(( التجنيــــد )) *قروب رباط الأخوة *

[ألبندري]

< علموا ابنائكم السباحه والرمايه وركوب الخيل>
دينا مايحثنا ع شي مافيه مصلحه للفرد والمجتمع
على قياس ان الرمايه وركوب الخيل هي من وسائل الحرب سابقا وحمايه النفس
بنشوف ان التجنيد مهم لهم ولو كان تطوعي ماتوقع بنلقى اعداد مرضيه تتطوع لهالشي
اكيد اجباري افضل ..
اذا مافادتهم التجربه ماتضرهم ابد
نتآمل انه تقل كثير من الظواهر الغريبه اللي طالعه الحين

..مدة اقصاها سنه تقريبا حلو وغير مهلك للشخص

اما للبنات انا ضد تماماا التجنيد مومكانها
مو مهيئه جسمانيا ولا اجتماعيا ​

 

[رحاب النعيمي]

مع التجنيد لفترة قصيرة للشباب عشان يطلعون رياايل ههه و تزرع فيهم روح الوطنية و حبهم للدفاع عن الدولة
و المدة الزمنية سنة كاملة
و ما يشمل عنصر نسائي الا لو هم يبون شي راجع لهم لان في وايد ناس ما يرضون بناتهم يسون جذي
شـــكـــــراً عالموضوع

 

[freethinker]

انا ماني عارفه شنو مهمة التجنيد
صراحه انا ماعتقد بأهميه لان الي بيدش الجيش والسلك العسكري يقدر يدش
وراح يكون ياخذ من وقت الباجي ! مثلا المهندس والطبيب والمدرس والخ ! في اماكن احق فيهم وبوقتهم الي ممكن يقضونه بالمجتمع ووهم يفيدون مجتمعهم بطرق اخرى
اما التجنيد حق المخاطر وجذي فالجيش والاماكن العسكريه موفيه
وبسالفة البنات والتجنيد هم اعتقد ان المفروض يكون شي اختياري مايكون اجباري كلش

هذا رايي ومشكوره عالموضوع :*

 

[krkooora]

مع و بقوووة

بالفعل التجنيد مصنع الرجال و الانضباط

و ياريت لو يكون الزامي بشرط فترة زمنيه معقوله

مثل ما تفضلتي الظواهر السلبيه الدخيله على المجتمع هذي اهم اثار التخلي عن التجنيد و اعتباره اذلال للذات مثل ما يعتقدون البعض !!

بس بالنسبه للنساء ؟؟ لا , انا راح اكون ضده !!


مشكورة على هالطرح الرائع

 

[UNICORNA]

ماشالله موضوع فريد من نوعه

شوفي أنا مع التجنيد الالزامي وضده ليش

التجنيد الالزامي جيد من كل النواحي ولكنه مايقدر يزرع روح الولاء

ةالنضحيه للوطن داخل الانسان. ولذلك أنا مع انه يكون تطوعي ليكون

الانسان داخل برغبته الكامله وعنده الاستعداد التام للتضحيه والولاء

ومايكون مجبور مما يؤدي لعدم وجوده بأوقات الشده

بس ممكن يسوون دورات إجباريه للجنسين بحيث يكون عندهم

مبادئ دفاعيه اوليه لأي هجوم للوطن بطرق مباشره او غير مباشره

ومشكوره منمن علي هالطرح الرائع

 

[المرتاحة]

السؤال الاهم

هل التجنيد فعلا يمثل ولاء الشخص لوطنه و لدينه؟؟ هل التجنيد فعلا يهذب النفس و يطوعها؟؟

من وجهة نظري "لا"

واكبر دليل بعض الجنود الغربيين و عيثهم في الارض فسادا و تقتيل

اذا كانت العقيدة متخلخله صعب على الانسان تطويع نفسه مهما كانت القوانين وصرامتها

احنا ليش ما نبحث في جذور المشكلة؟!!

شوفوا البيوت و شوفوا المدارس وشوفوا الشارع... هل صحيح الطفل قاعد يتربي على الاسس القوية و الصحيحة على الدين الاسلامي مثل ما ربوا الصحابة ابناءهم؟!!

