الكمية تحدد من قبل ربة البيت
السمك اشتريته من لولو القرين طري
السمك اشتريته من لولو القرين طري
سمك بلطي مشقوق بطنه واتنظفينه عدل ( انا اخذته صغير الحجم أحلى من الكبار )
بهار سمك
بهار مشكل
كركم
ملح خشن ( انا افضله عن الملح الناعم حق السمك أنطع )
3 ملاعق كبيرة تقريبا طحين
زيت للقلي
عصير ليمون
ملعقة كبيرة بودرة ماجي ( انا اشتريها من المعرض السوري والحين موجودة بالمعرض لحقوا عليها )
الطريقة :
- بعد ما تنظفين السمك وتغسلينه اتركيه بالمشخال ينزل مايه عدل
- ملحيه من داخل بملح خشن بس على الخفيف مو وايد ( لأن بودرة ماجي فيها ملح )
وعصري الليمون عليهم من داخل وبره السمكة
وعصري الليمون عليهم من داخل وبره السمكة
- خلطي بماعون كبير
( بهار السمك + الكركم + البهار المشكل + ماجي البودرة + الطحين )
( بهار السمك + الكركم + البهار المشكل + ماجي البودرة + الطحين )
ثم رشي السمكة من داخل وبره واتركيه لمدة ساعة او اكثر يتبل ويتشرب الليمون والبهار عدل
- حطي زيت مو وايد ولا شوية ( وسط ) وخليه يسخن عدل وحطي السمك واقليه على الراحة كل شوي قلبيها وحاولي اتدخلين الزيت حق بطنها عشان تتحمش عدل .
- ارفعيه من الزيت على ورق نشاف
وقدميه في الحال مع مشخووول + اجار + خضرة + سلطة
لذيذ واحنا نحبه محمش حيل مو حسبالكم محروق
يبونه مقرمش:rerrerek:
وعلينا وعليكم بالعافية
ما أصبروا على الحاكوكة تصير حلوة ويابسة الكل يوعان
