مشترياتي لشهر ديسمبر منوع من عدة ماركات + رفيو و سواتش

[Le-Touch]

بـسـمـ الـلـه الـرحـمـنـ الـرحـيـمـ​

.
.​

بحط لكم مشترياتي خلال هالشهر وبكتب لكم رفيو و سواتش عن كل منتج خذيته​

راح ابلش مع العطور​

​

سيت حق Tease
من Paris Hilton
ريحته حلوه بصراحه اول مره اشتريه خفيف ومو سويت ​

​

سيت من Guess
هم اول مره اشتريه وريحته بارده ومنعشه​

​

عطر Fancy
من Jessica Simpson
هالعطر ثاني مره اشتريه حيل حبيته ريحته سوويت بشكل راقي وحلو حق الشتا​

​

عطري Poison
من Dior​

للمره المليون اشتريه :eh_s(15):
عجيب عجيب للشتا ريحته ثقيله ورزه حيل​

​

عطر Gemstone
من Hey You
هالعطر خذيته من مركز سلطان ولا مره جربت العطور الي يحطونهم بالسوبر ماركت قلت خل اجرب هالمره وعجبني هالعطر وريحته مثل ريتشي ريتشي بس الفرق هذا بـ 1.900 د.ك لول​

خلصناا من العطو نيي حق الفرش​

​

هالشهر للحين بس شريت فرشه وحده خذيتها من دابنهامز استخدمتها للحواجب بصراحة عجبني وسعره كان 2.500 د.ك​

الحين دور الميك اب​

مشترياتي من ماك ​

​

من اليمين لليسار​

Soft and Gentle
Amplified
Blue Brown​

وسويت لكم سواتش​

​

​

سوفت اند جينتل طبعا صار ما لي غنى عنه احب اللمعه مالته حيل
الحمره رووووووووووعه هذي ثاني مره اشتريها
البيجمنت بلوو براون لونه شي خياااالي بصراحة احلى لون بيجمنت شفته للحين​

من كريولان خذيت الويل كونسيلير ​

​

شريتهم من نصايح بنات المنتدى وبصراحة حبيتهم مع اني ما استخدم وايد هالشغلات بس حلو يكون عندج حق الحفلات والميك اب الثقيل تحطينهم بطريقه تخفين كل العيوب الموجوده وتصير البشره صافيه وملمسها حلو عالبشهر ما يضايق​

وخذيت حمرا من Pupa
اول مره بصراحة اشتري من هالماركه وحيل عجبتني الحمره لونها فضيع وملمسها كريمي واللون غني حيل​

​

راح احط لكم السواتش ماله بعدين مع حمره ثانيه بنفس هالموضوع​

ومن ميبيلين خذيت 2 ايلاينرز اسود وبني​

​

الاسود هذي 4 مره اشتريه والبني اول مره واثنيهم حلوين ما يسيحون والفرشه الي تي معاهم وايد حلوه ولونهم قوي وثابت​

من ماركة NYX​

خذيت بالبيت من خمس الوان كولكشن The Caribbean
واسم الباليت I Dream of Jamaica​

​

سواتش​

​

بصراحة عجبني حيل وينفع حق استعمال يومي والالوان بيجمنتت حيل
اللون المفضل عندي الثاني والثالث من اليمين و اللون الاخير بعد حلو
اول لونين من اليمين مات و اخر 3 الوان شيميري​

وخذيت منهم بعد كريم بلش​

​

اسمه Glow
حده اللون كيوت عالخدود بس احسه ما يطول وايد عالخد ؟!​

بليز راح اكمل الموضوع فـ ياريت منكم خواتي محد يرد الحين ​

 

[Le-Touch]

بـسـمـ الـلـه الـرحـمـنـ الـرحـيـمـ

.
.

