""طريقتكم بإزاله المسكارا وخاصه ال ثقيله ""

[ماني من الناس]

هلا بنات كيفكن


طبعا كلنا مانقدر نستغنا عن الماسكارا لانهاتخلي رموشنا يهبلون حيل وفرق قبل وبعد باختصار تحلي

بس ازالتها احس صعبه وتحسينها ماتروح كليا خصوصا اذا كانت ثقيله تحسين فيها كثافه وتلزق


انا اول شي استخدمت مناديل ازاله المكياج من نيفيا ماناسبوني يحرقون ويخلون العين تدمع

بعدين حولت ع مناديل جونسون

بس ماحس الماسكار تروح من الرموش مع اني اطول في تحريك المناديل عالرموش


فحبيت اعرف من اصحاب الخبره

ويليت تجاوبون عالسؤالين

شنو المنتج اللي تستخدمونه لازاله الماسكار؟

وشلون طريقتكم بالازاله؟

وشنو الماسكارات الخفيفه اللي يمكن وضعها كل يوم ومغذيه فيها فيتامينات وسهله الازاله مو شرط يكون تإثيرها قوي ؟
وسلامتكم

 

[ماني من الناس]

هلووو جيرلز

 

[غلا صلاح]

يااهلا والله انا استخدم مااي بيدورماا يهببببل ولا يحرق العين نفس جونسن يحرقوون وتعورني عيوني منهاا بس هذي لا وتزيل المكياج وخاصه العيوون ولا يبقي اثر كلش وفي بعد عند ميك اب فورايفير خاص للعيون لونه ازرق حلووو بس غالي شووي ولقيت المااي هذا ورتحت

 

[ماني من الناس]

هلا غلا

ايه والله سالفه المناديل مو ضابطه معانا تحرق خخخ

بجرب بيودرما اللي قلتي عنه

زين تعرفين ماسكارا خفيفه يوميه للبيت يعني فيها فيتامينات ومفيده للرموش وهيك وسهله الازاله

 

[بسمة بريدة]

اب لزيادة الفائدة

 

[UNICORNA]

أكيد لازم يحرقون لان مكتوب فوقهم مناديل إزاله المكياج

مو إزاله مكياج العيون

لان الاشياء المخصصه للعين ينكتب فوقها.

عموما جربي مزيل مكياج العيون حق لوريال

ويمدحون بعد حق جارنييه اهم شي تحصلين مكتوب فوقه

مزيل مكياج العيووون

 

[ماني من الناس]

^

هلا حبوبه بلئ مكتوب عليهم يزعم لازاله الماسكارا المقاومه للماء

 

[Dalo0o3a Cute]

حبيبتي مثل ما قالو البنات لازم لمنطقه العيون مزيل خاص فيها ومزيل مكياج العيون يصلح لازاله مكياج البشره
يعني كل شي للعيون يصير تستخدمينه للبشره لان هالمنطقه رقيقه بس مستحضرات البشره ما يصير تستعملينها للعيون

انا جربت هذا وحلو ويشيل بسرعه والاهم ماركه طبيه

اخذي قطن مدور وحطي عليه شويه وخلي القطنه شويه من الوقت على رموشج و بتلاحظين ينشال كله > يا رب فهمتيني

وجربت مناديل غارنيه حيل حلوه وما تحرق بس عيبها شي واحد شوي ناشفه

 

[**selena**]

انا احط ماي بكلينكسة و انظفهم

 

[**selena**]

Up up up

 

[تلفزيون قطر]

انا اشيل مكياجي بزيت زيتون قبل

كنت استعمل مناديل جونسون بس قالو اذ كثرنا راح يطلع تحت العين كيس دهني وماعرف شنو

وجان اتركه وحاليا مع زيت الزيتون احط بالقطن واشيل

ترا يمسح عدددل وينظف وعقب اغسل ويهي بالصابون وعقب ارطبه وبس

 

[Gatwa DaloO3a]

بالعكس انا احس مناااديل جونسون هي اللي تحرررق حررق ! .. و نيفيا اوكي معاي صراحه ..


..

في منتج كلير اند كلين ..... هو عباره عن كريم لازالة مكياج العين ... تحطين حول عيونك وبالقطنه تمسحين رموشك وميك العيون كله ، .. بعدها غسلي بغسول ،،، والله مستحيل عيونك تبقى فيها اثار


هو يجي نفس اللي بهالصوره بس خاااص لمكياج العين

بالنسبه لي هو افضل شي استخدمته للماسكارا !

 

[Killer^Girl]

مناديل no7 من بوتس
احطها عالرموش فترة وبعدين امسح

 

[Sparkle]

أنا عكسج أحب ملووت جونسون

وهذووله جربتهم وعاجبيني

مزيل Bioderma



مزيل لوريال (هذا علبته وأكو علب ثاااني جربتهم بس هذا أحسن واحد)



ومزيل وايد حلو من The Balm مزيل مكيااجهم اسمه Balms Away اذا أحد مثلي وحط مكياج ثقيل وتكيسل يشيله وينام في <<اشش لا تقوولون...هذا وايد راح تحبونه وكميته راااهيه طريقته تحطينه على عينج وتغمضينها وتفركينها وبعد 30 ثانيه تمسحينه بفوطه أو كلينكس مبلل بشوية مااي ويشيل المكياج عدل والحلو أنه يرطب منطقة العين لان فيه نسبة زيوت وفيتامينات




وهذا سام من Pixiwoo تستخدمه
http://www.youtube.com/watch?v=RTLUR...I7bMIgMEKhWuOz


خذيته من ميس هارودز اب 9

 

[احلام~]

مزززيل بايودرما حدده يههبل
وشفت مقطع باليوتوب وحده تقول شلون تزيل الميك اب بهالمزيل
طريقتها روعه وما يبقى اثر لا للكحل ولا الماسكرا ولا غيرها

بدور المقطع واحطلج الرابط
وفدييتج يا قلبي

 

[mrs.abk]

أنا عيوني حساسة جدا ومسوية فيها عمليتين .. فموب أي شيء يليق لي

جربت كذا نوع مزيل ميك أب

رسيت على هذا بايوديرما .. صار لي 4 سنين ما أغيره .. وخواتي وصديقاتي كلهم صاروا يستعملونه من وراي




طريقتي ابلل القطنة وأحطه على العين 30 ثانية على الاقل .. يكون يفكك الماسكرا .. عقب امسح بلطف ..

كل علبة تكفيني شهر ونص لأني استعمله يومي

وإذا مركبة رموش .. أبلل القطنة بزيت اللوز وأخليه على عيوني دقيقة أو اكثر علشان يذوب اللزق وبعدين أمسح بالزيت الليوز وبعدين مزيل بايوديرما


وأهم شيء لا تدعكين .. بس طبطة ومسح بمنتهى اللطف علشان التجاعيد تطلع مع الفرك

 

[AVE.NJ]

ماك مناديل مزيله للمكياج
ب 10 دنانير غالي بس تعودت عليه

 

[MayOumii~]

انا استعمل فازلين لوووول
احط على رموشي بعدين افرك عالخفيف لي فوق وتحت

بعدها اشيله بكلنكس واغسل ويهي بماي بس للامانة ما يشيل عدل
وايد نصحوني بزيت الزيتون شكلي بجربه على يوم (=

 

[krkooora]

بيوديرما

مناديل n7 من بوتس

مزيل غارنييه

 

[AVE.NJ]

شريته بارض المعارض مسوين عرض 2 بسعر واحد ماعجبني كلش مايشيل شي
07 مناديل استعملتهم زوينين
بس التوب مناديل ماك والجيس كبير يطول معاج