وأخيرا رحت لندن ( فبراير 2012 )

[katkota76]

السلام عليكم يا أحلى كويتيات
هذي اول مره انزل موضوع فيه صور
وانشاالله تضبط معاي :yaaaaaarb:

اول شي بقول لكم معلومات عن الرحلة
مدة الرحله 6 ايام ( من 5فبراير الى 10فبراير )
وكنا شخصين انا وزوجي
وكنا المفروض نروح على الخطوط البريطانية والطيارة كانت الساعة 8 ونص الصبح
رحنا المطار الساعة 6 الصبح وانصدمنا ان الطيارة بعدها مو طايرة من مطار لندن
لان عندهم ثلج قوي والطيايير مو قادره تطير
وقالو لنا عندكم خيارين يا اما انكم تروحون على الكويتية وتطير الساعة وحدة ونص الظهر او انكم تنطرون بعد يومين وتروحون على البريطانية
طبعا احنا اخترنا الخيار الاول ان نروح عالكويتية
ونطرنا بالمطار من الساعة 6 الصبح لي الساعة 2 ونص ياالله طارت :rgewrg:

وعقب ما دخلنا جناطنا كانت الساعه 10 الصبح يعني باقي عالطيارة المفروض 3ساعات بس اهيا اتأخرت بعد ساعة يعني قعدنا 4 ساعات
قعدنا بكاريبو ساعتين يمكن

وبعدين دخلنا وقعدنا بشيليز ساعة وشي

وأخيرا صعدنا الطيارة

​

​

 

[((غلاي))]

حمد الله على السلامه

وااااااااي

وايد قعدتو بالمطار

ناطرين التكمله

متاااااااااااابعه

 

[katkota76]

حمد الله على السلامه

وااااااااي

وايد قعدتو بالمطار

ناطرين التكمله

متاااااااااااابعه

الله يسلمج حبيبتي
ايه والله متنا واحنا ننطر لا وكنا مواصلين مو نايمين
بسألج الصور طالعين عندج ؟؟
لانهم مو طالعين عندي !!

 

[طيش سكر]

حبيبتي مو طالعين الصور

والحمدلله على السلامة


يلا متابعتج

ورينا ^_*

 

[katkota76]

انا قاعدة انزل الصور من الآي فون
برنامج picup
ما ادري يمكن قاعدة اسوي شي غلط
انا اول مرة انزل
اللي تعرف شلون انزل صور من الآي فون تقولي

 

[رتبه دبلوماسيه]

1- * * * *اول شي اذا تبين الصورة تنحط بالمنتدى لازم تكون الصورة في البومچ الصور*

2- ولازم يكون عندج هالبرنامج او نزليه اذا ما عندج*

3- لما تدخلين البرنامج اكيد تطلع لج الشاشة الرئيسية للبرناامج صح مثل ما اهو موضح بالصورة السهم الاحمر رايح عند؟ اضغطي على هذا الي مأشر عليه بالسهم الاحمر*

4- اول ما تضغطين عليه راح يطلع لچ قآئمه مختصره اختاري منهاChoose Existing
(يعني اختاري الصورة الي تبين تحطينها بالمنتدى ) مثل ما اهو موضح في الصورة

[COLOR="DarkOrchid"5-وبعدين راح يطلع لج الالبوم مالچ اختاري الصورة اليتبينها واضغطي عليها][/COLOR]

6- ولما تضغطين على الصورة لي تبينها راح يطلع لج قائمه انتظار رفع الصورة مثل ما اهو مبين بالصورة

7-ولما يخلص الانتظار راح يطلع لچ في قائمة صغيرة الصورة الي تبينها اضغطي عليها مثل ما اهو موضح بالصورة

8-بعدين لما تصغطين على الصورة مالتج راح يطلع لج مثل ما اهو موضح بالصورة اضغطي على الي مأشر عليه بالسهم الاحمر

9- بعدين راح تذلع لج قائمه صغيرة اختاري منها Open safari

10- بعدين راح تطلع لج الصورة في رابط يعني نفس صورة الي تبينها *عاديه مبينة وكبيرة وواضحه هع اضغطي عليها حيييل وراح يطلع لج قائمة اختاري منها copy او نسخ مثل ما اهو مبين في الصورة

11-بعدين روحي للمنتدى وتلاقين بمكان تكبير الخط وتغير الالوان هذه الاداة

12- وبعدين راح يطلع لج قائمه علشان تكتبين فيها الرابط مال الصورة مثل ما موضح بالصورة

13- بعدين اضغطي حيل على مكان الفراغ الي تكتبين فيه راح يطلع لج مثل مكبر للشاشة صح بعدين اتركي ايدج راح يطلع لج لصق او pest اضغطي على لصق او pest راح تلاقين كلام بالانجليزي طلع يعني خلاص اول مااا تدوسين (الرد السريع) راح تطلع لج الصورة ماااا لتج*♥
**

 

[katkota76]

مشكوووووورة حبيبتي رتبة الحين بجرب اللي قلتيه

 

[katkota76]

 

[katkota76]

وأخيييييرا انزلو الصور 

 

[عزاااه]

عاد انا وحده ماحب الكويتيه الحمدالله علي سلامه عاد كملي تقريرج

 

[katkota76]

عاد انا وحده ماحب الكويتيه الحمدالله علي سلامه عاد كملي تقريرج

الله يسلمج حبيبتي
ولا انا مااحب الكويتية بس وقتها ما كان جدامنا غيرها
المهم نوصل لندن 
انشاالله راح اكمل

 

[قررت استمتع]

شوقتينا عاد انا بخاطري لندن هالعطله بس ماتيسر الامر ولماشفت الثلوج اللي غطت اوربا وبريطانيا حمدت الله وكان الامر خيره لي

 

[katkota76]

تكملة اليوم الاول

طبعا بالطيارة ما قدرت انام ولا دقيقة مع اني تعبانة حدي
وفتحت التلفزيون اللي بالطياره بس سماعتهم خربانة وتفشل

وكنت ماخذه معاي قصه قريت شويه منها لاني كنت دايخة مو قادرة اركز

وعطونا اول ما طارت الطيارة غدا وهذا كان الشي الوحيد الزين بالكويتية ان اكلهم حلو والا اكل البريطانية استغفر االله ريحته تلوع الجبد

وظليت اغلب الوقت اطالع الغيم 

وبينت لندن وكانت كلها ثلج

يتبع اليوم الاول
​

 

[katkota76]

شوقتينا عاد انا بخاطري لندن هالعطله بس ماتيسر الامر ولماشفت الثلوج اللي غطت اوربا وبريطانيا حمدت الله وكان الامر خيره لي

صج كان برررررد وثلج بس كان روعة الصراحة وانا اول مره اشوف الثلج
انشاالله الله يكتب لج روحة قريبة

 

[((غلاي))]

:ggdw:عااااااااااااااااااااشت:ggdw:


اول شي الصور مو طالعه
بس بعدين طلعت

كمليييييييييييييييييييييييييييييييي:ggdw::ggdw:​

 

[katkota76]

:ggdw:عااااااااااااااااااااشت:ggdw:


اول شي الصور مو طالعه
بس بعدين طلعت

كمليييييييييييييييييييييييييييييييي:ggdw::ggdw:​

مشكوووووووووووورة عالتشجيع غلاي

 

[قرنفله 99]

عليج بالعافيه أنا اول ما أشوف صورة الطيارة طايره يطير قلبي اعشق السفر وامنيتي اروح لندن الله يكتبها لي هالصيف ان شالله
كملي متابعينج:eh_s(9)::eh_s(9)::eh_s(9):

 

[katkota76]

تابع اليوم الاول

وصلنا لندن الساعة 5 ونص المغرب بتوقيت لندن
بس المطار كان زححححححححمة ما طلعنا من المطار الا فوق ال 8

وكنا متفقين مع سايق عربي ايي ياخذنا من المطار يودينا الفندق واهوا ارخص من التاكسي خذا علينا 60 باوند
وهذي الصورة بالطريج لي الفندق

سكنا بفندق هيلتون بارك لين

الفندق وايد حلو وهادي وجدامه الهايد بارك والغرفه حلوه ونظيفه بس حجمها شويه صغير
هذا اللوبي

يتبع ...​

 

[katkota76]

هذا الدور اللي غرفتنا فيه الدور العاشر

الممر اللي يودي لي الغرفة

هذي غرفتنا

يتبع اليوم الاول
وهذا الڤيو مال الغرفة باليل والنهار

​

 

[سعودية عسل]

كملي حبوبه متابعينك