من صاد صيده قنع وانت تبي صيدات وافلست من صيدتك يازوج اختي

[المسيكينه]

اختي وايد حلوه وكل المواصفات الزينه فيها ولكن زوجها كله يطالع الحريم ويرقمهم ولا يحترم اختي وهي الأن تعبانه وتبي الطلاق منه . ابيكم تساعدوني وتقولو شنو الحل

 

[سحايب برنس]

الرجاجيل ماينفع معاهم لتزين وجه ولاحلات اخلاق ولاسنع ودبره يبيلهم وحده تعطيهم طاف وسكب وتعيش حياتها ولاتهتم شيسوي ومايسوي

 

[سحايب برنس]

هذا وانا لي ٦ شهور بس شلون لو سنه هههه

 

[*E.B.D.A.3*]

مادري موضوعج مافيه وايد تفاصيل
جربت تتكلم معاه تقوله تواجهه ؟؟

 

[جلكسيه اس 3]

والله كلهم جذي يتسلون و بس
خل اطنش و تعطيه طاف

 

[رقـة الاحسـآس]

وايد مختصر الموضوع

 

[جلكسيه اس 3]

بس سالفة نا يحترمها خل اتكلمه بالهداوه و لو اني حاسه احتمال ماتفيد الهداوه معاه

 

[كلمة جريئة]

اب
اب
اب

 

[عبالي حبيبي]

الطلاق اخر الحلول

مرده بيعقل وبيلتهي بالعيال والمسؤليه

كلهم اول الزواج جذيه

 

[قاهره عذالي]

خليها تعطيه فرصه

وخل تدخل اهلها واخوانها اذا واصله حدها

 

[كليـ دلعـ]

شتكلمه!!

تقولكم عيونه زايغه !

وانتو تقولون خ تكلمه؟!!

ش تقوله؟

عفيه فلان الله يخليك لاتخز الحريم؟!؟

عفيه لااتغاازل!!

عفيه الله يخليك لاتخووني؟!؟

تترجااه يعني؟!؟

هئ دنياا مقلووبه!!!

هذا عيونه زايغه وحتى التراب مايترسهاا!

نفسه دنيه وظعيفه!!

مايدري ان العين تزني وزناها النظر!>> ادري بيدشون وراي ١٠٠٠ وبيلطشوون هالجمله! ههههه

هذا حرام وعيب واهانه لزووجته؟!

انسان متزوج يعني عاف نفسه شكوو هالخرابيط

بس بيني وبينج ترا هالسالفه ادماااان

موبالساااهل يخليهاا انسي انسي

مسسسسسسستحيييييل يخليهااااا

لان من شب ع شي شاااب عليه

حتى لومثل الندم وقال خلاص!

بيقعد وراهاا يخززز ويتمقل

وبعدين تعالي من قالج المغازلجي زوجته

لازم تكون جيكره والا موسنعه!

اصلاا اكثر المغازلجيه حريمهم ملكات جمال!

بس هذا مرررض الله يكفينا شررره

الله يوفق اختج ويستر عليهااا

واهو يجاازيه ربه بعد شقول؟!؟

 

[د. فاطمة]

أول شي الموضوع مختصر
ثاني شي البنات ماغلطوا
خليها تتكلم معاه..!!!
مادري ليش قمتي على هالرد..!!!
يعني بالله الطلاق صاير على كل لسان وكل مشكلة
هي تحاول معاه أول
تكلمه تتفاهم معاه
تقول لها كل اللي بقله
شفيها يعني لو قالت له ليش تطالع الحريم؟؟
!!!!!!!!!!

يمكن يستحي ينتبه لنفسه ..!! ويتغير

الله يهديهم ويوفقهم

 

[خوووخه w]

الله يعينهااا مالها اللي الصصبر ودعاااء وطنشششه لاخر درجه

 

[فوفو البنوته]

خل تكلمه وتذكره بغض النظر وتساله فيه شي فيني مو عاجبك مثلا؟
وتقوله ترضى اطالع غيرك جذي وارقمهم واغازلهم؟​

والطلاق اخر حل لان الناس بتقول هي الي فيها العيب مو هو​

 

[Kensington]

الله يسخره لها
من شب علي شي شاب عليه
تعود صار شي لاارادي
الله يسخره لها

 

[درة أهل الطولات]

الحل تتطلق وتفتك منه

بو طبيع ما يجوز من طبعه

او تلجأ للدعاء وتصبر

 

[رق رق]

اتفكر بالطلاق ليش
يعني كل واحد تتزوجه واتجكه يكلم تتطلق عيل يمكن راح تتزوج ولا عشر مرات.
خل تتفاهم معاه ، اهي شكلها وااايد طيبه وشخصيتها اظعيفه وايد .
خل اتغير من طبعها اشويه عشان يخاف منها.

 

[shy rose]

الله يكفينا الشر ادمان
وحياه مليلة
تنتهي بالطلاق
الله يكفيها شره ويشفيه

 

[سكوون انثى]

الله يسخره لها

 

[تخيل اعطيك وجه]

الله يسخره لها
تعود على هالشي خل تحقره وتهتم بنفسها يوميا وما عليها منه مصيره بيعقل وذنبه على جمبه