اللي مستغنية عن الخدامة و متحكمة بشغلها برة البيت و داخله اتدش

[اطباق ماي ورد]

سلامات ياقلبي


اسم الله عليييج




ايي اهم شي رااحتج


عادي يتاجل التنظيف



و لاتصرخييين ياقلبي


ديري بالج



كله من ضغطج و قلبج و سكرج

الله يسلمج من الشر حبيبتى

ايه والله ادرى ....انا عارفه هالشى بس المشكله ما اعرف اطبق

قلبى حاااار بسرعه اعصب :eh_s(14):

 

[PuPa^^SWeeT]

الله يهدي سرييييرتج و يريحج ياقلبي

 

[اطباق ماي ورد]

ام تمارا كلنا تحوشنا هالحاله انج ماتقدرين تتحملين وتبجين وتعصبين بس والله
لو تقعدين بينج وبين نفسج تحسين براحه لانج اتسوين شغلج بيدج ومطمنه علي عيالج ونفسيتج
مرتاحه مومهم البيت يكون يكون مرتب كل شوي سويلج نظام لعيالج ان غرف النوم تكون مرتبه مايدخلونها الا وقت النوم
ويلعبون بصالتهم الخاصه وكل واحد يعفس مكانه يرتبه لخلص عوديهم ان اذا كل واحد يساعدج تعطينه هديه يعني
كوكاو او حلاو او لعبه روحي اشتري من بوميه العاب وخليها عندج كل ماساعدوج عطيهم شي او جيبيلج وحده تساعدج
مرتين باليوم تغسل وتكوي الملابس
وبالعافيه عليكم العشا الطيب




كابتشينو ماتشوفين شر ياقلبي ولا تعصبين ترفعين ضغطج علي شغلات تافهه اهم شي الصحه والعافيه
*

بقلبى انت .... يسلمج حبيبتى الشر ما اييج :eh_s(7):

ايه والله بدون الصحه تصير الخدامه ضروريه وهذا اللى ما نبيه


ام تمارا .... تسلم الايادى الطبخه شكلها لذيذه ما شاءالله

 

[اطباق ماي ورد]

الله يهدي سرييييرتج و يريحج ياقلبي

اااااامين يارب

 

[ليمون ونعناع]

اهلا بالاعضاء الجدد فرداً فرداً

كابتشينو وام تمارا و اذا ماذكرت احد سامحوني ترى القدرات العقليه تتدهور عندي ههههه

ام تمارا ترى الي تمرين فيه مرحله عاديه اول مرحله كانت حماس بعدين العصبيه واللويه وبما انج دشيتي التجمع حطي اي مشكله وانشالله بنتساعد وانا متأكدة انج بتتاقلمين وحاولي تتحكمين وخليج مستمتعه بخدمه عيالج وزوجج وبيتج جنتج وممكلكتج حقج بروحج مافيه غريبه تخزج وتسوي لج مشاكلانتي بغنى عنها


بتلاحظين كل شي تحت ايدج ومصرفكم بيقل من ماجله وكلينكس وصوابين


انا الغساله الاوتوماتيك عندي فلوسها فيهااااا وايد مريحتني احط الملابس والصابون والكمفورت واطلعهم سيده عالكبت او اوتي خفيف توفر وقت العصر والمنشر والعفيسه كلها


الكنس والمسح مرة او مرتين باليوم
عيالج سوي لهم جدول بالمهام الي عليهم والي يسوي مهمته حطي له ستيكر او عطيه مكافاه يحبها طلعه لعبه اي باد يوم كامل حقه بروحه اي شي يشجعهم

وفي اشياء لازم الكل يسويها طول الاسبوع عشان يربح في اي يوم مثل اذا خذا شي يرده مكانه واذا عنده قرطاس يقطه بالزباله واذا اكل يحط صحنه بالمغسله

والي يسوي اشياء زيادة له مكافاه حسب الجدول والستيكرز

لاتعاقبين احد ولاتطقين محد يحب يتعاقب تخيلي ريلج بالدوام يغلط ويخصمون عليه او يعاقبونه مو حلوة كلش
اما اذا سوا شي زين ويعطونه هديه تذكره سفر او اجازة راح يبدع عشان يحصل عليهم ويعطي من قلب نفس الشي الطفل


استمتعي وانتي ببيتج واخذي بريك اذا تعبتي مافيها شي




والله يعينج

 

[ليمون ونعناع]

بنات انا عطيت كنت لاهيه شوي بالطلعات وخذيت بريك من الطباخ شوي كله مطاعم او بيت اهلي