نكمل مع الميك اب

من Benefit
خيت اي شادو كريم حلو لونه حيل

اسمه Skinny Jeans

السواتش ماله بحطه بعد شوي مع شدو كريمي ثاني

خذيت ماسكارا من بودي شوب

Super Volume 01

ينفع للناس الي رموشهم طويله بس مو كثاف وايد
المسكرا تكثفه ويعطي لووك طبيعي وحلو خصوصا حق طلعات النهار

وبعدين من سرداب الشايع خذيت 4 اي لاينرز وحمرا و شادو و كريم شادو

نبلش مع الحمرا اهيا اول وحده من اليمين

ماركة color planet
رقمها 804

اللون نيود على بينك طبيعي و حيل حلو والاحلى ملمسه كريمي واللون غني
ايي من سايد حمرا ومن سايد ثاني لب لاينر نفس اللون وبس سعر 1 د.ك

السواتش حق الحمرا مع حمرة بوبا

بصراحة الاثنين حيل حلوين والكواليتي متقارب الفرق بالاسعار

و بالنسبه للاي لاينرز خذيت 4 الوان ازرق, تركواز, بني, سلفر اول مره اشتريهم بصراحة
الواحد جنه سعره 2 د.ك وما ادري جذب صج على ذمة البياع ان ماركة ايطاليا !
المهم اسمها Miss & Mrs

الي بقوله ان الواانهم صج حلوه وثابته ولمعتهم تينن

وهذا سواتش لهم

و خذيت بعد شادو بني بيجمنتت حيل
من ماركة اسمها Excel
رقمة 17

وهذا السواتش ماله

واخر شي خذيته من هناك اي شادو كريمي لونه ازرق
ماركة Smiling سعره بدينار واحد
بس هم لونه قوي وبصراحة ماكو فرق وايد بينه وبين الي خذيته من بينيفيت الا بالسعر وان ببينفيت كان في الوان ارقى

السواتش حق سمايلينغ وبينفيت مع بعض

خلصنا من الميك اب نروح حق منتجات ثانيه

من بوتس خذيت هير سبراي حلوين وخفيفين عالشعر بس ما يمسكون حيل يتم الشعر مرن ويتحرك
خيت واحد كبير و واحد للجنطه صغيرون

من بدي شوب من اليمين لليسار ماسك للبشره الدهنيه ( للحين ما جربته )
سنفره للجسم بالليمون حيل خشن وحلو
سنفره حق الريول حيل منعش و حلو

من Lush

من اليمين صابون البابونج للبشره الدهنيه والمختلطه
صارلي اكثر من 4 سنوات استخدمه وحيل احبه واحلى شي انهم بطلوه بالكويت وريحوني من الطلبات

الثاني سنفره للويه هم للبشره الدهنيه حلو بس مو ايد خشن شوي يعني لازم شوي شوي تفركينه عشان لا تجرحين ويهج هذا عيبه الوحيد


الحين شوية سوالف من سلطان سنتر

من جونسون كلينكس مزيل الميك اب للبشره الدهنيه حيل احبه ومالي غنى عنه دايم اشتري منه

كريمين بيس من غارنيه طبعا غنيين عن التعريف وصج صج مالي غنى عنهم استعلمهم يوميا ودايم لازم اخلي عندي منهم باك اب انصحكم فيه بنات حيل

انا كل فتره وفتره اغير نوع الشامبو مالي والحين هابه اب فاتيكا حق الشعر المتضرر شامبو وكريم
وبصراحة عجبني

غسول للويه من نيتروجينا مرات يطلع شوية حبوب قبل الدورة فـ احتاج غسول مخصص حق الحبوب وهالغسول فضيع

لووول ما ادري شفيني هالشهر هبيت بـ فازلين امبيه ترطيب مو طبيعي حق الشتا خليت كل كريماتي على صوب وهبيت فيه ترطيب ليل نهااااااااااار وريحته حلوه معاه كوكوا


اوكي بنات يتبع اخر فقره من الموضوع فـ يرجا ان محد يرد فيكم :eh_s(17):

​

 

[Le-Touch]

بـسـمـ الـلـه الـرحـمـنـ الـرحـيـمـ

.
.

