الجزء الثاني: منتج الاسبوع المفضل ... مدمنات المكياج هذا الموضوع لكم حياكم الله

[Amy_88]

زهرة
من المانيا للاسف مو متوفر بالخليج

روتي
الله يعافيكي حبيبتي
​

 

[_zahra]

شكرا لج ايمي عالرد

 

[Sparkle]

روتي ميرسي ويعطيج العافيه ايمي بعرف اورينجز من وين ماخذته ؟

Origins ينباع
اب Boots بريطانيا


جيكي أفرع Boots كويت كأني شايفه البنات شارينه وحاطينه اب مواضيع مشترياتهم

 

[krkooora]

المنتج المفضل هالاسبوع

قلوس

NYX Burgundy Mega Shine Lipgloss

احط قبلة محدد عنابي من سمايلنق

وايد حلو و ثقيل مايروح

 

[om MaRyooM]

amy

نااايس

من وين سكرب الشفايف شكله خوش واحد لوول

 

[om MaRyooM]

انا عندي شغلتين هابة فيه وعاجبيني حييييييييييل حيل




باليت ويت ان وايلد على مدح سباركل

فديتج دايما اختياراج عجيبة مااندم لما اشتريها

الشغلة الثانية
ايلاينر القلم ماركة ESSENCE
من ايباي

خطته حللوة

 

[thenutybee]

المنتج المفضل هالاسبوع

قلوس

NYX Burgundy Mega Shine Lipgloss

احط قبلة محدد عنابي من سمايلنق

وايد حلو و ثقيل مايروح

كركورة اللون عجيب عليج بالعافية


ام مريوم اها انتي الحين قاعدة تازميني نفسيا لان ماودي اطلب شدوات وعيني زايغة علي wet and wild وحاطة wish list في مجال بعد كلامج يروح cart لوووووول

 

[Amy_88]

amy



نااايس



من وين سكرب الشفايف شكله خوش واحد لوول

ايه وريحتو تجنننننننننننننن

خذتو من www.feelunique.com


​

 

[om MaRyooM]

thenutybee

من صجج انتي @@
للحين ماحطيتيهم بالـ CART ؟؟؟ هههههه
طيراااان

والله بتستانسين منهم وااايد
الوانهم شي شي .. موخسارة فيهم
وسعرهم مغري






AMY

شكرا حياتي

 

[ليلة الزفة]

موووضوووع روعه روعه روعه


وانا اليوم خلصصته


بنات انا اتزهب وابغي اخذ مكياج وما ابغي آخذ شي اندم عليه ههههه


الصراحه انا ما اعرف حق سواالف البيس والبرايمر وهالسوالف


انا احط واقي الشمس مع نسبة كريم اساس واحط بودرة كلينك

استخدمت فاونديشين ميبيلين مع بودرتهم وماكس فاكتور ومع بودرهتم وماك ومافي شي دش مزاجي او اني تمييت عليه


ألحين اباكم اتساعدووني لأني ابغي استخدم اشيا وابقى عليها ع طول


انا من الامارات ابغي اعرف شو احسن الماركات اللي استخدمها


انا راح اقولكم شو اللي مسجله


الفاونديشن محطيه ف بالي كرولاين او غرلاين او كلينك او ديور


البودره كلينك باخذها ان شاء الله لاني احبها وطبيه وباخذ بعد بودره ثانيه شو تنصحوني جفنشي او كانيبو


فرش المكياج شفت فرش ديور كانوا 4 فرش بس بس ما اعرف كيف استخدامهم


والماسكرا ما استغنى عن ميبيلين لانها صج نافعتني


الاضاءه انتوا حق شو تستخدمونها بالضبطط؟؟ انا استخدم اضاءه ورديه تحت الحاجب بسس


مدحولي اضاءة ميك اب فور ايفر بسس انا ابغي واحد فـ أثنين يعني للحاجب وعظمة الخد ونحت الخدود يعني تضعف خدودي شوي


وبغيت بودرة او كريم اساس للجسم بخاااخ بنات بليز لاتقولون لي لمعه ابغي بخاخ كريم اساس مع لمعه ويكون رووعه


تاتو الحواجب باخذ من بودي شوب وميك اب فور ايفر


وعطوني اروااج ثابته وما تروح بسهووله


ادري وااايد اشيا كتبت بسس اعذوورني ابغي آخذ من خبرتكم

 

[om MaRyooM]

