استقبال المواليد القفت والتوزيعات افكار غريبه وجديده ملينا من المواضيع القديمه حياكم

[دلوعه//]

الله يتمم لكم ع خيير ياااارب

 

[ام اغلى الناس]

حياة ريلي وسكره وذابت
ليش سالفة انج تحطين سرير تضحك؟
انا قعدت اسبوعين ماقدر اتحرك ولا اقعد من الخياط
كان حيل شاد علي ويعور
انا عندي راحتي اهم من الكشخه
اصلا اشوف ناس تنسدح عالسرير طول الاربعين يوم ههههه
عايشه الدور انها تعبانه وماحد ولد غيرها
انا بس لين يروح عوار الجرح بعدين خلاص اقعد عادي
بس هما السرير موجود بس كمنظر
فيه ناس واجد شفتهم قالوا مانبي سرير
عشان يوفرون فلوس الكفر
بس ردوا ندموا

 

[Travel^Lover]

الله يسهل عليج يا رب .. بس بصراااااحه حدج غااااااامرتي بتوزيعاتج اللي من جوسي كوتور لول بس بالنهايه الواحد يسوي اللي بخاطره .. انا عن نفسي والله اي شي اشتهيه اخذه ما احب اخلي شي بخاطري ...و لازورد ما عليه كلام
بس لا تنسين اذا ولدتي بالسلامه تصورين لنا استقبالج وخصوصا توزيعات جوسي لول

ايي والله غامرت :eh_s(22):

خصوصاَ ان الناس اهني لو شنو تحطين لازم يطلعون فيه عيب او عذروب .. بس حبيت اوزع شي ما ينقط والوحده تستفيد منه وعموماَ ادري هالشي ماراح يعجب الحريم الكبار اللي بالعايلة بس شسوي فئة الشباب اكثر وانا امشي على الغالبية واللي ما تعجبها خل تعطي بناتها :eh_s(15):

بس اهي اول وآخر مره ما اعتقد باسوي استقبال بعد بس لأني ما سويت من قبل قلت التكلفة عن استقبالين


الله يسهل يارب ويتمم على خير :eh_s(7):

​

 

[جنا الخليج]

سكره
يعطييج الف عافيه حبوبه عالموضوع الحلو والمفيد
لا تحرمينا من افكارج ورانا استقبال لووول انا بسويه يمكن بالمستشفى .. امي مالها خلق حووسة الناس بالبيت وتعب داشين طالعين بس للحين ما يندرا اللي ربج كاتبه يصير!!

وعلى سالفة بيض الصعو ترا رفيجت اختي سوت والصوره طلعت كللللش مو واضحه فمادري حبيت افيد
معنه الفكره عجبتني بس يمكن عشان اهيا مسويتها من زمااان الحين تطورا مادري؟
او يمكن عشان بيض الصعو حييل صغيره فمو واضحه الصوره وطلعت موووحلوه

 

[kukuwa]

حلوة افكاركم بناات
اهم شي لا تتلخبطون
رتبوا الافكار وحددوا شنو تبون بالضبط عشان وقت الصجية ماتتوهقون
وتضيعون

المهم بخصوص اللولي بوب
انا بوزعه عاليهال
ابي تقولولي من تجاربكم مكان يسويلي
ارروح من الحين ادفعلهم وياخذون رقمي ويوصلولي المستشفى
وييين وبجم عفيه؟ اهم شي اهم يوصلونه لي

 

[المها الابيض]

بيض الصعو كنت ماخذته من مطحنه الدوليه
عندهم الوان حلوه وما اتذكر الكيلو بجم بس اتوقع
علي ٥
ومحل سلفرينا اللي بالسالميه يسوي بيض الصعو
عليه اسم البيبي
وفكره السرير الحين قامو يبدلونها بالشيزلونق
بس عن نفسي بحط سرير اسمي والده شحقه
ارتز علي القنفه مع الناس موناقصه يصكوني عين

 

[.P.ENG]

وايد حلو الموضوع ..​

بالنسبة لي اذا الله سهل وولدت بالسلامة انا والبيبي بخير .. راح اسوي استقبالي بالمستشفى ان شاءالله مع اني مو بجر بس هذا اول بيبي اسويله استقبال واتمنى يصير كل شي مثل ما ابي واكثر ​

راح اقدم ان شاءالله جاي وموالح من محل لازورد والسكر طلبته من موقع addoy's وطلبت على شكل وردة بنكهة الزعفران والنعناع :eh_s(15):​