الحييين مع منتجات الاظافر بما اني مدمنه على شي اسمه صبغ اظافر وعندي الوان وايد وهم اشتري بعد :\


المهم طلبت من ريفلون جهاز العنايه بالاظافر يغنيني عن الصالون :eh_s(9):
انا انسانه ما احب الصالونات احب كل شي اسويه بروحي واثق بشغلي وذوقي اكثر :eh_s(15):

المهم هذا صورة الجهاز

حيييل حلو يبرد ينعب ينضف ينشف الصبغ يعني بتاااع كلوو :ggdw:


والحين كولكشن الاصباغ الي شريتها هالشهر

في ماركه تحصلونها عند الهنود غالبا بنااات لا تستهينوووون فيها الوان هالمراكه رووووووووووووووووووووووووووووووووووووووووووعه وقويه وما يحتاي تحطين طبقات فوق بعض اغلبهم من اول طبقه اللون قويه وعجيب والقليل منهم راح تحتاج تحطين منه طبقتين بس

اسمه الماركه Carla
عندهم اكثر من 300 لوون والوان وايد تشوق والمفاجأه انهم بس بـ 500 فلس

حصيلتي من الاصباغ حق هالشهر

وراح احط لكم السواتش بالترتيب من اليمين لليسار

رقمه 9

رقمه 12

رقمة 1

رقمة 2

رقمة 17

رقمة 13

رقمة 43

رقمة 51

وبجذي خلصت مشترياتي لي هالحزه من الشهر لول

وناوية على باليت نيكد وجم فرشه من سيجما وجهاز الويه من سيجما وشنو تنصحوني فيه بعد بنات ؟؟

اي استفسار بخصوص اي منتج من هالمنتجات انا حاضره

تـ ح ـيـاتـي

​

 

[وافرر]

ماشاءالله تبارك الله اغراضك تشووق
عليك بالف عافيه

 

[هزني الشوق؟]

ما شاء الله موضوع متعوب عليه

وذوقج ف العطور نفسي اموت في عطر بويزون ديور وقيس

عليج بالعافية

 

[Pupiipop]

ماشاللله يهبلووون أغراضج عجبوني حيل الأصباغ
بالعاااااافية ياقلبي​

 

[رحاب النعيمي]

كل شي حلوو ,, تتهنين انشالله

 

[أسيرة_أحزاني]

علييج بالف عافيه خووش مشتريات

 

[(حكاية قلب )]

عليج بالعااافية خوش مشتريات

 

[Awar galb]

عليج بألف عافيه

 

[Aloolah]

علييييييج بالعاافيه حبيبتي

و مشاالله الاغراض حلوه

 

[كويتية222]

عليج بالعافية عجبتني الاصبااغ

 

[{نور الليالي}]

يعطييييييج العافيه

 

[SpiceGirl]

الصبغ الجويتي مو طبيعي !

عليج بالف عآفيه ,,

 

[Tom ♥ Jerry]

,


ماشالله كل عطورج عندي
بعضهم حبيتهم بعضهم لا ، تصدقين FANCY من حملت و الحين ولدت و خلصت
و انا كآرهته مع اني كنت آحبه حييييل ! :|


عليج بالعافيه حبيبتي و آنتي نفسي آدمان ميكب و أظأفر !
و عطووور بعد مآ يحتاي :$

 

[HoT P!nk]

عليج بالعافيه .....

تتهنين فيهم ان شالله

 

[دلوعة صلوح]

تتهنين فيهم يارب.

 

[طفلة كبيرة]

عليج بالف عافية
مشترياتج رووعة تتهنين يارب

وتسلمين ع المووضوع
بالتوفيق

 

[freethinker]

موضوعج اينن وفكرته تشوق

وياريت يتثبت وتسمحين للكل يشارك اب مشترياته اولهم انا :$ لوول

 

[om MaRyooM]

واااو

مشالله عليج بالعاافية


كللللهم حلوين بس اكثر يش عجبني جهاز الاظافر

والوان اصباغ الاظافر حيييل حلوة