النــــــــــسخه الجـــــــــــــديده حيــــــــــــاكم كــــــــــلكم اهنيه

[Ms.Candy]

انا حلمت ان امـ مرت عمي وقعت من الدرج وسمعت صوت تأنيب يقولي انتي السبب

 

[لك الحمد ربي]

حلم يخرررع :

حلمت برجل قام من قبرة ومكفن بابيض زي الموميا وفيه دم وكان ببيتنا القديم كان منسدح على الكنبة وبداء يفك نفسه يتحرك انا هربت واخواتي كمان هربو انا طلعت نص الدرج واطالع هو فك نفسه و دخل بين الجدار والثلاجةوانا اقول لامي هو هنا شوفي وكلنا خايفين الا جدتي و امي عادي جالسين
سمعت في الحلم ان اسمه عبد الجليل وانه يقرب لجدتي وشفت شكله ...
انتهى الحلم


بعد ما صحيت سالت امي عن واحد اسمه عبد الجليل قالت لي ايه يقرب لهم يصير خالها واخو جدتي اللي كانت بالحلم
علما اني قلت لامي صفاته طويل ابيض شعره طويل شوي وابيض قالت لي اي صحيحح هاذي صفاته انا ماقد شفته بحياتي هو اتوفى قبل لا اولد

عزباء
21 سنه
امي وجدتي على قيد الحياة

 

[ضوء خافت]

السلام عليكم
رايت اني في غرفتنا اللي ابيت جدتي وبعضا من اهلي موجودين وفي ثعابين باحجام مختلفه على السرير والارض والغرفه اللي جنب غرفتنا وانا خاااايفه واقول في نفسي شلون اهلي عادي ومب خايفين وشلون انامم شكلي راح اقعد عالكرسي الى اان انام
معلومات/لم افكر قبل النوم -متوسطه دينيا--غير متزوجه--يبعد بيتنا عن بيت جدتي ساعه تقريبا-اثاث بيتهم كان القديم

 

[رومــآ]

هذآ حلم وحدة معاي بالدوآآم



تقوول دايما تشووف بكرآآت خيووط ملونة مصفوفة على بعض وكلما ابي اخذ منهم زووجي ما يخليني ويقوول لي لا خليهمم

وهي تقوول انها دآيما ماتحلم بس هالحلم دآيما يتكرر معاها

الحالة موظفة متزوجة

 

[روح الشوق]

السلام عليكم ورحمة الله وبركاته

قواج الله اختي دلع

عندي حلمين :$

الحلم الاول
حلمت اني فبيت جدتي وانه كان في اشخاص مايصيرون لنا بس انا اعرفهم واحد منهم كان اخو وحده معانا قبل بالثانويه
كانوا موجودين وكان وقت صلاة وانا كنت ابي اصلي رحت غرفة جدتي لقيته مع خالاتي انا خذيت السجاده وطلعت لانه الغرفه مليانه ماكو مكان رحت غرفة ثانيه وانا قام امشي تذكرت انه علي الدوره :$ جان اخو البنت ايي وراي وكانت بيدة سجادة
عاد انا دخلت الغرفه وكانوا بنات خالتي واختي الصغيره فيها جان افرش السجاده وقلت اني بسجد ادعي اهو يا يمي وفرش السجادة وكانت نفسها مالتي بالصج وقام يصلي وانا ضليت ساجده ادعي بس ما اذكر شنو كنت ادعي

الحلم الثاني
حلمت انه كان عندي سياره جيب لونها ابيض (رينج روفر ) بس موديل قديم وابوي كان نوعا ما مو راضي عنها مع انه اهو اللي يابها لي واخوي كان مستانس لي فيها وانا حيل كنت مستانسه وحابتها


انا عزباء عمري 18
بكل الحلمين ماكنت افكر قبلها بشي
وحالتي الدينيه الحمدلله زينه

وعساج ع القوه

 

[Queen_Angel]

السلام عليكم..

حلمت اني رايحة الصالون وقلت لهم ابي تسريحة عجفة اللي علي جنب ولا يسونها لي وكان شعري طويل وحلو بس لما شفت نفسي

بالمرايا لقيت ان شعري من جدام صوب القذله مصبوغ اشقر والباجي لونه أسود..

