النــــــــــسخه الجـــــــــــــديده حيــــــــــــاكم كــــــــــلكم اهنيه

[دلع العتبان]

هلا وغلا ..
شخبارج أختي؟ ان شاالله بصحه وسلامه..

اللهم اجعله خير ..

حلمت ان وصلني خبر عن الشخص اللي يسحرني دايما وأبوه (للعلم ابوه بعده شراته) ان جاهم مرض السرطان وماعرف كيف
كان احساسي فرح على خوف وكنت أبي أبين للكل ان هالشي من دعائي .. ورحت بيتنا (القديم) شفت امي ماسكه كتاب أدعيه
( موجود عندي بالواقع) وابويه يكلمها واقولهم انا أدعي من هالكتاب ألمح لهم عشان يعرفون ان مرضهم مني وكان فالغرفه
الله يعزج حفاظة الدوره عالارض بس كان ناشف مايبين دم بقعه بس وكانت لي ..وبعدها رجعت بيت جدي واقول لخالتي لا تقولولهم العلاج
قالت ليش وانا عصبت قلتلها انا تعذبت ومحد داري عني بعدها شفت بنت خالتي الصغيره اسمها عاشه تقولي رجلها تعورها وبعدين
قالولها سرطان و كنا فالمطبخ تفتح الثلاجه أقولها هذا من حسد فلانه نسيت منو .. انتهى ..

الله يوفقج يالغاليه ويسر لج كل أمر..

الله اعلم حياتي انه هالناس الله بيجازيهم قريب السرطان اما عين بيصكهم او هم كبير والله اعلم الدم زوال السحر منج باذن الله وعايشه حياه جديده لج ان شاء الله والله اعلم وادرى ربي يشفيج ويوفقج حياتي

السلام عليكم

حلمت اني مركبه رموش وكانو طوال وحلوين بس بعدين قلت بشيلهم لانه شكله مو طبيعي مو ذاكره الحلم بالضبط بس هذا الي اتذكره شنو معناته ؟

شبهات واقعه فيها بعدين تطلعين منها يعني ذنب انتي عبالج موذنب بس راح تعرفين بعدين انه شبهه او حرام والله اعلم وادرى ربي يوفقج

السلام عليكم

بيناتي
عمري 17 وطالبة وعزباء وحالتي الدينية الحمدلله ​

الحلم الاول
حلمت ان امي اولادت تؤام بنات وشفت الدم وكنت حيل خايفة
بعدها البنين اكبروا اضن سمتهم رنا ورنيم
وكانو مش حلوات شكلهم غريب وسمر
همين والله اعلم وادرى ربي يرفع عنكم

​

الحلم 2
حلمت اني حاطة مكياج ومسوين شعري وصابغينة بلون وردي خصل ولابست فستاني الاسود عندي في الصج وفيه فتحة علي جنب بس بالحلم الفتحة حيييييل طووويلة وجني اقول قصروها حق الخياط بس​

الله اعلم زواجج حياتي والثوب الاسود منكم فيكم هالرجال فتحته كبيره فيه عيب بس بيتصلح برجال والمكياج زواج بعد والله اعلم

يعطيكم العافية

هذا حلم بنت اختي عمرها 14 سنة هذا الحلم صارله سنة يتكرر عليهاا

تحلم انها تدخن و جدتها ( ام امها ) تقول لها روحي دخني بعيد عن اخوانك

المشكلة انها يوم تقعد من النوم تحس انه قعلا تدخن و تشم ريحة الدخااان

اما انه فيه احد حواليها يدخن فيدش بالحلم والله اعلم
او عندها ذنوب خل تراجع نفسها وتتوب والله اعلم وادرى

السلام
اتمنى تفسرين حلمي جزاج الله كل خير
الاول حلمت اني واقفه بحوش بيتنا واشوف شهاب بالسما


عطيه هالحلم لشيخ والله اعلم وادرى


الثاني تحلمت انه عيد وناس قاعدين على رصيف بيت كبير وفخم حيل حلو وكانو يقصدون قصايد بدويه وكانت جدتي ام ابوي قاعده على جمل > بعير< وكانت اتعلمنا اشلون نركب عليه وكانو الناس الي قاعدين على الرصيف يصفقون ويغنون وكانو اغلبهم شياب واطفال


العيد مناسبه والجمل زوج لكم والجده حظطكم والله اعلم وادرى


الثالث: هذا الحلم احلمت فيه مرت اخوي فيني اني راكبه سياره جيب وسوق فيها وانا مستانسه

الحاله: عمري 16
والدين : الحمد لله بس ااخر بصلاتي اشوي

الجيب زوج لج والله اعلم وادرى ربي يوفقج

السلام اشلونج دلع شخبارج و بغيت اسال عن مفسره شخبارها ان شاء الله احسن

تمام ان شاء الله حياتي سالت عليج العافيه ماقصرتي



و ثاني شي
انا حلمت احلام غريبه بس مو مذكره كل شي
الي متذكرته بالحلم اني شفت ناس يدخلون غرفه و بعدين سكرت الباب قفلته عليهم
و شفت نفسي مع بنات خالتي ثلاثهمنهم. و كنت لابسه نفنوف حلو و مستانسه ملاحظه انا كل مره بالحلم اتكون ملابسي عاديه
و كانت الوانه حلوه بس مو متذكره
و ثاني شي كنا قاعدين جماعه على ما اعتقد
مع اهل امي و كان في مثل حلاو و جذي يعني مثل بياعه و في قطوتين ياكلون حلاو يعني يبلعونهم بالجيس بعدين يت وحده و خرت القطوتين و زفتهمو و بس بياناتي انا مطلقه و في مشاكل بيني و بين طليقي

واضح بيصير عندكم عرس والحلاو عرس والقطو عين عليكم بالرقيه والملابس زوج لج والله اعلم وادرى ربي يوفقج

حلمت اني في بيتنا القدييم و كأني توني ولدت ولد وامشي تعبانه توني يعني والده وحاسه في الولاده من تحت حيل وامشي واروح غرفتي عشان ابدل والبس فوطه ومع التعب كنت مستانسه واقول بنفسي خل ادز لـ فلان اعلمه اني ولدت ( يعني بالحلم هو زوجي ابو ولدي وبالواقع اعرفه ) ودزيتله اعلمه وبعد دزيت لرفيجتي الروح بالروح اعلمها وبعدين شفت امي واقفه وشايله الولد ومستانسه فيه وتبيني اخذه ارضعه وخذيته برضعه وبس

طالبه عزباء


يعطيج العافيه متعبينج حيل

الله اعلم وادرى هالرجال الي اهوه ابو ولدج بالحلم بيخطبج الولد بشاره لج بس بعد تعب لانج تعبناه بالحلم والله اعلم وادرى وراح تفرح لج رفيجتج والله يوفقج والله اعلم

السلام عليكم

عزيزتي عندي حلم
لبنت اختي
حلمت بثلاث فئران لونهم رمادي شكلهم مب يخوف وكائنهم
واقفين بنص المطبخ ويتكلمون مع بعض ويناظرونها
وهي تناظرهم ومستغربه منهم انتهى
متزوجه لديها اطفال وتوها متوظفه ​

حريم فاسقه معاها بالدوام ويحشون واجد والله اعلم وادرى

السلام عليكم ورحمةة الله وبركآإته َ
آخوآتي في الله / آرجو تفسير آلآحلام
صح اني حطيت موضوع بس شسوي تلخبطت مدري وين احطه هنا او بموضوع لحاله//سامحوني والله مادري وين


الأول : رأئيت بالحلم اني طالعه من بيت وهذا مو بيتنا بالحقيقه بس بالحلم بيت ماعرفه طلعت منوه وعلى اساس بيتنا المهم وكان عند الباب زي الرماد وفي بالي ان هذا سسحر
وفيه ناس تقولي يافلانه هذا سحر ولاسمعت كلامهم
ودعست ع الرماد وبعده كل شي صار لونه اسود ظلام ماعاد اشوف شي
وانتهى الحلم ..


عليج بالرقيه حياتي والبقره والاذكار والله وياج والله اعلم وادرى
.....................

الثاني : دايما اشوف سنوني تطيح الأثنين اللي فوق يطيحون ..


