حيااااكم الله معانا في حملة { أُنَآجِيكَـ رَبي وَأَتَوْكَلُ عَلْيّكْـ } الجزء السآدس*

[الدروووب]

الله يقويكم ي رب

روح مبررروك وان شاء الله تبشرينا بخطبتك


بنات متح ـــــــــــــــــــــــــــــــــــــــديه فاقدتهااااااااااااا
ميموووو بليز ردي علينا وينك؟؟؟؟؟؟

هم ح ـــــــــــــــــــواء وينك حبوبه

 

[غرايب]

وعليكم السلام
عااااااااااااد انا غروووووووووووبه
مااا ابي اقوووووووووووول الا اخر الغيباااات فديتك
حدي فيني غصه من شفتك اهئ اهئ

يثلمووو ع الاهداء التووحفه

حياتي انتي يا دروووبه :eh_s(2):

غرايب : بخير حياتي الحمدلله اليوم اخلص اخر امتحان وافتك وهم اخلص الدوره تكرمون واتفرق
هههههههه الحمدلله حياتي الفيفا احسن خدمه خدمه النت عندهم

دندون : تسلمين حياتي

ع البركه وان شاء الله امتياااااز كل المواد :yaaaaaarb:
هههههه ما ألومج ضحكي ضحكي :eh_s(22):

سكتي توني قاعده اتصل على اخوي واقوله تعال مادري شفيه ما يشتغل بعدين علمني الطريقه توني استوعب انه واي فاي وشحن :eh_s(4): بس نعمه شيء احسن من لا شيء

غرايب حبيبتي كيف حالك انا كنت مثللك غائبة بسبب المرض والنت بعد كان مقطوع اتمنى تكوني بخييييييييير والله لا يفرق نا
صباااااااااااااااااااح الخيييييييييييييييييييييير لكل البنااااااااااااااااااااااااااااات
يسعد صباحكم

الحمدلله تمااام ,, الله يشفيك ويعافيك ويرزقك الرزق اواسع يا اكرامين :yaaaaaarb:
صباحج ورررد :eh_s(17):

غرايب​

عليكم السلام ورحمة الله وبركاته​

هلااااا شلونج غروبة
امبي أنا إذا انقطع النت أحس حياتي تعتفس ما عرف وين أطق براسي لووول
المهم ويلكم باك
وحذري النت إياني وإياك تنقطع مرة ثانية ههه​

هههههههههههه اهي اعتفست وبس ,, قولي قربت للجنوون :krkrkr:
فديتج تسلمين ع الترحيب :eh_s(17):

السلام عليكم ورحمة الله وبركاتة
اهلين غرايب حياتي وحشتينى حيل اخر الغيبات يارب
يسلمووووووووووووووووووو ع الا هداء بكاني تهي تهي :eh_s(11):
عسووووووووووووووووولة الحمد الله

بدورة حياتي فقدناااااااااااااااااااااااج والله

الماسة منورة حياتي حياج فيدينا واستفيدي:eh_s(17):

وعليكم السلام ورحمة الله وبركاته

هلا فيج يا عمري ,, فديتج والله تستاهلون هالاهداء وأكثر

 

[غرايب]

السلام عليكم ورحمة الله وبركاته
شلونكم شخبااااركم
الحمدلله تطمنت انكم كلكم بخير بس باااقي متحدية
اين انتي .....؟ :eh_s(2):

عسى ربي يوفقج ويوفق كل الطلاب والطالبات اللهم امين
وعقبااال التخرج انتي وديموووو :yaaaaaarb:

والله يهووون عليكم ياااعسووولة ورزقكم من حيث لاتحتسبووون

اليوم الشييخ جابر الله يرحمه كمل 6 سنين عسى مثواك الجنة يارب
كان بنفس هاليوم علي امتحان عربي كنت برابعة ثانوي وتأجل بسبب وفااته :eh_s(2):
اللهم ارحم موتانا وموتى المسلمين واجعل قبورهم روضة من ريااض الجنة اللهم اميييييييييين


الاضااافت اللي ضفتووهاا كلهاا روووعة عساها بميزان حسنااااتكم يارب..

