الشخــــصيه الفضوليه..........كيف تتصرفين معها؟

[كرزه تركوااز]

الفضول ومادراك مالفضول!!!

اللقافه لامؤاخزه!!:eh_s(11):

الفضول ياساده ياكرام انوااااع!!

#النوووع الاول :

(وهذا اقلها وقاحه،)

مثل اسئله سطحيه!!

* وين رحتي اليوم؟

*اتصلت بيوم الخميس


س9:40 دقيقه ومارديتي ليه؟!!

*ماتوظفتي؟

*ماانخطبتي ؟

*كم عمرك ؟!!

*كم راتبك؟


#النوع الثاني فضول وقح حبتين!


*امس كان فيه سيارات عند بيتكم ،

عازمين احد؟

ماقلتوا لنا <--يعني لازم نعلمكم انا مانبيكم!!

*غيرتي اثاث غرفة النوووم؟



والمطبخ والصاله ومره تروح فوووق

ومره تنزل تحت

وتأخذ لها نص ساعه في غرفة النوم!!


#النوع الثالث

اووووووووووووووه اخس نوع

كلش ملش لايمكن الصبر عليه!!


*تجيب شغالتهامعها علشان


تسأل شغالتكم عن خصوصيات البيت!!

*تسأل الاطفال!!

*اذا سمعت احد تزوج في بيتكم

:سوت اتصال سريع وخاطف!!!

ليـــــــــــــش ماقلتوا لي؟

من اخذت؟؟

وش وظيفته ...الخ!!!

*اذا شافت وحده متغيره عليها

،ومسويه لوك جديد قالت بسس بسسسسس انخطبت!!

<---هنا تجاوزت السؤال

لانه جاها جواب من العقل الباطن

اللي قال لها(هذي مخطوبه خلاص
اجل ليش كاشخه
ليش طالعه حلوه
لسواد عيونك مثلاًً؟)
وهذي تكون وصلت لمرحله مرضيه مالها علاج !!
يعني ممكن لو تسألك:وتقولين لا تجيها جلطه!!!

وممكن تاصل فيها الوقاحه انها تنشر اشاعه عنك انك انخطبتي!!



نجي للأسئله ياحلوت!!

اكتبوا معي ياالله :eh_s(10):


كيف تتعاملين مع مثل هذه الشخصيات؟ وش علاجها!!

برأيك وش الدوافع اللي تخلي زميله لك تكون فضوليه عليك انتي بالذات!!


يعني مقارنه بريئه؟

غيره؟

حسد؟

لقافه تبي تعرف ووووبس؟

وش اسباب اللقافه؟


اذا احد سألك تجاوبين ولالا؟؟!!
​

قال رسول الله صلى الله عليه وسلم

(من حسن اسلام المرء تركه مالا يعنيه)
وقال صلى الله عليه وسلم

("من تتبع عورة أخيه المسلم
تتبَّع الله عورته، ومن تتبَّع الله
عورته يفضحه ولو في جوف بيته")

صلوا على الحبيب​

شكرن عفون هلا وسهلا!!​

:eh_s(7):

 

[طموح لايتوقف]

هذا يرجع لطريقتي معاهاا أذا ععطيتها وجه راح تزيد لقافتها يعني من البدايه مأعطيها وجه وأجاوب برسميه
اللي يخلي الملقوف ملقوف هويكون ناتج أني دخلت ضمن الحيز الحيوي يععني خلاص صرت من أهتماماتها قد تكون كل الأسبا ب اللي ذكرتيها غيرة وحسد

 

[ضاعت بسماتي]

يكون ردي :
مادري ...
يمكن؟
احتمال... لين تمل وماتسأل
واذا زودتها أفشلها هني تسكت

 

[الزورق222]

طالعوا اعيون الشخص الفضول لو رديتى عليه وقلتى ماادرى اشراح يصير فيه ههههههههههههههههه
انا قليل من يتجرأ علي بس فيه ماادرى ليش مايتجراون علي الا الوقحين وقاحة ومافيه امل فيهم ااما باقى الفضوليين يحبون يختصرون الطريق ويسألون خواتى يمكن احد يجاوبهم مع انى مو وحش ههههههههههههههههههههههههههههههههههههههه

 

[روح العطش]

هالنوعية من البشر ماينبلعون عفانا الله منهم

ممكن أطنشها دون ما أحرجها وأرضي فضولها بالاجابة على اسألتها اللي أحس أنها ماراح تضيف

لها شيء ، بصراحة هذا مرض الله يعينهم اللي رازين خشتهم في خصوصيات الناس

مشكورة حبيبتي موضوع جدا رائع

يعطيج العافية

 

[FUSHIA-GIRL]

بنات
انا عندى سؤال ؟؟
اذا كانت الملقوفه وحده من الاهل !! وعلاقتج زينه معاها وماتبين تجرحينها شالحل ؟؟

