*تجمـع سبعينيـات نبي نوصل الستينيات لـي بدايـة عطـلة الربيـع .. ( الجزء الثاني )*

[Laidy n3ooma]

بريق

زايده كيلو

 

[ToOMii]

تفااصييل وتووته .. ثاانكسس حبايبي
مشكلتي لا احب الجاي الاخضر ولا الثوم xD
العسل والقرفه ممممم شلون طعمه احس مب حلوو
انا ودي اشرب هالسوالف بس اوردي اشرب لترين ماي يوميا وساعات ازيد
احس مافي مجال ادخل اي مشروب ثاني ولا بنتفخ من السوائل

برييق .. واااايييه عليييج يبيلج عقاب من الزين
العقاب ؛ رياضه مرتين في اليوم صبح وعصر وشربي جاي اخضر وايد
عاد والله حراااام وزنج رجع ٦٦ *

 

[قــل مـا تـشـاء]

هااايوبنات شلونكم ,,
تفاصيله مشكوووووورة عالمعلومات .,
يبيلي أكثر البقدونس في السلطة واحط تبع التتبيلة ثوم .,,
والدارسين والزنجبيل عادي عندي لآني أحب أشربهم .,
أنا أحب المشروبات الساخنة .,,
توومي .,,,
هلآ هلآ ترا عادي أنج تنقصين كوبين من الماي وتشربين لج شاي أخضر والا دارسين وزنجبيل ينحسبوا تبع السوايل اليومية الموص بها .,,
ليدي مرررحبا برجوعج بيننا وكيلو أمره سهل في اسبوع ان شاء الله تشيلينه .,,
بريق .,, لييييييييييش انتي جذي ؟! صج والله لييييييييش
حرااااااااام تضيعين اللي سويتيه وتعبتي عليه شهر تجين تضيعينه في جم يوم ؟
وأكييييييييييد فيه عقاااب عقاابج بالريااضة لآنج مو قاعده تسوين أصلا
همة مشاعر ,,
مكتفين بالعدد في التجمع لآن إن شاء الله كلها اسبوعين بالكثير ونفتح تجمع الستينات .,,
أخت خالتهم ., دلوعته ., أم فجر .,
أهلييين وسهليييييين ومنورييين .,,
أورنجيآ .,
مختفيه في هالإجازة ,,, تعودنا على غيابها المتكرر لوووووووول
وحياااااااااااااكم بناات .,,

 

[توووووتة الحلوة]

مساء الخير بنوتات

توتو

انا بعد لما اشرب الزنجبيل او اكل الدارسين اتغصبه تغصب.

و انا الى الحين قلبي يعورني :eh_s(2): ياخوفي المعلومات اللي درستيها تطير ... انا الوحدة لما تقولي انها تدرس صيدلة كأنها تدرس طب لاني عارفة التخصص صعب و مو اي احد يدخله. انا اقول دوري لج عمل تطوعي في صيدلية ليما تلقين وظيفة علشان المعلومات ما تتبخر

و مشكورة على المعلومات اللي نقلتيها

بريق انثى

اللهم امين :yaaaaaarb:

بريق ... يوه خوفتيني، بكره راح اقيس وزني لاني من يوم السبت ما قسته ... يخوفي زايد مع اني ما اخربط. و على زيادة وزنج ان شاء الله تتدركينها. انتي قدها وقدود

ليدي نعومه

انا بخير، الحمدلله ... مشكورة على السؤال

اورنجيه

وينج قلبو، اشتقتلج

 

[ToOMii]

Liloo .. أمممم اهو المفروض الانسان العادي يشرب كوب ماي لكل ٢٠ باوند من وزنه
واللي يسوي دايت يشرب كوب ماي لكل ١٤ باوند .. على حسبتي يصير ١٢ كوب
انا موزعه الماي على وجباتي واللي ع الريج وجي ويالله يالله علما اخلصهم واحس
مممم متشبعه من السوائل لوول
اذا نزل وزني بيقل عدد أكواب الماي حزتها يمكن باشرب جاي اخضر
مع اني مو ناقصه عشان ازيد زياراتي للحمام لوول

تفاصييل واورنجييه مختفيين :"(

 

[تفاصيل روح .!.]

تفاااصيل الروح


هههههههههههههههههههههههه متاكده انتي انك تغسلين تونه والا ثوووب ؟؟؟


وشدعوه يااشيخة حرام عليك ههههههههههههه


حسيت في حالها من جد مسكينه اقول خذي لك تونه بالماي وارحمي بنت الزيت كفاايه عليها عذاااب

ههههههههههه ماشفتي شي والله اهلي يقولون منتيب مخلصه دايت الا طاقك الوسواسس يختي وش ذا البلاوي اللي تسوينها بس انا احس كذا ارتاح انا احب حقت الزيت احلى طعم من حقت المويه عشان كذا اخذ علبه وحده كل اسبوعين واغسلها لين تقول اعتقوني


باالعافية عليك​

الله يعافي قلبج

مشكووره ع المعلومات

العفوو ولوو حاضرين


كم المعدل الطبيعي للفيتامين د؟؟

يقول الدكتور لازم توصلين 25 بس كم النسبه كامله بالضبط ماعرف لاني مخربطه بينه وبين الكالسيوم واحد منهم 100 والثاني 50 حسب اللي درسته



الله يشاافيك انتي مهمله بصحتك يبي لك طق ​

لا والله صرت خوش بنيه كل يوم اكل تمر عشان فيه كل الفيتامينات واكل حديد واكل حبوب فيتامين واكل علاجات الروماتيزيوم كامله بس الشي الوحيد اللي ماصرت اكله كل يوم الكرتيزون :eh_s(14):
تشوفين بطني صاير صديليه من كثر الادويه احسها تشبعني فاستغني عن الاكل :rerrerek:

​

بناااات ملاحظتو اني ماااكتب يومياتي ؟؟؟:bbbiu:
اذن مااهو السبب؟؟
وماهو السر في ذلك؟؟:eh_s(10):

:eh_s(16):لاني اكل وبطلت رجيم وهذا ثاني اسبوع وانا ازط وازط وازط
بعد الغدا قلت بشووف وزني انا عاارفه ان المفرووض يكون الوزن في الصباح الباكر وفي ملابس خفيفة وبعد الذهاب الله يعزكم في الحمام
شفت وزني
66:eh_s(2):
جلست مع نفسي جلسه سريعه وجلسه عتب ولؤم وكنت بطق رووحي بس تعوذت من ابليس
قلت لنفسي حرام تعب الشهر يرووح يعني الحين بااقي 2 كيلو ترجع حليمه لعادتها القديمة
اممممممممممم انا عصبت :rgewrg:وقررت من الان اسكر فمي عشان انزل كيلو الى يوم السبت وباكل بس زبادي خالي الدسم مع اناناس
برجع اقرا لموضوعي عشان اتشجع واحااول اكون متواجده معكم عشان اخذ الباااور منكم
وبس
احبكم وعندي تقبل كامل للزف واللي تبي تطق عاادي المجال مفتوح

حد علمي انج ماخذ اووف هالاسبوعين والا انا غلطانه ..
بسس حراام رديتي 66 :eh_s(2): شكل معجبج شكل الوسسسام عشان جذي حابه تحتفظين به هالاسبوع:rgewrg:

السلام عليكم
كيف الحال يا حلوين
حبايبي بغيت أسأل في مجال أشترك ؟؟

وزني 77 وأهدافي كاتبتها بالتوقيع

بس حالياً أبي أطيح 7 كيلو من اليوم بديت رجيم لي اول شهر 3 عشان عندي عرس

وبكمل بعدها رجيم بإذن الله بس ما استعيل فيه عالنزول عادي لو بالبطيء

في مجال أدخل يا حلوين .؟

حبيبتي التسجيل في التجمع مقفل من زمان والله عددنا اكتفى واغلبنا اوزاننا في الستينات او بدايه السبعينات انتي شدي حيلج وشوفي اي تجمع من المنتدى او افتحي لج تجمع خاص والبنات ماايقصرون ان شاء الله توصلين للوزن اللي تتمنينه

