♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا ஐ๑^

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

يالله صباح خير
اصبحنا واصبح الملك لله
اشلونك يا بنات ​

اشكركم على المتابعة حبيباتي​

اليوم الثاني في جنتنق​

الكل قاعد مبكر ورانا مغامرات ووناسة ما نبي نضيع الوقت​

نزلنا نتريق الساعة 8 وشوي ​

وللأسف افطار الفندق فاشل
تقييمي له 6/10
والطاولات تفتقد الى النظافة ​

هذه الصالة
​

لاحظت ان الأكل ما يصلح الا للهنوووووووووود ​

يمكن يراعون النزلاء اللي فيه
لأن فعلا لاقينا الجالية الهندية مالية الصالة ​

بس الحمد لله قزرناها بعصير وكيك وشوية بيض​

​

شوفوا اكل هنووووووووووووود




الفاكهة 2 الى 3 اصناف بس كل يوم





ما أدري شنو مرق - شوربة ؟؟؟؟؟؟ لا أعلم

وهالكتكوتة اسم الله عليها اتهههههههبل
قاعدة وساكتة تاكل وتطالع
لو عيالنا وبعمرها :eh_s(11):؟؟؟؟؟​

والبوفيه يطل على هالمنظر
بس محمي بشبك عشان محد يتهور ويطب وخصوصا الصغار​

وعقب الفطور كل واحد عنده ربع ساعة يبدل - يغير - يروح الحمام كيييييييييييفه :rerrerek:​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وتوكلنا على الله الى التلفريك ​

ركبنا الشاتل (الباص ) من الفندق الى محطة التلفريك
مجاااااااانا خدمة من الفندق
واذكركم مرة ثانية ان عند باب الفندق فيه جدول بمواعيد تحرك الباصات من وإلى التلفريك ​

ومنها بدأنا يوماااااااااااااااااااااا مليئا بالمغامرات
والوناسة بالجو العجييييييييييييييب ​

وانطلقناااااااااااااااااااااااااا ​

الجو يومها كان خطيييييييييييييير والسماء صااااااااااافية ​

ما شاء الله
الشجر تحتنا اعداد مهوووووووووووولة
وكلها عالية يا سبحان الله​

تنقسم منطقة الألعاب الى : ​

Outdoor Theme Parkوهي الألعاب الخارجية​

First World Indoor Theme Park الألعاب التابعة لفندق الفيرست وولد ​

Water Park الألعاب المائية ​

Video Games Park والمكان للمخصص للألعاب الألكترونية ​

وهذا موقعهم على النت فيه كل المعلومات​

http://www.rwgenting.com/en/themepark/operation_hrs/ifm_operation.htm​

ودفعنا للتذاكر ​

وفيه خيارات :​

اما للصالة الداخلية ​

او الألعاب الخارجية ​

او كل الألعاب ​

فاخترنا كل الألعاب توفيراً للسعر ​

وحتى نستمتع بكل مكان في الألعاب ​

سعر الكبير62 رينجنت ​

والصغير 41 رينجت​

ويعطونك مثل الشريط يلف على المعصم ​

(الشريط عندي محتفظة فيه للذكري) ​

​

وهذه بعض اللقطات في الصالة الداخلية​

​

بصراحة فناااااااااااااااان ومبدع من صمم هذه المنطقة ​

رهييييييييييييبة ​

وهذا​

محل للمساج ​

للأسف لم نجد الوقت الكافي لندخله ​

​

محلات متنوعة ​

​

​

​

ومجسمات لشخصيات كارتونية كثيرة​

​

وسوبر ماااااااااااااااااااان طااااااااااااير ويكسسسسسسسسسسسسسسر ​

​

​

والرجل الأخضر يكهرررررب​

​

وتمثال الحرية ​

وبعدها طلعنا الى الألعاب الخارجية
الجووووووو
وااااااااااااااااااااااااااو
ضباب وبرررررررد مو طبيعي

​

فرجعنا داخل الصالة واشترينا قبعات صوف
لكل الشباب والصغار
ما عدا المحجبات

​

 

[ام حمد 85]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ما شاء الله روووعه التقرير يعطيج العافية

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ولما نزلنا من الدرج الكهربائي ​

​

الشباب شاااااااااافوا محل الوافلز
وصاااااااااااار هجوم ​

​

سعر الوحدة ب 3 رينجت​

​

وهذي حقي ​

​

هذا موقعه بالصورة
اول ما تنزل من السلم بوجهك ​

​

لا يطوووووووووفكم عجيب ​

وعلى يساره محل البطاط الحلو​

​

​

قعدت اسولف وياه
من وين هالبطاطا استغربت لونه فاتح واللي عندنا بالكويت المصري اسمر​

