تجمع مدرسة الابداع فرع السالميه ica

[bambena]

الخميس يقرا الكلمات + السبيلينغ + الكومبرهنشن وباجر امتحان الساينس


انا قاعده اراجع نفسي بالتسجيل مادري اسجله ولا لا حق ثانيه ابتدائي

 

[Pissy Missy]

السلام عليكم انا بنتي ب kg1 mrs raina والله المدرسة جيده بالنسبه لي بس صاجين وايد ضغظ عليهم ماكو اي وسيلة ترفييه باجر عيد ميلادها بودي لها كيكه والعاب حق اليهال قال لي بالبريك بس
يوم رحتلها الاجتماع قالت بنتج ماتعرف تكتب !! شدي عليها بالبيت قاعده احاول وياها وتحسنت بس مابي اضغط عليها ياربي روضه اخاف تكره المدرسه بكبرها وانا قاريه انه اولى روضه لازم تكون ترفيهيه اكثر من تعليميه الله يوفقهم يارب ونبلغ فيهم باحسن المراتب

انا بعد مستغربه الحين بيخلص الكورس الاول ولا ودوهم رحله

وسالفة الكاو بوي حشيت مالها داعي بس واحد شسوي

 

[الـــريـــم]

بنات انا مستغربه من كلامهم ان المدرسات عربيات

بس لما رحت وشفت المدرسه قالولي المدرسه الاساسيه اجنيه وبعض الاحيان المساعده تكون عربيه

بس الاساسيه لازم اجنيه

ومن كلامكم شفت كلهم عربيات !!!

شسالفه ماني فاهمه انا بسجل ولدي كي جي 1 السنه اليايه بس احس تناقض

 

[bambena]

لا مو كلهم عربيات

في جذي وجذي

انا صف ولدي الاساسيه اجنبيه والمساعده عربيه وفي فصول الثنتين عربيات

 

[الاستاذة]

صباح الخير لا بنات لا تتحبطون ماكو الا الخير ان شاء الله كل مدرسه لها مميزاتها لها عيوبها

busy بسالج شلون حجزتي مقعد من الحين ودي احجز انا بعد؟

وعلى سالفه الكابوي والباجاما هدي مقتعدات امريكيه اصلا انا بنتي ماتدري شنو كابوي لانه صج مو واقعي بس شنسوي بسخافة الاجانب

 

[kaboOOOOOOOOsa]

الحين اذا دافعين حق السنه كلها لازم نعيد التسجيل حق الكور الياي

 

[kaboOOOOOOOOsa]

السلام عليكم انا بنتي ب kg1 mrs raina والله المدرسة جيده بالنسبه لي بس صاجين وايد ضغظ عليهم ماكو اي وسيلة ترفييه باجر عيد ميلادها بودي لها كيكه والعاب حق اليهال قال لي بالبريك بس
يوم رحتلها الاجتماع قالت بنتج ماتعرف تكتب !! شدي عليها بالبيت قاعده احاول وياها وتحسنت بس مابي اضغط عليها ياربي روضه اخاف تكره المدرسه بكبرها وانا قاريه انه اولى روضه لازم تكون ترفيهيه اكثر من تعليميه الله يوفقهم يارب ونبلغ فيهم باحسن المراتب

حتى ولدي عندها كانت تشكي منه بس الحين الحمدالله اشوي اشوي ما اقولج صار توب بس ارحم من اول الكورس كرهتني بالمدرسه من التعليقات لازم الياهل ياخذ وقته بالتعليم ومردهم بعرفون واتعلمون

 

[نطوووعه]

بامبينا ليش متردده تسجلين حق السنه اليايه ؟؟

انا بعد متردده جنه حياتنا وحياة عيالنا ضاعت بالواجبات والدراسه المكثفه ! هذا واحنا بس تركيزنا عالانجليزي مادري لا عن عربي ولا دين وجذي تعبانين و ضايع يومنا و احنا كي جي بعد مو ابتدائي عيل الابتدائي شلون ماكو حياااة رسمي !

