النــــــــــسخه الجـــــــــــــديده حيــــــــــــاكم كــــــــــلكم اهنيه

[(حكاية قلب )]

البينات
عمري 18 وطالبة اخر سنة و حالتي الدينية الحمدلله

حلمت ان كنا في مكان جن في الكعبة صوب الطواف وكان معاي مجموعة من البنات
وجني كنت اشوف السماء والقمر والنجووم واتأمل جمالهم

الحلم 2
حلمت اني جني مفصلة عباية حق رفيجتي وكانت عندي في الشنطة بس اعطيها اياه
بس ما عطيتها

حلم رفيجتي هي كبري
حلمت ان جنها هي حامل وبعدها كانت تبي تشوف شكل ريلها
واخوها جاء وعطاها هدية من ريلها واسم ريلها جنه بخيت !
وكان مثل قطعة قماش لونها بنفسجي صغيره
وبعدها راحت عند امها وابوها في الغرفة وامها كانت تطل علي ريلها وتقول لها ولابوها شكله خوش ريال ورفيجتي طلت تبي تشوف ريلها من الدريشة لقته معااق بس يمشي وكللش يعني وجنه سيارتة لونها سوداء وتمت رفيجتي تصرخ وتصيح وتقول ماابيه طلقوني مننه

بس
​

 

[الوان الروح]

يسعدج ربي اختي دلع
من فترة كنت أتحلم ودايم يتكرررررانو فايتني الأختبار أوضايع لي شي ودوورة*
والحين اتحلم من فترة انو اكل حلي *وتكررر مرتين اوثلاث*
شنو معنااااهم ربي يسعدج *وين ماااتكونين ،،،

 

[راقية بذوقها]

هلا وغلا اختي دلع ربي يسعدج عندي حلمين الحلم الاول من اسبوعين حلمت كاني مثل ماانا بالحقيقه نايمه بسريري وجات جدتي الله يرحمها وقعدتني من السرير وجلست قدامي وفتحت فمها ونفخت على عيني اليساار وسبحان الله كان طلع من فمها هواء بارد حيل وطلعت من عيني اليسار شعر وحطته بيدي تقريبا ثلاث شعرات سود وشعره بيضه وبالحقيقه انا اعالج بالرقيه ومن اثار الرقيه عيني اليسار ترمش اقصد الجفن من داخل ومع الزيت المقري خف بس للحين بعض الساعات تتحرك والحلم الثاني حلمت بجده امي الله يرحمها كان قاعدين ببيتها ومجمعين العايله راحت جده امي ونقطت على امي ولو لوشت على راس امي بالفلوس تقريبا 30 ريال او 300ريال ماني متاكده وانا كنت جالسه بيسار امي وجدتها بيمينها وبس انتهى الحلم انا غير متزوجه والتزامي وسط

 

[Raem]

السلام عليكم ورحمه الله وبركاته تحلمت اني كنت لابسه ثوب ابيض حرير واكمامه وسيعه وطويله وشعري كان اسود طويل وكنت واقفه عند دريشه من خشب وكانت ع ايدي حمامه بيضا طارت وثم رجعت ع ايدي ثم اخذتها ووضعتها في القفص مع الحمامه الاخرى ثم كانت في بركه صغير اخرجت منها سمكه كانت جميله جدا ووضعتها مع القفص ولم تمت وتاقلمت مع الوضع


والحلم الثاني تحلمت اني رايحة السوق مع امي وجنه اختي كانت معانا وكنا نبي ندش محل ولا صادفنا شخص نعرفه واقف عند باب المحل انا عرفته بس امي ماعرفته اول ماشفته يطالعني ماشال عينه عني وانا اطالعه منصدمة شوي ولا شفته يدمع لما شافني جان ندخل المحل وانا كانت فيني بجية بس مسكتها عشان ماتحس امي (مع العلم ان هالشخص طرش اخته لي يبي يتزوجني بس انا رفضته لظروف خاصة)

 

[JOoORY2000]

السلام عليكم

اختي الله يجزاج خير فسري حلمي
انا حلمت انه فيه طوفه في بيتنا محفورة ومبين الطابوق والاسمنت داخل وكانها صايرة رف
وزوجي ياشر عليها ويكلمني عنها

