تجمع للي تاخر عندها الحمل بعد الطفل الاول

[فتون777]

انا يبت ولد بقيصيريه وطولت بعده بسنه ونص وماكو حمل حملت بعد ولادتي بتسع أشهر بس حملت شهرين ومات البيبي بدون أي سبب

مت من مراجعة الخاص ماظل دكتور بالخاص ما عرفني الكل مادي ومايعرفون سبب تاخر الحمل عندي ..
رحت اليوم عند دكتوره غريسه عنان الكل يمدحها وايد مريحه وشكلها فاهمه وكبيره بالسن ونفسها حيل حلوه وسألتني عن كل شي
وحطت لي موعد علشان أسوي اشعة رحم بعد الدوره اليايه ..
عطوني آرائكم تكفون ...

ومشكورين يا أحلي منتدي .....:eh_s(17)::eh_s(17)::eh_s(17):

هلا فيك
شلونك
مافهمت شنو اهيا اشعه الرحم يعني سونار داخلي؟؟ انا سويتها
ولا قصدك اشعه الصبغه الي سوتها شنوفه ؟؟؟؟
حبيبتي توكلي على الله وسوي كل الي تقدرين عليه عشان ترتاحين
وموتنسين تردين علينا وتقوليلنا شنو صار معك
موفقه حبيبتي روحي سويها منتي خسرانه شي ويارب يطلع كل شي سليييييم

 

[sweet78]

أشعه الصبغه

 

[شنوووفه]

هلا بنووتات:>
sweet78انا سويت اشعه الصبغه صارلي 3 ايام تقريبا والدكتوور قالي الي والده قيصري اهيه الي تحتاجها اكثر لانه ممكن بعد العمليه يصير فيها التصاقات بالانابيب فالاشعه تفتح الانابيب بس نصييحه اذا بتسوينها اخذي بنج انا تعذبت مع انها مو اكثر من 3 دقايق وربي يرزقج

 

[sweet78]

أمين يارب
مشكوره يالغاليه ,,,

 

[شنوووفه]

شنوفه حياتي سلامتك وما تشوفين شر
تعورتي حسبي الله على الدكتور ليش ما قالك انها راح تعورك
حبيبتي تكبرين وتنسين
بس اهم شي ان كل شي شليم والحمدلله ربي يقول اسعى ياعبدي وانا اسعى معاك
يارب تحملين قريب
والله مقهوره من دكتورك ليش ماقال انها تعور شفتي معاي حق ما اثق فيهم ابدا
وله عين يقول لامايعور الطب تطور لو انا كان بعد ماخلص كان قلتله الطب تطور بس انت باقي ماتطورت

الشر ماييج بعد عمري :<

اي والله الحمدلله اهم شي طلع مافيني شي اي لمن قتله دكتوور تعورت حييل قالي لالازم اقوولج انها ماتعور علشان ماتخافين ولا تترددين وتسوينها وطمني انه في بناات وايد حملو عقبها وفعلا دورت بقووقل مواضيع عن الاشعه وشفت ردود البنات وعقبها بشهرين كل وحده كاتبه باركوولي انا حاامل حييل تطمنت الحمدلله والشكر يااااارب
وانشالله ربي يكتبلنا الحمل عن قرييب يارب :>

 

[أم سيف وسلطان]

هلا بنات

انا البارحه سرت سويت اشعة الصبغه ووايد عورتني

بس الحمدلله كل شي سليم

يارب ابشركم قريب اني حامل

بس فس شي مشغلني انا ريلي عنده زياده في الوزن واباه يضعف بس مب قادره

افتح له الموضوع لا يتحسس وفي نفس الوقت احس انه لازم يسوي رجيم

لأنه يمكن يزيد من فرص الحمل

 

[sa.rona]

حملت بولدي بعد شهر من زواجي وبعدها سويت عزل يعني ما اخذت اي مانع كان العزل ٧ شهور بعدها زوجي قال ابي اخو لولدي وكنت ابي اكمل العزل لمده سنه. بعد ال٧ شهور حملت طبيعي وكان الحمل كيس بدون جنين وسويت تنظيفات بالشهر الثاني عند الدكتور منال بطيبه كلينيك واللحين صار لي ٦ شهور ابي احمل بس الله ما كتب وماراجعت.
بس.
الله يرزقني ويرزقكم.

