متضاااايقه

[no plz]

صباح الخير بنات
شلووونكم ؟


بنااات انه وايد متضااايقه .. بالبداية بقولكم الصراحه انه مو وايد مقتنعه بريلي ..
كان زواجنا تقليدي استخرت وتوكلت على الله

اهو حليو وطيب وما اقول فيه كلام بس جذي مو الشكل ولا الطبع اللي في بالي واتمناه ..

حاولت اقنع نفسي فيه لاني ليما ليلة زواجي وانه بهون بس ماكو سبب يخليني ارفضه حرام
فأقنعت نفسي ا الحب بيكون بعد الزواج !

وغير جذي عقب الملجه لما صرت اكلمه سألته عن عمره وانصدمت واااايد ان بيننا اقل من سنه ...!!!!!
ما كنت اتمنى هالشي ..!!


بعد المقدمه العريضه الطويله ...
اليوم جلسنا ندردش ويا بعض وجذي يت سالفة العمر
قال بصارحج بشي ترى لما كنا بنخطب منكم كنا ناوين اختج الاصغر مو انتي !!!


والله يا بنات يتني قمته مو طبيعيه !!!
ردت عليه رد مؤدب ولفيت السالفه !!


بنات مدري شفيني كرهته مدري ليش !!!!


اساساً انه اقنع نفسي فيه بالغصب !!!
:eh_s(16):


مدري شسوي بليز حييييل مقموته حتى مو جايتني النومه :eh_s(11):

 

[@ام ضاري@]

ماعليه حبيبتي العمر مو مهم بين الزوجين
مع العشره راح تحبين زوجج وترضين في الوضع الحالي
اما سالفت انه يقول كنا نبي اختج الصغيره ماعنده سالفه صراحه
هذا زواج ونصيبج من نصيبه يعني حيل غلط في ها النقطه انتي لا تحسسين من العمر
يامااا حريم اكبر من ارجالهم وحياتهم مافي احسن منها
انتي بس طولي بالج ومع العشره كل شي يتغير حبيبتي

 

[no plz]

اب

اخيييييراً نزل موضووعي

 

[! بــدويه وآآيــد !]

،


حبيبتي الزواج قسمه ونصيب
زوجي كانت امه تبي تخطبني حق اخوه الي اكبر منه بس امي قالت لا صغيره ومادري شنو وبعدها بسنتين تقدم لي زوجي والحمدالله والله مافكر بهالسالفه كلش وعادي هذا النصيب الحين انتي معاه وهو نصيبج
لاتجيبين طاري هالسالفه مره ثانيه كلش ولاتكرهين زوجج اهو ماتوقع السالفه بتغثج جذي ماكان قصده
ودام زين مادري ليش تبين تكرهينه والسلام؟ الحب يجي مع الزواج والعشره حبي طبعه وقولي الحمدالله وشوي شوي تقربي منه خليه يحبج ويتعلق فيج وانتي بتحبينه ان شاءالله
الله يوفقج

 

[شذى الحب]

مع بدويه وايد الحب بعد العشره

 

[أعشقني]

انتي نفس حالتي انا مو قادره احبه
ان شاءاالله ب الزواج يتغير الحال يارب
مو كل مره بيجي لج رجال كفو
ويمكن لاغيرتي نيتج ربي يعاقبج
صبري واحتسبي

 

[سلطانه العتيبي]

الزواج قسمه ونصيب ... اهم شي الاستخاره خيتووو والله يوفقك ...

 

[جهراويه توته]

هذا حال الدنيا لازم الصبر والاحتساب وعند الله الفرج

 

[كربون امها]

يمكن حاس انج مو متقبلته عشان جذي قالج كنت ناوي اخذ اختج
ماعليه مع الايام والعيال راح تحبينه صدقيني الله يوفقج

 

[no plz]

امييين نحتسب الاجر عند رب العالمين

انه لي فتره حاولت اقتنع فيه وصرت اتقبله شويه يعني
والحب ما يي مني والطريج وانا لي متزوجه فوق السنه
و قام خربها بالسالفه هذي

كنت اقول بخاطري ليته انطم وما قالها وايد ابرك ..