 

[bambena]

نطوعه انا بزود من دش ولدي هالمدرسه وانا حياتي انقلبت فوق تحت لا راحه لا طلعه بس ندرس واجب وامتحان واملاء وفوق هذا حنه وضغط من الابلات ماكو شي يعجبهم منقمت قلبي مادري شفيني كارهتهم

 

[نسناس]

صباح الفل والسرور

طبعا اليوم من الصبح وإحنا نحفظ الإملاء حق باجر

( المسجد بيت من بيوت الله )

الأسبوع هذا اختباراتهم راح تبتدي والله يكون بالعون
بخصوص الواجبات كل المدارس نفس الشي ضغط مو طبيعي ):

أنا الصراحه أحلهم كلهم بيوم واحد اللي هو يوم السبت

والجهال مساكين قاعدين يعدون الدقايق حق نهاية الفصل
الكويت كلها تعطل وهم يداومون

الله على ابتدائي الحكومه من شهر وفوق معطلين ههههه

لغاية ٢٦ الشهر ):

 

[نسناس]

صباح الفل والسرور

طبعا اليوم من الصبح وإحنا نحفظ الإملاء حق باجر

( المسجد بيت من بيوت الله )

الأسبوع هذا اختباراتهم راح تبتدي والله يكون بالعون
بخصوص الواجبات كل المدارس نفس الشي ضغط مو طبيعي ):

أنا الصراحه أحلهم كلهم بيوم واحد اللي هو يوم السبت

والجهال مساكين قاعدين يعدون الدقايق حق نهاية الفصل
الكويت كلها تعطل وهم يداومون

الله على ابتدائي الحكومه من شهر وفوق معطلين ههههه

لغاية 26 الشهر ):

 

[bambena]

مساكين دراسه من الصبح وهم لا ردوا البيت

الله يصلحهم ويعيننا

 

[الاستاذة]

صباح الخير بنات

الله يوفق عيالكم بالامتحانات وويسهل عليهم حبايبي لا تحاتون الي عليكم سويتوه وان شاء الله الله يبشركم بلي تبونه واحسن

اليوم بالطابور قاعد يكرمون يهال شنو بعد مسكينه بنتي ماكرموها وعلى طاري التشكي مسها كله مشينه الوي لي سالتها
وصاجين بس تعبو الي كبرهم من زمان معطلين وهذيله حتى رحله مافيه

 

[isengineer]

السلام عليكم ياالأمهات الحلوووات
أنا بنتي KG1E مع بنتج Busy - ان شاءالله نستفيد من بعض
والله المدرسة زينه وكل المدارس ماتخلى من العيوب- بس عيبها قلة الرحلات

ماتلاحظون وايد رفعو الرسووم علينا بسنة وحدة هالكثر فرق !!!

 

[الاستاذة]

isengineer
اي والله وايد ارفعو الرسوم بدعو حدهم

 

[bambena]

كذا مدرسه رفعوا الرسوم

مو معقوله كل سنه بيرفعونها لي متى !!

 

[isengineer]

اي الله يسهل يشوفونا مجبورين ندفع
لمتى بتخلون عيالكم يداومون!! الناس عطلو وعيالنا حرام يداومون

 

[kaboOOOOOOOOsa]

احد اكد التسجيل حق عياله ولا ماله داعي

 

[isengineer]

kabooosa لازم تأكيد الحجز للسنة الياية

دازين مع بنتي ورقة ان لتاريخ معين اذا ما اندفعت رسوم التسجيل 100 دينار يروح كرسيها ، أتاكدلج من الورقة ناسية التاريخ ،بس انا حجزت لبنتي ودفعت أضمن لج :ggdw:

 

[الاستاذة]

صباح الخير لي 26 /1 اخر يوم لحجز المقعد