اممممم

جوابي "لا"

اذا هذي هي المشكلة

متى ما كانت العقيدة ثابته وقوية ولا تشوبها الشوائب راح تلاقون ابناءنا اسود تلعب في الميادين

متى ما كانت العقيدة ثابته و قوية راح تسمو الاخلاق و ترتفع

متى ما كانت العقيدة ثابته و قوية راح تلاقون شبابنا المراهقين اهم من نفسهم يتدربون لحماية الدين ثم الوطن




انا ذاك اليوم شفت برنامج على التلفزيون وهي زيارة لسجن الاحداث

وقبيل نهاية الحلقة قال مدير سجن الاحداث : احنا لاحظنا شي واحد مشترك على نزلاء سجن الاحداث

ساله المذيع: شنو هالشي المشترك

قال المدير: "ضعف الوازع الديني"


طبعا جوابي: انا ضد التجنيد

 

[ميس هارودز]

اتمنى ان التجنيد يعمم على النساء والرجال كما نطالب بالمساواة في كل شيء فلابد اننا تثبت قدرتنا على تحمل المسؤولية فالمرأة تواجه صعوبات وآلام لا يتحملها الرجل بداية من الام الولادة التي أتحدى ان يتحملها هركليز نفسه
ولكن التجنيد يكون اختياري .....ليش لان الانسان عندما يقدم على عمل اختاره بنفس راضيه سي فيه حقه وقد يكون انسان شخص واحد متطوع ابرك في أدائه للخدمه العسكرية من 10افراد فرض عليهم التجنيد.....أنا مؤمنة إيمان كامل في كل تعاملاتي ان ما يفرض يكره وان ما نحبه ونقدم عليه بنفس راضيه وعلو به لأعلى المراتب وهذا هو الهدف خدمة البلاد بحب ويقلب خالص
وتحياتي على موضوع جاد هادف خالي من الاستخفاف بعقولنا مثل اغلب مواضيع بعض العضوات
تفوقتي على نفسك يا صاحبة الموضوع الجميلة

 

[Tulips]

موضوع وايد حلوو .. انا مع التجنيد طبعا و مادري شنو السبب اللي لغه التجنيد بالكويت ..
احنا بالذات اللي نحتاج هالقرار يتطبق وباسرع وقت .. الكويت جيرانها ما منهم امان .. من شمال وشرق !
.. واشوف سنتين مده مناسبه علشان تنغرس بالفرد قيم الرجال وشلون يتصرف باصعب الظروف .. مجتمعنا للاسف كثرو فيه الجنوس ! واشباه النساء
وانا مع انه يكون الزامي .. شبابنا وايد مرفه واذا خلينا قرار التجنيد اختياري وايد راح يتقاعصون عن ادائه
اما بالنسبة للنساء فأنا ضد

وتشكرين وايد مانورام حبيبتي على طرح مثل هالموضوع :eh_s(7):

 

[G!RLooNa]

انا مع التجنيد الالزامي للشباب و التجنيد يركز عالجانب العملي مو الاكاديمي لان قبل فتره لما طلع حجي ان بردون يقرونه قالوا ان بكون اكاديمي جنا ما سوينا شي

خل يكرفونهم خل يتعدلون يصيرون رياييل ماشوف رياييل بالمجمعات و الشوارع يا جنوس يا تروفه ولا مغازلجيه لوعوا جبودنا

توا قبل يومين شباب 2 بافنيوز يتقصعون و حافين الحواجب و يتكلمون جنهم مادري شنو استغفر الله قلبوا جبدي و انا من كثر مو منأرفه منهم تنحت بويوههم بدون نا احس و لا دلوع امه يقولي اذا مو عاجبج لا اطالعين !!! اااخ هذول من يقطهم بالتجنيد تحت الشموس يكرفونهم كراف يخلونهم رياييل

و مده التجنيد اتوقع سنه زين

و بالنسبه للبنات انا ضد دخول البنت هالمجال اصلا بس في بنات حاسين ان الشغله تناسبهم و صاروا شرطيات ف مافي مانع ان يكون التجنيد تطوعي حق البنات عموما و الزامي حق اللي تبي تصير شرطيه

 

[foshia girl]

يعطيج العافيه مانورام على طرح هالموضوع ..