حبيبتي انا خبرتي وايد بسيطة بس اسمحيلي افيدج باللي جربتهم وبقولج شنو الافضل برايي
لأن وايد جربت ماركات وهذا اللي توصلتله :eh_s(22):

الفاونديشن محطيه ف بالي كرولاين او غرلاين او كلينك او ديور
الفانويشن اليومي اخذي هلثي مكس من برجواز .. وايد حلو ويعطيج نضارة
المناسبات غيرلان او ديور او ماك

البودره كلينك باخذها ان شاء الله لاني احبها وطبيه وباخذ بعد بودره ثانيه شو تنصحوني جفنشي او كانيبو

البودرة خلج على كلنك انا وايد حبيتها ، كافي انها ماتضر البشرة وطبية

فرش المكياج شفت فرش ديور كانوا 4 فرش بس بس ما اعرف كيف استخدامهم

الفرش شوفي الاخت SPARKLE موضوعها عن الفرش وايد بيفيدج
ماعندي خبرة فيهم صراحة لأنه يمكن استخدم بس 6 او 7 فرش

والماسكرا ما استغنى عن ميبيلين لانها صج نافعتني

مسكرا HR ومسكرا ISADORA اسمها FLASHY CURL عجيييييبة ولوريال كولاجين
لوتحطين هالاثنين مع بعض رموشج بيصيرون نفس الالعاب لوول

الاضاءه انتوا حق شو تستخدمونها بالضبطط؟؟ انا استخدم اضاءه ورديه تحت الحاجب بسس
تحت الحاجب .. عظمة الانف وعظمة الخد
انا اكتفي بشدو NYLON من ماك


مدحولي اضاءة ميك اب فور ايفر بسس انا ابغي واحد فـ أثنين يعني للحاجب وعظمة الخد ونحت الخدود يعني تضعف خدودي شوي

مممممادري

وبغيت بودرة او كريم اساس للجسم بخاااخ بنات بليز لاتقولون لي لمعه ابغي بخاخ كريم اساس مع لمعه ويكون رووعه
ايضا ماااادري

تاتو الحواجب باخذ من بودي شوب وميك اب فور ايفر

بدي شوب حلو .. وقلم من مكياجي عجيب

وعطوني اروااج ثابته وما تروح بسهووله
كلهم يروحون لوول :eh_s(4):

ادري وااايد اشيا كتبت بسس اعذوورني ابغي آخذ من خبرتكم

انشالله اكون افدتج ولو بالقليل

 

[انثى الكويت]

ليله الزفه

اقري الي بقوله لان بيجاوب عن كل شي

اعرف شعورج تبين كل شي حق جهازج واو فا بقولج الي اعرفه والله يوفقج حبي

البيس والبرايمر نفس المعنى
البيس فيه بلمعه ومن غير لمعه
بلمعه من غيرلان الابيض في كور داخله او الوردي من جفنجشي
واهو يعطي نضاره والاهم يثبت المكياج ماشي
ومن غير لمعه ميكب فور ايفر البنفسجي يوحد اللون ويعطي نضاره وهذا للصبح
اما اللمعه بسيطه ف حق بليل وطلعات بليل وزوارات اهل ريلج

انييه للعين بيس او برايمر اهو مثبت للشدو تحطينه على الجفن كله للحاجب وتحت العين صوب الرموش لثبيت الشدو
والي انا جربته اربن ديكاي وتوفيسد وبنفت ودياغو ديلااا هالماركات اخسن شي عندهم

واقي الشمس ضروري انا استخدم كذا نوع كريم اساس احب التغيير وانصحج كل يوم تحطين كريم اساس غير
الي حبيتهم ديور فور ايفر وغيرلان وميكب فور ايفر اتش دي وشانيل كل هذول فل كفر
تبين خفيف وحلو مالج الا بوبي براون
استخدم ماك الجل بس احس يحرق ويهي بس بتاكد منه

والامارات فيها كل شي لا تحاتين

بخصوص بودر كلينك ماجربتها
انا استخدم نوعين من البودر اللوس باودر المنثوره والي مضغوطه
اللوس باودر احبها اكثر فاستخدم مالت ماك وميكب فور ايفر الشفافه
والمضغوطه حبيت ٣ ديور فور ايفر وفي منها مدرج واخذي المدرج
وجربت ميكب فور ايفر اتش دي حلوه
ومالت ماركة بسام فتوح روووعه تغطيه كامله