اليوم وايد متضاايقه اهو حس انه فيه شي كله يقول لي انتي موطبيعيه فيج شي
و مالي خلق ارد عليه ..

استغفر الله غصب عني كرهته

 

[no plz]

،


حبيبتي الزواج قسمه ونصيب
زوجي كانت امه تبي تخطبني حق اخوه الي اكبر منه بس امي قالت لا صغيره ومادري شنو وبعدها بسنتين تقدم لي زوجي والحمدالله والله مافكر بهالسالفه كلش وعادي هذا النصيب الحين انتي معاه وهو نصيبج
لاتجيبين طاري هالسالفه مره ثانيه كلش ولاتكرهين زوجج اهو ماتوقع السالفه بتغثج جذي ماكان قصده
ودام زين مادري ليش تبين تكرهينه والسلام؟ الحب يجي مع الزواج والعشره حبي طبعه وقولي الحمدالله وشوي شوي تقربي منه خليه يحبج ويتعلق فيج وانتي بتحبينه ان شاءالله
الله يوفقج

انه ماحبيته اساساً عشان ابي اكرهه كنت احاول اتقبله وجني بديت شويه

 

[دلوعة صلوح]

الله يسخركم لبعض ويحببج فى يارب العالمين.

 

[GaLbI t7aWaL]

والله انا عقب ما حملت وولدت قريب ال السنه و ٨ شهوور توني بديت احبه

وبعدين ترا اهو غلطان ان يقولج ان كنا نبي اختج الصغيره
بس ان دل يدل انه كان مرتاحلج وقلعد يفضفض كل اللي عنده

 

[*درر*]

يكمن مااايشووف انك متقبلته خلااااص هذاااا صااااار زوجك تقبليه باللي هووو داام ماافيه عيب يسوى تكرهيه شنو بتستفيدي !

وسألفه العمر لا تبالغئ عاادي بس لأن إحنااا حااطين في بالنااا أفكااار يشيخه أهم شيء تؤووفيق وشخصيه ولاتفكير إنهاا مهي الللي ببالك حمدي ربك صااحي وبعقله وتقدري تعدلي فيه يمااا حريم قلبوااا رياجيلهم هههه كله جااائز وبيد الله
وسألفه أنااا كنت خاطب أختك طوفيهاااااااا
وأكبررر طاااف وخذي بسخااافه عشاان لو حس
إنهااا تحرك كل مازعل بيقولهااا موووو
ربئ كتبه لك وخلااااص

 

[sosowaty]

ترا الي انتي فيه شي جدا طبيعي للحين ما تعودتي عليه

و الحب يي بعد الزواج

و تعوذي من ابليس و ريلج من النوع الي صريح لا عنده يمين و لا يسار سيدة

والله احسن لج

و كثري القعدة معاه لما اتحسين نفسج خلاص ما تقدرين تستغنين عنه

و عسا الله يوفقكم و يتمم عليكم

 

[*ريما*]

مع الايام راح تتغبلينة

 

[شادن33]

صدقيني هاي ابليس يبي يخرب عليج
مع الايام بتحبينه وانسي السالفه خلاص
وافرحي واستانسي ياعسسسسل هاي أحلى ايام ايام الملجه

 

[dimple]

ليش تفكرين بسلبية .. فكري بناحية ايجابيه انه كان ناوي يخطب اختج بس خطبج

لو ما اعجبتيه و حبج جان ما تزوجج

حبيبتي ميخالف حاوليي تتأقلمين مع الوضع لانه شي يديد بالنسبه لج و بعدين مع الوقت صدقيني راح تحبينه

كثري من الاستغفار و ادعي ربج

 

[!الجادل الصعب!]

الحين سبب نفورج منه انهم كانوا بيخطبون اختج ..؟!

عادي الناس شارين نسبكم والا هو شعرفه باختج .. بس لقافته
خلته يتكلم ..
لا تحطين هالامور الصغيره فبالج .. ترا بتصعبين حياتج وانتي الخسرانه!

 

[dam3at fara7]

زين لحظه سؤال انتي عقب ما ملجتي عرفتي عمره!!!