرها و نخليها مكان حق اليهال
تقدرين تساعديني بهالشي
انا ماابي اسكرها كلها ..بس جزء من الحوش

الله يقويج
كل بيت له جهة يكون فيها ظلال وإذا باب المطبخ في هذه الجهة انحلت المشكلة، وأصلاً حتى لو ما فيها ظلال بالصيف راح يكون حر وايد وما راح تخلين اليهال برا صح؟

فكرة البيت الزجاجي انسيها، انتي بتسوين حديقة لليهال مع الألعاب ليش تحكرينهم بمكان مسكر؟

أنا توني منفذة غرف ألعاب في عمارتين عبارة عن زجاج بس داخل العمارة وما ضرهم الشمس لأن يلعبون المغرب أو العصر

أنا أشوف عادي تخلونها مشكوفة، انتوا حاطين فيها كراسي يعني جربتوا تقعدون فيها

 

[tattoma]

السلام عليكم

هلا اختي بغيت استشيرج بشغله اليوم جبنا صباغين البيت وبصراحه حنا كنال مختارين كذا لون لكن الصباغين حطموني وقالولي مب راكبه الالون مع بعض ورشحولي الوان وقبلتها بس ماني مقتنعه داخليا وابي رايج الصاله اللي بالنص جايه سداسيه تعتيق بيج فاتح على بني خفيف واهيه مفتوحه على الدور الاول كله يقابله الدرج رشحولي لون لبني فاتح والجدار اللي بالنص ازرق غامق علما انه اهنيه فيه ستاره لونها كحلي والصاله اللي فوق خلو لونها لبني فاتح نفس طوفه الدرج انا كان ودي بكذا لون بس قالولي مايصير تناسق الوان انتي اشرايج ؟
وسؤال ثاني اسمحيلي كثرت عليج رشحيلي لون غرفة النوم الماستر مع الملابس لون الستارة عنابي مع بيج ومشكوره ياقلبي

وعليكم السلام ورحمة الله

حبيبتي إذا إنتي تشوفين إنج ما تعرفين عدل باختيار الألوان فسمعي كلام الصباغ، أما إذا عندج خبرة بالألوان والأصباغ فما عليج منه واختاري اللي تبينه في النهاية أهو صباغ بس يقترح

بالنسبة للون الأزرق الغامق إنسي الموضوع ولازم تغيرينه! هالألوان من الخطأ إن الواحد يحطها بالصالات أو الأماكن المفتوحة

بالنسبة لغرفة يناسبج البيج والأوف وايت ولا تحاولين تصبغين الوان غامقة ولا تفكرين تصبغينها أحمر أو عنابي

وحياج الله

 

[tattoma]

بالعكس ياعسل انا ماني مقتنعه عشان هيك قلت اسألك
المشكله مااقدر اسكر الباب لان البيت ايجار
وادري ان لازم التلفزيون بواجهت الجلسه وماعندي غير هالحائط فاضي
هي الصاله مو صغيرة احسها واسعه ومفتوحه مع المطبخ
انشالله بصورها من مكان تاني
وسامحيني تعبتك معي

لا بالعكس عزيزة وغالية وإن شاء الله أقدر أساعدج

 

[tattoma]

تسلمين فـــديتكـ تتوما ....^_^

بعد قلبي حياج الله

 

[tattoma]

ممكن خدمه تكفين ابي احد شاطر وثقه يصمم لي توسيعات لبيتي في سعد العبدالله حكومي وابي اوسع وازيد غرف وابني الحوش بس ابي نصايح ومقاول شاطر

حبيبتي رديت عليج عالخاص

 

[tattoma]

السلام عليكم

الله يعطيكم العافيه علي جهودكم وتقديم خبرتكم لنا ​

حبيبتي بغيت رايج .. عندنا مطبخ داخلي مانستفيد منه يعني مانطبخ فيه لان معتمدين على المطبخ الخارجي .. وحابين نفتحه على الصاله بديكورات عصريه ونستفيد منه للشغلات البسيطه شاي كوفي ... الخ بس مش عارفه اوصل المعلومه للوالد .. وكذلك انا ودي بأفكار وديزاينات حلوه
لهالمطابخ المفتوحه داخل الفيلا

وتقبلي تحياتي​

حبيبتي دائماً الكبار يعارضون لأن ما يدرون شنو بيصير ويخافون التغيير، توكلوا على الله وغيروا بس احرصوا على ان الشغل يكون تمام عشان ما يزعل الوالد الله يطول بعمره وعشان تثبتون ان التغيير كان للأفضل

 

[tattoma]

اللي يحب يشوف شغلي في وحدة من العمارات بالكويت: قبل وبعد

http://asmaconcept.blogspot.com/2011_10_01_archive.html

 

[مس مونتريال]

حبيبتي دائماً الكبار يعارضون لأن ما يدرون شنو بيصير ويخافون التغيير، توكلوا على الله وغيروا بس احرصوا على ان الشغل يكون تمام عشان ما يزعل الوالد الله يطول بعمره وعشان تثبتون ان التغيير كان للأفضل

تسلمين ياقلبي على الرد .. وان شاءالله يقتنع رويته بعض الصور من النت
والله الهادي​

 

[بنت الامارت 55]

tattoma ربي يجزاك كل خير ويوسع عليج في الدنيا والآخره يارب .