 

[طموح لايتوقف]

بنات
انا عندى سؤال ؟؟
اذا كانت الملقوفه وحده من الاهل !! وعلاقتج زينه معاها وماتبين تجرحينها شالحل ؟؟

أفضل حل خليك رسميه يعني كلمه ورد غطاها مثل جاوبوي مأدري ، الله يكتب الخيره ،الله أعلم ، االله يعين أنا كانت لما تسألون وحده فضوليه متى راح تذاكرين أو كيف ؟أرد عليهاالله يعين

 

[Maybe_87]

بالنسبة لي التعامل يكون سؤال بسؤال
اللي تسألني محلوة أقول لها ما شاء الله إنتي بعد محلوة
وإلي تسأل أشوف سيارة عند بيتكم أقولها ليش حبوبة إنتي بالبيت وإلا طالعة ووين رحتي
بالمختصر أتعامل معاها بنفس أسلوبها إذا إهي فضولية أصير أكثر منها بالفضول
لما تمل وتزهق

 

[manoooram]

يوووووه شكثرما أصادف الحشريين سواء من الأصدقاء وحتى الأقارب
يكثرون من أسئلتهم التي ماتنتهي وياليتها على معنى !!
أرد بحدود معينة وباختصار شديد أحاول أن ما أسبب الاحراج لأي مننا
لكن فيما يتعلق بخصوصيات حياتي الزوجية أو اذا سألتني سؤال جدام أشخاص ما أبي أرد جدامهم ..
شي أكيد أن أتعذر عن مجاراة الفضوليه (الحشريه) وهني أحاول أن أغير محور الحديث لموضوع ثاني بضحكه .
وياليت لو أن يعملون بحديث الرسول عليه الصلاة والسلام :
(( من حسن إسلام المرء تركه مالا يعنيه ))

 

[منو انت]

الفضولي مع الكل اوكي اعتبره مرض واحاول اخلي علاقتي فيه رسميه

لكن في ناس فيها فضول واشوف هالشي يزيد على الناس اللي شخصيتهم ضعيفه يعني وحده ملوعه جبدي وانا عارفه شلون ارد عليها بس اللي يبط جبدي انها تزيد مع مرت اخوي وانا احاول اعلم مرت اخوي اقولها تقول لا ماتقصد وماادري شنو اخير شي قلت لها بالفيس قلت ترى اهي شايفتج مصخره علشان جذي تسالج عن اشياء خاصه لدرجه اول مامرت اخوي تسوي مسكينه سونار تقولها شننو فيج ؟ متى ولادتج بالضبط ؟منو يبي يدفع الولاده
منو دفع فلوس اثاث غرفه عيالج انتي او زوجج ؟ او اثنينكم ؟

جد هالنوع لو مو شايف ان اللي جدامه صغيره بعينه ولا كان مايسال جذي


نصيحه ياصاحبه الموضوع اذا انتي ماتسالينها واهي تسالج قولي شكو تسالين واذا قالت عادي وماادري شنو قولي لا انا مااسال ليش انتي تسالين ؟ ومنها صدقيني راح تبلع لسانها

 

[so cheek]

انا اذا صارلي من هالمواقف ابتسم واقول بذرابه لازم تعرفين ؟ طبعا اذا كنت امووون عليهاا اذا مابينا ميانه احاول اغير الموضوووع لان مهما يكون الواحد يعامل الناس باخلاقه وشكرا للموضوع
​

 

[PuPa^^SWeeT]

كيف تتعاملين مع مثل هذه الشخصيات؟ وش علاجها!!


علاجها انج تعطينها معلومة ولا خبرية طازجة و اتكون مو شي يذكر بس شغلة عالاقل اتخليها تلهى فيها شوي علاما اتخلصين الشغلة اللي عندج


برأيك وش الدوافع اللي تخلي زميله لك تكون فضوليه عليك انتي بالذات!!


فراغة و طول ماهي قاعدة اتطالع بخلق الله مو قادرة تلهى بروحها لأنها حياتها صارت روتينية ولا عندها مشاكل وتبي تنساها

يعني الامور تتعلق بحياتها ولا بشخصيتها اهي


يعني مقارنه بريئه؟ايي

غيره؟ايي

حسد؟ايي


لقافه تبي تعرف ووووبس؟ايي

وش اسباب اللقافه؟


مثا ما قلت فراغة
اذا احد سألك تجاوبين ولالا؟؟!!

