شاتات صوتية

[خلوقة]

:eh_s(7)::eh_s(7):السلام عليكم000منذووو البداية كنت اعرف ان اللي تقدم لخطبتي مدمن شاتات صوتية بس قلت يمكن يتغير بعد الزواج ولكن للأسف دخلت عليه مره وهو فاتح صفحة شااات صوتي وزاعلتة وسبيته وطنشني اسبوووع حسيته مستانس اننا متزاعلين بعدها راضاني وجاب لي هدية وحلف لي انه مايدخل شات وانا شفته ومتأكدة بس سويت نفسي صدقته
المهم انه كل ليلة يروح يسهر عالشات يحسبني مو دارية مستغفلني يقول اسمع شعر واسولف مع اخوياي مسن
مشكلتي انه اذا صحى من النوم يكون معصب ونتهاوش واتذكر مساوئه وانه حق نت واسبه لدرجة انه مد يده علي بعدها يتحسف ويقول لاتكلميني وانا توي قاعد من النوم واسامحه
ف ابي ارائكم ياأخواتي العزيزات
ترى شي يجرح انووه تكتشفين ان زوجك مهملك ورجع لماضيه
يمكن اكوون مشتته ومو عارفة وش اكتب بس اتمنى نقلت لكم الصورة وفهمتوا علي0000وشكرا مقدما

 

[آنيقـة]

أمممممم والله مدري شقولج

كلمية وقوليلة مايصير ان نصص وقتكك شات

وقوليلة لا تنسي انك متزوج وانك مسؤل عن بيتكك

والله يفرجها عليج

 

[Winter Q8]

دوري لج هواية مشتركة معاه تنسيه الشات .. شوفي اهتماماته و شاركيه فيه ..
يعني انا مرات اطالع مع ريلي مصارعه و اسوي روحي فاهمة ..

 

[لمى الهاجري]

كلميه صوت بالمسن شاركيه

 

[خلوقة]

:eh_s(17):امم0000 مشكورات بنات

 

[Gifts&Occaions]

الله يعينج

 

[ام العامر]

الله يعينك

 

[خلوقة]

كلميه صوت بالمسن شاركيه

دخلت الشات الصوتي اللي هو فيه طبعا مايدري انه انا ويولكمني ويقول يالبى العربان ويقولي اطلعي ع المايك سمعينا صووتك مايدري اني زووجته 000ولاحظت شي00 واضح علاقته قووية مع البنات اللي بالرووم00 اووف انقهرت وطلعت حسيته غرريب عني :eh_s(2):

 

[خلوقة]

:eh_s(17):شكراا

 

[ابدا يالغالي مانساك]

شوفي زوجي كاان شنو مدمن نت وشاااتات يدش فيها مرات صحيح مرات اتذمر عليه بس خليته وعرفت شلون انسيه النت للوحده الذكيه اللي فينا هي تعرف شلون تكسب زوجها مو تخليه ينفر ويمل فأنتي عيشي حياتك ولهي نفسج وهذي فتره يمر فيها كل الشباب فأنتي حاولي ماتحتين وماتزعلين لان جذيه هو بيعاند ومراح يترك هالشي

 

[الريمـ اللعوبـ]

انتي لازم تحببينه بالقعده معااااج يعني سويله اجواء تنسيه الشات
قوليله بسهر معاااااك اليوم وسوي جو وشموع وحركاااات
واليوم اللي وراه تعشوا برا غيري روتين حياتج
دام انه رجع للسوالف هذي معناته حاااس بنقص وانتي مقصره في بعض النواحي

حاولي تجددين باسلوبج يعني النوعيه هذي يحبوووون الكلام اكثر من الفعل خليج رومانسيه بالليل
وخليج الصبح فرفووووشه والعصر سوي قهوه وحطي هالحلووو صدقيني بيتغير

الله يهديه لج

بس السؤال اللي محيرني
هل للحين في شاااات صوتي؟؟؟؟؟

 

[ديانا سبنسر]

الله يعينج

 

[fan fojy]

الله يعينج ويسخره لج

 

[[[ عيون جابر ]]]

الله يهديه انشالله

 

[خلوقة]

مشكورات اخوواتي

 

[خلوقة]

والله لابنت النور ولا بنت الظلمة 00 انا اتكلم عن معاناة اعيشها ووما أقدر اني اعرف ان زووجي يدخل عشان يسولف مع بنات وارتاح00اساسا احسه يعرفهم قبلي واكثر مني بعد00بس الشكوى لله وش اسوي ان سكت انجرحت وان حكيت انفضحت
ودي اقول له ترى كاشفتك وانا فلانة اللي سولفت معك بالروم بس اخشى العواقب000

 

[popa]

لو مكانج اخذ الاب توب واحذفه من الدريشه بيزفني خل يزفني
(بس اهم شي تاكدي مافي انسان تحت دريشتج)

 

[غنج اهلها]

هالشاتات بلاء

 

[قمرية الفيس]

يامعودة لاتدققين ولاتخلين الرجال بس تبينه جنه الجاهل يسمع كلامج بشنو تبين خليه لين يمل انت عليج تسلينه وتلهينه عن الشات اما اتصارخين وتزعلين صدقيني هذي تجيبلج نتايج سلبيه لج

 

[Patcholli]

قعدي معاه وسهري معاه وكل مايقعد عالجات سوي قهوه وييب شوية حلو وكاكاو وسمعي معاه ..!!