 

[أم سيف وسلطان]

الله يرزقج سارونه

 

[فتون777]

Swet87هاه حبيبتي شسويتي شلونك؟

 

[فتون777]

ام سيف وسلطان شلونك حبيبتي شلونهم عيالك?
الحمدلله طلع كل شي سلييييم
والله الوزن الزايد مشكله
بس حاولي ان اكله يكون صحي وحلو وخفيف
اول زوجي منعه الدكتور من الزيت عشان المراره شكلي جبتله المراره
وكنت اطبخله ايدامات حلوه في الفرن من غير زيت واكل كثير صحي
وكباب
سلطات
اهم شي مقلي ومطبوخ بزيت او زبده لااااا
وشوفي حاولي تدورين وصفات للدايت بس تكون حلوه
وكذا ما راح يحس انك مسويتها عشان ينحف وكلي معاه

 

[فتون777]

هلا هلا هلا
ب سارونه
حبيبتي ليش ماراجعتي ولو مره وحده مدام انك تبين الحمل على الاقل تتأكدين ان الهرمونات كويسه
وماتشوفين شر الله قادر انه يرزقنا كلنا

 

[فتون777]

شنوفه اخبارك ياحلوه شمسويه

 

[شنوووفه]

صباااح الخيييير

زيينه الحمدلله انتي اشلوونج واشللون ولدج :>

 

[sa.rona]

هلا فتون حبيبتي
قلت لزوجي الشهر اللي طاف ومارضى قال ان شاءالله تحملين بدون مراجعات
وهذا الشهر الثاني من كلامي له.
والله كريم

 

[أم سيف وسلطان]

حبيبتي فتون مشكوره

بس انا قتله بنسوي رجيم مع بعض لأنه اكله اكثر شي بره البيت

 

[Australia girl]

ادعولي بنات انا الحين في فترة علاج ..وعسى ربي يرزقكم ماتمنيتو

 

[شنوووفه]

^
^
^
ربي يرزقج بالذريه احنا ماعلينه الا نتوكل عله رب العالمين واهوه بيرزقنا انشالله

 

[طبعي السموحه]

هلا خواتي​

انا قعدت سنتين ماحملت بعد زواجي ورحت العرف وعطاني كلوميد وسوالي تلقيح صناعي بس ماااضبط معاي​

بعدين قررت اني ارتاح من الاطباء والعلاج .. سبحان الله اربع اشهر وحملت والحمدلله ربي رزقني ببنوتي.. ما اخذت اي حبوب ​

منع ولاركبت لولب لاني كنت ارضعها طبيعي .. الحين بنوتي عسي ربي يحفظهاااا تقريبا عمرها خمس سنوات وانا بلشت علاج من ​

سنه بالعدان.. زوجي كان معاه ضعف وقلة حركة وعدد بس الحمدلله عقب الحجامة عند المحجم فهد البناااي شوي تحسن.. الدورة ​

صار لها تقريبا ست اشهر متلخبطة عقب ماكانت منتظمة والدكتوور تقول انه فيني تكيسات صغيرة وعطتني كلوميد حبتين باليوم ​

واخذته من الشهر اللي فات بس هالشهر بعد تاخرت تقريبا اسبوعين ورحت لدكتورتي وقالت اشربي كلوميد بدل الحبتين ثلاث ​

حباااات.. دعواتكم يااابناااااااااااااااااااااااااااااات ...وعسي ربي يرزقكم ويرزقني معاكم....​

 

[فتون777]

صباااح الخيييير

زيينه الحمدلله انتي اشلوونج واشللون ولدج :>

حياتي انا منيحه كتر خير الله
وولدي آه من ولدي تعبان هالايام عنده فايروس
عنده اسهال واستفراغ

 

[فتون777]

هلا فتون حبيبتي
قلت لزوجي الشهر اللي طاف ومارضى قال ان شاءالله تحملين بدون مراجعات
وهذا الشهر الثاني من كلامي له.
والله كريم

ماعليه حبيبتي
صبري وقوليله مره ثانيه خليه يحس انك مصره
يمكن الحين اهوا مو مهتم ومايفكر بالاطفال