وناسه الاجازة كانت وايد حلوة

والي حابه تشوف افكار ترتيب الالعاب للاطفال وتشارك بالموضوع خل تدش علموضوع بتوقيعي

 

[ليمون ونعناع]

زهبت غداي لباجر

http://www.q8yat.com/t774592.html

 

[اطباق ماي ورد]

مشكوره ليمون ونعناع هلا بالى مهلى

حبيبتى صاجه كلامج عدل اميه بالميه المصرف والماجله حيل فرقت معاى عن يوم كانت موجوده الخدامه

تحسين ماكو بركه قبل

ام تمارا .... الله يعينج ويسخرهم لج قولى امين

 

[بقلبي انت]

فعلا من ناحية الماجله حيييل وفرت ومعاش الخدامه احطه فوق مصروفي
الشهري وناسه ما قمت اطر من زوجي دينار والله انهم شر عالقلب والنفس
اعوذ بالله منهم
*

 

[PuPa^^SWeeT]

بالعافية


شكله شهي عااد


صوريييه و حطييه اهنيي



صباح الخير

 

[زوجي توأم روحي]

صباح الخير والنوير
صباحك صباحى
صباح الورد والتفاحى
صباحك صباحين
صباح الكحل بالعين
صباح يطرد الفقر
صباح يطرد الدين

( هذا الصباح اللى كل يوم اصبح على عيالى فيه )


حياكم على الريوق




وتعالوا نقعد بالجو الحلو نسولف




سويت بوبا فعلا انا كله ارفع شعرى ولونه بنى وطويل ههههههههههه
وصح ما احب أحط الا كحل وجلوس لماع
وأحب الملابس اللى نفس هالستايل










واحب هاللون حيل بس يكون مزاجى رايق










وضحكتينى على السوبر مام لانى معقدة اهلى من هالسالفة امى واختى على طول يقولونلى عمرنا ما شفنا وحده تهتم بعيالها كثرج انتى موسوسة يعنى حتى وانا اسولف بالزوارة عينى ما تنشال عن عيالى ، حتى ابلة بنتى بالمدرسة قالت لزوجى زوجتك الأم المثالية بلا منازع ههههههههه

واللبس لما أزور دايما احب البس عيالى شئ مميز مو شرط يكون غالى لا بس لازم يكون مميز قبل الغدا بدل وورا الغدا ترينغ سوت علشان ياخذون راحتهم باللعب ، ودايما انسال عن لبسهم

ببيتى أحب الدقة والنظام الاكل بوقت والنوم بوقت واللعب بوقت وحتى الطلعة بأيام محددة
وبيتى وعايلتى رقم 1 بحياتى


كابتشينو سلامتج قلب ما تشوفين شر شربى ماى وايد

ليمون ونعناع منورة يا الغلا وتسلم ايدج عالغدا

ملزلزة ربى يهون عليج ان شاء الله واشترى هالأجهزة اذا مو عندج وايد راح تفيدج حق البيبى





جهاز تعقيم المميات بالبخار يهبل



جهاز سحب المخاط بالبطارية جدا مفيد وانا شخصيا مجربته لعيالى



جهاز قياس الحرارة من الجبهة وميزته انه ما ينقل عدوى بين اليهال لان تدرين جهاز الأذن ممكن يتوصخ بالشمع وينقل العدوى للياهل الثانى اللى تقيسين حرارته وانا أحسه أنظف وايد



حفاضات ليبرو أحسن حفاضات لانى تقريبا جربت كل الأنواع ورسيت على هالنوع لولدى اسم الله عليه


بقلبى انت ونونا وتوتا توتا ودلول وحبوبة الأطفال وسوسو أقولكم

 

[ليمون ونعناع]

صباح الخير

هلا زوجي توام روحي

انا بعد عندي ليبرو احسن نوع حفاظات لولدي
عاد اصعب شي تنظيف خشم البيبي انا وادي وايد يتضايق جربت كل الطرق الشي الوحيد الي مايضايفه وايد اني انظفه وانا اغسل ويهه بالماي

ملزلزة وير ار يوووووو تدورتي وغطيتي

اشلونكم بقلبي انت و كابتشينو وام تمارا وكل البنات الحلوين
سوسو ازيك وازي البنوته

 

[زوجي توأم روحي]

أم تمار



أول شئ حياج الله فى بيتج الثانى انتى وصلتى للمكان الصح


أول شئ أحب أهنيج انج بالرغم من اعتمادج على الخدامة بالسابق الا انج صمدتى هالفترة بدون خدامة وهذا شئ لازم تفتخرين فيه لان فيه حريم انا أعرفهم شخصيا من تملج تطلب خدامة !!!