تفااصييل وتووته .. ثاانكسس حبايبي
مشكلتي لا احب الجاي الاخضر ولا الثوم xD
العسل والقرفه ممممم شلون طعمه احس مب حلوو
انا ودي اشرب هالسوالف بس اوردي اشرب لترين ماي يوميا وساعات ازيد
احس مافي مجال ادخل اي مشروب ثاني ولا بنتفخ من السوائل

والله ياحلووه في سبيل الرشاقه كل شي يهون الشاي الاخضر انا كارهته كرره لان اول ماعورتني معدتي منعوني منه بسس اتغصبه واشربه بالقوه اما القرفه انا اشربها بدون عسل وطعممها شين بس بكيفها اهم شي تنحف انا اشرب ماي وايد بسس من الساعه 5 العصر اوقف شرب عشان اذا نمت الساعه 2 اكون مرتاحه ماجلس كل شوي اقوم رايحه وراده
بسس الشاي الاخضر بعد الاكل لازم .. والزنجبيل قبل انام والقرفه ماشربها الا بالسنه حسنه
اما الثوووم شفت وحده تقول تاخذ فص وتبلعه عشان الطععم مايبين ويمكن اجرب هالشي لاني شفت تجارب وايد وتشجع صراحه :rerrerek:

*

هااايوبنات شلونكم ,,
تفاصيله مشكوووووورة عالمعلومات .,
يبيلي أكثر البقدونس في السلطة واحط تبع التتبيلة ثوم .,,
والدارسين والزنجبيل عادي عندي لآني أحب أشربهم .,
أنا أحب المشروبات الساخنة .,,
.,,

العفو يالغلا
ايه اجل مادمتي تحبينها حطي حريتك فيهم ان شاء الله تنحفين
تدرين غاب عن بالي البقدونس مع السلطه :eh_s(10): بس لي اسبوع الحين ما اكل سلطه احس اني كرهتها مليت منها :eh_s(2):

مساء الخير بنوتات

مساء النور والسرور :eh_s(7):

توتو

انا بعد لما اشرب الزنجبيل او اكل الدارسين اتغصبه تغصب.

ايه حاسه فيج لان طعمه غير مقبول :eh_s(2):

و انا الى الحين قلبي يعورني :eh_s(2): ياخوفي المعلومات اللي درستيها تطير ... انا الوحدة لما تقولي انها تدرس صيدلة كأنها تدرس طب لاني عارفة التخصص صعب و مو اي احد يدخله. انا اقول دوري لج عمل تطوعي في صيدلية ليما تلقين وظيفة علشان المعلومات ما تتبخر

تووته تعجبني ممررا شخصيتج والله اني احبج الله يخليج لهلج امممين يارب قلبج طيب قووه
كيف تطوعي مافيه مستشفيات الا حكوميه او اهليه
الحكوميه مابعد وظفونا والاهليه يتوظفون فيها الشباب اكثر ماعمري شفت بنت في اي صيدليه اهليه
بسس ربج كريم :yaaaaaarb:

و مشكورة على المعلومات اللي نقلتيها

العفوو يالغاليه

Liloo ..
تفاصييل واورنجييه مختفيين :"(

انا هني يالبى قلبج بس كنت اقرى تجارب البنات لمكافحه ثبات الوزن ولفت انتباهي موضوع لتجربه وحده مع الزنجبيل
ثواني انقلها لكم :eh_s(7):


اووورننجيييييييييييييييه ووووينهااا اليوووووووووووووووم !!!!!!!!!!!!!!!!!!!

>> كاتبه بهالون نفس لونج

 

[تفاصيل روح .!.]

سلااااااااااااام ياحلوااااااااااااااات
حبيت أقولكم تجربتي مع الزنجبيل"أول شي أنا طويله طولي حلو وكنت تخينننننه

لكن الحين وزني 57صرت بدون مبالغه زي عارضات الأزياءلأني طويله والله صار جسمي خياااااال بعدمايئست أستخدمت كل أنواع الريجيم مافاد تعقدت من جسمي وبطني والله كان لمن أجلس ينقسم 3طبقات

وكنت مره جالسه عندناس وشافتني وحده عجوزقالت ليه كل مامدواعليك شي قلتي لاضحكت وقلت هذا"أشرت لها على بطني"وين أوديه قالت عليك بالزنجبيل"أنا ماهتميت بعدها قلت ليه ماأجرب والله فعلا جزاها الله خير نفع معايه وأنا مأقولك أنه سحري ب3أيام أوأسبوعين تروح بطنك لكن أستمري عليه وشوفي والله أنا بطني لصق بظهري وأنشدماشأالله لدرجة كل اللي أعرفهم مو مصدقين يقولون مسويه بنفسك شي على بالهم أحط كريمات والله ليه سنه عليه صرت أشربه بدل القهوه وأكيف عليه

وبعدهاتزوجت

وحملت ماشأالله وعندي ولد ووالله العظيم بطني ماتغير فيه شي لأني مستمره عليه والله العظيم والله العظيم حتى تشققات ماعندي ماشأالله لاحول ولا قوة إلا باالله مع العلم أنا ماأسوي رياضه

واللي تبغى تستفيد أناأشتري الزنجبيل الطري الطازج أقطعه مربعات صغيره واغلي مويه وأحط جزء منه مع المويه والجزء الثاني أحطه في ترمس القهوهوبعدمايغلي تقريبا ربع ساعه أحطه بالترمس طبعا بدون سكر لا سكر ريجيم ولاشي وأختي تغير بطنها بسرعه لأنهاتستخدم بالأضافه للزنجبيل الليمون والكمون على الريق"
ولكم تحياتي مع أمنياتي لكم بجسم رشيييييييييييييييييييييييييييي يييييييييق وصحي"

​

قصتها مع الزنجبيل حلوووه مرررا ​

 

[بريق أنثى]

ليدي نعومه​

كيلو سهله تقدرين تنزلينه براحه ​

تووومي​

شفتي شلون 3 كيلو والدورة محبوسه علي الشاي الاخضر حدي كوب لاني مااحب طعمه بس خلاص تووبه ​

وبس تنزل الدورة وتخف بسوي رياضه ومشي ​

تدرين انا مش شايله هم ذول الثلاثه شايله هم 63 اللي بعده لانه صعب ينزل مجربه ​

ليلوووو​

قلبي ادري كلامك عدل بس وعد بحط تحدي لنفسي ونفسيتي من امس والايام اللي راحت دمار بس الحمدلله اليوم زينه ​

توووته الحلوه ​

ياشاطره ابي اشووف ابداعك انا في اقل من اسبوعين 3 كيلو ​

شفتي اجتهاد لا ولايهمك بس كذا سبب وعامل جغرافي وفزيائي خلاني اووقف بس برجع وبكون اكون اول وحده في التجمع توصل للهدف الاخير<<<<واثقة واجد احم احم​

تفااصيل الرووح​

ههههههههههههههه لالالالا ماابي الوسام حدي اذا شفت توقيعي امووت ضحك وبنفس الوقت اتشجع بس عاارفه امس والايام اللي راحت نفسيتي زفت والدوورة محبوسه بس خلاص وال66 بطيح منهم كيلو او كيلو ونص الى السبت لاني اذا زدت بسرعه انزل بسرعه​

ااورنجيناا​

وينك دايم تطلعين الصباح مع الاجواء ​

​

​

 

[دلوعتهـ]

السلام عليكم
شلووونكم بنوتات على هالجو العجيييييب مطر وخييير ياربي لك الحمد

اورنجيه لها وحشششه فديتها
تفاصيييل معلوماتج اللي تجيبينها مفييده وحلووه وشجعتني اروح اسوي مطارة زنجبيل هههههههههه
بريييق حرااام اللي تسوينه خلج صاااامده جدام هالوووحش ولا ترى بجي واقتله انا لوووول <<يعني انتي مسكته >>لا بس اليوم شزيني اسم الله حولي وحوالي ههههههه

يومييي
مو قلت اني بقطع النشويات هاليوميين صج انه يتعببب بس بحرك وزني شوي أنا قبل اتزوج نزلت ٩ كيلوو لاني قطعت الخبز والعيييش عاد بجرب وبشوووف<<خايفه من اورنجيا تهاوشها لوووول
عاد العصر لما قمت كلييت قفشة لبنه وبيض مقلي بدووون دهن
وتوني ماكله ربع صدر دجاجه وشوربة فطرررر
وبقووم الحين اسويلي مطارة زنجبيل بكموون

 

[بريق أنثى]

تفاااصيل الرووح
مشكووره في اشياء بحياتنا سهله وعاارفينها بس المشكله ماندوام نبي الشي يجي بسرعه عندك المشي يوميا سااعه يمسح البطن في شهر بس مين يستمر يوميا ويطبق
الليمون والزنجبيل واشاي الاخضروالكمون ثلاث اكواب بعد كل وجبه يمسح البطن
وعندي معلومه من تجاربي
هههههههههه النوووم يمسح البطن جد وينزل الوزن شلوون لاني كنت اياام الكليه وصل وزني 59 يقولون مسويه رجيم وانا لا رجيم ولا شي اجي من الكلية طبعا مااتغدى واووررح بالسرير وافخ نوووم الى اليوم الثاني لاغدا ولا عشاء وطوول فتره النوم خلاص المعده تصغر لانه ماافيه شي يدخل فيها ولا حتى مااي وتتقلص واذا جيت افطر ياادوب بس فطيره وعصير وبس وكهذا واذا خميس وجمعه اتعجيز اكل او اوسوي لي اكل
يعني العجز+النووم الطويل يعني 14 ساعه او 16 ينزل الوزن طول وقتي نووم من وين اكل
ههههههههه

 

[بريق أنثى]

السلام عليكم
شلووونكم بنوتات على هالجو العجيييييب مطر وخييير ياربي لك الحمد

اورنجيه لها وحشششه فديتها
تفاصيييل معلوماتج اللي تجيبينها مفييده وحلووه وشجعتني اروح اسوي مطارة زنجبيل هههههههههه
بريييق حرااام اللي تسوينه خلج صاااامده جدام هالوووحش ولا ترى بجي واقتله انا لوووول <<يعني انتي مسكته >>لا بس اليوم شزيني اسم الله حولي وحوالي ههههههه

يومييي
مو قلت اني بقطع النشويات هاليوميين صج انه يتعببب بس بحرك وزني شوي أنا قبل اتزوج نزلت ٩ كيلوو لاني قطعت الخبز والعيييش عاد بجرب وبشوووف<<خايفه من اورنجيا تهاوشها لوووول
عاد العصر لما قمت كلييت قفشة لبنه وبيض مقلي بدووون دهن
وتوني ماكله ربع صدر دجاجه وشوربة فطرررر
وبقووم الحين اسويلي مطارة زنجبيل بكموون

طيب دلوعه بصمد امممممممممممم شووفي شلون مخيطه فمي
بداخلي قووه ابي اسووي رجيم احس مشتااقه للرجيم طبعا اسبوعين اكل لا اقل مش اسبوعين
حذفي النشويات والسكريات والدهون وينزل وزنك انا هذا رجيمي

 

[ToOMii]

تفاصييل .. تبلع فص ثوم !! بعد لو تاكله عادي بقول معليه نجرب
ماعرف ابلع بدون ما اممم امضغ لوول عدله الكلمه xD المهم والثوم
اللي عندنا ممم فصوصه كبار شوي كييف ابلعها أخاف اغص فيها
وشكرااا ع النقل ،، شجعتييني ع الزنجبيل كل مره اجوفه اقول باخذ واكنسل
مره ثانيه باخذ لي شوي وبجرب بس اهيا تقول يبيله استمرار أخاف ما التزم عدل

دلووعته .. لاتقطعينها كلش جسمج محتاج الكربوهيدرات بس قللي كميتها
يعني حصه وحده او ثنتين باليوم وخليها عقب الرياضه اذا تسوينها بيحرقها الجسم
ههههههههههه عاد تصدقين يبيله نتعاون على هالوحش اللي مأذي بريق
يوومج حلوو استمررري وتعالي وين الماي !!