ويعطيج العافية دلع واذا الحلم مو زين لا تفسرينه..

الحاله طالبة وعازبة..

 

[جلكسيه اس 3]

دلع وينج عسا المانع خير

 

[Lode]

الله يعييينها ويجزاها خير على مجهودهاا

 

[بنوته كوووول]

السلام عليكم اتمنى اتفسرين حلمي
تحلمت اني بروح العمره انا واهلي واعز رفيجاتي واهلها بعد بس كانو ابسيارتهم واحنا ابسيارتنا
واحنا بالطريق وقفنا عند استراحه وكانت نفس الشاليه وكبير حيل اشوي ولا رفيجتي ويا اهلها اوقفوا بنفس استراحتنا وانا كنت حيييل مستانه واقول حق رفيجتي وناسه زين انكم وقفتو بنفس استراحنا وانا اسولف ويا رفيجتي ولا يمر اخوها اسمه سعد وتاشرلي عليه واتقولي هذا سعد وهو كان حلو وامعضل ولا بس نظاره شمسيه واقول ابقلبي مشاء الله مزيون مع انه بالصج انا ولا مره شفته بس كانت اسنونه مو صافه عدل كانت ملخبطه واحد فوق الثاني مو حلوين واشوي ولا يمر اخوي بدرواقول حق رفيجتي هذا اخوي بس انا ما ناديته باسمه انا ناديته بالازرق مادري ليش وانا كنت اتزين واتكشخ عشان سعد اخو رفيجتي ايشوفني وكان شكلي بالحلم حيل حلو وكنت اطلع حق سعد وانا مو لابسه احجابي مع اني بالصج انا متحجبه
وبس جزاج الله خير والله ايعينج على التعب الي تتعبينه بالتفسير

انا طالبه وعمري 16

 

[ولاتزعل...]

حلمت حلم من يومين انه خال زوجي قاعه يمي وقاعد يقطع اظافري وهو يقطعها يتكلم معاي بود ورومانسيه يعني طبقة صوته واطيه وكانه يهمس لي ويقول لي لاتخافين مابعورج بقطعهم لج شويه شويه @@ مع انه مابيني وبينه ميانه ابدا ,, وفعلن يوم يا يقطع الظفر اللي في الصبع الوسطي قشع ظفري بكبره :eh_s(2): انا تخرعت قلت له آي عورتني قال لاتخافين بركبه بركبه وانا اشوف تحت الظفر دم مجمد يعني مانزل دم وتم ماسك الظفر على صبعي يعني يبيه يثبت وقال شوفي رجع مكانه ويوم حركته طاح قلت له لا ماثبت وللعلم اني حامل وخال زوجي متزوج من 15 سنه تقريبن ولا جابو عيال مش عارف شنهي المشكله ..



# وفي حلم كانه رؤية والله مادري يعني كنت متوعيه اني حامل وجبت 4 عيال وكنت مستانسه ويوم طلعتهم الدكتوره قالت للحين باقي بنت يعني صار عندج 5 وكنت مستانسه وآيد

وللعلم اني حامل في بداية الاشهر

#وبسسس

 

[أسيرة_أحزاني]

السلام عليكم ورحمه الله وبركااته


حلمت اني قاعده مع امي وخالتي ..وامي تقول لخالتي واهي تاشر على اصبعها الي بالنص (وكان قصيرر) تقول عن اختي هالاصبع عندها مايطول لانها >> (قالت كلام عن اختي وماعجبني)

وعصبت انا وقلت لأمي شلون تقولين عنها هالكلام وانتي بعقلج ومن هالكلام جان تعصب علي وتعض ريلي حيييل طلع دم حسيت انه اللحم يبي يطلع من العض ..جان تاخذ طماط وتحطه على العضه وتشيلها *وردت عضتني

ممكن التفسير
انا حيل مستغربه من العض والطماطة ؟؟وانه اصبعها الي بالوسط قصير :eh_s(2)::eh_s(2):

 

[ريـــمْ]

السلآم عليكم ورحمة الله وبركآآته
تحملت أنه أختي اللي أكبر مني كآن عندهآ عطرين وعطتني وآحد منه
وكآن شكل العطر قزآز وحلو وانآ أستآنست أنهآ عطتني عطر

أختي متزوجه وعندهآ ولد & أمآ أنآ للحين مآ تزوجت أدرس

ممكن التفسير يآ قلبي وجزآج الله خير ​

 

[جنتي زوجي]

هلا وغلا بالمفسرات والبنات جميعا


حلمت اليوم انى كانى رايحه لمكه
وانا عند حمامات فى الطريق لمكه او حمامت مكه الله يكرمكم

وانا اشوف ان الحمامات نظيفه مره وشكلها متغير وادخل واحد وانا مبسوطه وطلع لثانى يمكن دخلت اربعه تقريبا وانا انظر فى المراحيض واقول وش زينها جديده ونظيفه عن اول ومغاسل اليدين بعد حلوه وانا اخذت صابون على مغسله اليدين برى عن الحمام وابى ادخلى الحمام ومعى علبة الصابون وتقولى وحده هذى لليدين وانا اقول شوى وبرجعها هذى ااحسن من الى داخل
هذا سايل حلو
وخذته ودخلت الحمام وانظر فى المرحاض ومعجبنى مره نظيف وكبير وابيض مره وشكله غريب
المهم انى قعدت عليه ووخلصت حاجتى ونظفت الخارج من السبلين بالصابون السايل وانا فرحانه
وانتهى الحلم
قمت وانا مرتاحه :d


انا متزوجه وقبل النوم على ذكر
وكثيرت الدعاء
ولدى هم دايما ادعى ربى بتفريج همى
وجزاكم الله خير وباااارك فى علمكم

وارجوا تفسيره

 

[تعيبه]

هلا دلوع شخبارج؟؟
هَدا الحلم اللي فسرتيه لي وعطيتج بيانات الشخص اللي ف الحلم غلط هو مامتزوج
حلمت انا و شخص لابس لبس أبيض كنا جالسين ف غرفة نوم وكفر السرير أبيض وانا لابسه عبايه بس حاطه الشيله ف كتفي
قلتله انته تزوجتني عشان أربي عيالك مب لانك تبيني و تحبني وكانت الغرفه شبه مظلمه وفجاه انفتح باب الغرفه وجى منها نور قوي وطفلين هم ف الحلم أولاد الشخص وبس



ابيج تفسريلي هالحلم
حلمت أني في غرفة نوم وحده تعرفت عليها ف العمره وكانت شبه مظلمه وحنتني ف يد وحده وبسرعه وبدون ماتشوف على كفي وكان النقشه وايد عايبتني وانا مستغربه منهامن سرعتها ولانها ماشافت ايدي وهيه تحنيني وكنت نقشه اللي في الكف مرتبطه بالنقشه اللي بطن اليد يعني النقشه موصله ف بعض

هد حلم بنت خالي عمرها 13 سنه
تقول حلمت اني اسوق سياره كبيره لونها سوداء نفس الجيب وكنت فرحانه واوزع كراتين موز وتقول كان الموز حلو و اصفر وكنت انا سعيده بالحلم
وانا ف الواقع ما اسوق
البيانات
عزباء
الحاله الدينيه وسط
ماكنت افكر باللي حلمت فيه
مشكوووووره حبوبه
وجزاج الله الف خير

 

[اخت خالتهم]

السـلام عليكم ورحمة الله وبركـاته



الحلم الاول حلمت اني اشتري ملابس و عمتي اسمها سعـاد تقولي اخذي تنانير وانا اقـولها لا أبي بنطرونات
وكأني اشتري بنطرونات و تيشيرتات و اهي تزفني او تصرخ علي ما اذكر بالضبط
و اذكر اني خذيت بنطرون اخضر

الحلم الثاني
حلمت اني ازف عمامي اثنين و اصرخ عليهم و بعدين ابوي خذاني داره وقام يزفني
و اهو يبدل هدومة جدامي وانا ماا طالعت عورته حطيت عيني علي ويها عشان ما اشوفها

الحلم الثالث
حلمت ان ناس يقولون ترا اختج الصغيره ماتت قلت انا ما عندي اخت صغيره ! قالو اي انتي ما تعرفينها بس ماتت
و جني مو متأثره و بعدين قالو اخوج عبدالعزيز مات " اخوي الصغير " و اهو اسمه مو عبدالعزيز اهو عبدالله بالصج
قالولي مات و اقعد ابجي واقول شلوووون و انادي عبدالعزيييييز عبدالعزيز
جان يقولون شوفيه بالفيديو اكل تفاخية و غص ومات " اسم الله عليه "


وحلمي اليوم
حلمت في بنت خالي توها متزوجه جنها لابسة تنورة سوده
و انا قلت تعالي بلبسج حزام و كان لونه " بيج وفيه ورده بيج " و انا البسها الحزام
انفتح زرار تنورتها و انسدحت و سكرته لها و انا اسكره قالتلي
اخت خالتهم صح انتي متنانه قلتلها اي متنانة اكثر شي من اهني .. و اشرت على بطني صوب السر

وبس

و بشريني عنج .. عسـاج بخير ؟

 

[بنتي نور عيني]

حلمت كاني انا وامي وزوجي و2 من خواتي الصغار قاعدين بكوفي وزوجي راح لمحل فيه دراريع امي سالتني زوجج وينه قلت راح يفصلي دراريع واهو راد ناديته قلت روح المحل الي يمه جيب تلفزيون علا اساس لخواني وشرا تلفزيون صغير يشتغل بالبطاريه واحنا قاعدين قالت امي فوق في عرس واانا رحت فوق ولبست فستان قصير وفكيت شعري ((بالحلم شعري نفس طوله ولونه اسود ونااعم وحلو شكله ))وانا اعدل نفسي وكان حتا جسمي حلووو وكنت اطالع بنفسي وانا معجبه حييل بنفسي وقمت بطلت الدرج وحطيت لي كحل واايد وعقب خففته شوي وطلعت للقاعه ودشيت علا حريم قاعدين وسلمت علا خاله زوجي اسمها ام حمد علا اساس عرس ولدها وكنت اسال عن بناتها بسلم عليهم ومالقيتهم وبعدها شفت بنت خالتي وقمت ارقص اناوياها واحنا نرقص رحنا نرقص جدام العروس ةالعروس بتسم ((العروس بالحلم زوجه ولد خالتي ))((بنت خالتي متاخره بالحمل ))
انا متزوجه وعندي بنت
دورتي تاخرت اسبوع واليوم نزلت

 

[ام عنقوص]

السلام عليكم ورحمة الله وبركاتة
ارجو ان تفسرين هالحلم. ...الوالدة حلمت باخدامتنا اللي مسافرة وتوها امس رادة من السفر. ..
الحلم:::
انة احنا كنا في صالتنا اللي معتادين نقعد فيها انا وامي وفي احد ماتدري بضبط هل هى اختي او عمتي ودخلت علينا الخدامتنا فجاة وتفاجاة انها جت من السفر ودخلت علينا وبسرعة راحت وقعدت ع الكنبة وجنها بالحلم تعبانة وظهرها يعووورها وقمت انا ورحت لها وسلمت عليها مصافحة بااايد واسالها عن احوالها ثم جت امي وسلمت عليها بالخد باستها وسالتها عن احوالها وشافت علي لسان الخدامة في طرف لسانها اليمين حبة بيضة كبر حبة القهوووة ...انتهي الحلم
ولكمي جزيل الشكر ....خدامتنا كنت عندنا لها سنتين وتوها رادة من السفر....

 

[ام عنقوص]

بالنسبة لي انا مطلقة 30 الحالة الدينية وسط. ..
بس اللحلم لااامي تري

 

[بنتي نور عيني]

زوجي حلم ان كنا انا واهو قاعدين مع بعض وكأن انا حالتي مو طبيعيه جنه فيني جني او شي فقام زوجي ومسك ايدي وفطقيته ومسكها وقام يقرا عليها المعوذات 3مرات ونفث فيها 3 مرات وعقب ايدي نزلت وانا انسدحت وغمضت عيوني واهو لمن شافني قام يكبر ويقول الله واكبر الله واكبر وبس
متزوجه

 

[نونو العصله]

مرحبا
انا عندي حلم امس حلمت فيه

حابة انج تفسرينه
حلمت ان في بيتنا عزيمه
وكان عندنا الشيخ بو متعب وولي العهد السعودي و كم وزير لابسين بشت
وكنت مجابلتهم على السفره
وشكرا