شو المسج اللي طرشتيه للناس اللي تعرفينهم تبشرينهم فيه بوالدتج

[ظبية الامارات]

:68_asmilies-com:

شحالكم بنات ربكم بخير وسهاله ...

اليوم عندي موضوع حلو بس ابا تفاعل مع موضوعي .. وعل وعسى نساعد المحتارات ف هالموضوع ..

شو المسج اللي طرشتيه للناس اللي تعرفينهم تبشرينهم فيه بوالدتج ( ولد او بنت ) وشو كان تعليق الناس عليه

بما اني صاحبة الموضوع انا ببتدي ..

المسج اللي طرشته ..

( اليوم بشكر ربي وادعيه ف صلاتي ... بعدها ببشر العالم بفرحتي وسعادتي

واقولهم بفرحة تنطق من قلبي وشفاتي ... ان ربي رزقـــني بنت كنها النـــور

سميتها نــــــــــورة نورت حياتي بأحلى نـــــور )
هاشورايكم حلو ..

يالله بنات ياحلوات ابا تفاعل مع موضوعي خل نفيد ونستفيد ..

 

[دلوعة ولي حق بنت عز]

حلووووو
مشكورة

 

[ظبية الامارات]

العفو فديييييتج

 

[ظبية الامارات]

وينكم بنااااااااااات لهالدرجة موضوعي سخيييييييييييييييف ...

 

[um 3li]

والله موضوعج بالعكس حلو وانا انطر البنات يدخلون لان ماعندي مسجات
انابولادتي دزيت مسج عادي

 

[ام عفاف الكويت]

(( شهد العالم في مثل هذا اليوم 20 - 4 - 2007 حدث مهم في تاريخ عائلتنا وهو ولادة الشيخه عفاف في مستشفى الهادي غ2 الغرفه الامبراطوريه الدور الرابع ونستقبل تهانيكم ))

 

[ام عفاف الكويت]

وهذا اختي توته دزته للناس

بعد جهد وتعب ومعاناه اختي اطلت علينا من غرفة الولادة (عفاف ) بوجهها البريئ وضحكتها النديه
لتزيل بابتسامتها انتظارنا عند باب العمليتا .. جعلها الله من الصالحين

 

[Ooاحلى عروسoO]

انا دزيت هالمسج

اعلن فرحتي باحلى خبر وابشركم بقدوم اغلى البشر وصول مولودتي (نور)

الله يحفظها لي من كل خطر



والناس استانست على المسج حيل اثر فيهم شوي لانها اول مولوده لي ووصلت بعد معاناة الله يخليها لي يارب

 

[داريني]

انا بولدي اختي طرشت مسج
عادي
لانه بعد ما طحنا على هالسوالف خخخ

وفي بناتي التوام
ربي عطاني فرحتي عطاني دانه وفضتي يفداهم عمري ودنيتي ويحفظهم من كل شر
وحياكم في مستشفى دار الشفا ......

وطبعا الناس ما كانت مستوعبه انه يبت توام خخخخخخخخ

 

[ام ابرار]

الللللللة وناسة اللى عندها بعد مسجات تبشير بالولادة خل اتحطة وشكراااااا

 

[angelic^smile]

هذا مسج ولادتي بولدي عبدالمحسن

لأحضان أمي أنا جيت و على أبوي نورت البيت و بعبدالمحسن أنا تسميت ...حياكم الله زوروني و باسم الله شيلوني .. بمستشفى الهادي الدور الرابع تلاقوني

 

[مشتاقة لأمي]

دزيت مسج واحد لزوجي :

انا جبت بنت جيبوا اغراضي وبشر امك.





هيه امزح على اخر طفله رزقني الله بها ما بعد هالحركات جت.

ولا كان كتبت :

الله يحبني ورزقني بــنوف (فديت عيونها).

اعتقد دعوتهم لزيارتي بالمستشفى احراج لأن بعضهم راح يضغط على نفسه ويجي،خصوصاً ظروف الناس .حتى اقرب الناس لك تصير له ظروف.

ما أدري ؟؟؟؟؟؟؟؟؟؟؟؟؟؟؟؟؟ افضل الأقارب يجون في التمايم لأن عندهم اسبوع يقدرون يفرغون انفسهم إذا بيجون.
والصديقات يتفقون معي على يوم يناسبهم ويجون مع بعض.

 

[ظبية الامارات]

(( شهد العالم في مثل هذا اليوم 20 - 4 - 2007 حدث مهم في تاريخ عائلتنا وهو ولادة الشيخه عفاف في مستشفى الهادي غ2 الغرفه الامبراطوريه الدور الرابع ونستقبل تهانيكم ))

حلو ربي يحفظ لج عفاف ...

 

[ظبية الامارات]

وهذا اختي توته دزته للناس

بعد جهد وتعب ومعاناه اختي اطلت علينا من غرفة الولادة (عفاف ) بوجهها البريئ وضحكتها النديه
لتزيل بابتسامتها انتظارنا عند باب العمليتا .. جعلها الله من الصالحين

حليلها اختج قلبها علييييييييييج .. الله لايفرقكم

 

[ظبية الامارات]

انا دزيت هالمسج

اعلن فرحتي باحلى خبر وابشركم بقدوم اغلى البشر وصول مولودتي (نور)

الله يحفظها لي من كل خطر



والناس استانست على المسج حيل اثر فيهم شوي لانها اول مولوده لي ووصلت بعد معاناة الله يخليها لي يارب

وااااااااايد حلو ربي يحفظ لج نور عيونج يارب ....

 

[ظبية الامارات]

انا بولدي اختي طرشت مسج
عادي
لانه بعد ما طحنا على هالسوالف خخخ

وفي بناتي التوام
ربي عطاني فرحتي عطاني دانه وفضتي يفداهم عمري ودنيتي ويحفظهم من كل شر
وحياكم في مستشفى دار الشفا ......

وطبعا الناس ما كانت مستوعبه انه يبت توام خخخخخخخخ

روووووووووعة ربي يبلغني بتوم ويخليهم لج يارب ..

 

[ظبية الامارات]

هذا مسج ولادتي بولدي عبدالمحسن

لأحضان أمي أنا جيت و على أبوي نورت البيت و بعبدالمحسن أنا تسميت ...حياكم الله زوروني و باسم الله شيلوني .. بمستشفى الهادي الدور الرابع تلاقوني

فديته عبدالمحسن ربي يحفظه لكم يستاهل هالمسج روعة الصراحة ..

 

[ظبية الامارات]

مشكورات حبيباتي عالردووود الغاويه

 

[Hello_kitty]

والله انة كاتبه مسج تبشير بولادتي من اول ما تزوجت

كل محد يقراه يبجي فعلا كلماته مؤثرة

وكل ما شتقت حق هاليوم افتح المسج اللي خاشته عندي وارد اقراه

تدمع عيني وابجي واقووول..متى يارب؟؟؟

يارب يرزقني وابشر الناس كلها فيه

الله لايحرمنا هالفرحة

 

[المزيونة^]

وانا بشارككم في ولادتي كتبت
من المزيونة الى حبيباتي ( داخل قلبين )
اليوم السبت ***** انضم الى عائلتي الصغيرة طفل أسمه **** و غدا استقباله في دار الشفا غرفة 711 حياكم الله