♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا ஐ๑^

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

والحين وصلنا
​

​

هذا من داخل ​

​

عند الباب من داخل محل كبير فيه سيديات وشغلات كثيرة للاي بود
والاي فون والبلاي ستيشن
ولدي شافهم وقعد يحن ​

ساعة بالضبط انا داخل المحل احتار شنو ياخذ
شريت له 20 سي دي حق البلاي ستيشن وفوقهم خمسة مجانا ​

ويقولي بعد يمه ما شريت الا شوية

وطبعا واحنا داخل السوق يقول متى انرد الكويت
عشان يجربهم ههههههههههه
فديته هالحلو قلب امه​

​

​

قضينا فيه تقريبا ساعتين وشوي
والمطر صار اقوى ​

واحنا طالعين شفنا الغيمة سودااااااااااا امشي تبشر بالخير الكثير ​

​

وللأسف عند بوابة السوق مافي تكاسي
لازم نوقف على الشارع مكان تجمع التكاسي ​

وبدت اللعانة شافونا خليجيين ومعانا يهال وانا شارية جنظة جديدة اسحب فيها بالمطر حق اغراضي اللي شريتهم والصوايغ ​

وكل واحد يعطينا سعر ​

وحبيبي اخوي اول تكسي ركبني انا وعيالي وواحد من عيال اختي الشباب وانطلقنا ​

واهو واختي ووولد اختي الثاني بتاكسي ورانا ​

وقربنا من كوالالمبور والبرجين مبينين من بعيد ​

​

​

وقربنا منهم اكثر واحنا قراب من الفندق
وصورة قريبة وزووووووووووووم كبيييييييييير ​

​

ما شاء الله علي والله فنانة ​

مع ان انا وعيالي بالتكسي الأول مشينا قبلهم
لكنهم اوصلوا قبلنا
واخوي قام يحاتي كل شوي يدق علي
طمنته لا تخاف احنا قراب حيل بس زحمة
الظاهر دخل السايق من شارع ثاني ​

هذا الموقع الرسمي للسوق ​

http://www.tesco.com.my/​

سوق شامل كل شي فيه
ملابس - اغذية - تحف - اجهزة - لوازم المنزل - مواعين
تجهيزات الحلويات ​

شريت منه قرطاسية المدارس كلها حق العيال
فيه شغلات وايد حلوة مافي منها بالكويت ​

وطلع حسابي 500 رينجت
يعني تقريبا 50 دينار كويتي ​

ياربي غصت غصت فيه
الود ودي اقعد فيه اكثر بس ما خلوني :eh_s(10):​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ردينا الفندق تقريبا الساعة 3 الظهر
ريحنا عشان المغرب بنروح مكانين :


1- حديقة الحيوانات
2- مكان جديد وايد يمدحونه ​

وفعلا المكان خياااااااااااال


​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

سألنا ريسبش الفندق الفاشل استانا عن المكان ​

وكان بخاطرنا نروح اول ​

حديقة الحيوانات لأن وايد امدحوها لنا ويقولون حلوة وكبيرة ​

لكن قالت انها الساعة 4 اتسكر ابوابها ​

حسافة :bbbiu:​

طلبنا تاكسي عند باب الفندق ​

يودينا ​

وانوه للكل : ان المكان اللي بنروح له ما فيه تكاسي ​

يعني التكسي اللي يوديك اتفق معاه بالساعة يحاسبك وينتظرك ​

ولقينا سايق ابن حلال ​

الساعة حسبها لنا بـ 20 رينجنت عشان الطريق ممطر شوي ​

مكان ساحر ..يأسرك بهاؤه ..حيث ترى كوالالمبور تزهو بأبهى الحلل كـ ع ـروس في الدجى ..
وتسعد سعادة بالغة برؤية تلك المناظر الخلابة بغروب الشمس..
ومن المشاهد اللافتة للإنتباه بل والتي تسحر المرء بروعتها وتغريه على مشاهدتها
المنظر البانورامي الذي يجمع بين برج الاتصالات "المنارة" وبرج التوأمين "بتروناس"..​

look out point​

خيالي .. شاعري .. ساااااااااااحر لابعد درجة .. هذا غير إطلالتة الرائعة ..