زوال هم والله اعلم وادرى

................
الثالث : اتحلم بجن في بيتنا اللي بديرتنا مو اللي احنا ساكنين فيه واللي بديرتنا هذا نجيه من عطله لعطله
بس تحلمت بجنون فيه ودايما نتحلم بالجن في هذا البيت مع العلم ان هالبيت كان لجدي و10 سنين ماحد سكن فيه وتونا سكنا احنا ..

عليكم بالرقيه من الشيطان هالحلم بس احرسوا على البقره والله وياكم
................
الرابعع : حلمت مره ان امي بالمطبخ وكانت تقطع بصل تسوي العشاء يعني وكانت وقت المغرب بالحلم كذا بس وقت الحلم مادري المهم


وامر من عند امي واطلع للحوش وانا خايفه وبالحوش وقفت عند اسطوانه الغاز واناظر قدامي واشوف
ظلام مافيه شي وفجأءه تطلع لي بنت لابسه بنطلون جنز وبلوزه جنز وشعرها بني قصير وفي بالي
اقول انها جنيه وتمشي وتطلع من الباب ورحت انا اركض وابكي عند امي وتجي اختي وتطلع
بالحوش بتشوف وش فيه وطلعت لقت الجنيه عند الاسطوانه اللي كنت واقفه عندها قبل وترجع
اختي لنا وشعرها
موقف من الخووف ويجي اخوي يركض وياخذ السكينه من يد امي ويطلع يموت الجنيه ويرجع لنا
معاه الجنيه يورينا شكلها وبعده حذفها برا بالشارع

من الشيطان هممن عليكم بالرقيه والله اعلم
................
الخامس : تحلمت ان بريعصي يلحقني ويقول انا وراك وراك طول العمر
ههههههههه والله هذا حلمي غريب وتافهه ادري

وانتهت احلامي
ارجو التفسير الله يجزاكم خخير

هههههه البريعصي ذنب توبي منه او شخص فاسق والله اعلم وادرى

انا حاطه هالحلم من يوم الاثنين بهالموضوع شكلك ماشفتيه


فسري لي حياتي

في واحد نعرفه يقول

يجونه جن ويقوم هو يقرأ قران لما يجونه بعدين ينحاشون اللي يروح بالزاويه واللي ينخش تحت الطاوله

ويرددون معه القرآن ويغلطون في القرآن وهو يصحح لهم




وطبعا زوجته الثانيه تصحيه من النوم وهي تسمعه يقرأ



يعطيك العافيه

انا فسرت هالحلم راجعي الصفحات الي ورا

السلام عليكم

ياحبيبتي انا حلمت من كمن يوم اني رايحه المطبخ الخرجي في البيت
و لما دخلت ماكان المكان منور عدل
المهم دخلت و شفت بريعصي اللي هو طيطار
ابيض حجمه كبير و ذيله جداً طويل
المهم خفت ضربته بس ما مات بس انقطع ذيله و كنت وقتها خايفه وحاول اموته لاكن ما مات بس انقطع ذيله و هو شرد

و و كان فيه طبق تحت على الطاوله فيه اككل فهو طاح في الاكل رحت باخذه شفت انه هوه جزء من الاكل​

ذنب او سحر اوعين عليكم بالرقيه والاذكار والبقره والله اعلم ربي وياكم

السلام عليكم
هذا حلم اختي قبل الرقيه:
رات اختي اننا في عزيمه وكانت كاشخه وجتها وحده من اهلنا ومعها كوب ماء وشربت منه وعطته اختي وشربت اختي منه وقالت رشي ظهري ورشتها اختي وكان في شعر اختي كرستاله وقالت لها نزليها عن الحريم انتي كاشخه مره ونزلتها وحطتها بشعر بنت بنت عمي الصغيره

بعد الرقيه:
رات اختي مجموعه من المجوهرات ذهب ملون وساعات واخذتها وجمعتها عنا.

اختي غير متزوجه
الحاله الدينيه عاديه

زواج لها عن قريب والله وياها خل تستمر بالرقيه والله اعلم وادرى

رات اختي اننا جالسين انا وامي واختي في غرفه وكنا في زاوية الغرفه وكان في الزاويه الثانيه ولد عم امي وزوجته وبنته الكبيره وكنا كلنا مو متغطيات عنه وكانت اختي متكيه على كتف امي وعليها بطانيه وانا كان معي جوالي وكانت اختي المتزوجه مرسله لي صورة برقعها والبرقع كان اسود وفيه خط ابيض وقالت امي لـ اختي راح اجيب لك برقع مثله

انا واختي غير متزوجات
وحالتنا الدينيه عاديه
واختي المتزوجه ماعندها عيال

زواج لكم من طرف اختكم والله اعلم وادرى ربي يوفقكم

السلام عليكم

رايت امس الصبح ان كنت انا وامي قاعدات باالحوش في الليل وكان برا في الشارع عرضه لرجال (رقص) وكان في الجهه الثانيه من الحوش حريم وكان عندهن دي جيه وانا وامي جالسات عند قسم الرجال وجاء ولد وحب راس امي وكان يبتسم لي وعطى امي صحن فيه معكرونه باالبشمل واخذت الصحن من امي وطلعت لخواتي فوق وقلت لختي المتزوجه شفتي هو جاب لي معكرونه باالبشمل وانتي ماسويتيها لي ويوم فتحناها لقينها مو معكرونه باالبشمل واكلناها كلنا وكانت بنت خالي تاكل معنا وكانها زعلانه وصحيت وانا فرحانه.

انا غير متزوجه
حالتي الدينيه عاديه

حديث نفس والله اعلم وادرى
​

 

[دلع العتبان]

عازبه حالتي الدينيه متوسطه وقاعده ادور عوظيفه

حلمت انه في واحد انجليزي كان بمطبخنا القديم يبي يسويله عشاء بيض فأنا طلعت مقلاتي وكنت ابغي اسخن عشاي كنت مسويه بيض وباقي بالمقلاه شوي بصل وطماط وفجاءه الانجليزي قال انا بعطي حليب ليشيخ زايد حاكم الامارات { الله يرحمه }علشان عيد ميلاده وبعدين في واحد قال انا بعد بعطي الشيخ زايد حليب فالانجليزي قاله لا انت لا تعطي حليب خلي الحليب حق عيالك وراح علشان ياخذ الحليب وانا والانجليزي رحنا معاه للغرفه الثانيه وشفنا وايد حليب كراتين كبار فواحد قالنا هذا الحليب الشيخ سعيد جايبه

الله اعلم وادرى ربي بيوفقج بوظيفه حلوه وزايد من زياده الخير والاجنبي من شخص غريب تجيج هالوظيفه والحليب حسن نيه والبيض زياده خير لج وفلوس والله اعلم وادرى والحليب الواجد حياه جديده لج صافيه والله اعلم ربي يوفقج

آختي حلمت فيني انه شعري طويل وآسودوبالواقع شعري مو وايد طويل ولا هو آسود .. آنآ متزوجة وآختي غير متزوجة .. بآنتظآرج لا تبطييييييين علي .. ويزاج الله خير مقدمآ !

هلاحياتي
الله اعلم حمال لج ببنت والله يوفقج

حلمت انه شعري صاير نفس غصن الشجر والمسه يابس
وخشن واناومستغربه وصايره طبقتين طبقه لونه اسود وطبقه مدري اي لون نسيت


انا موظفه مطلقه

انتي مهمومه شوي عليج بالصدقه تجلب الرزق والله اعلم وادرى

السلام

يعطيكم ألف عافيه عالمجهود الرائع

أختي أنا حلمت قبل فتره أني بمستشفى و قاعدين يزهبولي غرفة العمليات علشان بيطلعون شيء من صوب بلاعيمي ! و أنا خائفه حدي بعدين دخلوني الغرفه و لقيت أبوي و إخوي داخل و سأكتين و قاعدين يأكلون !
و أنا قاعده أكلمهم أبيهم يخففون علي محد معبرني ؤلا أقول مالي إلا القرآن و مسكت القرآن قعدت اقرأ أتوقع كنت اقرأ سورة ألجأثيه
عمري 20 غير متزوجه ؤلا موظفه ، طالبه و الالتزام الديني وسط محافظه علئ صلواتي و السنن و النوافل و اقرأ قرآن يوميا
ما كنت أفكر بشي قبل ؤلا عمري سويت عملية بس بالحلم شفت التفاصيل كامله ، بس ما سويت العمليه قعدت

المستشفى امان نفسي لج والله اعلم من بلاعيمج الله اعلم انتي بتحفظين قران الجاثيه توبه لج نصوحه والله اعلم وادرى والاكل لاهلج رزق والله اعلم ربي يوفقكم

و الحلم الثاني ؛
بنت خالتي حلمت أنها دخلت تتسبح ؤلا تطيح كرة لحم صغيره من فتحة المهبل مربوط بخيط جنه أو شي جذي ، ؤلا تقولها أختها حمدي ربج طلع منج بسرعه أنا بالموت طلع مني

صاحبة الحلم عمرها 22 طالبه ،. غير متزوجه ، الالتزام الديني وسط
أختها اللي بالحلم متزوجه تؤها و حامل عمرها 27 الدين وسط

و شكرا

الله اعلم وادرى سحر او عين طلع منها واختها قبلها كان فيها اما عين او سحر والله اعلم وادرى عليها بالبقره والاذكار وان كانت تقراها الحين خل تستمر والله اعلم وادرى ربي يشفيكم امين

كويتيات رد: الـــرؤى والاحــــــــــــلام المتحـــــــــــقـ/////ــــــــقة بـــعد تفســيرهــ

السلام عليكم حبيباتي أنــ;me ـٌا اريد تفسير حلمي الصراحه مـِْ♡̨ـِْاني عارفه شمعنته واتمنى الرد ضروري
أنــ;me ـٌا طالبه اميل لاستاذ عندي يعطيني مـِْ♡̨ـِْاده وللاسف هو مو كويتي والرجال يانااااس محترم وانا عمري مـِْ♡̨ـِْا ملت لاي شخص الا هو كان محترم وانجدبت له وكنت احترمه كثيره وهو كذلك لكن الكورس الي عطاني فيه مـِْ♡̨ـِْا حصل اخذ عنده المهم حسيت صرت استحي منه وحتى السلام مـِْ♡̨ـِْا اسلم عليه وهو اتوقع انصدم وبعدين هو رجال ملتزم صارت تتبادل بينها النظرات بـس باحترام واحس صدفه تصير النظرات المهم الكورس الثالث ترگ شغله مجبور انه يترگه وجا عقبه وطلبت رقمه او ايميله وما نيتي شي بـس ابي اعرف اخباره طبعن رفض وقال لمصحلتج،،،.


المهم تحلمت اليوم أنــ;me ـٌا قاعد يدرسنا وانضرب الباب الا بنت صغيره اخذها وباسه وشاله قلت له هذي مَ‘ـَُِنٍّۆ بنتگ قال إيـےٌ قالت اطرتها برا واقعد بروحگ قال مـِْ♡̨ـِْا راح اخليها وانتي اوقفي عليهم سكت الا حسيت بالمدير جاي وبقيت أنــ;me ـٌا وهو وحده من رفايجي قلت لهم بسوي تفسي اصلي ودخل المدير وقال شتسون هني ودو قالو مـِْ♡̨ـِْانيسوي شي وقعد معاهم وقال صلت شِــنــ◑ˍ◐ــوٌ....!!؟ تصلي وسلمت وقلت له اصلي الضحى وقعد يتريق المدير معانا
عقب قال المدير للاستاذ يلا استاذ خالد اخذ مكان عبدالله خالد الي احبه او اميل بالااصح جان أقـــــــولًًَْٰ ٌٍٓ للمدير خلص الوقت قال صح خلص وامشي خالد ادزه من ظهره لف على قالي ?لــيــش؟؟?? تمشين وراي قلت له مشتاقه لگ قال تعالي يمي ومشيت يمه واهو ماسگ ايدي وما همه احد وانا مو مـِْ♡̨ـِْاسكه ايده حيل ودي اتركه واذلع البنات قلت بياخذون فكره وهو ولا عبر احد وعقبه تركت ايده مع اني احبه وابيه بـس عشان رفض اول مره
عفيييييييييبيه ابي تفسسسسسيره ضرووووري

الحلم متخربط شوي بس قبل كل شي انتي غلطانه والغلط راكبج من ساسج لراسج على اي اساس تتنازلين وتطلبين رقمه واميله العلاقه حرام وعلى اي اساس تتبادلين اخباره يصيرلج ريلج خطيبج لابااختي اتقي الله بمراقبه الله بالسر والعلن وانا اعلم تمام اليقين انه لو عاقل مايرضاها على اهله والرجال رجال اصيل مابادلج الشي نفسه الشيطان دش عليج بالاول توبي واستغفري وتوكلي على الله وانسي هالحب والخرابيط هالشي مراهقه ويزول بعد مرور الايام ويوم تكبرين بتضحكين على نفسج على عسى الله يهديج ويصلج والله اعلم

السلام عليكم
انا امس حلمانه انه كنا متيمعين انا واهلي وخوالي وخالاتي
بس كانت يمعه عاديه مو مناسبه يعني
ف المهم انه يعني كنت مخطوبه حق ولد خالتي واهوا يحبني او انه رغبان فيني بس انا كنت كلش مو طايقته وبارده معاه
واهوا يكلمني يحاجيني شلونج وشمسويه بدراستج وانا مو معطيته ويهه وايد و كنت معطيته بو لباس
يحاول يكلمني بس كنت اتهرب وجنه علا ماعتقد وحده من خواته هم كانت تكلمني بس ماذكر شتقولي

وبالصج انا و ولد خالتي مالنا علاقه ببعض كلش وخواته اول كنه وياهم حيل بس بعدين صارت مشاكل في يعني ماواطن خواته ولا يواطنوني بس اهوا يعني مو ما اواطنه وايد بس ماهتم له والمشكله اهي بس بين الامهات وبناتهم
اهوا ولد خالتي حاول انه يضيفني مره بالفيس بوك وماستقبلته

وانا مو متزوجه واهوا بعد مو متزوج وواهوا اكبر مني بسنه
وحالتي قبل النوم ابدا ما كنت افكر فيه
وانا قاعده احاول اكون ملتزمه بصلواتي بوقتها والاذكار يعني متوسطه

والله اعلم الاصبي وده يخطبج وجايز يتم الرفض منكم والله اعلم ديري بالج على روحج حياتي

السلام عليكم ورحمة الله وبركاته
انا قد حلمت اني بعرس وكنت مستانسه بس كنت أأجل كل الاهتمام والشغلات حق آخر الايام
وكان الوضع عندي طبيعي بس على اخر الايام قبل العرس توهقت بس مارحت صالون ولا شي وسويت شعري ومكياجي في البيت بروحي محد سواه لي وكنت حدي متوهقه حتى مامداني احف وحسيت اني انضغطت ,وقعدت من النوم,




حديث نفس والله اعلم وادرى
وامس حلمت ان واحد مطرشلي رساله مكتوبه بخط يد مع اخوي الصغير بمضمونها انه وده يخطبني ومادري شنو واني بنت زينه وانه محظوظ الي لقاني وشي جذيه,
عاد انا خفت ان ابوي يكون يعرف بالسالفه بس ماكنت وايد خايفه مثل لو كانت السالفه صايره بالصج بكون ميته خوف الله لايقول طبعا بس طلع ابوي عنده علم بالموضوع ومدحه لي وقال لي انه ريال صغير وزين وانه يمني!
بس انا ما اعترضت يعني بالعكس استانست لانه زين واخلاق الريال وقال لي انه بيجي بيتنا مع امه باجر
مع اني كنت مستانسه الا اني ماكنت اجهز نفسي ومأجله كل شي لآخر الوقت, بعدين يونا الريال وهله وانا للحين ماخلصت تعدل مع ان المفروض بجذي مواقف اروح الصالون او عل اقل وحده من الي يصيرون لي تمكيجني ولا تسويلي شعري بس محد كان معاي وكنت توني مسبحه شعري عشان اسويه استشوار وكان كيرلي, فربطته اي شي وطلعت بدلة عاديه ولبستها مع ان كان ودي البس شي حلو لكن الوقت مامداني لأني كنت دايم أأجل

ووبس ودي اعرف التفسير لأني حاسه ان الحلمين مرتبطين ببعض
مع العلم اني ماكنت افكر بالموضوع قبل ما انام
انا بنت عمري 16 سنه
ويزاج الله الف خير