قالي من اندونيسيا

ويبيعه بالوزن

يعني يوزن البطاطا
انا اخذت 2 بــ 6 رينجت​

:krkrkr:
:krkrkr:​

هالبطاطة الذايبة مع البرد
حسيت اني قاعدة بالبر ويمي الدورة
ناقصنا الكستنا بس :ggdw:​

​

اشرايكم بالجو والضباب
هذا فندق الفيرست وورلد معروف ومشهرو اكبر فندق بالعالم من حيث عدد الغرف
يقولون تقريبا 6000 غرفة
واااااااااااااااو​

​

​

​

​

​

​

​

​

​

​

​

​

اخذنا وقت طويل للساعة 5 تقريبا بالألعاب الخارجية لما ثلجنا
وما شاء الله ناس الدور عند كل لعبة نص ساعة ​

وفيه العاب خطرة ما يدخلون وليدي :eh_s(16):
قعدت معاه اتطمش عليهم من بعيد ​

وشفت البان كيك
قلت قاعدة فاضية ليش ما أجربه
واخلي الباقي لأخواني والشباب !!!​

​

ياربي يوعانة ما تريقنا عدل​

​

اعتقد كان 12 حبة ب 8 رينجت
يا بلاااااااااااش​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ملاحظة مهمة :

اللي بتروح جنتنق وعندها يهال معاها
تاخذ لهم ملابس كم طويل او جاكيت فيه كبوووووووووووس
ترا برد احنا الكبار ما قدرنا نتحمله








بقولكم شي
انا احب اصور الأكل واااااااااااااايد

لا تستغربون من الصور
وترا مو كل ما نشتري شي احنا يواعة ؟؟

لاااااااااااا بس عشان يجربونه

ههههههههههههه خخخخخخ

علينا بالعافية والله





وحلقات الجبن
لذيذ احلى من اللي بالكويت بوايد







عقبها دخلنا الصالة مرة ثانية
نريح ونشوف اللي ما شفناه

واشتريت هذا الكندر الجديد حق اليهال




ودخلنا صالة الثلج
امبييييييييييييييه
موووووووووووووووووت برد

1500000 درجة تحت الصفر

قصينا التذاكر السعر للكبير والصغير 18 رينجنت
ولاحظوا على التذكرة موعد دخولنا

من الساعة 5.30 حتى الساعة 6.10

بس اللي فيه خير يقعد كل هالمدة داخل بالصقيع






هذي انا قاعدة اشخبط على الزجاج من بره قبل لا ندخل

هههههههههههه




http://www.q8yat.com/




​

 

[أم العيش]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

كملي متابعة

:eh_s(15): :ggdw: :rerrerek: :eh_s(7):
​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

هالصورة سقطت سهوا ​

وانتو داخلين عالم الثلج
يعطونك جاكيتات - قفازات - بوت او حذاء طويل عشان ما تزلقون على الثلج ​

وفيه خزانات لحفظ الأغراض الشخصية ​

تحط اغراضك وتاخذ القفل وياك وانت طالع تفتح وتترك المفتاح على الخزانة مثل ما كان ​

​

وللتنويه : التصوير ممنوع بعالم الثلج
لكن على مين ؟؟؟ مو على الهمبه
صورت وفيهم خير يتكلمووووووون ​

عقب ما خلصنا عالم الثلج
واحنا طالعين عطونا برد
بروحنا امثلجين
فوقها بررررررررررد ​

​

بس ما أكلناه كلنا​

وانتقلنا الى السينما الرباعية
عجيييييييييييبة ​

فيلم وايد حلو
والأكشن في الكراسي تتحرك
مرة يرش عليك ماي ومره يهزززك
حسب احداث الفيلم المعروض ​

شي مضحك وجميل لكن ممتع ​

قيمة التذكرة مشمولة من ضمن قيمة التذكرة الأصلية لكل الألعاب
التي ذكرت سعرها في البداية ​

وكملنا لعب مرة اخري داخل الصالة حتى تكون ختامية لهذا اليوم
حللنا فلوس التذكرة
ولو فيه وقت كملنا بعد
ههههههه ​

حتى انهكنا التعب
وصااااااااااااااار وقت العشا ​

وبدأت رحلة البحث عن مطعم
يرضي الجميع ​

فوقع الأختيار على مطعم صيني
لكن اكله لذيذ واااااااااااايد ​

*
*
*
*
*​

 

[78MariMar78]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ماشاءالله

احنا معك همبووووش

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ما شاء الله روووعه التقرير يعطيج العافية

يا حياتي مرورك الأروع
تابعيني لا تروحين بعييييييد

لايوقف
لايوقف
لايوقف
عاشت همبوش
اتصدقين أنا رحت ماليزيا مرتين بس ولا مره نمنا بفندق جنتنق كنا أنروح أنا وزوجي بتكسي من الساعه 8 ص ونرد 6 المغرب بس مافكرنا.أنام
بس الصراحه شوقتيني أخذ فندق فيها لان المره الي طافت اخذنا تكسي و قضينا تذاكر لمدينه الألعاب و مدنا نلعب الا ردوا طلعونا لانه زاد الضباب حييييييل وصار المكان يخرع جنه افلام الرعب ماتشوفين اللي يمج بس اصوات الناس >> ياكثر قرقت هالبنت

هلا وغلا
لا ان شاء الله بكمل ما راح يوقف

لا مو كافي اروح وارد بنفس اليوم
حلاته تقعدين بفندق اهناك

والحمد لله خلا ل اليومين اللي قعدنا فيهم كنت خايفة يزيد الصباب ويسكرون الألعاب
بس ربي ما قصر

مممممممممممماشالله تبارك الرحمن عليج بالف عافيه همبتي الحلوة صج صج ماشالله مواضيعج لازم كلها تتثبت ياليت صراحه تستاهلين ربي يسلم ايدياتج طبعا انا اتابع كل مواضيع لسفر واخذ معلومات والحين متابعتج بدقه بروح العطله الصغيرة لان كنسلت لندن وربي يوفقج

فديت الكلام الحلو وراعيت
مشكوووووووووورة حبيبتي

انا قاعدة اعطيكم تفاصيل
ادري العطلة على الأبواب ووايد بنات بيروحون

موفقين

ياسلااااام

يعطيج العافيه على هالباارت الحلووووالل

ةالله يحفظج بس لا تتأخررين علينا

الله يعافيك وربي يخليك على هالدعوة الحلوة

لا يوقف لا يوقف لا يوقف لا يوقف

ان شاء الله

ماشاءالله شكل السيرك يونس عاد خاطري بسيرك مثل الناس
عليكم بالعافية ياالله كملي حبيبتي لا يوقف لايوقف :ggdw::ggdw::ggdw:

من عيوني انا وياكم لنهاية التقرير

عساااج عالقوه

الله يسلم اديييينج على هالتقرير الروعه

كملي

حدددددددده يشووووق تقريرج مافيني صبر

هههه
ياحلاتك
انا ودي اخلصه بسرعة عشان الكل يستفيد وخصوصا اللي بيروحون اول مرة

يا حلو جنتنغ انا وريلي ما خلينا لعبه ما ركبناها جنه يهال

وانتي صاجة
اتهبل

تقرير روعه تبارك الرحمن



مثل راعيته


الله يديم عليكم السعادة يارب

ما قصرتي يالغالية - حلت ايامك كلها
كثري من هالدعوات الحلوة
ربي يرزقك على قد نيتك

:nbvppw:موضوع روعه صراحه تشجعت اخذ اعيالي ماكنت بأخذهم من غير شر بهج بروحي مع ابو الشباب

:s142:​

اخذيهم اذا اعمارهم زينة والله بيستانسون وايد
عليكم بالعافية مقدما
موفقة

يالللللله ياهمبتي كمممممملي ناطرينج :ggdw:وناااااسة انا نايمه عالكمبيوتر :ch12:من امس انطررررج هههههههههههههههه:dddds:

ههههههههههههه

حياك الرحمن
بكمل والله بس عيالي امرضى ولما اروح البيت الهى معاهم

تابعيني

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

بروح اكمل شغلي وارد لكم

 

[أم العيش]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ماتشوفون شر :eh_s(17):

جابليهم بالأول تالي كملي ناطرينج :eh_s(8):​

 

[jory1-2]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وااااااااااااااااااااااااااااااااااااااااي
ياااااااااحلاتتج ياهبوش وحلات تقاريرج اللي تبرد الجبد الله يفتحها علييييييييج ويووووووفقج ويعااااااااااافيج ولنا يخليج

بس بغيت اسالج جم كلفتج الرحله ؟؟؟؟؟

اب
اب

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ماتشوفون شر :eh_s(17):​

جابليهم بالأول تالي كملي ناطرينج :eh_s(8):​

الشر مايييك حبيبتي ما قصرتي
انا بالدوام الحين

وااااااااااااااااااااااااااااااااااااااااي
ياااااااااحلاتتج ياهبوش وحلات تقاريرج اللي تبرد الجبد الله يفتحها علييييييييج ويووووووفقج ويعااااااااااافيج ولنا يخليج

بس بغيت اسالج جم كلفتج الرحله ؟؟؟؟؟

اب
اب

بعد جبدي والله
انت الأحلى

الله يسعدك على هالدعوة اللي تشرح القلب

تكلفة الرحلة ام أم أم :bbbiu::bbbiu:
خليني احسبها عدل واقولج ان شاء الله

 