 

[ToOMii]

يووميي ..

ع الريج .. ٥٠٠مل ماي مع عصير ليمونه كامله
الريوق .. كوب فتنس وكوب حليب وتفاحه خضراا
الغدااا .. شوربه خضار وقفشتين عيش وبروكلي بالبخار
السنااك .. سلطه مع خل وليمون
العشاا .. بقايا السلطه مع زبادي كامل الدسم
المجمووع .. ٩ نقاط

الماي .. لترين ونص
الرياضه .. ٤٠ دقيقه ويا جيليان (صبح وعصر)

 

[Orangiya]

مساااااااااااااااا الامطااااااااااااااااااااار والجو اللي اعشـــــــــــــــــــقه واموووووووووووووووووت فييييه ..

واااي مأسااااة عشتهااااا امس واليوم .. >___< ...

كنت طالعة مع اختي امس ... وانا دوم اشبك من راوتري المتنقل من فيفا .. معاي وين ما اروح .. والبيت فوني ولابي اشبك عليه بعد ... فـ ... لأول مرة تصير معاي .. بالغلط طاح مني الراوتر بسيارة اختي !! وظلييت بدوووووون نت من امس لي قبل ساعة اختي فضت لي ويابته t_t ..

مأساة الواحد يعيش بدون نت .. لوووول شلون تحملنا اول .. هههههههههه

راح اقرا ردودكم .. وان شالله ارد اذا قدرت .. او باجر الصبح .. > بقوم انوم عيالي ...

احبكم كلكم بناااااااااااااااات ^^ ..

 

[om_fajer83]

حيااااااااج الله ليدي كيلو هين ان شاالله


بريق والله حسافة حرام عليج لو ادش الستينات يمكن ما اكل كلش من الفرحة

 

[تفاصيل روح .!.]

بريق
ايه عفيه عليج شدي حيلج
انا قلت لج افضل شي النقاط لانج مو محرومه من شي واهو نفسه نظام الشعرات حنا نحتاج 900 سعره باليوم وبننحف >> لي تعقيب على هالكلام :rerrerek: >> تلاحظون هاليومين كلامي وايد خخخ

بس جد النقاط والسعرات والتخفيف نفس الشي والرجيم نظام حياتي مو شهر او شهرين >> علمي نفسج

ايه انا علمت نفسي >> لاموب طبيعيه ابد هالبنت

عشان جذي اخترت النقاط وكل ما امل منه اتذكر اني ملتزمه فيه مع تومي واتحمس اكثر >> يعني تومي لها الفضل بعد الله في اني استمر على هالنظام ولايهونون البقيه

اهم شي من الرجيم ان اكلنا يكون صحي يعني تكون الفيتامينات كامله مايصير عندنا اي نقص وهالشي اللي انا جالسه اسويه هالفتره كل سبوع اشيك عليهم بس اللي مضايقني ثبات الوزن وراسلت الدكتور سلطان التمياط وقالي تلاعبي بالسعرات واخدعي الجسم بالرياضه والاكل يعني مو اكل واحد ومو كل يوم نفس الرياضه لان الجسم يفهمها ومايحرق
وقالي بما انج تاكلي كريزون حطي لج 3 ايام بالاسبوع بدون نشويات و يوم سوائل و3 ايام فيها نشويات بس بكميات معتدله

قالي وزنج اللي وصلتي له وايد زين بالنسبه للادويه اللي تاخذينها بس يبي لج تنحفين 8 كيلو 60 وزن حلو لج