وحلمت اني بولد ولما جتني الطلوق جت وحدة ولدت عني وطلعوا الجنين منها يقولون عشان يسهلون علي الولادة
بعدين قصوا بطني دار ما دار واللي تخيط كانت الخياطة سهله وسريعه بس خيطته من جهتين بس بعدين خلتني وقامت تماطل وبطني شايلته بيدي واقولها خيطي بسرعه وقامت تخيط بس تماطل وانا ابي اخلص بسرعه




تكفون انا احاتي هالحلم انا حامل ولادتي الاخيرة كنت متعسرة والحين احاتي

 

[....وبس]

السلام عليكم
خواتي اليوم حلمت حلم غريب
حلمت ان عندي طفل ذكر مولود ملفوف بعلم الكويت حاطته بحضني وخواتي ورجال غريب واقفين عندي ويقولون لي رضيعه وانا مطلعه صدري وخايفه من الم الترضيع واقولهم صدري يعورني ما اقدر وهالشخص كان مصر علي ويترجاني ارتبكت وانتبهت ان طفل ملفوف علم على رقبته وخانقه وفكيته عن رقبته دخلت بنت اختي اسمها بشاير وقالت ولدنا مع بعض خ نرضع مع بعض قلت ما ابي واخر شي قعدت اردد بسم الله بسم الله ورضعته



انا بنوته وملتزمه وموظفه والشخص الي بالحلم حاول يخطبني بس ما صار نصيب

وجزاااكم الله خيررر عن كل مجهود مبذول

 

[- BambeNo -]

هلا بالغاليه .عساج بخير .. مشكوره فديتج ع التفسير الله يسمع منج يارب فرحتيني الله يفرحج دنيا وآخره ويسرلج كل خير ..

بعض من مقتطفات الحلمين اللي راسخه ببالي

1- كاني حامله شنطة مدرسه ثقيله وبعدها كنت فسياره ونحن بنلف انفتح الباب ومن ثقل الشنطه احاول ارفعها لداخل ماقدرت ظلت فالشارع قلتلهم لا لحظه وقفوا بجيبها شلتها لقيت كل حد ماخذ منها شي خفيفه وداخلها أظن شنطه بعد وشفت حرمه جالسه ع الحشيش كأن حديقه قلتلها هاتي غرضي شي من جي

2- حلمت كان جالسين مكان خارجي ومع وحده يعرفونها بالبيت اسمها سعاد وجيت انا سابحه ولابسه على راسي فوطه (منشفة الشعرشكلها شرا منشفتي الحاليه ) واظن سلمت .. وجت بنتها اسمها امل وسلمت عليها بعدها تغير الحلم شفت خدامتنا متحجبه ( هي غير متحجبه) وحاطه فل ميك اب وحامل كرشها وايد وايد كبيره وكأن ولدت بنت وحده وبتولد البنات الباقييين بعدين ..

الله يوفقج يالغاليه

 

[ملاااك الروح]

رايت كانه فيه عشاء ضيوف عندنا وكان البيت جديد مو نفس بيتنا وكنا قاعدين ناكل من العشاء قالت لي وحده من الموجودات صار البيت اللي تتمنين حلو ومايحتاج تعدلين فيه رديت عليها قلت انا ماسويت شي ابوي جابنا هنا والبيت خالص وجايب الاثاث وكل شي واعطتني زي القدر صغير له غطاء قالت حطي من العشاء شوي لاخوي(كان خاطبني ورفضته وتزوج) جيت بحط له من الرز وكان قليل استحيت مايكفي رحت اركض لامي واقوله وكانت بدور الثاني زي كذا قلتله ورجعت لقيت اختي حاطه له قلت من وين لقيتي مايكفي قالت لا كافي اللي حطيته بس انتهى الحلم
غير متزوجه

 

[ماكنتوشـه]

اختي جزاكــ الله كل خير
حلمي هذاا مخووفني مررره وبس افكرر فيه وكل هالمده استنى هاليوم عشان تفسريلي قولي لو كان ضرر علي عاادي

اني بين بيوت طين وعندي ثلاث بنات ماعرفهم كل وحده منهن معها صحن بلاستيك دائري كانه مقسوم فيه نص خنافس والنص الثااني تراب اسود وفبالي اقول التراب الاسود خنافس مطحوونه..
شووي الا احس فمي فيه شي فتحته الا فيه خنفسه بعدها الا فممي ملاياان خناافس احاول اتفل بس ماقدرته من كثرهن اخرتها رحت ادخل يدي واطلعهن وفيه نصهن اسمع صوتهن وانا اعظهن...؟؟




