حملة" لو كان اشحم رجلا لقتلته" one month only

[BiiShOoO]

مساء الخير

شخباركم

الحمدالله على سلامتج ضيوونو مبروووك ما يااج و تتربى بعزكم ان شاء الله و الله يشافي الوالدة و يقومها بالسلامة يا رب



شنو سميتيها

 

[CH!C G!RL]

بمآ ان الجمعه يوم الوزن مآشفت آحد رآز وزنه يآ صبآيآ

انا ميزآني خربآن بس وزنت بالمستشفى الخميس كآن 8, 71

والحين صآر 5 , 70


ابي انحف بسسرعه بسسسرعه ابي 68 والحلم صرآحه 66

وربي حششى اصارع غلى 3 كيلو ماصصارت



وحشتوني بنآت مششغوله حدي ارتب اغراضي لآن بسافر الاثنين وشايله كل قشي تقريبآآ

بالتوفيق للكل

 

[بسبوسة الرياض]

وزني اليوم 61ونص زاد عن الجمعه الماظيه ونقص
عن قبل يومين
مب فرحانه
بس الحمدلله على كل حال
بس اخلص دورتي ان شاء الله وبيومين ببدا مع بداية الدراسه
لان الاسبوع الجاي اجازه طبعا مافيه وقت للالتزام<<<ادري ازعجتكم باجازتنا ههههههههههههه
يارب نسافر اي مكان

 

[أميرة طفولتي]

صبحكم الله بالخير



وزني حده مو عاجبني نازله بس 400 جرام

تريقت كورن فلكس خالي بدون حليب ماكنت مشتهيته

 

[.. ღ همس ღ ..]

so sorry girl's
لي تقريبـآ 5 آيـآم مسسويه فيهـآ نظـآمم صحي وححلو ..!
لكن اليوم يــآتني الـ------ << كملوآ آلبـآجي ^^

ومتععفسسة وزآيد وزني ححيل متضضـآيقةة -_-"
آي اليوم ششريت قششر رمـآن مطحون يمدححونه يقولون وآيد يضضعف
ششرآيكم فيه آهو صجج يضضعف ولآ لآآ
...

 

[ضي]

سلااام

اهلييين بيشوو الله يبارك فيج حبيبتي والفال لج ياررررب

سميتها رفيف

شخباركم يارشقات؟

كتون وينج ؟؟؟

 

[أسوار77]

ابي اشارك ممكن؟؟

 

[.. ღ همس ღ ..]

آآآآآب آآب

 

[عويتقة]

انا مابي اشارك بس ضحكني عنوان الحملة هههههه
عسى ربي توصلون للوزن الي تبونه وتفرحون ياااااااااااااارب

 

[CH!C G!RL]

مرحبآآ


بنآت وش الطآآري مختفين

صحصحوآآ .. وش صاير كم نمتوآ مدري زهقتوآآ

الاسبوع الجآي يبتدي الدوآآم وبتخف زيآراتي لآني ادوآم للعصر بس بعطيكم آخر اخبارري
صحيح للحين مالتزمت باي رجيم ماغير اخفف بيكون نزولي مره بطي بس هيك مرتاحه

والله يستر من الجآآي

 

[الحراير]

كتون ودنا تكونين معانا بالواتس اب
لولو وام عامر ومزمز وزيون وضيون وعطوف واكثر البنات متجمعين معانا
واذا بتدخلين ضيون بتضيفج مانستغني عنج

 

[المغتربه بتركيا]

يعني الباقين باي باي وشوله تفتحون التجمع هذا مدامكم ماتبون احد ياحراير غير اللي ذكرتيهم ولاتحسبيني ميته عليك بس عيب عليك تقولين كذا بتجمع جديد وداخلين بنات يبونكم تحمسونهم اقل شي كان راسلتي كتون عن الوتز اب عاالخاص اشوا اللي انقطعت عن المراسله لاني سافرت بس اقرا التجمع كل يوم وكنت ناويه اذا رجعت بكمل بس طلعتو ماتقدرون احد انت واللي معك.
الحمدالله بدونكم وصل وزني ٥٧وانا عند اهلي ومبسوطه وبدون رجيم ولا حرمان.*
وسلام اتمنى التوفيق للجميع

 

[Queen of Sadnes]

