انا متضاااايقة
مالي نصيب في باليت نارس!
قبل اسبوعين تقريبا طرشت لسيفورا ايميل اسألهم عنه
ردوا علي انه في دفعة بتوصل خلال جم اسبوع
ومن يومها وانا مسيفة الصفحة في الايفون وكل يوم ادش اجيك
رديت طرشت لهم ايميل
قالتلي انه Discountinued أون لاين =( =(
بس فيه شوي منه في بعض الفروع.. وطبعا احنا في الخليج نارس شايلينها
ولا تدرون شنو اللي قاهرني؟ مديرتي توها رادة من فرنسا
وانا يوم هي تسافر ماكنت عارفة عنه وعقب دريت واعتمدت انه اونلاين بحصله كللللش مايا في بالي اقولها تييبه لي
والله الحين حدي متحسفة
حدي خاطري فيه احسه سبشل لان مافي وايد شركات تسوي باليت بلاشرات. ونارس معروف كوالتي بلاشراتهم
ومابي اطلبه من ايباي او امازون بريطانيا.. يطلع وااايد اغلى اشتري لي كل واحد بحجمه الكامل احسن!
اما الباليت الثاني مال توفيسد هذا حاليا آوت اوف ستوك بس بييبون منه جريب
هذا كان المفروض يكون هديتي اهوا ونارس وباليت اربان 15
الحين اثنين منهم انقطعوا هذا اللي تم لي ><
رغم انه باليت تو فيسد فيه لونين بلاشر وفيه لون برونزر مات وفيه لون هايلايت
يعني فيه 4 الوان للخدود
بس بعــد ابي ناااارس اووووف :"(
مراوي لا تتهوين على الليب تار
راسلي دي اتش ال والموقع
دام انسحن مع دي ات ال يعني مامنه خوف.. ما بيضيع ان شاء الله
بس لا تتهورين وتسوين اوردر غير @@
اوردرج من دراق ستور وصل؟؟
انتي شسشتيني على شدوات ويت اند وايلد انا كنت سامعة عنهم قبل فترة
سويت اوردر الاسبوع اللي طاف جذي بس جمن شي اساسي كنت طالبة
ومن شدوات ويت اند وايلد اخترت 3 علب
خسارة دراق ستور ماعنده لا الشدوات السنقل ولا المستطيلات بو 3 الوان
امس وصلتني الطلبية.. وصلت في وقت قياسي
بس مابحطلكم الصور الا يوم الخميس
لانه يوم اجازتي واقدر اصور في ضوء النهار <<< احسن شي علشان تطلع الصور مضبوطة
وطلبت لي من ايباي باليت سليك مال الكونتور درجة ميديم للحين ما وصلت طبعا توني طالبتها قبل جم يوم
وبسسسس
قررت إني أوقف شراء ميك آب لين نهاية يناير... لين سفرتي لدبي
أحس هالجم شهر وااايد كدست @@ فصج بايود يدي هالشهر وشوي
وجوفوا من النحاسة؟ امس مريت الستي وطفت على ماك
قلت الكولكشن صارله جم يوم اكيد خلص
ولا طلع للحين باقي اشياء موجودة!
بس طقم الروج والقلوس اللحمي على الوردي ماكان موجود.. هذا عاجبني وكنت مفكرة اطلبه من نوردستورم
بس الاحمر موجود واطقم القلوسات والبيجمنتس موجودين
جفت بينت بوت كيوووت! ابيض صدفي لماع
سوري ماعرف الاسماء مو متابعة الكولكشن عدل
والنيييل بولش الشفاف بو قليتر! واااايد كيوووت
بس انا ماشية على قراري وصج ماشتريت شي
فهالشهر مابشتري ميك اب وبحط لي لستة للاشياء والماركات اللي احصلها في دبي ومو موجودة عندنا
اولها ألاماسكا <<<< صح تنكتب جذي؟
وطبعا الستات السبشل مال الفري ديوتي \
بحول التشري هالشهر للشنط والجواتي وانتوا بكرامة والثياب والاكسسوارات
الميك اب بطق Pause شوي
بس هدية عيدميلادي اللي انا اخترتها خخخخخ
ست تو فيسد
طبعا عيدميلادي عقب باجر:eh_s(22)::eh_s(17):
بس بما إنه آوت أوف ستوك فهديتي بتوصلني متأخرة
وبدل الباليتات اللي مابحصلها بياخذون لي طقم سيقما
الحين حدددي متحيرة شاخذ؟؟
انا عندي الطقم البنفسجي المدور
بس هذي صعب اشيله وياي دبي!
الحين مادري هل اخذ طقم من الترافل مالهم الصغار؟
ولا اشتري طقم الكبوكي الأربع
وفرش العيون اوردي عندي مال ايكو تولز وهاي؟؟
اوردي قصار ينحطون بشنطة الميك اب أقدر آخذهم معاي
شتشورون علي؟
انا اوردي في لستتي حاطة هالاشياء من سيقما:
- ست الترافل العادي
- ست الترافل البريميوم
- ست الاتش دي للويه
- ست الاتش دي للعيون
- الكبوكي البنفسجية
- الست الكامل بو 15 فرشة
طبعا على دفعات مب مرة وحدة خخخخخ
الا صجج جفتوا طقمهم اليديد بو الذهب؟
29 فرشة بـ 510 دولار @@
أي بعد ماقلتلكم
وصل البي بي كريم
طلع واصل من اكثر من شهرين!!
بس ودوه فرع بريد غير.. ولا اتصلوا خبروني رغم ان عندهم رقمي!
الا ذاك اليوم اتصلوا لي قالولي عندج شي هني
رحت خذته
جربته لحد الحين مرة
اممم حسيته مايل للرمادي! مشكلتي الأزلية بس هو خفيف مب ثقيل ومايسوي طبقة
شكلي بخلطة بفاونديشن ريفلون اليديد خذت درجة صفرا من قلب هههههه وبشوف شلونه
والبياعة يحليلها حاطتلي هدية
ماسك بالصبار ماجربته للحين
وتستر من البييبي كريم الذهبي
وه وااايد هذرت
طوفوا الخربوطات الاملائية :yaaaaaarb: