©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[ام عيالي]

حبيبتي ام العبال
يحليلج رجعتي
والله لج وحشه
والله الميزان لو بنساه اقولج جذابه ماااا اقدر فيني لهفه ابي اشوف نفسي ضعيفه
الحين مبين فيني الضعف
بس انه ودي اصير عصصصصصله
اي عصله فاضيه ماكو شي
ياااارب اي اليوم الي اصير فيه ضعيفه حيييل
انتي وحده تستاهلين نفقدج ونسأل عنج
احنا اهني ان شالله كلنا خوات

 

[** آية من الجمال **]

مرحباً
غبت جم يوم مريضين حدي بلاتيني


احلا خبر سمعته انج لتسويه العمليه يوم الاثنين بإذن الله يأرب يسهل عليك ويقومج بالسلامة
فالج الرشاقة بإذن الله
اي سؤال حياج الله



حتا أنا مو قادره اخذهم والفيتامين تلوع جيدي


الله يسهل عليج وعلينا ياااااارب



الله يسهل علييييييج يارررررب
لاتحاتين التعب بس اربع ايام بعدين تساااااهيل
بس التزمييي بالتعليمااااات ضروررري.



الله يسهل ياااااااااررررررررب

اول يوم يومين. بتششربيين. 90 مللي خلال ساعه جن مره باليوم والمستشفي يزودونج فيهم

مرحباً منوشات حبيبتي شلونج بشري عن صحتج


الله يسهل يارب



اعتذر عن اي بدليه ترا من الاي باد

حبيبتي ألف لا بأس عليك وأجر وعافية إن شاءالله ...... ما تشوفين شر

مشكووورة عشان فرحتيلي ..... إتأيديني إني أسويها صح :016:

عاد أنا كنت أفكر كم مللي >>> زين دام المستشفى يزودوناااااا جزاهم الله خير

كله أحس إني بودع الأكل وآخر وجبة وكأني ماراح أكل تالي مادري بنات أحد ياله هالشعور قبل عمليته

فنر قوليلي رآيك على العصاير إللي جهزتها ...:080402ask_prv:

ما بقى شي لازم الليلة أجهز أغراضي وأخلص خاصة إنه باجر الوقت كله رايح بالدوام

الله يسهل علي يا رب وعلى كل مريض ... يسخري لي الأطباء والممرضات يا رب

يهون علي وييسر أمري ويسهل دربي وكل محتاج .... اللهم آمين :yaaaaaarb:

 

[منوشات]

حبيبتي آيه بالنسبه للعصاير ما أدري عن طبيبج امكن يسمح بس انا الدكتور قالي لا اكثر ليمون بس شويه اذا حبيت مع الاكل والكيوي ماسمحلي للحين تخيلي انا بالمهروس وما سمحلي يقول تو الناس عليه
ترا المهروس ماحتقدرين عليه كله انت معدتج الحاليه خلاص بتودعينها في اشيء شكثر ما تقدرين عليها عقب العمليه الحين انا غراااامي التونه احبها وشكثر استانست اني اقدر بالمهروس اكلها بس اكلتها تندمت حيييل ما قدرت اتحرك جنه في صخرة في معدتي واشيء ثانيه بعد

بالنسبه للبروتين انا الدكتور اعطاني قبل العمليه بيومين جدول اول اسبوعين وكتبلي بعد 5 ايام بالظبط من العمليه ابدا استخدام البروتين

بالنسبه للماي ما ادري لان كل معده تختلف انا الحين عادي اشرب اي ماي صحه وماي الفلتر في بيتي اتقبله لكن في بعض الزوارات ما استسيغ الماي عندهم فصرت اخذ معاي بطل ماي *

 

[أموووره9]

بغيت اسال اش استخدمتم لمنع الحمل لان الدكتور يقول الحبوب لا و بعد ممنوع الحمل لمدة سنه على الاقل

 

[ام عيالي]

قبل العمليه وبعدها وانه استخدم ياسمين والدكتور قال عادي استخدمهم
والسنه عشان تاخذ المعده الوضع الطبيعي تقريبا وما تتاذين وانتي حامل

 

[** آية من الجمال **]

حبيبتي آيه بالنسبه للعصاير ما أدري عن طبيبج امكن يسمح بس انا الدكتور قالي لا اكثر ليمون بس شويه اذا حبيت مع الاكل والكيوي ماسمحلي للحين تخيلي انا بالمهروس وما سمحلي يقول تو الناس عليه
ترا المهروس ماحتقدرين عليه كله انت معدتج الحاليه خلاص بتودعينها في اشيء شكثر ما تقدرين عليها عقب العمليه الحين انا غراااامي التونه احبها وشكثر استانست اني اقدر بالمهروس اكلها بس اكلتها تندمت حيييل ما قدرت اتحرك جنه في صخرة في معدتي واشيء ثانيه بعد