اما حلو القهوة فطلبته من محل لازورد بعد اللي بالراية وايد عجبني شغلهم :eh_s(9):​

التوزيعات اول شي ماكنت ناوية اوزع شي بس بعدين دخلت على مواقع وايدة بالانترنت وعجبتني وايد افكار .. ومره بالصيف مريت جوسي كوتر وعجبوني شغلات عندهم وبما ان فيني بنوته فسويت توزيعاتي منهم :eh_s(1): 100 حبة كلفتني مبلغ وقدره :eh_s(22): ساعات افكر شلون تهورت وسويت جذي بس عادي خلاص فات الوقت للندم الحين وعليهم بالعافية اللي بيزوروني ​

واختي طلبت لي توزيعات اضافية من محل caacawa اللي بجمعية الزهرة وخلت التغليف وردي علشان يمشي مع توزيعات جوسي كوتر ..​

وبس .. الله يقومنا كلنا بالسلام ويفرحنا بسلامة بيبياتنا ويتمم علينا اللهم آمين وعسى ربي ما يخسر تعب :yaaaaaarb:​

حبيبتي الله يسهل ويهون عليييج ياارب

بسئلج حبوبه عن السكر
الموقع الي انتي حاطته واايد عجييب بس وين محلهم ماتدرين ؟! وجم اسعارهم ؟
يريت لو تخبريني

 

[english muffin]

بنات باخذ رايكم بشغلة
انا الصراحة لاعت جبدي من فكرة التوزيعات و البحرين بكبرها كلها نفس التوزيعات
ولين ييت بطلب من بره لقيت نفس التوزيعات موجودة بالمحلات و ضعف السعر
وانا اكره حركة اوزع مثلا تحفة او شي

فقررت اوزع كاكاو في بوكس والفه بطريقة حلوة
الكاكاو بطلبه على شكل ممية

شرايكم ؟
بيقولون ويع ماسوت شي؟

 

[shmoo3 alamal]

بالضبط اللولي بوب واااااايد مستهلك عندنا بعد من سنين بس للحين ماشي اذا ينحط بعد ديكوريشن توزيع او بوفيه الاستقبال .. بالنهايه انا اشوف الناس اللي حاولي اذا هالفكره عاجبتني وما سووها اللي اعرفهم وبيحضرون استقبالي ماكو مانع اسويها

دام انتي من البحرين وما تقدرين تفيدينا بالمحلات هم ماا راح اخليج .. :bbbiu: لول
علمينا شنو الفناتك اليديده عندكم مثل توزيعات و اواني منزليه وحتى عبايات ولبس وفناتك لول كل شي نستقبل

بالنسبه حق اللفه ..

انا اساسا ماخذه لفه جاهزه من سنتر بوينت .. blanket.. وسويته على نفس مقاسها
وشريت خام ثاني سويته مثل الربطه الشريطه طول عرض اللفه .. و فيونكه بروحها
ولما خلصت صفطت طرف اللفه اللي فوق و حطيت البنوته داخلها و لفييتها عليها مثل تسكيرت الظرف و حطيت الشريطه ورا البنت تحت اللفه وثبته بدبوس عشان اخيطه بعدين
و لفيت الشريطه من جدام على شكل x وثبت الفيونكه بواحد من طرف الشريطه و حطيت كلبس بطرف الثاني عشان تتسكر .. يعني صارت متثبته الشريطه من ورا و تنلف على اللفه وفيها الفيونكه تتسكر بالطرف الثاني بكلبس
:ch12:تعبت
على فكره اللفه مالها علاقه بحجم البيبي اهيا حلاتها متفوخه مو مهاد عشان تصير لازقه ومن فوق لازم تكون تحت راس الياهل مو عند الرقبه .. شوفي الصور وتفهين . واذا رحت عند اهلي راح اصورلج اللفه عدل حتى من داخل طريقة البطانه :eh_s(15):

وييي فديتج ما تقصرين انتظر الصوووور :eh_s(9):
فناتك العبايات كل يوم طلعوا لج شي الحين الي ما يلبس قام يلبس بس عشان تعالوا جووفوني من بعيد ههههه
بس التوزيعات صدق وهقه كل شي سوووه ماخلوا لنا افكااار
حتى لو بنييب من بره نفس الشي اجوفينه موجود هني
و الاسعاااار ضااااربه التب
يعني انا اذا بسوي 100 حبه ع الاقل احط لي 200 دينار :eh_s(16):
بس اخر مره رحت لصديقتي كانت مسويه حوض سمج من الصغااار كلش الزجاج
والي مفتوحين مو المسكرين فازات يعني
وحاطه فيهم سمجه بلون الثيم كان برتقالي
وتعطيج معاها جيس صغيرون للكل مال السمجه وجيس فيه كاكو مغلف بنفس الثيم حقج
يعني اخذيها وربيها هههههه ​