هالمكان فيه عدد كبير من المطاعم والمقاهي ..
تفتح من 7 المساء الى 2 وبالويك اند الى 3 ..​

عنوانه : ​

Ampang Look-out Point​

Address: Jalan Hulu Langat (B62), Ampang, Kuala Lumpur​

هالموقع وايد يفيدكم عن ماليزيا والأماكن السياحية اللي فيها ​

http://www.backpackingmalaysia.com/things-to-do/ampang-look-out-point/kuala-lumpur​

احمل الصور وارد لكم احمل الصور وارد لكم احمل الصور وارد لكم احمل الصور وارد لكم احمل الصور وارد لكم

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

بنات نسيت اقولكم في بداية التقرير
انه من الأفضل تشترون خطوط ماليزية من اول ما تنزلون بالمطار ​

فيه شركة اسمها سيليكوم خطوطها وايد رخيصة وقوية
ومكتبهم بالمطار قبل لا تطلعون تلاقونه ​

بس احنا لما رحنا كان عندهم عطلة وما قدرنا نشتري ​

وعقبها شرينا من مجمع صن واي لاقون فوق من شركة ثانية اسمها دي جي ​

هذه صورة الكرت ​

وايد استفدنا بالمكالمات الداخلية والخارجية وايد ارخص من خطوطنا مالت الكويت ​

​

وشرط اساسي لما تشترون الجواز الأصلي ​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

عقب ما ريحنا طلعنا من الفندق الساعة 4.30
وهذا اخر يوم في ماليزيا ​

قلوبنا تعلقت فيها وايد :eh_s(22):
وضاق خلقنا انه باجر بنروووووووووووح بالسلامة :eh_s(11)::eh_s(11):​

*
*
*
*
*
:eh_s(15):
:eh_s(15):​

هذه اللقطات مهداه لكم من الطريق الى لوك اوت بوينت ​

​

​

الطريق شوي جبلي يعني نصعد فوق فوق فوق
بس ما يخرع ولا يخوف ​

​

وصلنا اللافته تبين المنطقة ​

look out point
خيالي .. شاعري .. ساااااااااااحر لابعد درجة ..
إطلالة رائعة ..

وقبل لا ندخل فيه بوابة دفع السايق فيها 2 رينجت حق المواقف من جيبه
طبعا احنا دافعين له اكثر بدبلات
عليه بالعافية ​

​

الجو اول ما وصلنا وايد كان حلو ​

​

وهذه المطاعم الموجودة هناك ​

ومبين من الصورة واحد منهم يصعدون له بدرج
كلنا ما قدرنا نصعد تعبانين :eh_s(16):​

عقب ما خذنا لنا لفة عليهم كلهم
اخترنا واحد اسمه

( ذا هفن ) وقعدنا فيه
اطلالته اتهبل ​

​

دخلنا هذا ما عجبنا ​

​

وهذه اطلاله بانورامية على كوالالمبور من اعلي قمه فيها
الجووووووووووو خياااااااااااااااااااااااال ​

رذاذ المطر وبرد واحنا فوق ​

اللي ما يروح هالمكان طافه نص عمره بصراحة ​

​

وهذا واحد من المطاعم تحت اللي كنا فيه ​

​

بس كان فاضي عادة الناس تزور هالمكان بداية المغرب ​

عشان يشوفون غروب الشمس اللي للأسف ما شفناها عشان الجو غيم ومطر ​

وبدت تغييم عدل ويصير ظلمة ​

​

الحلو في المطاعم انها وقت المطر ينزلون مثل الستاير النايلون تحمي اللي قاعدين من المطر ​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