بالنسبه للبروتين انا الدكتور اعطاني قبل العمليه بيومين جدول اول اسبوعين وكتبلي بعد 5 ايام بالظبط من العمليه ابدا استخدام البروتين

بالنسبه للماي ما ادري لان كل معده تختلف انا الحين عادي اشرب اي ماي صحه وماي الفلتر في بيتي اتقبله لكن في بعض الزوارات ما استسيغ الماي عندهم فصرت اخذ معاي بطل ماي *

مشكووورة حبيبتي على الرد وعلى النصيحة ..... ما قصرتي صراحه!

الحين ما افتكينا من الزهرة يتنا التونة ..... الله يعينك أنا رآيي خليك على الشوفان أفضل وأفيد

منوشات ...

ما عليه صححيلي إذا أنا غلطانه ..... ساعات أحس إنك متحسفه إنك سويتيها؟!! حنى لو لحظات!مادرى شرآيك؟ يمكن إني غلطانه!!! :eh_s(1):

 

[** آية من الجمال **]

بنات باجر أول الله عمليتي وألحقكم بالركب بإذن الله

إدعولي الله يقومني بالسلامة إن شاءالله بالصحة والعافية والسعادة

اللهم آمييييييييييييين

 

[بسنت88]

الله يسخر لج الاطباء ويقومج بالسلامة يارب
تستاهلين كل خير يا ايه

 

[sheraZia_Q8]

بالتوفيق ايه

 

[سيلينا بيريز]

يا بنات انا شعري يطيح حيل والله خايفه اقرع انا صارلي امسويه العمليه 4 اشهور
بنات اللي سوو العمليه من مده طويله هل راح يوقف سقوط الشعر واللا راح يستمر الطياحان وشنو العلاج عفيه لان انا شعري متين من يومه الحين حت شعري وبقر ع عفيه فيدوني حييييل خايفه

 

[أم مـنـ*ـار]

السلام عليكم
شلونك خواتي انقطعت عنكم فترة اسمحوا لي دوامات والعيال والبرد
انا صار لي 6 اشهر بالنسبة لسؤالك يا المستغفرة عن الشعر حدث ولا حرج الله المستعان صرت قرعه
سالت دكتور في علاج له قال لا احد يضحك عليك ميزو او اي علاج فترة 6 او7 اشهر ويوقف السقوط بعدين تبين تسوين علاج يفيدين
الله يكتب الخير للكل

 

[أم مـنـ*ـار]

فجوره حبيبتي الله يسلمج من كل شر والدكتور كتبلي على ابر حديد وخذيت الكورس كله

وفنر حبيبتي رحت حق دكاتره جلديه بس كلهم قالولي ويهج ما يحتاج فلرز تحتاجين جلسات بايوديرما

وانشالله ويهج راح يصير احسن وهالجلسات مفعولها بطيء

والله بنات قبل كان ويهي جنه مكيج من الله الخدود حمر و شفايفي و رديه وبشرتي نضره الحين ما اطلع الا وانا حاطه كيلوا فونديشن وكونسيلر عشان

اخفي السواد اللي تحت العين وصفار الويهه وابين طبيعيه وانا طبيعية ويهي المكياج الوايد والثقيل حيل ما يلوق عليه اصير جني ساحره

يعني لا. بمكياج نافع ولا بدون نافع وعموما وحده من البنات عطتني رقم وحده تبيع خلطه حق الويه وتبين النتيجه خلال اسبوع بجرب وبشوف
انشالله تكون صادقه بكلامهاا وبنات والله انا مو قاعده اقول جذي عشان اكرهكم بالعمليه او احبطكم بس لازم الواحد يكون صادق بالحجي اللي ينقله



ولازم تعرفون الجوانب السلبيه لهااا وما تتفاجأون مثلي ولازم تعرفون شنو الاشياء اللي راح تواجهونهااا غير مشكلة ثبات الوزن

نفس المششششششششكلة ماادري شنو العمل

 

[AF (&-&)]

السلام عليكم بناات اشلوونكم اشتقت لكم
انا بعد كم يوم بكمل سنه من التكميم
انا بقوول تجربتي حق توقف تساقط الشعر
انا طبعي شعري كثيف وحلو وطويل
استمريت على طريقه وحده بمنتدى الدكتور سلطان الله يجزاها الف خير

​

الحبة رقم (1) كالسيوم مع فايتمن د آخذها بعد الريوق (يفضل حليب مع عسل)..​

الحبه رقم (2) و(3) آخذ كل وحده يوم وترك..
يعني يوم آخذ حبه الحديد مع البيوتين واليوم الثاني آخذ حبة الشعر..
بعد الغدا..​

الحبة رقم (4) ملتي فايتمنز..
آكلها بعد العشا..