حديث نفس والله اعلم من الشيطان والله يوفقج حياتي

السلام عليكم ورحمة الله وبركاته
عمري 23 الحاله مجرد ملجه
حلمت اني امشي بصحرا وفجاه طلع لي بيت من خشب وفي ناقه سودا صغيره قاعده على الارض وعندها جلب يحرسها طلع البيت حق اخوي اللي نقل طلع لي وقال شريت لي ناقه والجلب يحرسه ودشيت داخل البيت ومسكت فون مرة اخوي وقعدت افتشه وكنت اقول فونها غريب واشوف الفرق اللي بيني وبين فونها طلعت رحت لصراف وقفت وجان وراي بنت تبي تصرف فلوس الاساس معاشي الفين دخلت البطاقه وقعدت اسحب خمسميه ورا خمسميه والفلوس تزيد وكنت مستغربه وخجلانه من اللي وراي تبيني اخلص مستغربه من وين الفلوس انا واطالع الاقي رصيدي تسع الاف وانا اخذها مره وحده رزمه كبيره وانتهى الحلم




الصحرا هموم والله اعلم البيت الخشب وضع مؤقت او انتقالج من العزوبيه للزواج الناقه السوده مره حقوده والجلب عدو ضعيف مرافق للمره الحقوده وحق اخوج جايز هالشخصين من طرف اخوج وتلفون مرت اخوج غريب جايز حظها او انتي مهمومه منها والفرق بين فونج وفونها حيل تقارنين بين زوجج واخوج والفلوس عوض من الله لج كبير من هم لج و9 الاف جايز حياتج مستقبلا مع ريلج بتكون حلوه وخايفه خايفه من العين انتي والله اعلم وادرى ربي يوفقج
الحلم الثاني قبل الاول حلمت انه فون امي دق وكانت مرة اخوي وسألت عن زوجي قالت امي مابه شي انا عصبت وقعدت اقول شتبين تسالين بعد مامنعتي اخوي يتواصل معه ويجيب اخباره وقعدت ادعي عليها وامي تحاول تسد الفون سكرت امي وعطتني نضره غاضبه انا خفت تهاوشني وقالت قاعده تهدد على الكلام انا ارتحت امي ماكانت تقصدني بالنظره قالت اختي ويهها صار ابيض بدل لايصير اسود من اللي سببته اللي هو انا شوي اخوي نزل انا خفت وانا خشيت بالحمام راح ولا صار شي انتقل الوضع صرت في بر حلو جيت من ورا جبل صغير وكانوا في ناس يبون يولعون العاب ناريه وكنت اقو بنفسي شلون بيشغلونها اهم اطلقو لكن جاء مطر اول ماصعدت طفها ونزلت وكان المطر حلو واهو ينزل علي وقوي وغريب كان ينزل الى تحت ويكسره الهواء اقوي فيضرب بالشخص خواني شفتهم قدامي وقلت بقول السلام عليكم بشوف اهم زعلانيين علي سلمت وردوا وقعدت امشي معهم وكنا متجهين لخيمه كبيره بشكل وجميله مره وانتهى الحلم
اعتذر على الاطاله

عطيني الرموز فقط والله وياج

الحلم الثاني
حلمت اني كنت رايحه السينما مع بنتين ماعرفهم بالصج بس بالحلم كنت توني متعرفه عليهم وكنت يايه السينما معاهم ف البنيتن الي توني متعرفه عليهم قعدو جدام وماحصلت مقعد فجاه شفت ساره وايمان الي اعرفهم جان ايمان تاشر لي تعالي قعدي يمي واهي كانت قاعده بالطرف ويمها كرسي فاضي ومن الصوب الثاني ساره قاعده ف قلت لها لا انا بقعد يم ساره لانه اهني اطالع احسن ف كنت قاعده بالصفه الثالثه من السينما ويمي كراسي فاضيه كنت بالوسط وعلا طرف اليسار ساره وبعدين ايمان وبعدين كرسي خالي وكنت منصدمه انه ساره وايمان يايين السينما ويا بعض لانه ايمان بالصج كانت تذم بساره وقالت لي انا مالي شغل فيها وماراح اطلع معاها المهم ف كانت القاعه تشبه قاعه كلاس كبير شكلها مو جنه سينما وبعدين جان ساره تقولي شلون الجو معاج جان اقولها امبي تصدقين اليوم الصبح كان عندي كلاس والجو كان بارد وكنت لابسه خفيف ورجعت البيت بدلت لانه عندي كلاس الظهر ولبست بوت ومت من الحر جان يضحكون ساره وايمان وبعدين انا شوي كنت منصدمه بالبنتين اللي توني كنت متعرفه عليهم واقول بقلبي طاع هذيلا لبسهم قصير ويسوون اكشنات جدام الصبيان وصوتهم عالي شكلهم مايستحون وصج كانوا بالحلم قاعدين يصرخون مادري شيسون وبعدين جان اطالع ساره اهي مو متحجبه وبالصج تلبس سوالف شورتات وجذي بس بالحلم كانت لابسه زين ومستره بس بدون حجاب ف بعدين جان اهي تبجي وتركض عند البنتين اللي كنت توني متعرفه عليهم واقول بقلبي حرام طلعت هالبنيه حنونه وشكلي ظلمتها صج انه اللبس ماينقاس علا هالاساس وكانت لابسه بلوزه وكنت اقول بقلبي اوخ هاذي البلوزه كنت بطلبها اون لاين بس اشوا اني ماطلبتها احنا بسنه كان سنه 2005 بالحلم 2004 وحده من هالسنتين جان اقول اشوا ماطلبتها جان قالوالي بسنه 2012 انتي قديمه ولا جان ساره قالت لي انه كان عندها من هالبلوزه اشوا ماطلبتهاه
وفجاه صرت اشوف جدور مطبخي وقفشه مقططين بشقتي وشقتي شوي كانت عفيسه
بعدين طلعت مع اهلي علما اني انا ادرس برا واهلي مو معاي وكنت طالعه وفجاه علما اعتقد كنت بالكويت وكنا طالعين بليل ابوي قاعد جدام وبصراحه ماذكر منو يمه اتوقع امي و ورا انا واختي قاعده اسولف لها ايمان وماذكر شنو قلت لها بس ابوي انصدم وقال ايمان يطلع منها جذي وهذا اسم البنيه بالصج جان اضحك وكنت مابي اقوله لاني مابي افضحها ف كتفيت وقلت الله يستر عليها بس جان يقولي اي البنات اللي يسوون روحهم زينين ويع وعيب وحرام تطلع منهم هالحركات
بعدين جان نروح محل ملابس واختي راحت الجزء الي فيها دلاقات وملابس داخليه خذت 50 قطعه وقالت تبي تبيعهم كانو عباره عن ملابس داخليه ودلاقات عجبتني فكرتها جان انا بعد اروح واخذ 50 قطعه دلاقات وملابس داخليه ع ساس ببيعهم وكنا عارضينهم بنفس المحل وفي عايله كانت يايه تطالعهم تبي تشتري وبعدين قمت من النوم


علما انه ايمان كانت صديقتي حيل او المقربه لي بغربتي بس بعدين صارت بينا خلافات وصارت علاقتي سطحيه معاها وكانت تشيشني علا اشيا مو زينه نسويها ف بتعدت عنها و كانت فعلا تذم لي بساره وقالت لي انه ماراح تطلع معاها و ولاشي بس صدفه بالصج وبالحقيقه والواقع شفتهم كانوا طالعين مع بعض ف يعني ايمان كانت تقص علي بهالموضوع و كانت تقولي عن ساره كلام مو زين وانا اساسا ماعرف ساره بس بينا علاقه سطحيه سلام و وعليكم سلام
علما ماكنت افكر فيهم قبل لا انام و انا متوسطه الديانه و مو متزوجه واختي مو متزوجه

حديث نفس والله اعلم وادرى

السلام عليكم
انا امس حلمانه انه كنا متيمعين انا واهلي وخوالي وخالاتي
بس كانت يمعه عاديه مو مناسبه يعني
ف المهم انه يعني كنت مخطوبه حق ولد خالتي واهوا يحبني او انه رغبان فيني بس انا كنت كلش مو طايقته وبارده معاه
واهوا يكلمني يحاجيني شلونج وشمسويه بدراستج وانا مو معطيته ويهه وايد و كنت معطيته بو لباس
يحاول يكلمني بس كنت اتهرب وجنه علا ماعتقد وحده من خواته هم كانت تكلمني بس ماذكر شتقولي