وهذا اهداااء لكم
http://www.youtube.com/watch?v=xITAesw1DpE&feature=related

شلونج فرررررصه :eh_s(17):

ومن ينسى أمير قلوبنا :eh_s(2): الله يرحمه ويسكنه الفردوس الاعلى ياااااارب :yaaaaaarb:

السلام عليكم ورحمة الله وبركاته

غراااايب

الحمدلله رجعتي لنا فرحت حيل نورت الحملة والمنتدى

عقبال ابدورة وحنين ورحيل والبنات كلهم

متحدية وينها ان شاء الله بخير

فديتج والله على هالكلام الطيب :eh_s(17):

خرعتوني على متحديه عسى الله ييسر امورها وترجع :eh_s(2):

قووة خواتي شلونكم شخباركم وأخيرا أفتكيت من هم الامتحانات وعطلت .. عساني أفتك من همي ومحاتاتي لزواجي :eh_s(11):



:eh_s(9): ببدا قيام ليل وقران بسوي جدولي وبحفظ اسماء الله الحسنى ومعانيهم :eh_s(2):للحيني ماحفظت الا جم اسم ومعانيهم :eh_s(14):

هلا روح مبرووووك :eh_s(9): استانسي بالعطله من زين الزواج يا معوده لاحقه ع الهم

عسى الله يزيدج من فضله ويرزقج العلم النافع وكل اللي تتمنين :yaaaaaarb:

 

[غرايب]

لما انقطع النت كان خيره لي لأن وقتي كان ضايع على النت في السابق وما كان عندي شيء غيره ,, وبعدها فكرت بأشياء أخرى أقضي بها وقت فراغي وحابه إني أفيدكم من هالناحية وأنقل تجربتي




سويت جدول للسنة الجديده 2012 وماشيه فيه والحمدلله وان شاء الله أستمر

فكرررت وقلت إلى متى أأجل وأأجل وأأجل والعمرر يررركض وتذكرت حديث الرسول صلى الله عليه وسلم الذي فيما معناه قال (اغتنم خمسا قبل خمس وذكر منها شبابك قبل هرمك , وفراغك قبل شغلك ) << مو حافظته عدل هذا فيما معناه

فقمت بعمل هذا الجدول وقمت كذلك بالمحاسبه اليوميه لكي أطبقه



أولا : الصلاااااااااااااااااااااااااااااااااااااااة
ستكون كتالي :
1) الصلاة في وقتها مع السنن الرواتب مع أذكار ما بعد الصلاة
2) صلاة الضحى على الأقل ركعتين وهذه البدايه
3) قيام الليل على الأقل ركعتين وتدريجيا بإذن الله راح أزيد





ثانيا : القرآآآآآآآآآآآآآآآآآن الكريم
كلنا يعلم أنواع هجر القرآن مثل هجر حفظه وهجر سماعه وهجر تلاوته ...الخ وأنا لا أريد أن أكون من الذين يهجرون القرآن الكريم
سيكون الجدول كتالي :
1) حفظ القرآن والتسميع سيكون كل أسبوع لصديقه مقربه مني
2) كل شيء أحفظه أفسره وأعرف وأفهم معناه << هالخطوه روعه وبها لذه
3) لدي دفتتر أسجل به كل ما يأمر به القرآن وكل ما ينهى عنه ,, يعني بعد كل حفظ وتفسير أكتب بالدفتتر اللي استفدته حتى أطبـــــــــــــــقه وأعمل بما جاء بالقرآن
4) أستمع للقرآن الكريم يوميا عن طريق مقاطع للرقيه حملتها في جهازي
5) أتدبر القرآن وأحاول أستخلص منه الفوائد
6) أقرأ يوميا جــزء واحد حتى أكون أختم كل شهر مرة
7) سورة الكهف كل جمعه