+ الدهن الخاص فيج جطي ملعقه من السدر فيه وخليه ينقع يومين وبعدين استخدميه
+ اخذي ملعقه من السدر وحطيه بقلاص ماي ينقع كم ساعه وبعدين صفيه وحطيه في الشامبو الخاص فيج



والله يا بناات من الشهر الرابع بدا شعري يوقف التساقط وبدا ينبت




لا تنسوني من دعااكم ​

 

[شقى عمري]

بنات اليوم كملت عشر ايام من العمليه قولولي شنو اشرب بليز

 

[منوشات]

ايه حبيبتي ربي يقومج بالسلامه ويسهل امرج ويخفف المج .. آآمين يارب

لا حبيبتي ابدا ما تحسفت ليش اتحسف .. ابداً ابداً ابداً ما تحسفت على العكس دوووم اشكر ربي الي يسرلي هالعمليه يكفيني شعور السعادة الغامر بس احس ان وزني نزل

بس احاتي احيانا اقول امكن ما ارجع اكل مثل الناس واعيش بشكل طبيعي واحاتي تساقط الشعر يعني اي متكمم يحاتي هالشي وبس

يارب يارب يارب سهل امر اختي ايه
ويسرلها وسخرلها الاطباء

حبيبتي اول ماتقدرين طمنينا عنج يالغاليه .. سهالات ان شالله

 

[سـما]

السلام عليكم
شلونكم بنات ان شاء الله بخير

ابشركم اني طيبة وبخير
بس عيالي مرضوا
وينتي كانت حيل حالتها سيئة والحمدلله والشكر الحين طيبة
بفضل الله

شكرا لكل من سالت عني
واشتقت لكم جميعا
الله يحفظكم وخليكم ويرضا عليكم


بنات
الحين اختنا الغالية آيــــة
محتاجة لدعاكم
الحين عمليتها او توها مخلصة منها

اللهم يا من لاتضيع ودائعك انا نستودعك
اختنا آيـــة
اللهم سهل عليها امرها
وخفف عنها المها وارحمنا برحمتك
اللهم ارض عنها واغفر لها واشفها وعافها

اللهم اشرح صدر امها وارزقها الصحة والعافية

 

[أم مـنـ*ـار]

السلام عليكم بناات اشلوونكم اشتقت لكم
انا بعد كم يوم بكمل سنه من التكميم
انا بقوول تجربتي حق توقف تساقط الشعر
انا طبعي شعري كثيف وحلو وطويل
استمريت على طريقه وحده بمنتدى الدكتور سلطان الله يجزاها الف خير

​

الحبة رقم (1) كالسيوم مع فايتمن د آخذها بعد الريوق (يفضل حليب مع عسل)..









الحبه رقم (2) و(3) آخذ كل وحده يوم وترك..
يعني يوم آخذ حبه الحديد مع البيوتين واليوم الثاني آخذ حبة الشعر..
بعد الغدا..​

الحبة رقم (4) ملتي فايتمنز..
آكلها بعد العشا..




+ الدهن الخاص فيج جطي ملعقه من السدر فيه وخليه ينقع يومين وبعدين استخدميه
+ اخذي ملعقه من السدر وحطيه بقلاص ماي ينقع كم ساعه وبعدين صفيه وحطيه في الشامبو الخاص فيج



والله يا بناات من الشهر الرابع بدا شعري يوقف التساقط وبدا ينبت




لا تنسوني من دعااكم ​

اله يجزاك خير فعلا محتاجين هالنصيحة
متوفره الفيتامينات بالصيدليات عادي
تفيد بعد البشرة
متى بديتي تاخذينهم
والسؤال المهم يمتنون ما حنا ناقصين
مشكورة ويعطيك العافية

 

[krkosha]

نفس السؤال حبيبتي متى بديتي تأخذينهم

 

[ام عيالي]

ايه الله يقومج بالسلامه ان شالله

بنات حبة المعده لي اي شهر ناكلها
سؤال مهم جدا مان عارفه اكمل ولا خلاص

 

[kat.kot]

شوفي ام عيالي انا صارلي خمس شهور من سويت العملية وحبة المعدة للحين اخذها اليوم الي ما اخذها يذبحني الحارج ما اقدر انام