سوالف طلبات النت (( مكياج و أغراض تنظيم المكياج ))

[مراوي22]

ضماي إنت

لالالا كلش مب ثابت يعني ثباته كثبات أي حمره عاديه ماعليج من الشلخ والكلام إلي في النت يقولون تثبت طول اليوم ماعدا الالوان الغامجه إي تبقع يعني لو حطيتيها على يدج تبقع بس الفواتح لا يطيرون ويا الاكل

وحتى إلي في النت يقولون تحتاجين نقطه حق كامل الشفايف بعد لا بعض الالوان تحتاج أكثر يعني في فرق بس إلي حبيته فيهم ماينشفون الشفايف وملمسهم مايضايق تحسينهم سموووووووووووووث :rerrerek:

ترا مالين سليك يمدحونهم وايد وأرخص والتيوب أحسن ماله العصاره من فوق ضعيف تقدرين تتحكمين فيه أكثر ويقولون إنه نوعيته أحسن من اللب تار بس عيبهم مالهم درجات وايد أتوقع بس 16 درجه لكن اللب تار 36 درجه

واللون المشمشي روعه وبعد في لون لحمي على وردي بعد عجيب بس آنه مقفله بوزي وعيوني عنهم

 

[{ سحر الوَرد *]

شوشو الدلوعة

افا عليج ماسويت شي احنا هني نعين ونعاون

لا تنسين إذا طلبتي شي تصورينه لنا

اي ماركة سليك صاير وايد عليها طلب الحين لان منتجاتها كوالتي ورخيييصة

حتى تشوفين من ينزلون شي يطير اوت اوف ستوك

ضماي انت

اي صج سيرفسهم عجيييب..

بطلب شي ثاني اوردي ربعي في الدوام بسوي لهم اوردر ميكب

فبختار لي شي بدل البودر

بسالج.. قط عطوج رفند؟ ولا كله تبدلين؟

شكثر ياخذ او يطرشون ايميل شي؟

انا اللي كلمتها سالتها قالتلي اغلب الظن بيوصلج كونفرم

بس ماوصلني شي <<< أكيد بياخذ له جم يوم على الاقل

***
مرواي

خخخخخ عجبتني من اللعام

بس يالله زين صبرتي ووصلوج في الاخير

على فكرة انتي خوفتيني شوي ><

انا طالبة 3 طلبيات من ايباي و2 منهم طرشوهم على USPS

وياهم Tracking

بس من اجيك يطلع

Electronic Info Received

وبس ما يصير ابديت :/

الثالثة بدون تراكنغ.. بس اتوقع نفس الشركة

الله يستر >< بس السيلر كلهم ريتهم عالي

اذا تأخروا وااايد بكلمهم

الحين تقريبا صارلهم اسبوعين

وحدة من تاريخ 9

والثانية من تاريخ 13

والثالثة اللي بدون تراكنغ من تاريخ 12

وبلاشرات سليك أمس صاروا شيبنغ

للحين توه الناس عليهم

وأما تاتو مايبلين دراغ ستور جنهم مصخوها؟

أوردي من تاريخ 10

وللحين Proccessing

we're working on you February 10th Order

واللي قاهرني انه انا طالبة 8 ألوان

حاليا 6 منهم ان ستوك والـ 2 الباجين بيوصلون في اسبوع - اسبوعين

ولا الحين عليهم 20% سيل :|

تدرون شكلي بكنسل الاوردر.. وبسوي اوردر يديد فيه الـ 6 الوان الموجودة ان ستوك

ولين يابوا اللونين الباجين اطلبهم ويا اوردر ثاني

شرايكم؟
​

 

[ضماي انت]

مراوي
باخذ واحد بجربه بشوفه يسوى او لا وباخذ مرطب شفايف واحد قالوا انه بيغمنتد وايد
بدل لابيلووووووووو اللي طايحه فيه

سحر الورد
ماياخذ وقت وايد يعني انا لما اشتري شغله يحسبونها لي بجيمة اللي كانت مكسوره او ساعات آخذ شي اغلى من سعر الروج المكسور ويسحبون الباقي من فيزتي مع الشحن وبعدين يرجعون لي جيمة الشحن على فيزتي
طبعا بيكون اوردر بروحه واذا بطلب شي ثاني بيكون باوردر بروحه برقم يديد وتاكس وشيبنغ كوست يديد

 

[مراوي22]

شوشو الدلوعة

افا عليج ماسويت شي احنا هني نعين ونعاون

لا تنسين إذا طلبتي شي تصورينه لنا

اي ماركة سليك صاير وايد عليها طلب الحين لان منتجاتها كوالتي ورخيييصة

حتى تشوفين من ينزلون شي يطير اوت اوف ستوك

ضماي انت

اي صج سيرفسهم عجيييب..