[وجدان الحلا]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وربي اول مرره اشووف الجنتنج بتقرير

حتى بالعرب المساافروون دورت عنهاا تفاصيل مالقييت

الله يوفقج ياارب ويبررد قلبج مثل مابرردتي قلبي

كملي حيااتو ناااطرينج

 

[-فلانة-]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

تقرير بهالروعة والتفصيل والتوضيح
حراااااااااااااااااااااااااااااااااام مايتثبت..
الله يعطيج ألف ألف مليووووووووووووون عافية إنشالله..​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وبما أن الليلة وداعية حق جنتنق :eh_s(11):​

حبينا نختمها بشي حلوو ومميز ​

:eh_s(9)::eh_s(9)::eh_s(9)::eh_s(9):


:eh_s(9):
:eh_s(9):

:eh_s(9):
​

http://www.q8yat.com/

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

دعوة عشاء
* أحلى مطعم صيني
ming ren restaurant ​

مكانه في جنتنق
Level 2, Highlands Hotel​

Genting Highlands Resort
Highlands Hotel, Genting Highlands, 69000 Pahang, Malaysia. ​

ساعات العمل : ​

من يوم الأثنين حتى الجمعة
الغداء من الساعة 12 الظهر وحتى الساعة 2.30 الظهر
العشاء من الساعة 6 وحتى الساعة 9 مساءاً ​

السبت والأحد والعطلات الرسمية
الغداء من الساعة 11 ظهرا وحتى الساعة 2.30
العشاء من الساعة 6 وحتى 9.30 مساءاً​

للعلم / تأكدنا منهم انه حلال قبل لا نطلب ​

لأن اغلب المطاعم الصينية اكلهم مو حلال ​

​

هذا اسمه مبين بالصورة ​

​

اول ما قعدنا حطو هالشغلات على الطاولة
والعصي اللي ياكلون فيهم ​

بس والله محد حركهم من مكانهم
ما نعرف ​

هههه ​

​

وهذا طلبنا
ما شاء الله
علينا بالعافية ​

شنووووووووو لذيذ
اول مرة بحياتي اتجرأ واذوق الأكل الصيني
توني اكتشف انه لذيذ وايد ​

وبتشجيع من اخواني واختي ​

ربي يديمها نعمة ويمنعها من الزوال ​

المطعم غالي لكن يستاهل ​

​

شوربة بس ما أدري شنو المكونات لأخوي ​

​

اعتقد فاصوليا ​

​

دياي بس نوع ثاني
يقولون لذيذ

http://www.q8yat.com/​

​

​

وصحني
الربيان عذاااااااااااااااااااااااب
حكاااااااااااية ،،،، علي بالعافية
​

رز مقلي ومعاه بيض وخضار
وايد لذيذ طلبناه مرتين ​

​

دجاج حامض حلو
مع كازو وكسرات
شي شي
طعمه بحلجي الحين
ذكرتوني فيه ​

​

عشان تتشوقون اكثر
انصحكم بالربيان المشوي هذا​

​

نسيت شنو هالطبق ؟؟؟​

​

وسلطة عذاب والله انها لذيذة ​

​

الطعم وايد حلو بس غالي شوي
الخدمة 9/10
القعدة والنظافة 10/10​

انصحكم تجربوووووووووووونه
وادعولي على طبق الربيان
شي ما حصل

​

الأسعار ان ما خاتني الذاكرة
الربيان بحدود 50-65 رينجنت
السلطة 20-25
الشوربة 30
الرز ما اتذكر
فيه اطباق اسعارها معقولة وفيه الكثير غالية بس تستاهل ​

حتى الماي اللي يقدمونه محسووووووووووب ​

والغريب انه اول شي يعطونك ماي حار
احنا حسبناه للشاي بعدين هههه
طلع يشربونه قبل الأكل
بس ما شربنااااااااااااه ولغيناه من الفاتورة​

علينا بالعافية ​

تحياتي لكم ​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ياحبي لكم ​

​

 

[كويتية82]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

واااااااااااااااااااااو روعه عليكم بمليووووووووووووون عاافيه

همبوووووووووووووووش شوقتيني باءذن الله بروح

بس فديتج ابي عقب ماتخلصين التقرير تقولين لنا جم كلفتج السفره تقريبا يعني جم يبيلها ميزانيه

عسااج ان شاء الله دوم مستانسه ودوم متيمعين انتي واهلج وعيالج

 

[بون بونه]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ما شاء الله تبارك الرحمن ... جزاج الله خير على التقرير الرائع شاكره لج مجهودج و فعلا ماليزيا ما ينمل منها روووعه رحت لها مرتين و لو إني ما رحت إلا كوالا و جنتيج و صن وي لاقون بس ونيييسه... كملي يا قلبي في انتظار باقي التقرير...