وبالصج انا و ولد خالتي مالنا علاقه ببعض كلش وخواته اول كنه وياهم حيل بس بعدين صارت مشاكل في يعني ماواطن خواته ولا يواطنوني بس اهوا يعني مو ما اواطنه وايد بس ماهتم له والمشكله اهي بس بين الامهات وبناتهم
اهوا ولد خالتي حاول انه يضيفني مره بالفيس بوك وماستقبلته

وانا مو متزوجه واهوا بعد مو متزوج وواهوا اكبر مني بسنه
وحالتي قبل النوم ابدا ما كنت افكر فيه
وانا قاعده احاول اكون ملتزمه بصلواتي بوقتها والاذكار يعني متوسطه

حلمت في ناس جاين يخطبوني
ودخلوا فجأه بيتنا واقوم انا اشيل الأغراض
وادخل والقي ٢ من خواتي واقولهم لاتطلعون بس انا
وحده منهم لابسه ابيض وناقشه علي رقبتها واقول بداخلي نفس النقشه اللي ابيها
وانتهي الحلم
انا مطلقه وخواتي مو متزوجات

الله اعلم اختج الي ناقشه تتزوج قبلج وراح تتزوجين نفس مواصفات زوجها والله اعلم وادرى

السلام عليكم




زوجة اخويه المتوفى الله يرحمه وهى حرمه كبيره عقيم ربى مارزقهم ذريه الله يعضهم بالجنه



المهم حلمت ان زوجة ااخوى هذى ان عندها ثلاث فساتين
وانا اقولو واحد خليه للعيد وهو قماشه تايقر

واقول البسى واحد فى الزوج اول الليل والثانى خاليه بعدين وخيطى واحد كشخه للزواج يعنى غالى

وانا احس ان نفسى فى الثوب التايقر عينى عليه



وانتهى الحلم


متزوجه

عندى بنات وعيال ولله الحمد



واى سؤال انا حاضره





وجزاكم الله خير وبارك الله فى علمكم

والله يرزقكم حسن الخاتمه:yaaaaaarb:

والله اعلم حياتي بتحملين ببنت والله يوفقج والله يرحم مرت اخوج ويسكنها فسيح جناته وجميع موتى المسلمين

السلام عليكم
اتمنى اتفسرين حلمي جزاج الله كل خير
انا حلمتا ني قاعده بالبيت وانه كان اصدقاء اخوي الصغير يطقون الباب حيل واقول حق اخوي هذيل ازعجوني وكنت اطردهم بس دشو غصب وانا اطردهم دشو الببيت حريم متنقبات وكانويصفقون ومعاهم طبول بس كانو طالعين من شقه اخوي وزوجته عند الدرج وانا انصدمت واقول هذول اشلون دشو بس
اتمنى من كلقلبي انج تفسرينه مع العلم انه شقه اخوي وزوجته مو مضبوطه دائما مرت اخوي تقول انه كل ماتقعد فيها اتهاوش ويا زوجها

وحلمت مرت اخوي انه في دخان يطلع من غرفه نومها

مع العلم انا عمري 16 ومو متزوجه والتدين الحمد اللهمحافظه على صلاتي
ومرت اخوي ما عندها اعيال واهي متزوجه من سنه ونص والتدين محافظه على صلاتها ودائما اتشغل قران بشقتها

من الشيطان والله اعلم وادرى

السلام عليكم ورحمة الله وبركاته
كيف حالك اختي دلع ان شالله بخير
ياليت تفسريلي حلمي انا واختي

حلم اختي على لسانها: حلمت ان بابا ميت بعيد الشر واحنا وقتها كنا في بيت غير بيتنا في الواقع وكانوا مدخلينو علينا في سرير مرضى وانا خايفه ومعايا عمتي اسمها ( ابتسام) وتقول لاتخافو هوا بس عشان ميت وانا كنت خايفه وكأن كان محروق جسمو ووجهو احمر كأنو لحم وانا ماكنت مصدقه ان هذا بابا وماكنت ابغا اسلم عليه وماكان فيه ماما او احد من اخواتي وخلاص قمت من الحلم وانا خايفه مرره وحلمت الحلم هذا بعد قراءه سورة البقره
معلوماتها:متزوجه - لاتعمل-ملتزمه- كانت وقتها مداومه على سورة البقره وزادت عندها الاحلام شويه.

حلمي: حلمت بعد ما جا الشيخ وقرأ علينا ان ماما تصبغ لأختي الصغيره (4سنين) شعرها لون احمر وانا كنت معاها امسك شعر اختي ويجي طرف شعري على شعر اختي ويسير طرف شعري من تحت شرايط بلاستيك خضرا واخر الشرايط ورود وشكلو غريب ويخوف وماما تقولي هيا كدا الصبغه فيها ورود وقامت ماما قالت حقص اطراف شعرك وبابا يقولها لا لا تقصيه وترد عليه ماما وتقول شعرها تعبان لازم نقص اطرافه وبعدين اخويه الصغير يروح الصالون ويكلم الخدامه اسمها(منى) وكانت وقتها مسدوحه على الكنب ويقولها اعمليلي اكل تقوم تقوله بعدين بعدين وانا اسمع كلامها واروح اقولها الله يسعدك ريحي شويه واعملي لأخويه اكل وهيا تزعل بس تسكت وبعدين اروح الصاله عند اهلي واشوف الخدامه نفسها هناك وانفجع واخاف مرره واطالع فيها الا قيها تطالع فيا وعينها كلها شر وتبغا تخوفني واجي عند ماما وكانت وقتها منسدحه على الارض وجنبها ولد اختي الصغير واكب بالغلط كباية الشاي وكنت جالسه اشهق وابغا اقولها في اثنين منى بس من الخوف انحبس صوتي وماني قادره اتكلم وبس
بياناتي : غير متزوجه- غير موظفه - خدامتنا مانشك فيها ابدا

وكمان حلمت ومعليش نتعبك معانا بس الله يجزاك كل خير يارب ان احط مكياج في عيني واطالع لنفسي في المرايه وكنت حاطه لون موف ووردي فاتح ومكياجي كان حلووو ونعووم مره بس يتخبص شويه من تحت عيني اليسار واطلع عود اذان واعدلو واحط بلاشر احمممر بس يتخبص برضو عليا ويكون كتيير مرره في خدي بس ارجع امسحو واعدلو واكون وقتها اكلم صاحبتي اسمها(جمانه) ووقتها كنت حاطه المكياج عشان بروح الجامعه واقول لصاحبتي المكياج مايناسب الجامعه بس جا في بالي احطو ولمن كنت انزل عود الاذان من الشنطه لقيت فلوس ماني فاكره كم بس اظن خمسين ريال براسها وعشرات
وبس
بياناتي : غير متزوجه - طالبه على وجه تخرج
ومرررره شكرا اختي دلع والله يوفقك يارب ويرزقك ماتقر به عينك انتي واختنا عبير اللهم امين

عطيني الرموز جزاج الله خير موحلم هذا هالطول موفقه

 

[دلع العتبان]

السلام عليكم ورحمة الله وبركاته​

اولا انا عزباء, موظفه​

عندي حلمين واتمنى تفسرينهم لي​

الحلم الاول ​

حلمت بخالي توفي وكنا جميعنا حزينين ( وفي الحقيقة هو حي غير ميت )
من كثر ماتضايقت بالحلم قمت من النوم وصليت الفجر​

بعد مانمت مرة ثانية حلمت في خالي مرة ثانية كأن قام من قبرة وجاء يبي يوصينا وكنا جميعنا فرحانين بشوفته وكنا نضمة المهم لما جاء لي من بعد ماضمني قالي ابي اوصيك وصية وقال ان ماخذ الا الزوج الصالح لانه هو الوحيد الي بيحفظني بدنيتي استغربت منه هالكلام لاني توقعت يقول لي ان اتزوج احد ابنائه وخصوصا بان اعمارهم من سني بس اهو شدد علي بالحلم اني ماخذ الا الزوج الصالح ​

وبس خلص الحلم​

اذا خالج مومتزوج زواج له وانتي باذن الله بتاخذين زوج صالح والله اعلم وادرى

الحلم الثاني​

عندي صديقة من فترة انقطعت عنها وكلمتنتي وقالت لي بانها حلمانه فيني باني كأني متزوجة وكنت فرحانه واضحك​