بطلب شي ثاني اوردي ربعي في الدوام بسوي لهم اوردر ميكب

فبختار لي شي بدل البودر

بسالج.. قط عطوج رفند؟ ولا كله تبدلين؟

تذكرين يوم الدرج ستور يرجعون لي ريفند خذ له two working days نطري بعد جمن يوم

شكثر ياخذ او يطرشون ايميل شي؟

طرشولي إيميل إنه المبلغ تحول

انا اللي كلمتها سالتها قالتلي اغلب الظن بيوصلج كونفرم

بس ماوصلني شي <<< أكيد بياخذ له جم يوم على الاقل

***
مرواي

خخخخخ عجبتني من اللعام

بس يالله زين صبرتي ووصلوج في الاخير

على فكرة انتي خوفتيني شوي ><

انا طالبة 3 طلبيات من ايباي و2 منهم طرشوهم على USPS

وياهم Tracking

بس من اجيك يطلع

Electronic Info Received

وبس ما يصير ابديت :/

إيييييييييييه موقعهم مايسوي أبديت كلش يعني أول يومين يكتبون طلعت من إهني وصلت إهني وبعدين خلاص طووووووووط ينقطع الارسال كنت أدخل كل يوم وعندي أمل ولا في الخيارات حطيت إنه يوصلني إيميل إذا الشحنه تحركت أبد عمج أصمخ إنتي دشي النت وجوفي العالم إشلون تسب فيهم كلمت أجنبيه تقولي آنه إلي من نفس الديره أكلمهم ماحصل خط ولين ردو بعد عناء يصكون الخط بويهي تخيلي من جذي الشركه خسرانه تعاملهم كلش جيب

وترا حاسبي آنه قريت وايد يقولون إنهم يقطون الشحنه ويمشون وفعلاً صار معاي جذي قطو لب تاري يم الباب وراحو حتى ماكلفو روحهم يطقون الباب

الحين إلي أبي أعرفه وين فرعهم عندنه :eh_s(10): ليحين فيني حره عليهم كله أتخيل لو ضايعين أو صادهم شي المفروض يحافظون أكثر من جذي :bbbiu:

بس دام إنتي تتعاملين مع السيلر غير يقدر أهو يتواصل معاهم وأغلب السيلر يعرفون شركات الشحن والمعامه معاهم تكون غير

الثالثة بدون تراكنغ.. بس اتوقع نفس الشركة

الله يستر >< بس السيلر كلهم ريتهم عالي

اذا تأخروا وااايد بكلمهم

تكلمين من إنسي يردون عليج لا بإيميل ولاتلفون تابعي مع السلر

الحين تقريبا صارلهم اسبوعين

وحدة من تاريخ 9

والثانية من تاريخ 13

والثالثة اللي بدون تراكنغ من تاريخ 12

وبلاشرات سليك أمس صاروا شيبنغ

للحين توه الناس عليهم

وأما تاتو مايبلين دراغ ستور جنهم مصخوها؟

أوردي من تاريخ 10

وللحين Proccessing

we're working on you February 10th Order

واللي قاهرني انه انا طالبة 8 ألوان

حاليا 6 منهم ان ستوك والـ 2 الباجين بيوصلون في اسبوع - اسبوعين

ولا الحين عليهم 20% سيل :|

تدرون شكلي بكنسل الاوردر.. وبسوي اوردر يديد فيه الـ 6 الوان الموجودة ان ستوك

ولين يابوا اللونين الباجين اطلبهم ويا اوردر ثاني

شرايكم؟
​

توني داشه موقع سليك بطلب حق أختي وصديقتي طلبت 8 باليتات شدو وصار خاطري في البلشر التريو بس ترددت مادري ليش الالوان في الموقع تخرع تبين غامجه إنتي شنو خذتي؟

ماطلبت بس جفت السعر حق أشحن بطاقتي تقيلو 8 باليتات شدو بـ 35 دينار ويا الشحن يابلاش

