شتبي تووصله

[قلبك وحشني :(]

السلام عليكم بنات

شخباركم

حبيت اقولكم سالفه صارتلي مع بدايه زوااجي وللحين مو فااهمتها

اول يوم لي دوام بعد زواجي كنت بالكافتريا مع رفيجاتي كانت فيه بنت تطالعني من بعييد وانا مومعبرتها
بعد مامشو رفايجي لمحاظراتهم قعدت برووحي
جان تييني سألتني دايم اشووفج ببدله

هالمره عباايه اكييد تزوجتي

ضحكت وقلتلها اييه وقعدت تسوولف وخذت رقمي وصارت ترسلي شعر ونكت بشكل يوومي


كانت نكتها جنسيه ومقززه
ارسلتلها مسج تعذرت لها اني مااحب هالنوعيه من المسجات

قالتلي خلاص انتي متزوجه وراح ادز هالنكت مالي شغل

طبعا لززقت لزقه عنزروت

بعدين تطورت وصارت تدق انصاف الليالي
مرات ارد ومرات طااف


ومرات تدق بس تسال ريلج عندج وتسكره حتى اذا ريلي مو عندي تسسكره


والبنت نوعيتها غاامضه

يعني بعد معرفتي فيها ب 5 شهور دريت انها مطلقه والمشكله زله لسان منها عررفت يعني ماكانت تبيني اعررف
ودايم تسالني عن ريلي وعن وظيفته ومعاشه وامور خااصه واحسها مبالغه باهتمامها فييني
وفيييه


واذا دقت واحنا برا البيت تسال وين رايحين
لدرجه چكيت انه لهم معرفه في بعض اهيا وريلي


مع الايام تخرجت انا من الكليه
وعلى يوم دقت

وقالتلي انا بتزوج وابيج انتي اللي تزفيني يعني اكون معاها لي الكووشه تعذرت وقلت انا ماراح اكون بالديره بكون مسافره


وبعد زواجها باسبوع تدق تتشكى من زوجها وانه زوجها حابسها ويبي يطلعها من الكليه وانها كارهته واهو لعيين وكله سالفه بطلقج ع لسانه
قلت باسم الله توكم ماعرفتو ماهيه بعض

وسووتلي قصه وكل يومين تشتكي منه


بالاخير قالت طلعني من الكليه وقعدني بالبيت
وانا متعاطفه معاها وشاده حييلي وانصحهااا وحالتي حاله

وتقول مافيه حل الا الحماال

قلت روحي شوفيلج دبره عالجي مع انه ماصارلها شهرين متزوجه
قالتلي انتي وين تعالجين قلت ماعالج مخليتها ع الله


ذاك اليوم رحت انا وريلي نتمشى
كان عندنا مراجعه الصبح عقب ماخلصنا من المرزاجعه رحنا لكليتي نتمشى واعيد ذكريااتي




بالصدفه شفتها ماسكه نوت وتدرسسس

رحت سلمت عليهااا وقالت ادعيلي عندي امتحااان

انصدمت شلون تقول طلعني من الكليه ووقف قيدي غصب واهيا تدرس للحين

المشكله توها السالفه هالكورس يعني مايصير يرد قيدها بنفس الكورس اللي وقفت فيه

لهدرجه مستغفلتني
وانا اللي كاسره خاطري ومضايقه عشانها

ورجعت بذاكرتي لي ورا تذكرت سالفتها
مره خالتي تسولف تقول اليوم يت وحده طقت الباب يايبه حلو وهديه حق. خالتي من رفيجاتي
استغربت منو من رفيجاتي بتييب هديه لخالتي وماتعطيني خبرر

والمشكله قايله اسمها( اناا فلانه )
والمشكله قايله كنية خالتي امم فلاان


اهيا مادري شلوون عرفت اسم ام زوووجي

اهيا حتى اسم زوجي ماتعرفه وشدراها انه زوجي اكبر عيالها

وخالتي بنفسها مستغرربه تقول يمكن قلتيلها وناسيه

حيررتني
وارسلتلي تسال عن راي خالتي بالهديه

والمشكله ترسل وتدق عادي ولا جنها مجذبه علي

وانا عادي مابين لها شي

ابي اعرف شتبي تووصله

 

[بتبوتااا]

الي بالجدر يطلعه الملاس صيري الملاس و طلعي الي بالجدر :/

الي بوصل لج اياه منتي مجبوره تحيرين روحج وتفكرين كلمي البنت وعرفي منها شنووتبي بالضبط او حاولي تبتعدين عنها شوي شوي

 

[boliana_q8]

والله قهرتيني
قوليلها يا فلانه ريلي مايبيني احتك برفيجاتي
وقالي قطعي علاقتج فيهم
فلاتتصلين وتسويلي مشاكل

بس بعرف شكو معطية خالتج هدية
من وين عرفتها وشنو تبي فيها؟؟

هذي شكلها نيتها سيأة

 

[ابي اصير ممثلة]

لا تردين عليها تبي تاخذ منج ريلج تحملي ان كيدهم عظيم

 

[!الجادل الصعب!]