حلمي الثاني
تلحمت اني اتمكيج ومكثررره البلاشر صاير وردي غامق وعيني اليمين حاطه مسكرره ومكثررتهااا حييل اما عيني الشمال ماحطيت لها شي خلصت المسكره علي..؟؟

 

[ßàdrè 3łà frà8k]

حلمت اني بالسعوديه بمكان چنه قصر وله حديقه بس مو قصر المكان فندق وبالحديقة صديقاتي و بنات مااعرفهم وانا بدخل الحديقة ولا اسلم ع وحده عرفتني عليها جدتي فالت هذي فلانه~> مااذكر الاسم*
ودخلت عند البنات وانا مستحية وجدتي قالت لي داخل ان في واخد. بيتزوجني وانا عرفت ان اللي سلمت عليها اخته وبعدها رحت عند الاستقبال وهو قدامي وكان مملوح واسمر شوي بس حلووو شوي ولا يدخل الملاج وانا كنت لابسه بدله بس مع ملفع وبعدها صرنا يروحها وحاسبني ع كلمة قلتها عن اخته الصغيره مو اللي سلمت عليها ثانيه انه. مولازم تكمل دراستها بالسعوديه ان تكون بالكويت ورحنا الممر نتكلم بس مااقرب مني كلش هو بدايه الممر وانا بالنهايه وكل ماصار ازعاج نقدم خطوه او خطوتين لين صرنا قراب من بعض بس في مسافه بس موبعيده حيل المسافه قريبه والفاصل بينا يوم كنا قراب مجموعه بنات واقفين بس بالصدفه وبعدها رديت الكويت مستانسه وامي تسال شنو صار و كانت ترتيب البيت

انا عمري 18 وبالجامعه

وامي وابوي ع قيد الحياه
ويعطيج العافيه

 

[ريمي اميري]

دلوووعه الله يسعدكـ يارب,, من جد تتعبين معنا ااااا ,, الله يوفقكـ ويهنيـــــــــــــــكـ حبيبتي ,.

حلمت قبل اسبوع او اقل انو الوالده تعطرني بعطر وتكثرررررر منه وانا اقووول خلص وهي تزيد ,. وكاني بالحلم شفت العطر ماكنت احبه .,

بسسس انتهى ,,

اعمل / ملتزمة والحمد لله/ منفصله / بصحه جيده / مامتي بخير ولا بينا اي خلااااف .,.,​

 

[Thala]

السلام عليكم ورحمة الله وبركاته

حلمت في بيتنا وكان الشيخ سلمان العوده واقف عند باب الباب الرجال ع الدرج عتببة البيت

ماادري يخطب اويلقي محاضرة وانا اسمعه من وراء الباب فجأة طلعت برا البيت من باب الرجال

للشارع بلبس البيت ومستغربة كيف طلعت كذا وإلا في رجال في سيارته بيضاء يناظرني لما

طلعت واكلم ابوي عن شي ماادري واشوف الشيخ سلمان العودة معاه كرتون كبير من الكتب

الدنية ويسحبه وبيطلعه به برا البيت وانا ادخل البيت من الباب اخر ورحت للمطبخ وابغي

اكل واكلم اختي وين الاكل وادور معاي وتعطيني شي مقالي وانتهي الحلم 00


غير متزوجة وعمري وعمري 30

 

[sul6ana]

مرحبااا

عمري:24سنه
الحاله الاجتماعيه:عزباااااااء
وملتزمه

حلمت كأني حامل لي شهر ونص واهلي مايدرون عني وانا بعد ثلاث اشهر ولدت ولد وانا مستغربه انه بسرعه صارت الولاده يعني ماظليت تسع اشهر حامل ومستغربه من اهلي انه مو هامهم شي وكنت حاطه ولدي بالارض اخذته بايدي كان شكله مو حيل حلو بس شوي شوي صار حلو بالحيل وشوي يكبر ولدي ويصير عمره حوالي عشر سنوات ويمشي مع اخوي اللي عمره الحين ثلاث سنوات واسم اخوي عبد الرحمن...

 

[قلبي وينك]

عازبه وحالتي الدينيه متوسطه وقاعده ادور على وظيفه واخوي وليد بعد نفس الشئ

حلمت اني عندي صحن رز ولحم وجني اكلت منهم وبقى زر ابيض فقلت بعطيه اخوي علشان يكمله اخوي اسمه وليد

 

[بنت الاحرار 1]

السلاام علييكم

١-شنو تفسير الحلم عن سرق الاكسسوارت كلها !!