آنه أقول نطري ليما يصيرون بالستوك طلبيهم كلهم يميع آنه لاعت جبدي وآنه أنطر باليت ناجورال إنتو إلي تجوفون عليه طلب كثرو من الكميه من زمان أوت أوف ستوك وإختي كل يوم تحن تقولي جيكي يابو منه أو لا آخرتها بعطيها مالي عن الحنه :bbbiu:

 

[مراوي22]

مراوي
باخذ واحد بجربه بشوفه يسوى او لا وباخذ مرطب شفايف واحد قالوا انه بيغمنتد وايد
بدل لابيلووووووووو اللي طايحه فيه

إخذي فره على قلوساتهم عندهم قلوسات ثابته وألوانهم حلوه :rerrerek:

ماشاء الله عليج تقدرين تتصبرين وتطلبين بس واحد آنه لو ماخميت الموجود ما أرتاح وبعدين لين طلع مب زين أتحجج وأطلع أعذار :krkrkr:

 

[ضماي انت]

مراوي
باخذ واحد بجربه بشوفه يسوى او لا وباخذ مرطب شفايف واحد قالوا انه بيغمنتد وايد
بدل لابيلووووووووو اللي طايحه فيه

إخذي فره على قلوساتهم عندهم قلوسات ثابته وألوانهم حلوه :rerrerek:

ماشاء الله عليج تقدرين تتصبرين وتطلبين بس واحد آنه لو ماخميت الموجود ما أرتاح وبعدين لين طلع مب زين أتحجج وأطلع أعذار :krkrkr:

اممممممم الله ايسلمج لاني محاسبه
لازم احقق علاقه win win relation
مايصير انا ادفع واخسر واهم يربحون من وراي
بس لو طلع واحد مو اوك اقدر اشحته بس لو زادوا بيضيع وقتي وانا ادور له ناس للتشحت
وماحب اربح ناس على حسابي
بنات بوريكم ارواج زووووووووغه ايننون بس عقب بجهز روحي حق الفاتح ان شاءالله :eh_s(7):

 

[شوشو الدلووعة]

هلوو مراوي

حبيبتي بسالج عن الطلب من موقع سليك يبي البوست كود يعني شنو وشنو لازم احط احس نفسي ضعت واللي يعافيج علميني

 

[شوشو الدلووعة]

سحر الورد

ان شاء الله حبوبه ومشكورة مرة ثانيه

 

[شوشو الدلووعة]

وحباااايبي اخر سؤؤؤاااال بس لا تطقوووني

اذا طلبت من موقع سليك دااايركت البحرين بعنواااني يوصلونه للبيت ولا شلوووون

سووووري بس والله ما اعرف شي في سوااالف الطلب من النت واستفدت من هالموضوووع وااايد

 

[{ سحر الوَرد *]

وحباااايبي اخر سؤؤؤاااال بس لا تطقوووني

اذا طلبت من موقع سليك دااايركت البحرين بعنواااني يوصلونه للبيت ولا شلوووون

سووووري بس والله ما اعرف شي في سوااالف الطلب من النت واستفدت من هالموضوووع وااايد

ههههههه لا عادي حبوبة اخذي راحتج
اي يوصلونهم للبيت او في بعض الحالات يكلمونج عشان تروحين لهم
​

 

[JvvvC]

سحر الورد
انا امس دشيت دراج ستور ولقيت ان مسويين تخفيض على ميبيلين كلر تاتوو
و بمان ان طلبي من تاريخ ١١ للحين ما انشحن ولا حتى سبحب المبلغ من الفيزا
قمت و كنسلت الاوردر
وسويت اوردر يديد
طلبت فيه٣ الالوان المتوفره
الابيض و الاخضر و البرتقالي
وترا البرتقالي اذا خلطتي وياه كونسيلر بيصير كوريكتر
و هم بعد البرتقالي وايد حلو مع البنيات خصوصا لسموكي
ولان بعد ماعندي هالون من ماك

و لما ايكونون ان ستوك برد اطلب باجي الالوان الناقصتني اوردر ثاني
جذيه كسبت التخفيض و كسبت سرعه بالشحن و سحب المبلغ من الفيزا على طول

 

[شوشو الدلووعة]