نجى حق الشغلة الثانية ( تحدى نفسج )








ابيج تسألين نفسج سؤال شنوالشئ اللى بالخدامة أحسن منج وشلون قدرت تشيل البيت شيل وانتى ما تقدرين ؟؟؟


الحمد لله أعتقد انج بصحة زينة وصغيرة ومبين من كلامج انج ما تشتغلين وهذى ميزة عظيمة وما تحس فيها الا اللى تشتغل مثلى وبدون خدامة


وفترة الصبح 2 من عيالج على ما أعتقد يكونون بالمدرسة وهذى فرصة حلوة لج اتخلصين جم شغلة










اللى فهمته من كلامج انج تعبتى والضغط النفسى وصل حده معاج
اوكى
مو مشكلة



هذا شئ طبيعى وانا اول وحدة أمر فيه




راح أقولج بعض الأشياء اللى ساعدتنى بضبط أمور البيت وان شاء الله تستفيدين منها



1- استعين بخدامة تشتغل بالساعات تساعدنى لما أكون مريضة أو بحرك الكبتات أو بغسل الزل مثلا تشتغل جم ساعة وأحاسبها وتمشى .



2- تتبيل الدياى واللحم يكون بالليل بعد ما ينامون اليهال بالإضافة الى انى افرزن البصل وأفرزن كل 4 طماطات + فصين ثوم وشويه ماى بجيس بالفريزر للمرق والكبسات ووقت الطوارئ اقلى كفته واحطها على النار شوى مع صلصة العلالى للمكرونة او البيتزا وعيش مشخول كل العملية ما تاخذ نص ساعة .



3- علشان اليهال ما يعفسون الكبت شريت سلال حلوة وحطيت سلة لكل واحد فيها غيارين داخليين وبجامتين بس يرجعون ما يفتحون الكبت ويلبسون من السلة اللى انا مجهزتها.



4- الصالة وغرفتى ينقفلون واى غرفة مالهم حاجة فيها تتنظف وتنقفل وبجذى احافظ على نظافة هالغرف



5- كل يوم يتم تنظيف غرفة وحدة بس تنظيف عميق وباجى الغرف تنظيف سريع وبنهاية الأسبوع راح اتشوفين كل الغرف اتنظفت بعمق وما تحتاجين التعزيل.



6- فى المطبخ اذا ما قدرتى تشترين غسالة الصحون كل صحن اتخلصين منه تغسلينه على طول انا ساعات زوجى يدخل المطبخ يحسبنى مو طابخة كل شئ نظيف الا جدورى اللى على النار.

7- الملابس اذا عندج غسالة اوتوماتيك اوكى واذا ما عندج كل يوم غسلى شوى من الملابس مثلا يوم الملابس البيضاء يوم الفوط يوم الشراشف وجذى ما تقضين نص اليوم بالغسيل.



8- الساعة 7 ونص اليهال اللى بالمدارس لازم يكونون نايمين والباجى بالكثير 9 علشان من 9 الى 11 هذا وقتج ووقت زوجج .








نجى حق مشكلة ولدج بو 3 سنين










تقريبا ما بينه وبين ولدى شئ ولدى عمره سنتين ونص وعصبى نار على طول يطق راسه بالطوفة اذا عصب جبتله الطين اللى ينلعب فيه بس اللعب جدام عيونى علشان ما يحط شئ بحلجه








والعاب التركيب







وحطيتله دفتر رسم والوان وخليته يشخبط






وعندج لعبة الحصان ممتازة








يعنى باختصار حاولى تفرغين طاقته والطق والصراخ راح يزيد عناده وشطانته خليج هادية كثر ما تقدرين وحاولى تشغلين وقته بشئ مفيد وخليه يساعدج بشغل البيت ولا توكلينه اكل يزيد من حركته قللى الكاكاو والشبس وبدليه بالتفاح والموز والمشمش ولا تنسين البنون زينة الحياة الدنيا











واخيرا أحب أقدملج هالنصايح اللى تقلل الضغط النفسى والتوتر :