السلام عليكم بنات
شلوووووووووووووووووووووووونكم اشتقت لكم وااااااااااايد

ضيووون مبروووووووووووك ماياج وتتربى بعزكم والحمد لله عالسلامه

بالنسبه لي مثل ماقلت لكم بعد ماتوقف نمو الجنين وقالو لي نطري ينزل بروحه نطرت بس بنات ماقدرت اتحمل الالم
المهم امس رديت لهم وطلبت يسوون لي سونار داخلي عشان اتاكد اذا في بقايا داخلي ولا لأ واذا في كنت خلاص بسوي تنظيفات مع انهم ما نصحوني بالتنظيفات يقولون اضرارها اكثر (مستغربه منهم بالكويت اي وحده يصير معاها جذي لااااااااازم تنظيفات)

المهم قالولي تقريبا كلشي نازل وبقت شغلات بسييييطه والهرمون ناااااازل وان شاء الله علاسبوع الياي ارد اسوي تحليل دم عشان يتاكدون انه صار 0

الحمد لله نفسيتي الحمد لله الحين مرتاحه وناويه هاليومين احط حرتي بالسووووق ههههههههههههههه واغير كم شغله بالبيت وامممم واسوي تنظيفااات قويه بالبيت ( متعقده من التنظيفات لووووووووووووووول)
بس امي تقول مايصير انتي بعدج تعتبرين نفاااس الله كريم

حبيت بس اقولكم اخباري

مغتربه بتركيا قريت ردج واستغربت انا متاكده حرور ماتقصد اللي فهمتيه بالعكس احنا نحب البنات يشاركون معانا بتجمعنا بس احنا نعرف بعض من مده بالنسبه لي راح اكمل معاهم تقريبا سنه واهم يعرفون بعض من قبل بعد
اهي الحين ماذكرت اسمي ومازعلت عادي لاني فاهمه قصدها لاتصيرين حساسه وان شاء الله تضعفين بصحه وعافيه معانا ولا من غيرنا والله يوفقج

اسووار حياج الله معانا

عويتيقه مشكوووره عالدعوه الحلوه

همس جنج سالتي عن قشر الرمان لا ما اعتقد انه يضعف بس اذا تبين تجربين شي مضمووون جربي الزنجبيل مه الجاي الاخضر اغلب البنات هني وانا منهم نسوي هالطريقه و ضعفنا عليه

 

[om l3yal]

غروبة صلي على النبي يا حلوة
ترا كلنا خوات وحرور يمكن خانها التعبير
والله اني داخلة بقولج وبقول حق اللي حابة تنضم معانا انها تدز لي رقمها على الخاص
ترا احنا كسبنا معرفتكم والله
وكوكو صاجة والدنيا ما تسوا الزعل ياعمري
وشرهتج على عيني وراسي وان جان زعلتي من حرور مسحيها بويهي يالغالية
والحين اوجه دعوة عاااامة اللي حابة تنضم معانا تدز لي رقمها على الخاص

 

[om l3yal]

كوكو ربي ياجرج يالغالية
يلا دزيلي رقمج علشان تنضمين معانا

 

[اكينو]

هاي بنات هاي كتون

انا كنت موقفه دايت تقريبا لي شهر ونص ووزني ثابت ماتغير
كنت مسويه دشتي ونزلت 3 كيلو وبعدين لما دخلت الخضروات والاجبان ثبت وزني ومانزل
وتعبت وانا احاول انزله وماقدرت وقف عند 64 وماكنت قادره اسوي الدايت وقتها لاني كرهت البيض والدجاج ووقفت دايت
الحين لما شفت موضوع كتون فديتها بصراحه تشجعت وبديت من الخميس دايت بس بروتين صافي
ونزلت 3 كيلو وبكمل ان شاء الله الدايت ابغى انزل للخمسينات مع ان جسمي الحين حلو بس ابي زياده
المشكله اذا بدا الدوام مااقدر على الدايت دايما طلبيه معجنات وهالاشياء تتفخ
مشكوره كتون رجعتي حمستيني

 

[rymyy]

شلوووونكم انا كنت مسافره وخربطططططططططت

 

[rymyy]

حبيبتي مغتربه صحيح كلام البنات حراير ماتقصد
حتى انا مانذكر اسمي عاااادي^^
وحيااج معانا العين اوسعلج من المكان وكلنا هدفنا واحد قتل الشحوووم

 

[الحراير]

السلام عليكم
مغتربه شفيج معصبه انا ماراح ازيد علي كلام كوكا
بس كذا بنت ماذكرتها وماتكلموا لاني مو معقوله بعرف البنات المشتركات كلهم هذا كوكا وريمي
اعرفهم وماذكرتهم مازعلوا والحمدلله علي قولتج ضعفتي بدونه وانا ماانكر فضل هالتجمع علي معني كنت مشتركه بشركة تغذيه بس لولا كتون وبنات هالتجمع ماوصلت لوزني

 

[BiiShOoO]

هلووووو