الفرش سالفتهم سالفه دشي موضوع العضوه سباركل نكها بالازرق الفاتح
وراح تعرفين للفرش
اما افضل الانواع فاهيا سيجما وريل تكنيك
سيجما اذا ماكو عندكم بالامارات عندج العضوه الحلوه مس هارودز توصلها لج للامارات
وعندج فرش ماك بس انصحج بالفرش حق كل شي لان تخلي مكياجج نظيف ومرتب

المسكرا مبيلين ماجربتها جربت سموكي لاش من فور ايفر روووعه ومن اج ار الذهبيه حلوه ذهبي ساده
وجربت من ايسيدورا روووعه هالماركه جربت بيج بولد حلوه
ولازم تشترين مسكره لوريال كولاجين السوده رووووعه


الاضاءه لتحت الحاجب وعظمه الخد ماحب احط على خشمي جني رايحه عرس
انصح من تجربتي البرونز السائل من بسام فتوح تخلطينه مع كريم الاساس اذا تبينه خفيف
او بعد كريم الاساس اذا تبينه ثقيل
في اضاءه ميكب فور ايفر البيضه حلوه وايد وايد حق المكياج الناعم
واحب اضاءه ذهبيه لللوك البني والبرتقالي والاسود مرات

وفي اضاءه بلمعه ومطفي واخذي الاثنين في شي للصبح وحق بليل

بخصوص النحت او الكونتور مالج الا ميكب فور ايفر او عجله من كارولاين وانا استخدم عجله ٦ الوان جربيها وادعيلي

والكونتور له فرشه خاصه فيه اوكي عشان يضبط اذا كان بودر


كريم اساس لاجسم بخاخ ماعرف الي اعرفه ميكب فور ايفر عندهم للجسم اخذيه
وحطي عليه لمعه من بودي شوب البخاخ جنه عطر الوردي روووووعه وسالي مجرب

تاتو حواجب فور ايفر مجربته وايد حلو اما بودي شوب ما جربته

تبين حمره ثابته قبل لا تحطينها طبطبي على حلج ببودر اساس وبعدين حطيها تثبت معاج

الحمر الي انا مجربتهم وعندي منهم واااايد مو حبه وحده لا مكوده منهم
عندج اول ماركه انصح فيها دياغوووو ديلااا ثابته وحلوه
مااااااك رووعه
ميكب فور ايفر اخذي منهم
شانيل لا تاخذين الا حمرتين والله بتدعين لي
اخذي حمره ريشه مو قلوس لاااا حمره اللون الاحمر والوردي اهم مافي منهم الا ٦ الوان
نصيحه اخذيهم احمرهم مخملي راقي وايد
اخذي من بسام فتوح حمرتين الا وهم لوووول
حمره هيفا وحمره روز واخذي قلوساتهم روعه

من ديور اخذي فقط >>>>> رديت حق فقط لوووول
اخذي لون الطوبي بني على احمر وبس اهم الي يضبطون هاللون ويمشي مع البنيات


واذا تبين شدوات اخذي باليت نيكد واحد واثنين من اربن ديكاي واخذي باليتهم الي جنه شبكه
الوانه روعه غطاه جنه مرايه

واخذي شدوات من ماك و من ديور حبيتهم صراحه
ومن دياغوووو روعه


العطور انصحج من ديور
١- فور ايفر
٢- بويزن الحمره اليديده مدرجه بالاسود
٣- بيور بويزن البيضه

اخذي كوكو شانيل الوردي
واخذي الين البنفسجي
اخذي نرسيسو رودريغوس السووووده رووووووووعه دمار شامل قصف ارض جو لوووول

واخذي فلورا من جوتشي واخذي غوتشي البيضه في منها البنيه بس ثقيله وايد

وتبين عطر يدوخ اسم على مسمى عطر ستان من فكتوريا سيكرت غزشته صغيره في واحد عليه فيونكه سوده واحد وردي
انا خذيت الورديه رووووووووووعه

ولا تنسين العدسات والمرطب وامبولات النضاره او كريم نضاره



تعبت وانا اكتب ان شاء الله اكون ساعدتج وقولولي بعدين شخذيتي مو تنسين

لقافه بعرف لووووول

المرطب عندج كلينك او من استي لودر بالخيار لو من الجمعيه غارنيييه الاساسيات البنفسجي روعه واخذي الرول الكونسيلر
روعه والله


بسسسسسس اي سؤال ثاني بفلوس لووووول

 