٢- احلم أني في اختبارات في الجامعه وما اعرف الاجابه على الرغم اني متخرجه من الجامعه من زمان و متزوجه وربة بيت !؟

٣-شنو معناة تكرار الشخص في الحلم ؟!

جزاك الله خيير

 

[فيفي محمد]

السلام عليكم حلمت اني طالعه من المطبخ وشفت فارين صغار وطلعت بسرعه واليوم الثاني حلمت اني كنت قاعده وحاطه بحظني قطوه صغيره موسوداء بس ماذكر لونها وكانت هاديه واليفه وكنت اعلمها اسامي خواتي وعلمتها بس اسمين ومثل ماقتلج من قبل انا ارقي نفسي حاليا بالرقيه الشرعيه وسورة البقره يوميا لانه عندي سحر ربط زواج انا عزباء

 

[حلمي الجنة]

كللللللللليش واخيرآ صتك يادلوعه صارلي اسبوعين كلما ادش القاه مقفل انا حامل في السابع وحلمت اني نايمه وجاءت عمتي اخت ابوي وقطتني ففزعت منها وخفت واغلقت باب الغرفه بعدما خرجت انتهى عمتي متزوجه ولديها اطفال وليست كبيره في العمر وهذا اول حمل لي

 

[نعومي66]

الله يجزاك خير يارب ويجعله بموازين حسناتك
هذا الحلم لأختي ....
السلام عليكم

ودي تفسرين حلم اختي الله يجزاك خير ...
اختي الكبيره هي الي حلمت اسمها منى ومتزوجه وعندها اولاد وحالتهم الماديه كويسه والثانيه الي اختي حلمت فيها اسمها فاطمه عندها اولاد ومشاكل مع زوجها وجاها في رمضان مرض السرطان في سددرها الله يشفيها يارب...

الحلم
اختي منى الكبيره حلمت باختي فاطمه المريضه ان فاطمه توري اختي منى طقم ذهب مربوط فيه شريطه سوداء وتقول لاختي ابعطي طقم الذهب لامي واختي الكبيره قالت مو لازم انتيي ظروفكم صعبه لا تعطينه امي وانتها الحلم اي سؤال انا حاضره

 

[جهراويه205]

ﺍﻟﺴﻼ‌ﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ﻭﺑﺮﻛﺎﺗﺔ .. ﻳﻌﻄﻴﺢ ﺍﻟﻌﺎﻓﻴﻪ . ﻟﻮﺳﻤﺤﺘﻲ ﻓﻲ ﺭﺅﻳﺔ ﺍﺑﻴﻚ ﺗﻔﺴﺮﻫﺎ ﻟﻲ ..ﺟﺰﺍﻙ ﺍﻟﻠﻪ .. ﺭﺍﻳﺖ ﺍﻧﻲ ﺑﻴﺖ ﺧﻮﺍﻟﻲ ﻭﻛﻨﺖ ﺑﺎﻟﻐﺮﻓﻪ ﻭﻛﺎﻧﺖ ﻣﻮﺟﻮﺩﻩ ﻣﺮﺕ ﺧﺎﻟﻲ ﺍﺳﻤﻬﺎ ﻣﺴﺘﻮﺭﻩ ﻭﺑﻨﺘﻬﺎ ﺍﺑﺮﺍﺭ ﻭﺍﺑﺮﺍﺭ ﻛﺎﻧﺖ ﺗﺴﻮﻟﻒ ﻣﻌﺎﻱ ﻭﻓﺠﺎﻩ ﻛﺎﻥ ﻣﻮﺟﻮﺩ ﺷﺨﺺ ﺍﻋﺮﻓﻪ ﻣﻠﺘﺰﻡ( ﺷﻴﺦ ﺩﻳﻦ) ﻣﻦ ﺍﻟﺠﻤﺎﻋﻪ ﺗﻘﺮﻳﺒﺎ ﻛﺎﻥ ﻳﺒﻲ ﻳﻌﻄﻴﻨﻲ ﻣﻼ‌ﺑﺲ ﻭﺍﻧﺎ ﺭﻓﻀﺖ ﻻ‌ﻧﻲ ﺯﻋﻼ‌ﻧﻪ ﻣﻨﻪ ﻭﻗﻠﺖ ﻟﺒﻨﺖ ﺧﺎﻟﻲ ﺍﻟﻠﻲ ﻫﻲ ﺍﺑﺮﺍﺭ ﺍﻃﻠﻌﻲ ﺑﺮﻩ ﺍﺑﻲ ﺍﻛﻠﻤﻪ ﺑﺮﻭﺣﻲ ﺍﻟﻤﻬﻢ ﻛﻨﺖ ﺑﻘﻮﻟﻪ ﻛﻼ‌ﻡ ﻭﻏﻴﺮﺕ ﺭﺍﻳﻲ ﻭﺧﺬﻳﺖ ﺍﻟﻤﻼ‌ﺑﺲ ﻣﻨﻪ ﻭﺑﻌﺪﻳﻦ ﻳﺒﻲ ﻳﺮﻭﺡ ﻭﻗﻠﺖ ﺑﻮﺻﻠﻚ ﻟﻠﺒﺎﺏ ﻭﻧﻤﺸﻲ ﺑﺎﻟﺪﺭﺝ ﻭﺍﺳﻮﻟﻒ ﻣﻌﺎﻩ ﻭﺑﻌﺪﻳﻦ ﻗﻠﺖ ﻟﻪ ﻣﺎﺭﺍﺣﺔﺍﻛﻠﻤﻠﻚ ﻗﺎﻝ ﺍﻧﺎ ﺭﺍﺡ ﺍﺭﺳﻠﺞ ﻭﺍﻛﻠﻤﺞ ﻭﺍﻧﺘﻬﻰ ﺍﻟﺮﺅﻳﻪ
غيرمتزوجه...والله يوغقك الجميع دعواتج لي يالغاليه