 

[dreamy girl8]

تاتوما

حبيبي ابي مساعدتك بليزززززززز

متوهقه ومترردده

ابي استشيرك ياعسل
انا عندي الصاله مساحتها 6في 6نص

مطبخ عندي مفتوح ع الصاله مو مفتوح كامل لا بس شباك كبير وحطيت بالشباك ديكور حجري مثل هدا بالضبط

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 1232 * 660.

اعتمدت الارضيه البورسلان اللامع الاسود للصاله مع الدرج والدرج مفتوح ع الصاله وطبعا رخام الدرج راح يكون اسود يعني لون الارضيه والدرج واحد وهو الاسود

وش اقتراحاتك لي للصبغ علما باااني ابي يكون لون جدار الدرج مختلف شوي يكون مثل هاللون

شو رايك

برضوه ابي اعرف وش الافضل في الديكور يناسب الاسود لان خاطري بدرجه وحده من هالدرجات اما البنفسجي او السماوي الباااااارد او السلفر "الفضي المطفي"
ادري تهورت بالارضيه الاسود بس اكثر شي عجبني الالوان الباقيه ماعجبتني وتقليديه

ايضا استفسار ثاني

عندي المطبخ
اعتمدت هاللون للجدار المطبخ بس 3جدران بلاط وواحد منهم باصبغ بويه

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 648 * 486.

والدولاب بني غامق

الارضيه اخدتها بورسلان خشبي بني غامق مثل الباركيه

مدري بيطلع حلو او لا شو رايك باللون وهدا صورته

تم تصغير هذه الصورة. إضغط هنا لرؤية الصورة كاملة. الحجم الأصلي للصورة هو 648 * 486.

اللي تحت الكبير مو اللي فوق

اخر سؤال

الجدار اللي مافيه بلاط بالمطبخ حابه اسويه مقلم او ساده بس محتاره وش الافضل وشو اللون المناسب بارايك لانه عجبتني هالفكره وابي انفدها

انتظر ردك

 

[ام عماد واسعد]

السلام عليكم ورحمة الله وبركاته

موضوع جدا رائع اختي ايش رايك بلون البنفسحي فاتح حج غرفة المعيشة مفكرة احط كامل بنفسجي فاتح ما عدا خليفة جدار التلفزيون احط خطوط بنفسجي فاتح وغامق وعلى فكرة الممر من مدخل ومع الدرج يكون بلون البيج مفتوحة مع الصالة

 

[tattoma]

tattoma ربي يجزاك كل خير ويوسع عليج في الدنيا والآخره يارب .

هلا والله ببنت الإمارات

مشكورة حبيبتي والله وما تقصرين ويجزاك ألف خير

 

[tattoma]

تاتوما
حبيبي ابي مساعدتك بليزززززززز
متوهقه ومترردده
ابي استشيرك ياعسل
انا عندي الصاله مساحتها 6في 6نص
مطبخ عندي مفتوح ع الصاله مو مفتوح كامل لا بس شباك كبير وحطيت بالشباك ديكور حجري مثل هدا بالضبط
اعتمدت الارضيه البورسلان اللامع الاسود للصاله مع الدرج والدرج مفتوح ع الصاله وطبعا رخام الدرج راح يكون اسود يعني لون الارضيه والدرج واحد وهو الاسود
وش اقتراحاتك لي للصبغ علما باااني ابي يكون لون جدار الدرج مختلف شوي يكون مثل هاللون
شو رايك
برضوه ابي اعرف وش الافضل في الديكور يناسب الاسود لان خاطري بدرجه وحده من هالدرجات اما البنفسجي او السماوي الباااااارد او السلفر "الفضي المطفي"
ادري تهورت بالارضيه الاسود بس اكثر شي عجبني الالوان الباقيه ماعجبتني وتقليديه
ايضا استفسار ثاني
عندي المطبخ
اعتمدت هاللون للجدار المطبخ بس 3جدران بلاط وواحد منهم باصبغ بويه
والدولاب بني غامق
الارضيه اخدتها بورسلان خشبي بني غامق مثل الباركيه
مدري بيطلع حلو او لا شو رايك باللون وهدا صورته
اللي تحت الكبير مو اللي فوق
اخر سؤال
الجدار اللي مافيه بلاط بالمطبخ حابه اسويه مقلم او ساده بس محتاره وش الافضل وشو اللون المناسب بارايك لانه عجبتني هالفكره وابي انفدها
انتظر ردك

السلام عليكم

أختي بالنسبة للصالة وبما انج اخترتي اللون الأسود للأرضيات راح تكون بقية الألوان محدودة ومتقيدة

أنصحج تستعملين مرايا لجزء من الحوائط لأن شكلها مع الأسود حلو، أما الألوان فاختياراتج صح وحلوة وإذا تبين الصالة والدرج غير، اختاري نفس اللون بس بدرجتين مختلفتين، ولا تقربين من اللون الأحمر لأن مع الأسود يصير جدا رديء ومو راقي

أما بالنسبة للديكور لابد يكون عصري Modern لأن الأسود من الألوان العصرية وممكن تخلين السقف فضي، أنا نفذتها وهذي صورتها



وبالنسبة للمطبخ ابتعدي عن الصبغ، وأفكار الخطوط نفذيها بغرف النوم، وكملي اللون البيج نفس بقية الحوائط وبالتوفيق

وهذه بقية الصور من تنفيذي
http://asmaconcept.blogspot.com/2011_08_01_archive.html

 

[tattoma]

السلام عليكم ورحمة الله وبركاته
موضوع جدا رائع اختي ايش رايك بلون البنفسحي فاتح حج غرفة المعيشة مفكرة احط كامل بنفسجي فاتح ما عدا خليفة جدار التلفزيون احط خطوط بنفسجي فاتح وغامق وعلى فكرة الممر من مدخل ومع الدرج يكون بلون البيج مفتوحة مع الصالة

وعليكم السلام ورحمة الله وبركاته

مشكورة حبيبتي وسعيدة جدا بمشاركاتكم واستفساراتكم

بالنسبة للون البنفسجي اهو من الألوان الباردة والعصرية ومريح جداً للعين، ولكن شخصياً أفضل الاستقبالات وصالات المعيشة تكون حوائطها بألوان محايدة:
أبيض - بيج - أوف وايت - بني فاتح

وتقدرين بالأثاث تحطين اللي تبين من ألوان:
ستارة مقلّمة مثلاً، الكوشيات مشجرة ومقلمة ، السجادة فيها اللون البنفجسي

مثال: هذه مجموعة صورة من الإنترنت





وهذا رابط لصالة بنفسجية حلوة وبسيطة
http://www.thelennoxx.com/browse-by-style/classic/beige-and-purple-by-eric-schmidt/

 

[ام عماد واسعد]

مشكورة حبيتي الله يعطيك الصحة والعافية.

 

[dreamy girl8]

مشكوره اختي ماقصرتي الله يجبر بخاطرك كنت متردده

ثانــــــــــــــــــــــكس ياعسل

 

[k.a.t.k.o.t.a]

هااي

يعطيج العافيه حبيبتي ابي اخذ رايج بجم شغله وياريت تفيديني

ابي اغير غرفتي انا متزوجه وغرفتي الحاليه لونها الطرفة ادعم فاتح والاثاث عسلي بحط ورق جدران وجذي بس محتاره من وين وشنو اللون ريلي حاب البرتقالي بس انا حابه الاحمرمع الاسود

وبغرفة بناتي عمرهم سنتين والثانية سنه ماني عارفة شنو اصبغ رسومات ورق جدران مادري ماعندي فكره كلش بس ياريت تساعدني يعني المحلات طريقة اللي اسوي فيها الغرفه مع العلم الغرفه صغيره 5 في 4

وابي اجهز مطبخ صغير ابي شغل ناعم حيل جنه بيت امريكي مابي شغل دفاشه لوول ممكن تقولين من وين

اسئلتي وايد لاني اول مره احوس على اثاث بداية زواجي اعتمدت ع زوجي والحين متوهقه بكل شي لاني ساكنه بيت اهل ريلي وتوني ابني شقة خاصه لي وماباقي شي تخلص ابي اخذ فكره

تحياتي لج

 

[مهمة]

بنات الله يعافيكم ابي رقم حداد زين يسوي حمايه لدريشتي تعبت نفسيا كله احاتي والله ريحو بالي حيل الموضوع مبر برلسي كله اخاف ابي واحد ممتاز وشاطر يسويلي حمايه لدريشع المطبخ

 

[ام عماد واسعد]

السلام عليكم ورحمة الله وبركاته

اشخبارك اختي اريد رأيك في غرفة المطبخ 4 في 4 اقدر ازيد استور وممكن على ذوقك لون جدار المطبخ والدولاب ايش لونه وايضا غرفة المعيشة مساحتها 6 في 7 على شكل مربع ما اردي وين احط الكنب وطاولة الطعام وكم عدد الكنب يكفي.