لااا و الف لا

اموري الشخصية محد يدري فيها


شكلي اسولف واايد و كاني اعطي اخبار يومي كله

بس اللي اقووله ولا شي جدام اللي يصير


يعني مثلا طلعت السوق و شريت اغراض و مادري شنو و قطيت المبلغ الفلاني

ماقول جذي


لا اقول رحت السوق لقيتلي بلوزة خذيتها



بسسسسسسسسسسسسسسسسسسسسسسسسسسسسسسسسسس



مثل هالطريقة عاد بالامور الثانية

 

[am faisal]

انا اعانى وبقوة يعنى وحدة تقربلى من هالنوعية كل شى تسال عنة واذا ما بردت كبدها وقلت تسال الجهال الخدامة حتى لما ردينا من السفر متوحدة بالخدامة وتسال شنو يشترى ماما وكم وشنو والعكس صحيح امورها تكتم عليها حتى خطبة بنتها ما علمتنا لدرجة سميتها المحقق كونان ان طبيت هوشة وياها قالو موصاحية وان سكت دشيت الطب النفسى

 

[اخت واختها]

وايد مرات اسال عن شغله واتفاجئ بالي جدامي يسال ليش ! @@

ردي على طول انت شكو

بس هذا هو افضل حل نوقفهم عند حدهم ونذكر ان الي قاعدين تسوونه عيب وان اللقافه مو زينه

 

[إلين اليوم]

الشخص الفضولي ارد عليه بنفس السؤال .. يعني قالتلي جم معاشج .. أقولها انتي جم معاشج؟؟ وصدقيني ماراح تجاوب راح تتهرب .. واذا قالتلج جم معاشها اناقشها بوظيفتها يعني بالعربي اقلب الموضوع عنها ..
بس لمن الوحد تتجرأ تسأل بشي خاص جدا طبعا ماراح ارد عليها من البدايه ويمكن اعطيها نظره تنقدها على عمرها ..
الفضوليه الوحيده اللي ماعرف شلون ارد عليها ليلحين هي العجوز الفضوليه هههههههههه مادري احس اجاوبها بكل صراحه يمكن غباء مني يمكن حيا يمكن مرتاحه واقول في نفسي على نياتها ههههههههههه بس ودي اجعم العجز الفضوليات ماعرف اكر الاولي والتالي هههههههههههه

 

[coralia]

اعطيها ذيج النظرة الحادة واحقرها عقبها ماتقرب صوبي خخخخخ بس بصراحة شكلي برد شكو لان بصراحة في ناس عادي عندها ماتستحي اذا ترد تسال بعين قوية اما الدافع اللي احسه فضول ونقل السوالف والاخبار في مجالس النساء {ويي شفتي فلانة كذا كذا ... الخ } ​

 

[كرزه تركوااز]

هذا يرجع لطريقتي معاهاا أذا ععطيتها وجه راح تزيد لقافتها يعني من البدايه مأعطيها وجه وأجاوب برسميه
اللي يخلي الملقوف ملقوف هويكون ناتج أني دخلت ضمن الحيز الحيوي يععني خلاص صرت من أهتماماتها قد تكون كل الأسبا ب اللي ذكرتيها غيرة وحسد

طريقة تعاااملك معاهم حلوه،وممكن تكون مفيده مع بعض الاشخاص!

بس مااتفق معك انو السبب ،ناتج عن انك معطيتها وجه!

لا ياقلبي مووصحيح!

والله بعضهم تظل تزززززن على راااسك،واذا مالقت جوااب تشوف غيرك وتسأله عنك وعن اخبااارك!:d

 

[كرزه تركوااز]

ضاعت بسماتي
الزورق222
روح العطش

يعطيكم العاااااااافيه/ماقصرتوا:eh_s(7):


FUSHIA-GIRL

كلهم والله صعب انك تجرحينهم!

لأن الفضول،يمكن يكون بسبب خوفها عليك وحبها لك اوحسن نيه مو شرط انه يكون بسبب مقارنات او غيره!

الاصل احسان الظن بالناس!

لكن على كل حال الفضول مهما كانت دوافعه واسبابه يظل شيءءء مزعج جداً!
والناس تنفر من الشخص الفضولي!

طموح لايتوقف

تصرفك صحيح وينفع معاهم

بس اذا رجعت وكررت السؤال مره ثانيه خخخخخخ!

Maybe_87

ماشاء الله طريقتك،ذكيـــه ،من جدد تنفع وتضيع السالفه بدون ماتحس!

manoooram

اللي تجي وتسألك انتي ويتبيّن لك انها حشريه وفضوليه،افضل من اللي شغلتها تأخذ اخبارك من الناس،على الاقل الاولى تعرفين انها فضوليه وتقدرين تحددين سبب لقافتها واهتمامها فيك( حسد غيره مقارنه،محبه )وبالتالي تأخذيين حذرك منها


شكراً لك كلكم:eh_s(17):






​

 

[حالة حنان]

والله في وحده جذيه بس الحل
اني مطنشتها وما أرد عليها
ابتسامه وبس
يسلمو على الموضوع

 

[غير كل الناس]

استهبل عليها

اجاوبها جواب ماله علاقه بسؤالها

طبعا عقب ما امل من اسئلتها وتطلع روحي اقوم استهبل