 

[طموووحي طب]

صباااااااح الخيرررر دلللللع
^_^
شلوووووونج؟؟
عساااااج بخير؟؟
اول شي مشكوووورة على فكرة الموضووع
جذي احسن من قبل بوااااجد
والله اني نزلت الحلم من عطلة الربيييع بس ما لقيييت رد
تكفيييييين فسريلي ياه لأني محتااااااجه تفسيرج و على اساسه بشوووف اذا لاااازم اروووووح لشييخ يقرى علي ولا لا
الحلم
اول شي انا عمري 17 وهالحلم تكرر 4مراااات
اني كنت أمشي بالمدرسة وأنا حااافيه
<<بس واااااااحد من ال4 اني كنت قاع امشي بشبشب العادي وانتي بكراااامه
من اكثر الأحلام الي تتكرر اني جني امشي ع الدرج وازلق
معلومات يمكن تسااعدج بالتفسييير
هذا الله يسلمج انا من كنت صغيرة كسلااااانه وما احب شي اسمه دراااسه حتى الواجبات ما كنت احلها
المههههههههم
اول ما دخلت 11 علمي صرررررررت ام قلييييب وتغيرررت 180 دررررجة
وطلعت الأولى على صفي الحمدلله
وعيووووووون البنااات ما ترررحم والكلللل مستغرب شلوون تفوقت
بس بالفترة الأخيرة ما اقدر اقووولج اني كرهت الدراااسة لأن هالشي مستحيييل بالنسبة لي
بس صرت اتكااااسل ودراااستي ع السرررريع ومشاااركتي بالصف قلت عن قبل بوااااجد
والفترة الأخيرة نسبتي نزلت حيييييييل
ماعلينا
المهم بغيت اقووولج
اني كنت اتعذب بالفترة الأخيرة وأنا أدرس الفاينل
والله ما ادري شنو الي غيرني فجأة اسرح وانسى نفسي وضييع الوقت عالفاضي
لدرجة اني ما كنت انااام الا ساااعتين باليوووم وحتى النووووم ما كنت اتهنى فيه
يعني لما اغمض عيوووني احس اني جني قاع امشي عالدرج وفجأة ازلق
ولا في شي قاع يجرني من رجووولي
احد يبي يقوومني
رسمة عين واضحه بجسمي
دلع توقعييين له علااااقة بالحلم الي يتكرر؟؟؟
تكفيييييييين نخيتج يا بنت عمي فسري لي الحلم
والله حتى النوووم ما اذوووقه
من التفكيييير
واسفة اذا طووولت علييج
الله يجزااااااج خيييييير حيااااتي
:eh_s(11):​