ثالثا : الصدقــــه

1) كل مبلغ يسقط بيدي أتبرع ولو بالشيء القليل
2) اشتركت في خدمه الشيخ مشاري الخراز لبناء مسجد عن طريق رسائل sms ويأخذون (65) فلس والآن لم يبقى الا ثلاث شهور وينتهي بناء المسجد ولو دخل 50% من المشتركين الجدد سينتهي المسجد خلال شهر ونصف << هذا مذكور بالرساله وما فهمت شيء خخخخ
3) والصدقه ممكن تكون بأشياء أخرى غير الفلوس مثل الكلمه الطيبه والابتسامه ..الخ





رابعا : الصياااااااااااااااااام
1) كل يوم ذكر فضله مثل عرفه وأيام العشر من ذي الحجه ووو..الخ أصومهم
2) الاثنين والخميس << اذا استقرت صحتي راح أصومهم بإذن الله
3) أصوم من كل شهر الثلاث أيام البيض << هذا ما أطبقه حاليا وبعدها أزيد مع الوقت








خامسا : الأذكاااااااااااااااااااااااااار كلهااااااااااااا والسنن المهجووورة
عندي طريقتين في ذلك :-
الأولى : الأذكار الشرعيه الوارده
مثل أذكار الصباح والمساء وأذكار النوم وما قبل وبعد الاكل ووووووو .......الخ
أطبقها وذلك عن طريق ما يأتي :
كل يوم أحفظ ورد أو وردين أو ما استطعت من كتيب حصن المسلم وأطبقه مثلا : حفظت أذكار الاستيقاظ من النوم أطبق ما حفظت على أرض الواقع واذا مثلا حفظت دعاء واحد فقط أكمل إلى أنتهي من حفظ كــــــــل اذكار الاستيقاظ وأطبق وهكذا ..

الطريقه الثانيه : السنن المهجورة
وفي كتيب اسمه (ألف حسنه في اليوم والليله ) موجود فيه ذلك
يعني مثلا تطبيق سنة البدء باللبس من اليمين وعندي خلع الملابس تبدأين من اليسار وهناك أذكار للباس


**** وكذلك عندي جدول أسميته الذكر المستحب وهو كتالي :
كل يوم أقول هذه الكلمات 100 مرة وأسجل في الخانه صح
والكلمات هي :
أستغفر الله وأتوب إليه 100 مره
الصلاة على النبي صلى الله عليه وسلم 100 مره
تاج الاذكار (لا إله إلا الله وحده لا شريك له , له الملك وله الحمد وهو على كل شيء قدير) 100 مره
حبيبات الرحمن (سبحان الله وبحمده , سبحان الله العظيم ) 100 مره
الباقيات الصالحات (سبحان الله والحمدلله ولا اله الا الله والله أكبر ولا حول ولا قوة الا بالله ) 100 مرة
هالذكر مررريح بشكل غير طبيعي وكنت في بداية الأمر أحس انه صعب لكن وجدت طريقه تسهل لي ذلك , لما أجلس مع أهلي أو أشاهد التلفاز مثلا درس ديني أقول هذه الاذكار فكان يمر الوقت سريعا وانتهي وكنت بذلك ضربت عصفورين بحجر شاهدت برنامج مفيد وقلت ذكر مفيد








سادسا : المحااااااااااااااسبه وهي أهم نقطه
يقول أحد الصحابه أعتقد عمر : (حاسبوا أنفسكم قبل أن تحاسبوا)

عندي دفتتر للمحاسبه كنت أكتب جدول واحاسب نفسي فقط في رمضان لكن الآن سيكون جدول طواااال السنه أفضل وأفضل بإذن الله