إذا كنت تشعر بالتوتر ركز على التنفس العميق وذلك لتقليل معدل دقات القلب


يقدم لنا الدكتور Dr-Matthew H . Erdelyi :
وهو أستاذ فى علم النفس بكلية بروكلى ومدرسة الخريجين بجامعة المدينة بنيويورك سبعة نصائح فعالة للتخلص من الإجهاد الذى يعانى منه الإنسان يوميا.
حيث يقول إن الضغط أو الإجهاد هو جزء من الحياة، لذلك فإن هذه الخطوات يمكن أن تساعد على منحك بعض الراحة، وكلنا نعانى من الإجهاد إما من ساعات العمل الطويلة أو من التحديات المتعلقة بتنشئة الأسرة أو المضايقات اليومية التى نتعرض لها مثل الزحام المرورى.
إن تقليل الإجهاد والضغط هو طريقة مفيدة لزيادة الإنتاجية والعيش بطريقة صحية والاستمتاع بالحياة أكثر.
وهنا طرق قليلة وبسيطة يمكن أن تبدأ بها:
1- التمرين المنتظم:
طريقة قوية تساعدك على تقليل الإجهاد والضغط، بأن تجعل التمرين المنتظم كجزء من روتينك أو نظامك اليومى, حيث إن المشى لمدة 20 دقيقة يوميا يمكن أن يغير كيمياء جسمك بطريقة قادرة على تقليل الضغط والإجهاد بشكل واضح، وهذا لأن تمارين الإيروبكس تجعل الجسم ينتج الإندورفينز.(Endorphins).
وهى محفزات تساعد على الإمداد بالهدوء الداخلى والإحساس بالسعادة والرضا عن النفس، إنه دواء مسموح به وهى تنتج عن المورفين الداخلى فى الجسم.
2- النظام الغذائي:
التغيير فى النظام الغذائى يمنحك تغيرا يساعد على تقليل الضغط والإجهاد.
3- تناول ما يحتوي على الكافيين:
إن تناول المواد التى تحتوى على الكافيين تجعلك تخرج من دائرة الضغط وتمنح جسمك الاتزان، فبعض الناس تتناول الكحوليات لتهدئة الضغط والإجهاد، ولكن هذا منتهى الخطأ لأن المواد الكحولية تؤدى الى الاكتئاب.
4- تناول كمية كافية من الفيتامينات:
تناول كمية كافية من الفيتامينات يقوى جسمك ويحسن من أدائه ويساعده في التغلب على الضغط والإرهاق, لذلك ينصح متخصصو التغذية بالحصول على فيتامين (سى) والكالسيوم، بالإضافة الى الفيتامينات اليومية.
5- الأوكسيجين:
إن الحصول على الأوكسيجين عنصر فعال لمحاربة الضغط والإجهاد, فإذا كنت تشعر بالتوتر ركز على التنفس العميق وذلك لتقليل معدل دقات القلب.
6- توفير وقت للراحة:
لو كنت مشغولاً جدا لابد من توفير وقت للخروج من دائرة التوتر لتصفية ذهنك وأخذ راحة ذهنية، وبعدها تعود الى العمل بنشاط وفاعلية وبدون ضغط.
7- الابتسامة:
أثبتت البحوث أن الابتسامة تزيد من نسبة الإندروفين فى الجسم مثلما تفعل الرياضة، لذلك فابتسامة ولو بسيطة يمكن أن تشعرك بالسعادة والهدوء, ومن الطرق التى تساعدك على الابتسام، مثلا قول كلمات تجعل فمك يبتسم ومن هنا تجعل الذى يراك يبتسم لك وتجعلك شخصا ودودا.
كذلك التفكير فى أشياء تسعدك هو من عوامل تقليل الضغط مثل التفكير فى شخص عزيز عليك أو حيوان أليف تحبه يمكن أن يأخذك ولو للحظات بعيدا عن الضغط والتوتر، ومع هذه الخطوات يمكنك أن تكون أكثر هدوءاً ولو كنت فى وسط عاصفة.








وقولى وراى ما احلى الحياة بدون خدم

 

[ام تمارا]

صبااااحكم راحه بال ورضا من الرحمان
فديتكم وانا توني جديده بس وربي اعتبركم خووواتي
يسسسلموو ع وقفتكم معااي سويت وليمووووووون وكابتشينو وربي يسخر ازواجكم ويسسسعدكم ياارب
اممممممم حبيت اقولكم انو امسسس العشاء طلع جوناان وانبسسطوا منه
وتوني خاالصه ترتيب البيت وغسيل ملابس افكر اشتري غساله اوتاميتك حطيتوها براسي
بسسساوي الغداء وبعمل كبسه اطازج حبيت احط لكم الوصفه علشان تجربونها جوونان