وجزاج الله خير أختي

الزواج تغيير حال لج والفرح باذن الله مناسبه لج والله اعلم وادرى

حلمت ان اخوي للي متوفي من سنه راجع للبيت
وكان مبسوط واهلي مبسوطين وانا ابكي كيف رجعت
وشلون سنه ماكلت ولا شربت وللحين عايش
وكانت امي جالسه جنبي على كرسي ولبسه عبايه ونقاب
قالت انا اخذته من المقبره وحطيتهفي بيت مهجور قريب للبيت
وكنت اعطيه حليب من صدري(الثدي) الايسر
وتشفى وجابته الحين ..في الحلم كنت لبسه عبايه وطرحه..انتهى

ماكنت افكر بشي قبل انام
عزباء..غير موظفه

الله اعلم اخوج امج تتصدق له واجد عساه على القوه بميزان حسناتها والله اعلم وادرى عسى الله يرحمه رحمه واسعه وخل تكثره دعاء والله اعلم ربي يرحمه

السلام عليكم ورحمة الله وبركاته

حلمت اني بالسياره مع اخوي واختي الاصغر مني كل واحد معاه جواله بلاك بيري واخوي اخذ جوال اختي وكان يطالع بالفيسات لانه يبي فيسات يرسلها ع جواله بس الفيسات اشكالها غريبه
وشد انتباهي فيس لابس اشماغ >>الفيس متحرك وانا اقول لاخوي ارسل هالفيس على اختي عشان اذا كان ابوي جنبها تدري طبعا كنا بالليل فجأه تغير المكان وصرنا بالبر فالصباح وفيه خيل ابيض عاجبني كثير الخيل عليه سرج احمر وانا ادخل المقطوره >>شاحنه ع شكل بيت متحرك
ويحاول الخيل يدخل معاي بس مايقدر يدخل لان الدرج عالي وانا صرخت واختي ودخلنا الغرفه الثانيه وفيها اخوي ويحاول الخيل يدخل مع البلكونه وحاولت ابعده وحاول مره ثانيه بس من بعيد يوم حاول بيطلع ع البلكونه وتعثرت وحده من رجله الاماميه وبالتحديد اليمنى وكان الخيل يتألم ويطالع فيني وانا اصرخ واقول رجله انكسرت وطلع اخوي من عند البلكونه ونزل رجله ​

وانتهى الحلم
انا بنت غير متزوجه
بس ذا اللي اذكره من الحلم

وشاكره لكم ​

حديث نفس والله اعلم وادرى

انا فتاة عازبه عمري 21

رأيت كأني اقرأ على شخص فيه جني

وكنت اقرأ اية الكرسي بصعوبه وصوتي كان عالي

وانا اقرا تغير صوتي فجأه

الله يجزاك الف خير

عليج بالرقيه والبقره والاذكار والله اعلم والله وياج

حلمت اني بصلي ولابسه ثوب الصلاه وفارشه السياده ولا ايي عمي جبالي ويقولي شوفي ولدي واقوله عمي خلني اصلي وكان مصر اشوف ولده
ولا اشوف خدامه خالتي صايره طوويله وحلوه ماسكه ولد خالتي بالمهاد مع انه بالصج عمره 3 سنين وتراويني اياه
**عمي اخو ابوي ولده اسمه احمد وعمره سنتين
**وخالتي اخت امي همن ولدها اسمه احمد عمره ٤ سنين

وانا مو متزوجه

بيصيرلج حدث حلو وراح تحمدين الله عليه وبشاره لج كبيره باذن الله والصلاه طلب منج لله وبيتحقق باذن الله والله اعلم وادرى

اهلا دلع
اليوم حلمت انه كان صنبور المياه مفتوح
وتحته حشرة كأنها خلاص حتموت وانا في نفسي
اكون فرحانة واقول احسن بس فجأة تطير واستغرب
انها حية


عليج بالرقيه والاذكار حياتي والله اعلم
الحلم الثاني حلمت كان عندي نمور وعصافير ويجي واحد يمسكهم
ويقطعهم كأنه يقطع ورق بعدين واحد من النمور اعطيته لبنت صغيرة
وقلتلها خبيه فوق بعدين البنت هذي كأنها حتخرج من البيت واقلها لاتنسي
خديه معاك
هذا الحلم حلمته بعد الرقية

الحالة الدينية متوسطة وغير متزوجة وغير موظفة
وشكرا

باذن الله زوال عين والله اعلم وادرى ربي يوفقج

الســــــلام عليكم ورحمة الله وبركاته
اولا اشكرك على جهودك وربي يرزقك من حيث لاتحتسبين ويجعله بميزان حسناتك واسأل الله ان ينفع بعلمك ويسكنك جنات النعيـــم ..


حلمي انا :
رأيت بأني انا وصديقاتي3 في مكان كأنه مدرسه سلمت عليهم وطلعت برى المكان مسرعه بإتجاه السيارة وسبقتهن انا ووصلت قبلهن وركبت السياره كانت بيضاء فيها من داخل 3 مقاعد واسعه
لقيت في المقعد الأخير صديقتي انوار و بنت اعرفها اسمها انتصار
وجلست انا في المقعد الوسطي وإلحقوني صديقاتي ال3 ووحده جلست بجانبي
والـ2 جلسن بالمقعد الاول اللي يم السايق (في الحقيقه هالبنتين اثنينهم بالسعوديه ،وحده علاقتي معاها قويه غير متزوجه، والثانيه معرفه عاديه ومتزوجه)
وكان السايق بالحلم الشيخ ناصر المحمد ( بس ماكان شكله اللي في الحقيقه)اللي بالحلم رجل ملتحي ويطالع قدامه ومالتفت لنا
ومشى فينا بالسيارة وانا طالعت من الدريشه كانت السماء صافيه وزرقاء
ومرينا بمطقه كأنها النسيم او العيون (عندنا بالجهرا)
وشفت بيوت حلوة
.. انتهـــى .. انا غير متزوجه وغير موظفه ..

الحلم 2 خاص بصديقتي :
رأت بأن تحدد موعد عرسها بتاريخ 25/4 وان الوقت داهمها ومايمديها تخيط فـ طلبت من صديقتنا المتزوجه دراريع تخيط عليهم ورفضت مارضت تعطيها ..
انتهى
حالتها الاجتماعيه : غيرمتزوجه و طالبه بالكليه

الحلم الاول حديث نفس والله اعلم وادرى
الحلم الثاني الخياطه زواج والتاريخ يمكن حدث لها بشي والله اعلم وادرى ربي يوفقج
​

 

[دلع العتبان]

باجر باذن الله راح افتح الموضوع لاحد يحط موضوع منفصل اهنيه الاحلام تنحط وراح يتسكر بكرا بليل الساعه 10

والله وياكم

 

[nora2011]

حلمت بعد ما صليت الفجر و قريت الاذكار و استغفرت​

حلمت بشخص اسمه فهد اكثر من مرة احلم فيه​

حلمت اني جالسة بصالة وااسعة و فبها زوج اختي ( يصير فهد اخوه ) كانه عاازم رجال عالغدا​

بسس كل الرجال الموجودين يخوفون و كبار بالسن الا اخوه فهد كان لابس بلوزة و ردي و جينز​

و وجهه مررة بريء و ملامحه هادية وكان يناظرني انا كنت متغطية ببطانية ثقيلة بس اللي مبين مني شعري و كانه اجمل من الواقع طويل و ناعم و لونه احمر وانا بنفسي اقول الحمدلله الرجال ما شافوني و انا ساترة نفسي ’’ يطلب فهد من زوج اختي شي و يقولي زوج اختي قومي جيبي له لكن انا ما اقوم لان ما ابي الرجال يشوفوني​

كرر علي الكلام مرتين بس ما قمت بعدين كأني ركبت تلفريك ( اللي بالسما ) و معي اختي العروس ( صارلها شهر متزوجة ) يوم جينا ننزل انا خايفة قلت ما ابي الا ابوي ينزلني وجا اخوي يساعدني رفضت بعدين ابوي ارسل فرسين ( خيول ) واحد لي و واحد لاختي و نزلناا و كنت مررة مبسوطة​

http://www.q8yat.com/ads.php?id=62http://www.q8-ads.com/1http://www.q8yat.com/ads.php?id=64 http://www.omfaisal.com/

 

[nora2011]

هذا حلم لاختي صارلها 14 سنة تقريبا تاركة الدراسة و بسبب العين

تحلم انها عندها اختبارات و مو دارسة او مو حافظة زين دروسها او تتاخر عالاختبارات

 

[صبـــاح]

السلام عليكم ورحمة الله وبركاته :

أولا الله يعطيكم ألف عافية أخت دلع وربي يجعلها بميزان حسناتكم ..