* كل يوم أكتب صح أو خطأ أمام كل خانه يعني اللي اطبقه صح واللي لا اطبقه خطأ وفي نهايه الاسبوع اشوف وين وصلت وأشد ع نفسي بالأسبوع الذي بعده وهكذا

* كل الأشياء التي ذكرتها لها جدول عندي وأقيم نفسي وأحاسبها علشان أطبقه

* لم أطبق أغلب هذه الأشياء لكن بإذن الله سأطبقهاااا كااااااااملة





أتمنـــــــــى يفيدكم الجدول وتسوون جدول جديد للسنه هاذي وتبدؤون صفحة جديده مع القرب من الله وأهم شيء ابتعدوا عن العجب والرياء لأنهم يحبطون العمل

وكذلك فعلت جداول لكل شيء ولكن هذا جدولي الديني وهو أهم شيء وقلت أقولكم تجربتي وأسأل الله أن يوفقني ويوفقكم لما يحب ويرضى

 

[الدروووب]

جدوووووووووووووووول مكتمل
ماشاء الله
انا ابي وياك اشرايك ممكن ابلتي العزيزه غروووبه
ابي عونك تعاونيني واعاونك ممكن هااا اشرايك؟؟؟


فررررررررررررررررررررررررررررررررررررررصه لا مو مصدقه احد يعطيني طراااق لجل اصدق
يبه وينك مشتاقتلك قمت اوله ع سوالفك
افااا خذتك الدراسه عنا ياالشريره



شبــــــــــــــــــــــاب ولي يسلمك بدت الحمله مممممممـــــــــــــــــــــــــــله
خلونا نجدد شوي خلونا نحس بطعم الايمان اشفيكــــــــــــــــــــــم؟؟؟؟؟؟؟؟؟؟؟
صحصحووووووووووووووو ديمـــــــــــــمو انتي معااااااااااااااااي

 

[الدروووب]

بنات ياتصحصحووووووووووووون وتجيبون افكار عدله
يابهد الحمله ولا بتشوفون وجهي>>عدال هم يبونك خخخخخ واثقه

انا ادري منو ام الافكار دندوووووووووووون ياالله شغلي مخك
خخخخخخ قلبت ع دندوون


السموحه مابقي شي ع الاذان وانا قفلت صداع ونوم وحالتي حاله هع

الموهيم دشيت اذكركم بالصيام غدا الاثنين

احبكم كووووووووووول ابوووكم من صغيركم لكبيركم

 

[قلبي مو بيدي]

مرحبا صبايا اشتقت لكم مرررررررررررررررررررررررررررررره وحشتوني
معليش دروبه البنات مشغولات بالامتحانات
وحلوه ان تكون الحمله فيها افكار جديده وكسر للروتين المعتاد
انا اتمنى تكون فيها شوية مسابقات عشان تبعث روح الحماس والمنافسة بين البنات وتكون هالمسابقات مختلفه عن المعتاد

 

[دنيا جديدة]

السلام عليكم ورحمة الله وبركاتة
قلبي حياج حياتي منوووووووورة
دروب لبى قلبج
قلبي ودروب يالله نتشجع ونسوي شي بالعطلة
مسابقة وجدول ديني ورد قراني شرايكم ونستفقد البنات رسايل خاصة
مثل رحيل دخلت وماعاد دشت
حواء ناعمة ومتحدية واشراقة محبة ميمو قيرل لافي روز بدورة ع بالي حبيبي ضحكة طفل دلوعة ابوها
بانتويا صارلي يومين ابي اذكر اسمها هههههههه
حنين غيري نكج وارتاحي
منووووووووووووغايب بعد


غرايب ماشاء الله الله يزيدج من فضلة واسأل الله لكي الثبات

 

[حواء ناعمه]

