يومياتي بالصور ولمده 3 اشهر متواصله حياكم ..

[شيخه***البنات]

السلام عليكم ورحمه الله وبركاته ..​

شلونكم شخباركم ياعضواتنا الكريمات ؟؟ ..​

ان شاء الله بخير .. ​

*
*
*​

هذا الموضوع ليومياتي بالصور ​

ان شاء الله اللي اقدر عليه بصوره ​

لمده 3 اشهر متواصله ..​

لاني جد لازم اضعف :eh_s(4): !!​

اول ماتزوجت وصل وزني 58 إلي 60 ..​

بعدها حملت شوي شوي وزني زاد ..​

لي ما طق العداد حده .. بعد الولاده ​

شوي شوي نزلت 15 تقريباً ..​

والحين أبي انزل 10 كيلو عالراحه ..​

لأن ودي في بيبي ثاني دعواتكم :eh_s(2): ..​

*
*
*​

الأهم من هذا كله أي وحده حابه تشجعني او ​

تبدى بدايه صحيحه بقولها حياها الله ..​

واللي تحبط و تخربط وكل يوم تقول ببدى ​

بقولها انتي OuT ومع السلامه انتو خواتي ​

وماراح استحي منكم :eh_s(9): ..​

*
*
*​

شروط هالتجمع لبدايه صحيحيه .. ​

- نبتعد عن الميزان لمده شهر نحذفه
بعيييييد عن عيوننا .. ​

- نبتعد شوي عن الزوارات اللي مالها اول و لا تالي
وبس نقعد وناكل .. ​

- نسوي رياضه خفيفه خفيفه لو 20 مره تمرين معده ..
أو تنظيف البيت أو أي شي المهم نتحرك ..​

- نشرب اعشاب << عندي خلطه اعشاب
بكتبها لكم بعد شوي ..​

- كل يوم نرطب جسمنا و نشرب كميه كبيره
من الماي ادري ماتشربون وايد المفروض
8 قلاصات بس مو مشكله عالاقل شربو
4 قلاصات قبل كل وجبه وقبل كل سناك .. ​

..​

هالتجمع مفتوح للكل و بأي وقت اللي ​

ودها تشترك و مستعده وقدها ​

تحط بياناتها..​

الاسم :
الوزن:
الرجيم:​

..​

والله يوفقكم ويوفقني و ان شاء الله ​

ننزل بصحه و عافيه ​

ادعولي و شجعوني :eh_s(9)::eh_s(15): ..​

 

[شيخه***البنات]

(1)

الاسم : شيخه***البنات ..
الوزن بالسبعينات بعد 3 اشهر اقولكم ..
الرجيم: رجيم 1400-1200 سعره حراريه باليوم ..
الاشياء المساعده : كريم الزنجبيل و الفلفل الاحمر + اعشاب +
مشي نص ساعه باليوم ان امكن + مساج 10 جلسات ..


..

البدايه من اليوم الموافق 14-2-2012

والميزان القادم بعد شهر بالضبط

تاريخ 14-3-2012 ان شاء الله ..

 

[مغرومة]

يالله بالتوفييييق انشالله
ويارب تضعفين وتوصلين للوزن اللي تبينه
ومتابعتج اكيييد
ووياج بعد
انا باديه من يوم اليمعه بس راح اكتب يومياتي معاج من اليوم انشالله

 

[شيخه***البنات]

خلطه الاعشاب من د. مصريه شفتها بيوتيوب ماذكر شسمها ..

بصراحه اقتنعت بكلامها و الخلطه سهله و لاتحتاج اي كلافه

وكل شي موجود بالبيت ..

مقادير الخلطه ..

قلاص ماي مغلي مو تغلين الاعشاب فيه لا بس حطي ماي

بالقلاص وحطي فوقه هالاعشاب و خليهم ينقعون وشربيهم

والله الطعم حلوو وعاااادي و مايلوع الجبد ..

وتحرق الدهون بشكل خيالي وتسد الشهيه ..

وتنزل شكل جسمج كأنج نازله 7 كيلو ..

مره ثانيه مقادير الخلطه .. ..

قلاص ماي مغلي + شريحتين ليمون + قفشه كمون مطحون+

نص قفشه زنجبيل مطحون+ربع قفشه دارسين مطحون ..

..

 

[مغرومة]

الوزن : ٧٧
وحلمي اصير ٦٥
طولي : ١٦٧
وياااااج ونوصل لي الرشاقه بصحه انشالله

بس وايد شهر عالميزاان ؟؟؟

 

[شيخه***البنات]

باكـ ..



الكريم اللي استخدمه كريم الزنجبيل و الفلفل الاحمر و فيتامين E ,,



مكتوب عليه ان لازم نحط كميه عالمكان ونسويله مساج لمده



5 دقايق ونحط منه مرتين باليوم بس انا راح احط مره وحده باليوم



يا بليل أو قبل المشي ..



توني اليوم اول مره اجربه ..



واااااايد حار بشكل مو طبيعي و احس منه فايده ان شاء الله مع المشي ..





وهذي صورته وسعره 10 دنانير ونص هذا الاصلي

و خذيت بعد صابونته بدينارو750 مع كل سبوح اتدلك فيها ..

ماصورت الصابونه .<< نسيت:ch12:









​

 

[شيخه***البنات]

مغرومه ..

حياج الله حبيبتي معاي و الله يوفقنا و ننزل بصحه و عافيه ..

صدقيني شهر عشان تلتزمين اكثر .. و انتي براحتج

انا ابي اشلع الميزان ماودي اقيس كلش لان كل ماخقيت شوي

طليت بالميزان و انا ماودي جذي ..

متى مابغيتي توزنين أوزني عالاقل اسبوعين ..

بالنسبه لي شهر ..

 

[مغرومة]

انا مرات افكر امشي على نظام السعرات بس مااعرف جم سعره بالاكل

 

[شيخه***البنات]

نظام السعرات احسن نطام في العالم

اي شي ماتعرفين سعراته كتبي بقوقل يطلع لج كل شي ...

شنو رجيمج اللي ماشيه عليه الحين !؟

 

[ريم خانم]

أنا معاك بإذن الله
الاسم:ريم
الوزن74,2
النظام تخفيف والابتعاد عن الحلى والمقالي ..
رياضه: مشي نصف ساعه ,,
شرب لترين ماء كل يوم وشاي اخضر بالزنجبيل .

 

[ام حمد 85]

الله يوفقكم ان شاء الله وتوصلون للوزن المثالي وانا معاكم انا بالنسبه لي ان شاء الله يوم الخميس راح اابلش اب وجباتيمع شركة كالوري كانترول وان شاء الله التزم واضعف يا رب

 

[شيخه***البنات]

ريم ..

حياج الله حبيبتي موفقه ان شاءالله ..


..


ام حمد ٨٥..

حياج الله ويانا وموفقه ان شاءالله ماعرفتينا على وزنج??!

 

[أسوار77]

سبحان الله كانك تقرأي افكاري كان خاطري ارجع افتح موضوعي يومياتي بالصور مسويه نيه بس الحين وياك
الاسم : أسوار77
الوزن : 92
الهدف : 50
الرجيم : التخفيف
الرياضه متنوعه بالنادي

 

[أسوار77]

قبل فتره استمريت تقريبا شهر متواصل اشرب ماي دافىء تقريبا في اليوم مااقل عن ثلاثه اكواب ولم رحت النادي زميلتي تقولي كرشتك كثير خفت عن اول وبالفعل اشوف على الكرشه كثير خفت بس توقفت عن شرب الماي والحين نأويه بإذن الله ارجع له مره ثانيه

 

[Ya7aLaTi]

السلام عليكم..


شيوووخ بعد عمري الله يرزقج ببيبي ثاني إن شاء الله :*


الإسم: Ya7aLaTi
الوزن: 65
الرجيم: مو رجيم معين.. بس قاعده أحاول آكل أكل صحي
الرياضه: نادي كل يوم

 

[رايهـ]

هلا والله بأحلى مشرفة بالعالــــــــــــم

معاج معاج

وزني 89
للأسف .............

يارب استمر معاكم ومع رجيم التمر واللبن

 

[شيخه***البنات]

سبحان الله كانك تقرأي افكاري كان خاطري ارجع افتح موضوعي يومياتي بالصور مسويه نيه بس الحين وياك
الاسم : أسوار77
الوزن : 92
الهدف : 50
الرجيم : التخفيف
الرياضه متنوعه بالنادي

انا اضبطج :rerrerek: ..

خليج وياي انشجع بعض :ggdw: ..

الله يوفقج وتضعفين بصحه و عافيه يارب ..

قبل فتره استمريت تقريبا شهر متواصل اشرب ماي دافىء تقريبا في اليوم مااقل عن ثلاثه اكواب ولم رحت النادي زميلتي تقولي كرشتك كثير خفت عن اول وبالفعل اشوف على الكرشه كثير خفت بس توقفت عن شرب الماي والحين نأويه بإذن الله ارجع له مره ثانيه

اي الماي واايد مفيييد ..

موفقه :ggdw: ..

 

[شيخه***البنات]

السلام عليكم..


شيوووخ بعد عمري الله يرزقج ببيبي ثاني إن شاء الله :*


الإسم: Ya7aLaTi
الوزن: 65
الرجيم: مو رجيم معين.. بس قاعده أحاول آكل أكل صحي
الرياضه: نادي كل يوم

آمييييييين يارب حبيبتي منووووي :ggdw: ..

الله يوفقج ان شاءالله توصلين حق هدفج :eh_s(15): ..

 

[شيخه***البنات]

هلا والله بأحلى مشرفة بالعالــــــــــــم

معاج معاج

وزني 89
للأسف .............

يارب استمر معاكم ومع رجيم التمر واللبن

هلا فيج حبيبتي حلت دنياج :** ..

من هاللحظه ابدي و عسى ربي يوفقج وتضعفين بصحه و عافيه

وتوصلين حق هدفج بإذن الله ..

 

[شيخه***البنات]

^^.. يوميـاتــي اليوم 14-2-2012..^^

على الريج الساعه 12ونص الظهر ..

خلطه الاعشاب ..

الغدا ..

صدر ديايه ربع خبزه ايرانيه+ شوية كجب+دايت ..



يتبع ..