والاههم من الرجيم ان المعده تصغر يعني تعودين نفسج تاكلين شوي عشان اذا بطلتي رجيم ماتسمنين
وقالي لاتحرمين نفسج من اي شي ولاتضغطين على نفسج بالرياضه لانه مريضه رماتزيوم ولانج اذا لعبتي اسبوع 3 ساعات كل يوم يمكن الجسم يستجيب ويحرق بس الاسبوع اللي بعده بيثبت لانه عرف انج بتسوين رياضه 3 ساعات

قالي زيت الزيتون وايد مفيد مع السلطه للتخلص من الامساك
وقالي اذا دخلتي الحمام وانتو بكرامه كان لون البول شبه ابيض معناته ان كميه السوائل كافيه بس اذا صار شوي مايل للاصفر معناته عندج نقص بالسؤال >> هالشي كنت اعرفه بس ماكو تطبيق

صح بنااات قال ان العيش مايمتن ابدد اللي يمتن انج تاكلين كثير وطريقه طبخه
قالي 4 الى 6 ملاعق كافيه
قالي لو تفطرين توست وجبن قليل الدسم وتتغدين ربع دجاجه مع 4 ملاعق عيش وسلطه وتتعشين اي شي خاطرج فيه بسس يكون شي خفيف وبدري وتختمينها بزبادي اظمن لج الرشاقه وخليج من خرابيط المنتديات انا دكتور وعارف كل شي دارسس 7 سنوات وعندي دورات وايد بهالمجالات واكيد انج واثقه بكلامي لانج لو مو واثقه ما ارسلتي لي

انا اثق بكلاممه وايد بنات والله اناا لما قلت له نظامي اول قالي غلطانه مليون بالميه ولما قلت اني امشي على النقاط حاليا قالي هو نفس السعرات وهذا تمام خليج عليه


دلوعته

بالعافيه عليج ياقلبي ايه جذي خليك تسمعين الكلامم :rerrerek:


تومي
وحده تقول انها تبلعه ووحده تقول انها تغليه وتحط شوي بقدونس وتشرب منه كوب صغير على الريق وباقي اليوم تاكل اللي تبي ونحفت بشكل فضيع الكل استغرب من هالشي
بدور الموضوع وانسخه لكم
ايه انا خايفه اني اغص بها :bbbiu: بس لو قطعتها نصين بيصير طعممها باين مدري بشوف اذا حصلت ثوم فصه صغير ببدا من باكر او يمكن اغليه
باكر اعلمكم وش سويت

بخصوص الزنجبيل
السالفه ومافيها تقولج العوض ولا القطيعه يعني موب لازم كل يوم 3 او 4 ايام بالاسبوع عادي وبعدين لاتحطين مطحون طعمه شين قووه حطي الطازج طعمه اهون بكثير


بالعافيه عليج اللي كليتيه

 

[تفاصيل روح .!.]

حياج الله اورنجياا
انا قاعده اقوول هالبنت اعتادت على الغياب

 

[دلوعتهـ]

تومي قلبوو اكيد اشرب ماي مو ضب أنا لووووووول بس ما اكتب

 

[om_fajer83]

الريوق ٧ تمرات ولبن ١٨٠ س
الغدا ٩ قفاش عيش ولبن ٢٤٠ س
العشا ٥ تمرات ولبن ١٤٠ سعرة
حبتين بسكوت مالح خل نقول ٣٠ س
اصبع كورن فليكس ٨٣ سعرة
بقى لي ٢٦٠ سعره اكلت فيها ملفوف ٥ حبات ميني وخبز مفروك اشوي*


يابنات صايره اخربها ابي اشوف ال٧٠*
بس والله ماتعديت ٩٠٠ بس احسني اخربها مدري ليش اليوم الحمدلله ماكليت ككاو وماراح اكل لين اشوف الستينات

 

[دلوعتهـ]

ولكمممم باااك اورنجيا
انا اصلا ما اعيييش بدوون نت