السلام عليكم


اشتقت لكم بنات لي جم يوم ماادش المنتدى كلللللللللللللللللش

مادشيت الا البارح

عند قسم الرشيقات وصكيته بسرعه جدا مشغوله الله لايشغلنا إلا بطاعته

شاخبار الحفظ وياكم

شلون تقييمكم


بالنسبه لي مادري شالسالفه بصراحه التقييم موذاك الزود كله سبت هالجم يوم اللي انشغلت فيها عنكم

لان وجودي بينكم يحببني بالطاعات او الاحرى يشجعني عليها


بالنسبه للقرآن وقفت لي البينه ((اول مره احس انها سهله ))والعلق هم هينه


كان عندي ظروف عطلت دخولي للمنتدى لو الله ثم جدول حفظ القرآن يمكن ماادخل كللللللللللللللللش


الله المستعان ويهونها يارب

ادعولي الله لايشغلني إلا بطاعته

 

[حواء ناعمه]

دنيا فكرتج حلوه

حق هالعطله بس خنشوف البنات خلصوا امتحانات ولا توهم

ببالي عسوله صراحه خاصه ان قضية البدون شاغلتها الله يعينها


دنيا ماشا الله عليج باين انتي الوحيده اللي مستمره

 

[دنيا جديدة]

وعليكم السلام
حواء حياتي مايحتاج انتي بقلبنا

الله يسهل امورج ياكريم

 

[دنيا جديدة]

هلا حواء
لا في بنات حفظووو بعد
عسولة خلصت امس امتحان ان شاء ادش اللحين وتطمنج هي بنفسها

 

[عويتقة]

حسبي اللهم عليك توكلت وانت رب العرش العضيم

 

[لافلي روز]

سأكتبـــــــــــــــها على جبين المجد عنوانا ....

من لم يعشق " رســــــــــــول الله" ليس انســـــانا ...

فوالله لو انتقلت الاهرامات من مصر الى الصين...

ولو عاد الرجل الكبير الى بطن امه جنين ...

ولو انتقل القلب من اليسار الى اليمين...

سأبقى "مسلما موحدا عاشقا لمحمد" من الصميم...

حتى مماتي ولو بعد حين ...

لااله الا الله محمد رسول الله صلى الله عليه وسلم ...

مســـــــــــــــــــاء الخير والحب لرسول الله .


بناااااااااااااااااااات وانا اشتقت لكم وايد ... بس انتوا دايما ع البال الله يحفظكم ويفرج عنكم ويسعدكم بس عندي بنوتين صغار الله يحفظهم وآآآآآآآآآه ياتعب ,,, انتوا عارفين الباقي ,,,

وبالنسبة للأفكار ,,,

خلونا نشجع بعض انه نسوي عمل خيري جماعي او نسوي قروب اسلامي على الفيس بوك او تويتر ونعرض فيه اعمال خيريه وننشر باللي نقدر عليه ونحس انه ممكن يخدم امتنا وديننا ,,,

وممكن نتبادل الخبرااااااااااات في كيفية استغلال الوقت الاستغلال الامثل ,,,
نتكلم عن امورنا الزوجية والعائليه فيما شرعه الله ....
نتكلم عن التربية الصحيحه والمعاملة الحسنة الطيبة ...
نتكلم عن الصدقات اللي نسويها ,,, سبحان الله ,,, ممكن وحده فينا تسوي حاجه احنا غافلين عنها وبكذا تاخذ اجر زيادة...
نتكلم كيف بامكاننا نكون نساء بكل معنى الكلمة ,,,و
ممكن نحدد وقت ونلتقي فيه ع المنتدى ويكون مناسب للجميع او البعض حتى ... ونتكلم في هالامور ,,,

واذا عجبتكم افكاري ,,, ناخذ مثلا اسبوع ونتكلم فيه عن موضوع معين من جميع الجوانب ,,,,,

والله يحفظكم ,,

 

[عاشقة الدوحة]

السلام عليكم
اه أحس عندي أفكار حلوة بس ما زلت مع الامتحانات
تخيلوا عندي امتحانين بنفس اليوم. . ومرتين بعد :-(

الحمدلله
بس الدرجات بدت تطلع ويا رب الدكاترة يصححون الامتحان بعدل ورحمة. .. في دكاترة اذا شافوا درجاتج قبل عالية او أغلب البنات درجاتهم عالية يتعمدوووون ينزلون

الله كريم

يا رب يا قادر على كل شيئ تول أمري

ادعوا لي

 

[عاشقة الدوحة]

حواء تصدقين اني من كم يوم شفت طارحين مسابقة عندنا لحفظ القران! واخر ثلاث اجزاء

قلت جزاها الله خير حواء. . بدينا نراجع الجزء الأخير معاها. . واذا الله وفقني واشتركت بشد حيلي أكثر

 

[حواء ناعمه]

بنات قاعده ماليوم اقرا الدرر اللي طافتني


حياج الله غرايب لج فقده قلنا غصت ويا تفسير الاحلام اثاري النت عندج مقطوع عودا حميدا حبيبتي


عسوووووووووووول مبروك الفكه مالامتحانات الله الله بالدعاء لاخوانج البدون والله يفك الكويت من شر جيرانها اللي الملالي


روح وريحان الله يسعدج

وديما بشري عن الامتحانات


لولو ماشاء الله صايره ادشين كثير


الحين بطلع ولي عوده بسجل الجدول مال الحفظ والله يسهل


بنات قولولي اذا عندكم اقتراحات بالنسبه للحفظ


إلا الإجازه لاتقولولي عطيتكم اجازه مرتين تخربط جدولي

الحين ماكو عذر والجزء عم يعني بإذن الله بيكون سهل مجرد تذكير وحفظه ماياخذ وقت بس علينا نطلعه من الذاكره إلا إراديه على قولتهم إلى الذاكره الإراديه


وسالفة الحفظ وجعله بالذاكره طويلة المدى روعه جربتها بسورة البينه والله يابنات احسن إني أشوف الآيات جدام عيني


الطريقه حطتها وحده هني بس مااذكر متى


كثرت قرقه مشكلتي اغص واجي اقرق عليكم

ماعليه تحملوا


سلام الله عليكم

 

[قلبي مو بيدي]

مشكوره دنيا جديده حبيبتي
وانا معاك خلونا نشجع بعض

 

[الدروووب]

يسعد مسااااكم
مساء مابعد المغرب^_^

هلا هلا قوقو وينك فجئه تختفي الله لايشغلك الا بطاعته
هلا حووووواء وينك ي بعدي منوره
دنياااا انا فكرت قبل احط مسابقه بعد مااخلص اسماء الله
بس شكلي ببلش فيها لان الحفظ تأخر
بس خلي البنات يجتمعون ونبلش

المشكله ان البنات غطوو ولا بينوووو الله يهداهم
مثل بدوره ميمووو حلا كلي وفا فررصه
ترى انا طبعي امل بسرعه اهئ فخلونا نجتهد

عموماً كل وحده تطرح فكره وتلتزم فيها اشرايكــــــــــــــــــــم؟؟؟
يعني مثلاً مسابقه دينيه بين الطرفين عباره عن اسئله
ومسابقه افضل توقيع اوشعار ديني بين الماهرين في الفتو وبعدين نقيمهم
وايضاً نعمل مسابقه بين شخصين يعني كل وحده تسأل الثانيه عن يومهااا
ترى قفلت الافكار عندي انتو اقترحوو

ديمووو همتك وينك؟؟؟

 

[الدروووب]

مهمآ كآنت " إمنيآتنآ "​

مستحييلـه !
[ سنضلٍ .. نحلم
فعند الله لآ تموت الامنيآتٍ !
يآربٍ نثقٍ بإن مستقبلنآ لآ يملكِ أمرههٍ سوآكِ
ف أكتب لنآ [ السعادةةٍ ] فييييييهٍ​