هذي تخرع سوالفها صرآحه ..!

 

[بنوته كيكه]

لزم تصرين محقق كونان
شوفي البنت اكيد وراها شي واتبي شي انتي عرفي منها

 

[اميره1980]

هذي شكلها كانت قبل لا تتزوج مخططة على ريلج بس تزوجت و طلع مو شي و ردت تخطط مره ثانية
انا لو مكانج ادبر هوشة من تحت الارض و اتركها
و انا الومج من البداية شلون تعطين رقمج حق اي وحدة ما تعرفينها
الحل قطعي علاقتج فيها و خلاص

 

[ام الزين2000]

تبين الحل. غيري رقمج وسكري بابها

 

[$$king moon$$]

شوفي حبيبتي وانا اقرااا الصراحه خفت منها
وكشيت ابتعدي عنهاااا احسن
احسهاا غامضه ووراها شي يعني موخاليه
صدقيني انتي ابدايه حياتج الزوجيه ديربالج منها
لاتخرب عليج الدنيا اتخزع وهاذي شكلها مامنها امااان

 

[عنـــآق ..!]

ديري بالج منها لاتغلفيين عن اي سؤااال ..!

 

[لوفيه]

بسم الله شتبي هذي عاد لا تخلينها تستغل سكوتج عنها

خلاص قطعي علاقتج فيها والله سمعي مني هالاشكال تخوف

يعني شكو تطرش حق خالتج هديه شنو اللي بينهم شكوووو امبيه اتييب اليهد

وانتي الحمدلله والشكر كل معلومات ريلج عندها

وبعدين هذي جذابه شلون تقول وقفت قيد وفجأه عندها. امتحان

ويييييع اكرهها <<< لووول احتريت
*

 

[hazel eyes]

هاذي تخررررع قولي لزوجج عن كل شي وخليه يشور عليج

او دبري هوووشه وافتكي منها

الله يستر عليج وعلى كل المسلمين

 

[يابختي في علاوي]

صبري ياقلبي وكل شي راح يبين
بس ابي اقولج انتي بعد غلطانه شكو من البدايه تعطينها رقمك
يبيلج طق ل وووو ل
وتحياتي لج حبي وصبري

 

[طيش سكر]

غيري تليفونج ولا قولي لها ريلي يبيني اقطع علاقتي بكل رفيجاتي

هذا احسن حل

 

[Judy . abbot]

سالفتج غريبه؟؟!
لو انا منج احقرها ما ارد عليها كلشش
يوم يومين بعدين بتنسى

 

[!! Ba6a 7lwa !!]

يمه ديريبالج اخاف خاويني واخاويج واخذ ريلج واخليج يمه اديريبالج
وعطيها سكب عدل

 

[amami al-kuwai]

شلون تغيرين رقمج وهي عارفة العنوان وعارفة كل صغيرة وكبيرة

صراحه ماعندي كيد الحريم

بس انتي لازم اتنبشين وراها يعني لازم تعرفين رفيجاتها منو وتسحبين منهم الحجي

والله يستر منها

ونصيحه شغلي سورة البقرة كل يوم بيتج او غرفتج

 

[yasmeen_q8]

انا احس انها تبي تلف على ريلج
وبعدين الغلط منج
ليش تردين عليها وعلى اسئلتها ؟! وشعرفها فبيت خالتج
الا اذا كنتي قايلتلها
مستحيل انها طلعته من البداله مثلاً

 

[دلوعة صلوح]

وراها بلا هالبنت حبيبتى يا تسئلينها شتبى منج بالظبط يا انج اتغيرين رقمج وتفتكين

من حنتها.. صراحة ينخاف منها اتعرف كل شئ عنج.. الله يكفيج شرها يارب.

 

[الصعيريه]

يماا شتبي هذي
وشلون عرفت عنوانكم وعلى اي اسااااس تهادي خالتج ..؟!!!

اكييد وراهاا بلاا ونآويه على شي
ديري بالج منهاا وإقطعي علاقتج فيهاا نهااااائياا
وغيري رقمج وإفتكي منها ومن مشاكلهاا