انا مع التجنيد واتمنى يطبقونه بأسرع ووقت
لان شباب هالزمن قاموا يخرعون على الاقل التجنيد راح يخليهم
يعتمدون على نفسم ويتحملون المسؤلياات ويلتزمون بوايد اشياء


وويعطيج العافيه غلاي

 

[simone]

هلا الغالية
يشرفي ارد عموضوعج :*

بصراحة انا اشوف التجنيد وبالاخص للشباب وايد زين ومهم
خصه هالايام الشباب وايد متغيرين عن قبل ووايد حالات شذوذ
منتشرة فالمجتمع ومدلعين بشكل فضيع ... فهالشي .. يصلب
من عودهم ويخليهم يعتمدون على نفسهم ويقدرون الوطن اكثر ..




الله يحفظلنا عيالنا وخليجنا يارب........................................*

 

[شوق95]

ييعععطييييييج العااافيه ولاهنتي يالغلاااا
ع
المووضوووع العسل اللي نفسج
اب
اب
اب
اب
اب
لعيووونج
الحلووةهـ

 

[سوسو حبيبتى]

رد على اخت قالت انه مثلا الدكتور والمهندس المفروض ما يضيعش وقته ف الجيش !!

فى خدمه مخصوص للدكاتره والمهندسين وهو انه يخدم فى مستشفيات الجيش والمهندسين نفس الشي بيخدموا فى البناء

والمشاريع ..

اما بالنسبه لان الجيش يكون الزامي وغير تتطوعي .فهو لسبب مهم

تعالوا نسال نفسنا لو خيرنا اولادنا وقلنا لهم تحبوا تروحوا المدارس والامتحانات والجامعات والدوام ووجع الراس ؟؟

طبعا هاتكون الاجابه لالالالالا ..

بالتالي .. زي ما التعليم الزامي للمرحله الثانويه ..يجب على الجيش ان يكون الزامي .

واعتقد لو طبق فيه النظام الاسلامي هايكون افضل وافضل..

وبالنسبه لاخت اتكلمت عن الدوله الاجنبيه وجيوشهم ..

احب اقول لك ان معظمهم بيكونوا مرتزقه وداخلين الجيش بمزاجهم مش اجباري .

وواكبر مثال الجيش الامريكي ..

ولو هانتكلم عن الجيش الروسي او الالماني نجد ان نسبه الاهانه النفسيه والبدنيه عاليه جدااا

ويتبعوا اسلوب التعذيب .. وبالتالي بيطلعوا معقدين ..

 

[Janna-q8]

يمكن اذا طبقوه.. شبابنا شوي يصيرون صج رياييل..زاحسهم وايد منعمين و مترفين ما فيهم جلاده

 

[el-fd3a]

طبــعااا معا

 

[' #sǎrǎh . . ']

التجنيد راح يعود نفع لهاذا الجيل ويحل المشاكل
وطبعا اذا طبقوه ريايلنـا بصيرون صج ريايل
وطبعا ضد التجنيد للعنصر النسائي :d


تسلمين عآلموضوع غآليتي

 

[manoooram]

أكيد مع التجنيد

لان يحل مشاكل كثيره ويعود الفرد على انه مايرتكب الجريمه مره ثانيه

تسلمين على الموضوع

ا ح ب ك
تسلمين لي على مرورج الحلو
:eh_s(7):

 

[حلآآآتي غير]

مع التجنيد التطوعي للشباب

والمده سنه او اكثر

وضد التجنيد النسائي مادري ماشوف يصلح لنا بصراحه*

 

[manoooram]

التجنيد يصقل الشباب و يقوي عودهم وتنمي الشعور بحب الوطن والاحساس بالمسئوليه اتجاه الوطن

و المده التجنيد لابد ان تكون قصيرة ومحددة حتى

لاتؤثر على حياة الشاب الشخصية وعلى مستقبله المهني ولا يشعر بالملل ​

قطوة@@

شكرا أعجبتني وجهة نظرج
:eh_s(7):

 

[manoooram]

اووبا

رفع الله مقدارج
جوجو
:eh_s(7):