انا محتفظة بالكرت عشانكم
وعشان المرة الياية اذا زرناه ان شاء الله ​

​

وهذه خريطة المكان واشلون تقدرين توصلين له
تعطينها حق التاكسي وهو راح ايعرف ​

​

وهذه كوالا من اعلى القمة
واحنا قاعدين ​

​

لون الزرع مو طبيعي سبحان الخالق ​

​

​

هذا واحد من المطاعم اللي ماقعدنا فيها ​

​

وااااااااااااااااااااو عجيبة القعدة ​

​

​

​

وطلبنا المنيوووووووووووووو
وللعلم المطعم حلاااااااااااااااااااااااااال
كلهم مسلمين ​

​

​

عندك وايد اشياء حلوة احترنا شنو ناخذ ​

​

​

​

​

وأحلى وردة على كل طاولة ​

​

​

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وثلاجة الحلويات اللي للأسف ما طلبنا منه شي لأن شبعنا ​

​

طلبنا ​

ولدي سمك وبطاط ​

​

وملك المائدة - بيبسي وسفن اب ​

​

​

تمبورا حق اخوي
انا ذقته فعلا عجججججججججيب
وما فيه ازفرة كلش ​

​

الأطباق ما شاء الله حلوة وكميتها راهية اتشبع
احنا تشاركنا بكل شي ​

​

ودياي مشوي مع عيش بسمتي
والله انه عجيب كأنه بالكويت وطابخته بالبيت
ريحته خنيييييييييييينه والبهارات والهيل فيه مبينة ​

​

ومعاه معبووووووووووج ​

واكيد عرفتوا حق منو الربياااااااااااااان ؟؟ ​

:eh_s(10):
:eh_s(10):​

:eh_s(10):​

:eh_s(10):​

:eh_s(10):​

حقي ​

انا شرحت له شنو ابي بالضبط
معاملتهم حيل راقية
قالي اسوي الطبق واذا ما اعجبك لا تدفعين ولا فلس ​

لكنه كان خيال :eh_s(15):​

​

وباقي الشباب ​

​

وهالطبق حق اخوي وايد حلو ​

منوع ​

وأحلى معبووووووووج ​

بس حار ايهبل
​

ستيك لذيذ ​

​

يقولون مطبوخ عدل عدل​

مع الخضار الفرش ​

​

 

[وجدان الحلا]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وااااااااو واااااااو شي عجيب هالمنطقه

يعطيج الف عاافيه ع المعلوومات الحلووه وطالعه
من الشر يااقلبي

ادعيلنا بتيسيير وتسهيل سفرتناا

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

وهذه النتيجة
علينا بالف الف الف عافية



دخنا عقبها
هههههههههههه

كنا يواعه وايد والجو بارد
اسنانه قامت اتصافق من البرد










وصار ظلمة حيل
ومطر قوي



بس المكان حلو ويشرح ورومانسي حق المعاريس



​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

هالصور انا صورتهم قبل الظلمة










والحبايب :eh_s(22):قاعدين يسولفون بهالجو الحلو :eh_s(22):ههههههه
جكيييييتهم

​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

​

​

المنظر بالليل حلو بس شوي يخرع مع الظلمة والمطر
يصير الجو موووووحش :eh_s(16):
ما أدري يمكن انا خواااااااافة خخخخ :eh_s(11):​

​

وفلاش قووووووووووي
​

​

لازم نركب التاكسي عشان نرجع الفندق ​

توكلنا على الله ​

​

وقربنا من كوالالمبور ​

​

​

والبرجين يلوحوووووووون لي من بعيد ​

​

​

​

بالروحة حاسبنا التاكسي
وطلبنا منه يصفر العداد عشان يحسب لنا على ما نقعد وانخلص
وحسابنا تقريبا لأنه العداد كان يشتغل على نطرته


يعني الروحة كلها كلفتنا تقريبا يمكن بحدود 400 رينجت وشوي
ان ما خانتني الذاكرة
طبعا المبلغ تقسم على الكل