[انثى الكويت]

امبيه وايد حجي لووووووول

 

[om MaRyooM]

انثى

لوووووووووول اي وايد حجي بس حلوة معلوماتج
ياللي مفلستنا خخخخ

 

[انثى الكويت]

لوووووووووووووووووووووووووووووول
والله انا مالي شغل قسما بالله كنت بحالي تذكرين دي تجمع الحمل ولا بعد الولاده جان اقول خل ادش قسم الميكب اب
مادري عنهم من زمان وجان اتشيش وقمت اشتري واحاول اصير محترفه وقمت افلس وريلي يزفني وامي تزفني وكل من يزفني لوووووووووووووووووول
واشوف لوت البنات ماشاء الله

قلت اشتري واخربكم نفس ما انختربت <<<<<<<<<<<< نذله لووووووووووول

والله روحي موضوع المشتريات بقولج سالفه الفرش

 

[انثى الكويت]

بنات سالفه الفرش سالفه جذبت يا ويلي من ربي
اول شي شفت فيديو حق وحده باليوتيوب احب ميكبها شفتها تستخدالريل تكنينك وباجر عندي عرس
ابيهم ضروري يعني مو بس جذي
دورت عرفت التاجره ان كوين تبيعهم سيده رساله خاصه ها في منهم قالت للعين باجي واحد وللويه في 2 قلت واحد جذي
وواحد جذاك لووووووووووووووول قالت لي ماكو حجزتهم وحده اتاكد منها واقولج اشوه كنستلت البنت لوووووووووول

الحين ماعندي فلوس لوووووووووووووووووول

اهني الطامه الكبرى

جان اقول حق بعلي تصدق كنت طالبه فرش من تاجره من شهر 1 وقالت بيولون اخر 2
ودقت علي وقالت يابتهم توهقت ماعندي فلوس وانا على بو بيل راتبي باخذهم قالي جم قلت له 35
قالي اووووووووووكي لووووووووووووووووووووووووول
عطاني 40 وقالي ردي 5 عشان لا تشترين حمره



شسوي ياربي قمنا نفلم شسوي يا بنات


صرت مدمنه رسمي بعد هالجذبه


عاد بقول رساله حق اختي الفضيله مو تروحين تقولين حق امي وريلي يا وييييييييييييييييلج لووووووووووووووووول

 

[_zahra]

منتجاتي المفضلة من جيفنشي بودرة مات بعد الفاونديشن او بعد البي

س او
البرايمر تعطي اضاءة واشراقة للويه


وقلم للحواجب بيعطي لوك طبيعي لان ماحب التاتو والاوفر لوك

وبيس روعه ما لقيته بصفحة المنتجات احيانا يغني عن الفاونديشن لانه فيه لون اسمه wake up skin base
وفيه حماية 15

 

[_zahra]

اذا صورة البيس مو باينة خبروني خل احاول انزلها من ثاني

 

[ليلة الزفة]

om maryoom

وو


أنثى الكويت


حيااااااااااااااااتي والله صج صج مشكوورين وما تقصروون


وخليتوني احتار شو آخذ وشوو اخلي


والصراحه انثى الكوييت شي واايد اشياا كنت ناستنهاا ونبهتيني عليهاا



بسس بصدددع راسسكم لأنه حيرتوني شووي


انثى الكوييت


انا سماريه مايله للحنطي يعني


علشان جي احسس آخذ البيسس والفاونديشن مايل للوردي احسن


يعني شو رايج آآخذ البيس من حفنشي


والفاونديشن باخذه من غيرلان بعد ياي على الوردي


واللوس باودر ابغي اعرف شو فايدته يعني هو نفس البودره ؟؟؟


بسس عطيني بودرة تغطيه كامله وما تعدم البششره وابغي بودرة مضغوطه يعني استخدمها مع الماي بشوو تنصحيني ؟؟


والنحت بسألج عنه يعني مال كرولاين العجله مب هذا الكونسيلر ؟؟؟



ادري اسأل واايد بس اعذريني



وان شاء الله لما بتشرى بصووور



فديتكم بناات والله احب اسألكم لأني ألقى صج تفاعل حلووو منكم

 

[$الاميررة$]

ههههههههههههههههه امبيه مت من الضحك انثى الحمدلله مو بس انا اللي اجذب بروحي بس سالفة ردي ال5 عشان ماتشترين حمره عجيييبه حرام تعقد الريال ههههههههههههههههههه​