بياناتي

عزباء

وقت الرؤية كلا الحلمين في الصباح على ما اتذكر ..

وما اتذكر اني كنت افكر بالموضوع بس يمكن الاحداث صارت بعد زواج صديقتي بفترة بسيطة ..

حالتي الدينية ملتزمة إن شاء الله


بعد زواج صديقتي بأيام حلمت إني امشي معها في مدرستنا الأبتدائية وكنا راح ندخل فصل وكنا بالطابق الثالث على ما اتذكر وقفت أنا معها نقرأ الأسماء الموجودة على باب الفصل وانزعجت لما ما لقيت اسمي بينهم والتفت وراي لقيت امي وخالتي اللي قريبة من عمري واقفين معي خالتي كانت ساكتة وتطالع فيني وامي تحاول تواسيني لاني كنت متضايقة لما ناظرت لبعيد اشوي لقيت واحد من قرايب امي يصر ولد عمها وهو رجال متزوج وعنده اولاد واتوقع ان اكبر بناته متزوجة جاي وماسك خيل لونه بني ويقترب منا وعرفت ان الخيل اللي معه جايبه لي .. اقترب وقبّل يد امي واقترب مني علشان يقبل ايدي بس انا ما رضيت وانتهى الحلم هنا ..

بعد هذا الحلم باسبوع حلمت اني مع اختي ( متزوجة وعندها ولد )جالسين مع عروس لابسة فستان فضي وكانت العروس تحاول تلبس التاج على راسها بنفسها وشبك في شعرها وحاولت تعدله سالتها اختي عن عمرها قالت عمري 17 سنة قالت لها اختي يعني صغيرة وانا كنت جالسة اتابع بصمت بعدين أكلت فطيرة بجبنة والعروس كانت تغسل رجولي ( القدم ) بالموية بس مو ذاكرة اذا كانت تغسلها بطشت أو بخرطوم مويه صغير وانا مرة اناظر فيها ومرة اناظر برجولي وساكتة وانتهى الحلم هنا ...

مشكورة مقدما عزيزتي ..

 

[يازمن أعاني]

سلام عليكم

دلع عتبان الله يعافيك جاوبي علي*
الاسبوع الي راح يوم الاثنين حاولت انام ظهر بس مانمت غفيت غفوه وحلمت فيها
بان انا وامي ماشين بشارع حق بيتنا من عند زوايه
ويجي رجال يشبه عم امي رجال كبير بسن بس بصحه كويسه لحيته بيضاء ووجهه ابيض ولبسه ابيض ثوب وعتره
بيكلمنا واحنانمشي بس لما بدء عن عواض (زوجي وانا رافعه عليه قضيه)بدء كلام وامي تمشي وتخليه وتسرع للبيت انا رجال مسكني بيدي وقام يتكلم
انه يتسنع وبيتعدل وانتي اصبري عليه وطلاق حرام ومن هالكلام اعطيه فرصه
مهم انا بتكلم بس رجال ماخلي لي فرصه ولما وصلنا للبيت الا سيارة عواض عند باب ومفتوح كبوت كانها خربانه انا رديت علي شيخ شفت حتي سيارته وقمت بحلم كان سياره موقفه عند باب وخزبانه
ال حلم قصير جد

انا رافعه قضيه علي عواض زوجي لانه ضربني وبخاطري اطلق وواقات اتمني نرجع*
وهو ماحاول يتصل علي او يرجعني*
هل تتوقعوا انه أضغاث أحلام او روياء

 

[جلكسيه اس 3]

دلع اشلونج يا قلبي شخبارج

رايت في المنام اني ابكي و ارفع يدي و ادعو ربي اتوقع كنت ادعي انه ينصرني اذا ما خاب ضني
حالتي النفسيه قبل المنامكنت ماسكه مسباح طويل و اذكر الله. يعني نمت على ذكر الله

مطلقه و ادعي ربي ينصرني من طليقي

 

[Habooon]

يعطيج العافيه حبي. ،

حلمت إن اليوم عرس رفيجتي و كانت لأبسه نفنوف أبيض مال عرس و أنا قعدت أبجي مستانسه حقها و كانت حاطه ميك أب خفيف و خذت الايلاينر مالي علشان أنا احطلها منه ، و قعدنا نتمشا بمجمع ولا أشوف هم عروسه ثانيه يايه من بعيد ، ؤلا فجأه أطالع نفنوف رفيجتي ؤلا صار نفنوف ثاني لونه أسود ستان و طويييل ، و بس

أنا و رفيجتي عمرنا 20 ، مو متزوجين ، طالبات ، أنا التزامي وسط و إهيه عادي

 

[دوسريه وكلي حلى]

السلام عليكم ورحمة الله وبركاته

اخبارك اختي دلع يعطيك ربي العافيه

المنام الاول لاختي
رايت اني لبسه فستان عروس ابيض ومنفوش من تحت وكمومه قصيره ودنتيل وكان الفستان من النص الفستان من تحت مشقوق بطول شقه صغيره وكانت اشوف نفسي في المرايه وكان شكلي مره حلوه وكان شعري جديله وحده وشقره وكانت لفته ع راسي كله وشوي وفك الجديله وحطه ع الجنب وكانت مستغربه من عيوني العين الايمين كانت لونه فيروزي والعين الايسار خضراء
وبس

المنام من اسبوع

المنام الثاني لاختي
كاني في مجمع كبير وكان يقولون انه لخالي وكانت امشي فيه لحالي اشوي لا اشوف كاني في احد المحلات وان هذا المحل لي وكانت ابيع فيه عطورات وبخور الاوتدخل فيه خواتي وخالتي وصديقتي وقالت اصبرو شوي عشان اضيفكم من القهوه اللي انا مسوته
المنام من اسبوع
غير متزوجه
لا تعمل
مالتزمه بديني والله الحمد

 

[ريناداا]

السلام عليكم

شلونج شخبارج أختي دلع

هذيأول مره أكتب بهالقسم فاعذريني اذا في اي خطأ بالكتابه



راح ابدي


انا أغتسلت من الدورة و بعدين توضيت و صليت الوتر ونمت

يعني نمت على طهاره و وضوء وشفت هالرؤيا



كنت جالسه بغرفها جنها باص من داخل و فيها ناس واايد ماعرفهم


بعدين يانا صوت ان بابا جابر وصل

وركضوا الناس عليه الا انا كنت مستحيه

ومشييت شوي شوي ولما قربت شفته الله يرحمه على كامل عافيته و بشبابه
كان متربع و على يمينه وحده عازميه متربعه ومجابلته (( خوش انسانه ))
و ماسك بيده اليسار ولد أختي ( عمره سنه و توه يمشي )

وقربت منه وقلتله (( شلونك يبا ))

و قعدت اقباله قعده رجال و بسته على الخديين



اتمنى اعرف تفسيير هالرؤيا مع العلم اني بنت مو متزوجه وعمري 25 سنه


و يعطيكم العافيه و جزاكم الله كل خير

امييين

 

[يارب الجنة]

السلام عليكم ،،،قبل كم يوم قبل صلا ه الفجر حلمت اني اتسبح بس اغسل شعري بماي وشامبو ومعاي مجموعه من الناس مااعرفهم نساء ورجال ولا يبان منا الا روؤسنا ونغسل شعورنا ونحن فرحانين

وبعدها بيومين بعد الصلاه حلمت اني اثنين رجال يتناقشون فيما بينهم وبعدين تكلم واحد بصوت كانه ناطق رسمي يصدر قرار وقال تم قبول التوبه


انا امراه متزوجه وعندي اولاد وملتزمه التزام عادي

 

[amona.]