هلوووو بنوتااااات

سحر الورد مشكووورة حبوبة عالمعلوماااات

آنه توني سويت اووووردر من الموقع بس المصيبه مو اهني اول مرة ما قبل وقال ان الطلب رجيكتد وثاني مرة قبل وقالو ان الطلب اوكي بس القهر انه وصل ابوي مسجين انهم قصو من البطاقة مرتين شلووووون ؟؟؟

اهو ما في الا اوردر واحد موجود بالموقع تتوقعون الفلوس تروح علينا يعني ؟؟؟

انزين ونراسل منو لو صج سحبو مرتين من البطاقه ؟؟؟؟

اتكدررررت والله معني كنت فرحاااانه بالاوردر

 

[shawa5]

مـرآوي ثـآنكس يَ قلبي مآقصـرررتي

 

[جيكره(و)تتغلى25]

وااااااااااااااااااي المشكله مااعرف اطلب وكل يوم اتابعكم وبحسره خخخخخخخخ



بالعافيه

 

[lalala]

جزاكم الله خير.. جميعا :eh_s(17):

 

[JvvvC]

انشحن طلبي من دراج ستور
و البرونز صار متوفررر

طلبت الكريم شادو مال لوريال L'Oreal Infallible Eyeshadow, Perpetual Purple ، يشابه ملوت شانيل و ارماني
اذا عجبني بخمط باجي الالوان

 

[JvvvC]

باجي الالوان

الكحلي دخل مزاجي

الي على اليسار يشابه التيوب مال كلر تاتوو الي اكثر لون عليه طلب و مو متوفر بدراج ستور

 

[مراوي22]

هلوو مراوي

حبيبتي بسالج عن الطلب من موقع سليك يبي البوست كود يعني شنو وشنو لازم احط احس نفسي ضعت واللي يعافيج علميني

حطي 00973 أو حطي أي رقم الصراحه ماتفرق آنه أحط فتح الخط

أهم شي عنوان البيت يكون كامل وواضح ولمن توصل البحرين إهني بيعرفون العنوان ومابيحتاجون يرجعون للبوست كود أتوقع ذي حق البلدان الكبيره كل منطقه لها رقم بس إحنه ماعندنه

وحباااايبي اخر سؤؤؤاااال بس لا تطقوووني

اذا طلبت من موقع سليك دااايركت البحرين بعنواااني يوصلونه للبيت ولا شلوووون

سووووري بس والله ما اعرف شي في سوااالف الطلب من النت واستفدت من هالموضوووع وااايد

إي ويطقون الباب بعد :krkrkr:

معاملتهم ممتازه ويهتمون وايد حتى ياخذون إسم المستلم مب نفس بعض الشركات :eh_s(14): الحجي لج ياجاره

بس إنتبهي لشغله لين طلبتي من الموقع إنتبهي لنهاية الصفحه إقري كلشي لأنه ساعات يخلونج تختارين هديتج المره إلي طافت ماحطيت بالي وراحت على الهديه أمس يوم أجيك على طلبيتي إلا أجوف حاطين لي 5 هدايا أختار بينهم

 

[مراوي22]

شوشو الدلوعه

إذا إنسحب مرتين معناته الطلب الاول مشوه لج وما إنرفض مثل ماقلتي وقمتي طلبتي مره ثانيه أكيد بينحسب عليج لأنه بيصير أوردر ثاني

بس إشلون جذي إذا مثل ماتقولين إنه الطلب الاولي إنرفض

ماعرف إشلون أساعدج بس حاولي تراسلينهم إن شاء الله يرجعون لج المبلغ قبل لايرسلن الشحنه


JVVVC

تصدقين أمس أجوف اليوتيوب وحده إسمها برزباز يمكن تعرفينها كانت تتكلم عن شدو لوريال عجبني وايد بس حاولت إني ماحطه ببالي وكريم شدو من ميبيلين خاطري في وايد ألوان بس حسافه إذا مب موجودين في الدرج ستور :eh_s(4):

 

[Dloool_q8]

انشحن طلبي من دراج ستور
و البرونز صار متوفررر

طلبت الكريم شادو مال لوريال L'Oreal Infallible Eyeshadow, Perpetual Purple ، يشابه ملوت شانيل و ارماني
اذا عجبني بخمط باجي الالوان

انا طالبتهم كلهم وصلولي 4 والباجي بالطريج اهو مو شدو كريمي او بودر صاير بس مضغوط

ترا انا متابعه بصمت لاني مبدعه بالطلبيات واخاف اشيش زود:krkrkr: