خبر عاجل.....زياده الرواتب [تم تجميع المواضيع المتشابهه]

[فرحه بلادي]

الله يسمع منج ...والو انه بعيد ...

بس يالله نصبر وانشووف

 

[أوكسجين]

اي اليوم سمعت عن ال 200
بس المنحه ال 300 ماسمعت

 

[emynice]

بصراحة انا اقول شنو فايدة هالزياة والاسعار طاقه فوووق ... يعني ماستفدنا شي من هالزياده والله

 

[MyLittleBerry]

منو قال ؟؟؟

يالله الروزرايز سافطه عند البيت باجر

ههههههههههههههههههههه

 

[أم مشموش]

الله كريم انشالله مافي شي بعيد عن الله والله يبشرج بالخير

 

[جروح تبتسم]

الله يسمع منج

بس الخبر طالع من ديوانيه

نبي بالجرايد

 

[OmRashed]

الله يسمع منج ان شالله

 

[нάγoηά cнεмίsтяγ]

الحمدلله ....

 

[أمواج البحر]

بسنا فلوووس يا حسين ... بسنا فلوووس يا حسين :dddds:

الله كريم وان شاء الله خير

 

[Oceans princess]

الديوانية اللي عروقها بالماي سمعت الخبر تاااااااااااااااااازة من مجلس الوزراء بقراره اللي اتخذه اليوم وراح يُعلن يوم الخميس .....

قصب الشكر ..... أقصد قصب السكر .... مشكوووووووورة على الشرح بالضبط هذا اللي أقصده ....

300 دينار منحة تًمنح لمرة واحدة بمناسبة ... والله ما أدري يمكن الأعياد الوطنية

و200 دينار كويتي شهريا مع المعاااش حلالاً زلالا على الكويتيين ... الكويتييييين :dddds: لكل الفئات من الموظفين مهما كانت معاشاتهم وكذلك للمتقاعدين والمساعدات الإجتماعية يمكن .... مو متأكدة

 

[كويتية ميه ميه]

دقيت على ريلي و قلت له يقوول يا ريت

ادعوا بنات

 

[softlady]

ان شاء الله خير



بعد قلبـ قلبكمـ

مع تحياتيـ SOFTLADY



.

 

[أمووونه]

الله يسمع منج
انشالله
ومابقى شي بدا العد التنازلي للخبر باقي 6 ايام ونعرف الحقيقة وآخر شي الزياده 50 = هههههههههههه

 

[مرت ريلي]

انشالله صج ولج البشارة
خل نحس ان احنا غاليين
على اهلنا شوي وخل
يدلوننا شوي نستاهل

 

[الكادي 1981]

أمييرنا كريم واحنا نستاهل

 

[م فطومه]

المنحة 200 بس الزيادة لين الحين ماقررو

 

[^حلاوه^]

الله يبشرج بالخير
<<
<<<
<<<<
صج خوش خبر

 

[Oceans princess]

أقول بناااااات .... إذا صح الخبرية .... وطلع صج ..... وخذينا المقسووووم لا تنسوني مو تقولووووووووووون ..... فيه مثل كويتي يقوول راعي النصيفة سااااااااالم .... آناااا ما بي النصييييفة .... 5% بالمية واااااااااايد زينين .... :dddds:

وهم راح أصييييييير طماعة .... وأبي منكم تدعون لي بالصحة والعافية والزوج الصالح .... :ggdw:

 

[برميتا]

للأسف إن تفكيرنا سطحي ومحدووود
محد يفكر بمصلحة الكويت العامة

المفروض بدال هالطرارة نطالب بأشياء أكبر وأحسن
مثل ضبط الأسعار وحل مشكلة السكن والإيجارات الغالية
ونطالب بمستشفيات سنعة ونظام تعليم نفس الأوادم
وتحويل الكويت لدولة سياحية ..

المفروض طموحنا يصير أكبر من زيادات ومنح

 

[*سكون*]

هههههههه الله كريم .. واللي بالجدر يطلعه الملاس