حياة ريلي وسكره وذابت
ليش سالفة انج تحطين سرير تضحك؟
انا قعدت اسبوعين ماقدر اتحرك ولا اقعد من الخياط
كان حيل شاد علي ويعور
انا عندي راحتي اهم من الكشخه
اصلا اشوف ناس تنسدح عالسرير طول الاربعين يوم ههههه
عايشه الدور انها تعبانه وماحد ولد غيرها
انا بس لين يروح عوار الجرح بعدين خلاص اقعد عادي
بس هما السرير موجود بس كمنظر
فيه ناس واجد شفتهم قالوا مانبي سرير
عشان يوفرون فلوس الكفر
بس ردوا ندموا

احنا في البحرين ما عندنا استقبال في المستشفى ولا البيت عادي الي يبي اييج في البيت حياه الله ونفس الشي المستشفى
بس اذا في البيت يتصلون فيج قبل
وع سالفه لفراش ما ادري احنا عندنا عادي انا اذكر في ولادتي الاولى كنت بعد 3 ايام كنت اقوم واتحرك بس اذا زارونا ناس امي تقولي قعدي بفراشج احسن لان تعرفين ساعات عيون الناس ما ترحم يقولون لج هذي ما صار لها جم يوم وقامت تتحرك
فاحسن لج تكونين بفراشج خاصه ترى الخياط يتعب اذا كنتي قاعده وااايد

بنات باخذ رايكم بشغلة
انا الصراحة لاعت جبدي من فكرة التوزيعات و البحرين بكبرها كلها نفس التوزيعات
ولين ييت بطلب من بره لقيت نفس التوزيعات موجودة بالمحلات و ضعف السعر
وانا اكره حركة اوزع مثلا تحفة او شي

فقررت اوزع كاكاو في بوكس والفه بطريقة حلوة
الكاكاو بطلبه على شكل ممية

شرايكم ؟
بيقولون ويع ماسوت شي؟

هلا فيج حبوووبه اي والله صدقتي كل الافكاااار خذوهاااا
من وين بتسوووين من بسكوتو
حلو الاشكال الي عندهم
بس انا كنت مسويه عندهم في ولادتي الاولى فابي اغير من جذي محتااااااااااره
والتحف مستبعدتنها كلللللش ما احبهم لان انا نفسي اقطهم شلون غيري

 

[english muffin]

شموع الامل

هلا هلا حبيبتي
لااا مو بسكوتو
ابي كاكاو شوي حجهم عود رحت دتش جوكلت قالو بيسون لي الحبة دينار ونص

انتي وين رحتي وشنو تبين ؟ يمكن اقدر افيدج لاني رحت كللللللللللللللللللللللللل مكان ههههههه

 

[shmoo3 alamal]

ههههه لحد الحين ما ادري ابي فكره يديده
كل وحده تولد اروح لها مسويه شي ههههه
كرهت التوزيعات ههههه
رحتي جناحي بعد يسوي جوكلت بالطلب

 

[english muffin]

صججج جناحي يسون
بروح اجوف اليوم هههههه
تعرفين باتشي السلمانية فيه صوبه محلين عندهم توزيعات وهالسوالف فيه اشياء ويع بس عندهم افكار
روحي اخذي لج فرة

 

[shmoo3 alamal]

انقلش كنت رايحتهم قبل كنت باخذ توزيعات حق صديقتي
قصدج ريغالو بس ما عجبني اشيا كش بسيطه يقو لج الحبه دينارين
وهي صابون ولا لوشن جونسون هههههه
جناحي اذكر مره خذت منه كاكو ع شكل شي دي ونفس حجم السي دي العادي مكتوب عليه اسم البيبي ومحطوط في علبه سي دي
طلع وايد حلووو وزينت كفر السي دي
بس روحي فرع الرفاع عنده شغلات اكثر من الي صوب لاريسا ​

 

[cute_batoota]