والحمد لله على هالنعمة :yaaaaaarb:
((((ربي يدومها لنا ولكم ويحفظها من الزوال )))) ​

ربي ييسر لكل وحدة منكم ناوية تسافر وان شاء الله تستانس اكثر واكثر ​

ربي يسعدكم كلكم :eh_s(22):​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الله يعطيج العافيه
ما شالله الصور اتينن
تسلمين لي
والله شوقتينا بهالديرة أكثر وأكثر

الله يعافيك حبيبتي
الحمد لله انكم حبيبتوا الديرة مني ههه :eh_s(7):
​

وااااااااو واااااااو شي عجيب هالمنطقه

يعطيج الف عاافيه ع المعلوومات الحلووه وطالعه
من الشر يااقلبي

ادعيلنا بتيسيير وتسهيل سفرتناا

هلا بالطش والرش
لا يطوفك هالمكان اذا ناوية تسافرين وادعيلي


ربي ييسر اموركم :eh_s(7):

متى السفر ان شاء الله واشكثر بتقعدين ؟؟:eh_s(8):​

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

باجر اكمل تعبت
اعتقد عوضتكم عن هاليومين اللي مرضت فيهم


​

 

[وجدان الحلا]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الصراااحه مااقصررتي بيض الله وجهج يوم تبيض وجوووه وتسوود وجووه

انا ان شالله سفررتي الجمعه ان شالله بعد يومين

وبنقعد ٩ اياام اول يومين كوالالمبوور وبعدها بيناانغ يومين

والباجي نقضيها بكوالا ان شالله

 

[نـــــــــــونه]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

لا لا شي مو طبيعي هالديره طبعاً من عقب تقريرج اللي اكثر من رووووعه
ويعطيج الف عافيه
جاريه المحاولات مع ريلي انه يسفرني ... ادعيلي اني اسافر
وبغيت اعرف حجزتوا التذاكر من اي مكتب سفريات

 

[أحلى همبه كويتية]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

ربي يسهل اموركم وتروحين واتردين بالسلامة حبيبتي وجدان

شوية في بينانغ يومين

ليش انتي حاطة كل المدة في كوالالمبور؟


بنات عفيه ابي دعواتكم
الضغط هد حيلي ربي يفكني منه قبل لا يقضي علي



نونه

الله يهدي ريلج ويسفرك حبيبتي مشكورة الله يعافيكم
انا حاجزة من سفريات المكتب اللي بشارع احمد الجابر
اللي فيه مخفر شرق


روحي عند سحر حبوبة ان شا الله اتضبطك

 

[بنت أبوه]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

سلاااااماتج من ضغط ألزام ماعليج راحتج أحنا ننطرج متي ماتعفيتي يالله العافيه

وتسلمين علي هتقرير الي صج يشرح صدربالاماكن الجديده والمعلومات المفيده

والله يجزاج خيرعلي هالمعلومات الي الواحد اذا راح له قال الله يجازي صاحبة المعلومه

كل خيروعاااافيه

:stars::e3::e3::e3::e3::e3::e3::e3::e3::e3::wqedqw::wqedqw::wqedqw::wqedqw:

 

[noor salam]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

سلامتج حبيبتي ....ياااااااااااااااااارب الله يوفقج و يشفيج من الضغط شفاء تاااااااااااااااااااااااااااااام ياااااااااااااااااااااارب

 

[وجدان الحلا]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

اسال الله العظيم رب العررش العظيم ان يشفييج
ويرفع البلاا عنج

ومشكووره على الدعوه الطيبه عااد البرنامج اللي
حااطه ريلي يقوول كوالا كبيره يبيلها فراره عدل
اما بينانغ بيومين نفرره

 

[أكبر من همومي]

رد: ♥♥♥ أنت النعيم لقلبي والعذاب له .. فما أمـرّك في قلبي و أحلاك - قصتي مع ماليزيا

الحمدلله على سلامتكم