طريقتي بعمل السالمون المشوي بالصوص جوسي وناطع

[ريمه الكويت]

​

​

تاخذين قطعه السالمون وتغسلينها بماي بارد عشان لاتتكسر ونشفيها وتبليها​

التتبيله ( عصير نص برتقاله+ قفشه وسط صويا حلوه+ قفشه عصير ليمون+ قفشه وسط خردل الي اهو ماسترده+ 3 ملاعق كبيره زيت زيتون+ رشه ثوم بودر ورشه ملح وفلفل اسود ورشه اشبنت مجفف)​

تخلينها بالتتبيله مابين ساعه الى ساعتين​

تشيلينها من التتبيله وترشينها زيت زيتون وشويه من التتبيله وتلفيها بقصدير من تحت وفوقها وتحطينها بصينيه فرن ثلث ساعه

http://up.3ros.net ​

بعد الثلث ساعه شيلي القصدير من فوق السالمون واخذي بقيه التتبيله وزيديها قفشتين كريمه حامضه ورشيها فوق السالمون ​

فتحي النار من فوق خليها تتحمر

​

http://up.3ros.net​

تقريبا تاخذ بعد عشر دقايق تتحمر ​

طلعيها من الفرن ورشيها رشه ملح وفلفل اسود واشبنت مجفف وزينيها بشرايح ليمون​

وتقدمينها مع الخضار سوتيه​

انا فحت البطاط والجزر وبعدها قليتها بشويه زبده وقلبيهم مع رشهم بالفلفل والملح​

اللحين الصوص​

قفشتين زيت تحطينه بمقله وتاخذين مكعب ماجي بنكهه الفطر( موجود بمركز سلطان واللولو هايبر وستي سنتر) ممكن تحطين الماجي العادي​

تقلبينه بالزيت لما يذوب​

تزهبين يمج قلاص ماي مذوبه فيه قفشه نشا وقفشه صغيره صويا+ ربع كوب كريمه كي دي دي​

تخلطينهم مع بعض وتصبينهم على المكعب الي بالزيت وتقلبين لما يبدي يثقل شوي سكري النار​

ممكن ترشين فلفل اسود او ليمون حسب الرغبه​

هالصوص ممكن ترشينه على السالمون والخضار السوتيه​

وومكن تقدمينه بروحه بطاسه صغيره يمهم للي يحبه رطب اكثر يرشه على الطبق​

وبالعافيه​

http://up.3ros.net

 

[أحلى همبه كويتية]

ما شاء الله
شكل الطبق وايد حلو

عليكم بالعافية ويسلم هالديات يارب

والف حمدا لله على سلامتكم
نورتي حبيبتي



اتصدقين ما جربت السلمون كلللللللش
اختي تقول حلو

​

 

[أحلى همبه كويتية]

ريوم
صورة الصوص اللي سويتيها مو مبينه بالصورة ؟؟؟

 

[ريمه الكويت]

ما شاء الله

شكل الطبق وايد حلو ​

عليكم بالعافية ويسلم هالديات يارب ​

والف حمدا لله على سلامتكم
نورتي حبيبتي ​

اتصدقين ما جربت السلمون كلللللللش
اختي تقول حلو​

يسلمج ياقلبي ومنوره فيكم:eh_s(7)::eh_s(7): انا مره جربته ني بالطياره التايلنديه او مدخن ناسيه بس ولدي طلبه بمطعم بدبي ومن يومها يحن سويلي الطبق راح شرالي قطعه وسويته له وايد روعه مافيه زفره

الصوص لوتلاحظين راشه شويه منه عالسوتيه وشويه فوق السالمون والباجي حظره الشغاله قطته بطت جبدي :rgewrg::rgewrg:
المهم الطبق روعه لايطوفج (

 

[ريمه الكويت]

ريوم
صورة الصوص اللي سويتيها مو مبينه بالصورة ؟؟؟

وي نسيت حطيت لج الرد فوق

 

[زعفرانة_73]

يم يمى عجيب تسلم ايدج​

 

[طيش سكر]

تسلم ايدددددج









يشهي والللله

 

[ايمانو حلوة]

يشووق
تسلم ايدينج ريووووم

 

[!! Ba6a 7lwa !!]

يعطيج العافيه

 

[جارة القمر]

ريمه الكويت




تسلم ايدج



وبالعافيييييييييييييييييييييييييية

 

[mngo67]

teslam el ayady rayoom

 

[Judy . abbot]

عوافي

شكله لذيذ

 

[أم عزيـز]

ماشاء الله شوقتيني شكله حده لذيذ وناااطع

تسلم ايدج حبيبتي

 

[زوجة عزيز]

يعطيج الف عافيه رروعه الصراحه

 

[قطوووة]

ياااسلام عليج عيني علييييييييج بااااااااردة

 

[ريمه الكويت]

يم يمى عجيب تسلم ايدج​

هلا وغلا

 

[ريمه الكويت]

تسلم ايدددددج









يشهي والللله

عيونج الحلوه

 

[ريمه الكويت]

يشووق
تسلم ايدينج ريووووم

1. تشتاق لج العافيه
   

 

[ريمه الكويت]

يعطيج العافيه

 

[ريمه الكويت]

ريمه الكويت




تسلم ايدج



وبالعافيييييييييييييييييييييييييية

هلا والله الله يعافيج