حلمت ان اخوي الكبير اهداني 3 ساعات لبست اول وحده بيدي اليسارعاديه وكان حجمها كبير ونفس مالت اليهال وقطيتها ماعجبتني بعدين لبست ساعتين مع بعض هم بيدي اليسار وكان شكلهم حلوين وغالين وكانو متشابهين بس ان وحده من داخلها ذهب والثانيه الماس وانا طالبه بالكليه مو متزوجه​

 

[*pearls*]

السلام عليكم
انا حلمانه ان قاعده ابلكونه و معاي بنتين اعرفهم يسولفون معاي بشي بس احس جنه قاعد يحشون فيني جدامي و مره وحده يصير على ريلي اليمين نمل وااايد ويصعد لي فوق وانا اركض وادش داخل بروح الحمام اغسل ريلي دشيت الصاله كانو قاعدين حريم جنه عزا بس انا طاحت عيني على وحده اطالعني الوحيده الي اعرفها بيناتهم و هذي المره بالصج صارت مشاكل معاها والحين بترد العلاقه علشان تبيني حق ولدها و كانت قاعده تخزني المهم دشيت الحمام رفعت عبايتي و فصخت بنطلوني و غسلت ريلي بالماي بالهوز و طاح النمل كله



انا مو متزوجه*
اول كورس لي بالكليه عمري١٨
التزامي *الديني متوسط

 

[*pearls*]

السلام عليكم
انا حلمانه ان قاعده ابلكونه و معاي بنتين اعرفهم يسولفون معاي بشي بس احس جنه قاعد يحشون فيني جدامي و مره وحده يصير على ريلي اليمين نمل وااايد ويصعد لي فوق وانا اركض وادش داخل بروح الحمام اغسل ريلي دشيت الصاله كانو قاعدين حريم جنه عزا بس انا طاحت عيني على وحده اطالعني الوحيده الي اعرفها بيناتهم و هذي المره بالصج صارت مشاكل معاها والحين بترد العلاقه علشان تبيني حق ولدها و كانت قاعده تخزني المهم دشيت الحمام رفعت عبايتي و فصخت بنطلوني و غسلت ريلي بالماي بالهوز و طاح النمل كله



انا مو متزوجه*
اول كورس لي بالكليه عمري18
التزامي *الديني متوسط

 

[sul6ana]

السلام عليكم واخيرااااا افتحت لي هالصفحه مابغت تفتح

الحاله الاجتماعيه :عزباء
حالة التدين :الحمدلله انا بطريقي للتدين اكثر
لا اشتغل ولا ادرس

عندي كذا حلم وياااريت مااكون ثقيله عليج""

الحلم الاول"
حلمت بالكعبه وكان حوالين الكعبه ثلج بالارض وكان فيه طريق سيارات جنب الكعبه وفيه ناس صافين صف واحد ومعطين ظهرهم للكعبه وكان ببداية الصف الشيخ الداعيه الجبيلان ويمكن الفوزان ماذكر وبدوا يكبرون وانا اأكبر وياهم

الحلم الثاني"
حلمت اني بباص معاي بنات وخليت راعي الباص يوقف ونزلت على معرض سيارات واخترت سياره وابوي كان معطيني كرت البنك وقالي باجر تعالي استلميها وثاني يوم كأني بالمدرسه مع رفيجاتي ورحت عنهم اجيب السياره ولقيت الشيخ محمد العوضي يقول لي يوم الثلاثاء تجهز وعطاني رقم واحد يقول اتصل عليه وشوفي متى تجهز ورجعت للمدرسه لقيت رفيجتي دلال زعلانه وقعدت ادورها بين البنات ورحت فتحت باب ولقيتهم نازلين من الدرج قلت لها امنتج بالله اسمعيني وقلت لها اني شريت سياره ورحت اجيبها عشان جذي رحت وخليتكم

الحلم الثالث"

حابه اقولج قبل ماحلم هالحلم كنت مصليه العصر وكنت صايمه اول يوم من ايام البيض وكانت نفسيتي تعبانه بسبب مشاكل وكنت افكر بمحتوى هالحلم:

حلمت كأنه انا وامي واختي رايحين لمكان ووصلنا لمكان كبير وقدام الباب فيه اثنين واحد مع امه وصراحه هالواحد نفسي يكون من نصيبي المهم عاد امي واختي قعدت قبالهم وانا واقفه بينهم ومستغربه من هالشخص قاعد مع امه يدخنون وانا اقول ببالي هاه من متى يدخن وامه بعد مثله بس اللي كان عاجب امي انه هالشخص هذا مع امه سوالفهم كثيره ومتفاهمين مع بعض وشوي كانه فيه حرب والا اشوف ابوي يلاحق مكان هالصواريخ يبي يتاكد منهن والا يقول لنا هذي صواريخ سكوت مافي ضرر ان شاء الله والا هالشخصين هذولي مع امي وابوي وانا ركبنا السياره اللي كأنها بيت متحرك كأنه احنا عايله واحده وشوي قبل المغرب بشوي طلعنا بالبر وابوي قال لهالشخص يسويله شاي وهالشخص حط قلاص ماي مع كاسة شاي سكر وحطهم على الصحن اللي يحمس اللحم استغربت ماحطه بالبريق والا ابوي قال يبي بعد ماي وابوي حط تقريبا نص ماي صااافي شكله صافي حيل على الماي الاول على النار والا يأذن المغرب بالحلم وصحيت وأذن المغرب بالصج..........ياترى تشابه وقت الاذان هذا يدل على شي.؟؟

وحلم اخير لامي ياريت ماتقولين هذي ماصدقت"
الحلم:
امي حلمت كأنه بمكان قديم البيوت من طين وادخلت على احد الغرفه ولقت فيه كرسي حق المكياج اللي البنات ينسدحون فيه ويتمكيجون ومالقت امي احد قالت خلاص انا بصف دور مادام للحين مافيه احد وماكان فيه عاملات وفيه عامله عقبها جت منقبه امي انسدحت والا الكرسي ارتد ورا وطاحت امي صار راسها تحت ورجولها فوق والا هذي العامله تبي تقوم امي وامي بالحيل داايخه ومو مركزه والا تسمع صوت وراها وتلتفت وتلقاها حرمه من قرايبنا اسمه عنود وكانت كاشخه ولابسه ثوب وردي فاتح وتجي تبي تشيل امي وامي بالحيل دايخه وتقول لها ابي ماي بشرب ماي والا الحرمه تاخذ امي تبي توديها تشربها ماي والا عباة امي تلتف بين رجولها وماتخليها تمشي عدل وتحاول امي تفكها وهي تحاول تمشي وتفك رجلها اليمين وعقب فكت رجلها اليسار ودخلتها الحرمه بغرفه امي تقول ظلمه مافيها شي تسألها امي ابي ماي والغرفه ظلمه مافيها شي والا الحرمه تقول الا فيه هذاك هو والا يصير فيه ضو عادي وفيه بطرف الغرفه حنفيه وخزان الماي كان جنبه وتحت الحنفيه كان فيه صحن..انتهى الحلم عسى خير..

 

[فستان أحمر]

مرحباا يعطيج العافية

حلمت اني اتوضى وخربطت ماتوضيت بترتيب




الحلم الثاني
اختي حلمت ان امي تنظف غرفتها وانا معاها انظف والغرفه
فيها حشرات وامي تنظف مستحيه اتقول فشله من جارتنا


اسمها وضحه كانت زايرتها بالحلم ولما جت منها نظفت


انا غير متزوجه موظفه

 

[لك الحمد ربي]

السلام عليكم ورحمة الله وبركاته
قرئت الجزء الاول من سورة البقرة ونمت ..
حلمت //
ان شعري كان يحكني , ادخلت يدي به لارى ما السبب وجدت دودة بنية تتحرك بالقرب من جذور الشعر


21 سنة
غير متزوجة
الحالة الدينية متوسطة

 

[آحآسيس/~]

عذرا يالغاليه بشغلك معي امي رئت رؤيا فيني فارسلتها لك خاص لجل تكونين عارفتني وعارفه وضعي من قبل وموضوع تعسير خطبتي بس قلتيلي اكتبها هنا فياليت تكونين مذكرتني​

الحلم
حلمت امي وكن في صالة بيتنا مجتمعين كلنا وحتى اخواني ومعنا عمي الكبير واجتماعنا حول مائدة عامرة وفي خبز كثير تقول اكثر ماكنت اشوف على السفرة هو الخبز وشوي دخلت جاره قديمه تعرف امي اسمها ام فيصل دخلت وانا استقبلتها واخذتها غرفتي وكن واحد من اخواني يقول ليه جالسين والنعمه قدامكم وكن يقولهم يالله نشيل الا قام عمي واخذ خبزه وتقول امي كان ببالي اجي ادخل عندك واسلم على ام فيصل بس صحت وتقولاسمع صوت ام فيصل باذني حتى عقب ماقمت​

للمعلومية ام فيصل من نفس منطقة الخاطب
غير متزوجة
حالتي الدينية رضا الله هو غايتي​

اممممممم
ممكن طلب
اذا مو زين لا تفسرينه​