سكرة يعطيج العافية حبي عالموضوع وما قصرتي بالنسبه لبيض الصعو تلاقين الي تبينه بالمطحنه الدولية الكيلو ب ٥ وحلو الصراحة وبالنسبة للكوكيز بوكيه شغله روعة وراقي بس أنا اضطربت أني اكنسل معاهم لان شوي تعاملهم مو أوكي وصار سوء تفاهم فا ما حبيت أخذ منهم شي بس شوفيه الأشكال حلوة بس ماعندهم بالمكسرات عندهم بس بالكاكاو وأشكال انتي تختارينها وما كان غالي وايد وهم تلاقين بيض الصعو فناتق وطبعات وأشكال عند لاكشيت الي بالسالميه حلو وايد هم وتوزيعاتهم حلوة بس أنا خذت توزيعاتي من كاكاواتي الي معانا بالمنتدى الصراحة كثر ما امدح فيها شوي استلمت التوزيعات قبل الموعد وشغل مرتب وراقي وتعامل أرقى يعني الصراحة تستأهل فعلاً التشجيع الله يوفقها ووسع رزقها يارب وبالنسبة للفناتق الثانيه خذيت من مارسيلو الي في بياع الورد سكر اشكاله حلوة وطلبت منهم بقصم صغااار حيل ينحطون باستكانه الشاي مغلف وحلو والموالح ميني وكاكاو التقديم من واو وهم خذت من محل اسمه ديزرت ديمونتي الي باسواق القرين حلو كاكاوهم وبس *

 

[NaThYa85]

بنات صج الولي بوبز صار قديم؟ أنا بطلب كب كيك لولي بوبز ما اذكر شفت احد مسويه

شوروا علي بليز صج مال اول؟

 

[حبوبة الأطفال]

بنات صج الولي بوبز صار قديم؟ أنا بطلب كب كيك لولي بوبز ما اذكر شفت احد مسويه

شوروا علي بليز صج مال اول؟

هلا قلبو

هالحركة شايفتها من سنتين تقريبا

لكن الأفكار تتجدد ... من ناحية شكلها وطريقة تقديمها :eh_s(17):

 

[شوشة حبيبي]

يعطيكم العافية حبيباتي

 

[english muffin]

اي حبيبتي
لولي بوب قديم
الا اذا بتقدمينه بطريقه يديدة
او شكل يديد

 

[شفايف كرزيه]

بنات بتسوون استقبال اوكي بس باعتدال والله حراااااام الصرف اللي ماله معنا انتو اولى بالفلوس يعني امانه اخط 1500 دك على كفر و فطاير و كاكاو ومواعين غير حساب المستشفى اللي مو اقل من 700 مو اكيد لازم جناح
بالله قريت وحده مسويه كفر 550 عشان شهر تستخدمه وتالي ينقط بالمخزن شفيهم محلات الكفرات اللي على 35 و 45 وان غلى صار 60
فكروو بالعقل شوي اسوي شغلات بس مو بذخ ترى النعمة زواله غيركم مو لاقي ياكل

انا جبت 3 شريت كفراتي عاديه حلوه وكشخه بس سعرهم معقول
والكاكاو انا اللي والده الناس تتحمدلي بالسلامة وتجيب معاها الكاكاو او الورد هذه وجهت نظري واصلا تمتلي الغرفه من انواعه
مواعين صراحه اشتري لكل ولاده بس اسعار مناسبه يعني توصل 100 كحد اقصى بس
القمصان على 15 و 20 من النقره شحلاتهم
كيس البيبي من التاجرات اسعارهم مناسبه و باقي الاغراض سنتر بوينت

عين العقل ماشالله عليج والله يتمم عليج
ناس مو لقيه تاكل واحنا نلعب لعب
النعمه زوووووله
والبساطه حلوه
اللي سويت باستقبالي ذرب وناعم وتوزيعات ماكثرت فيهم لان مو من هب ودب اعطيه بصراحه عطيت ناس معينه
واستقبالي بالبيت
وقمصان النفس من انور ع 15 و 20 ايام التنزيلات
وعيد النصار يجنن كل شي فيه ومكان واحد واسعاره منااااسبه حيل
وسنتر بوينت

واهم شي السلاااامه

 

[سكـ وذابت ــره]

قوه كروشات. .. انا مانسيت الموضوع بس كنت تعبانه شوي ومرقده بالمستشفى وانشاءالله هاليومين اردلكم
ادعولي اقوم بالسلامه وما اولد الا بشهري بعافيتي انا جنيني