جيبي الخلاط وحطي فيه
1طماطم
ملح
بهارات
عصير ليمونه >>>وهذا سر الطعم بتاعهم
ماجي >>حسب الرغبه
والمقادير على حسب العدد

اخلطيهم
واغسلي الرز وقطعي الدجاج قطع صغار
وجيبي صينيه تيفال وصبيهم على بعض
ودخليهم جو الفرن ولعي النار من فوق وتحت نار هادئه
من فوق ومن تحت متووسط واحسبي 40دقيقه
وهااذي الصور تتكلم

 

[Dloool_q8]

مرحبا

شلونكم؟

انا حاليا بس مجابله الغساله والترتيب عندي يومي عادي وانا ماشيه ارتب واشيل واحط

باجي الشغل كله على روائه

 

[زوجي توأم روحي]

هلا ليمون ونعناع

هلا بالطش والرش وماى الورد بقراش

بالنسبة لخشم البيبى هالجهاز رووووووووعة انا مجربته شخصيا وايد مفيد

 

[ام تمارا]

فديييت روووحك زوجي تؤام روحي
وربي كلامك بلسسسسسسم لي الله يسسسسعدك يااارب
من جد تعبت مع ولدي كل الطرق جربتهاا وهو من النوووع الملووول ماايحب يلعب بالالعااب تشوفيني كل اسبوع اشتري لعبه يلتهي فيه ساعه ويجي ينط بحلقي صراخ وعناااد ودوووبه ودووب اخوووه الكبير حتى اخته اللي اصغر منه ماايغار منها يغار من ولدي اللي بصف ثاني ويحب بس يلعب معااها وتعرفين الكبير شاايف نفسه ماايلعب بزران ع قووولته بس يلاا الله يعين ويكبر ان شاءالله ويتعدل قوولوو امييييين
بحاااول امشي اموووري واتبع نصااايحك وكل يوم تشووفوني مسنتره هنا اشجعكم وتشششجعوني ى
اي انا خالصه جامعه وجالسه بالبيت انتظر الوظيفه موو متعوده ع الشغل واداره المنزل لاني من اتزوجت عند اهل زوجي وعندهم شغالتين اتوجت صغييره وادرس ثانوي
بسس هااانت واحس نفسسي ملكه ببيتي مااحد يراقب لبسي وتصرفاااتي
ع قووولتك ماحلى الحياه بدوون خدم

 

[زوجي توأم روحي]

اليوم مروقة حدى

وحابة اونسكم شوى

طبعا انا مثل ما تعرفون دارسة علم نفس ومتعمقة بالتحليل وعلم الإسقاط وكنت من الأوائل بالجامعة

وأقدر أحلل شخصياتكم من الصور الرمزية اللى انتوا حاطينها

وعلى فكرة انا كنت مسوية موضوع قديم بالمنتدى عن جذى وتقريبا 90 % من العضوات قالولى تحليلج صح

عاد قلت بجرب معاكم واشوف

وطبعا ببدى بسويت بوبا سويت التجمع

سويت

انتى انسانة خجولة لكن أحيانا تتضايقين من خجلج وتتمنين تكونين جريئة

الوصول لقلبج يكون عن طريق عقلج انتى عقلانية وايد وشديدة الملاحظة

رومانسية وايد ومتفائلة واتحبين الخير للكل

احيانا تصيبج حالات كآبة وما اتحبين اتشوفين احد جدامج

اتحبين تشعرين بالأمان مع رجل حياتج والكلام المعسول بروحه ما يكفيج

مثقفة وتحبين تتطلعين على كل شئ جديد

بالمجمل هادية بالرغم من انج تفقدين السيطرة على أعصابج أحيانا

متفانية ومخلصة بعملج



صح؟

 

[زوجي توأم روحي]

تسلمين حبيبتى أم تمارا

وميخالف يكبر ويعقل ان شاء الله

بس كثر ما تقدرين حاولى تلهينه

واتبعى مبدأ الثواب والعقاب

وبالنسبة للبيت انتى قدها وقدود لا خدامة ولا 600 خدامة تقايش مع ست البيت

حبيبتى احنا السنع والنظافة مو تنظيفهم الله يقطعهم أى كلام وبس تنظف اللى تطيح عليه عينج واللى تحته خياس لا ونفس شينه بعد جنها متفضلة عليج

 

[ام تمارا]

وانا اعمللي التحليل الحييين قبل مااقووم اعمل الغدا >>> حسيتووه تحليل حمل الله لايقووله هع

انتظرك غلاااتي