اذكرو مواقفكم .... بنات الكل يشارك تعالو ..

[PuPa^^SWeeT]

يااااااااااااااااااااااااي ماتخيل شعوورها والله العظيييم


ياقلبي


جوجو u have a dark side


هههههههههههه



عورت قلبي والله المسكيينة


شلوونها الحين ولا ماتدرين


.....


ساعات مانعرف شنو اوضاع الناس و ظروفهم

وعبالنا انه الغشمرة وياهم عادية ولا اهي تمس جانب خطير بحياتهم



سرتني مشاااركتج جوجو


نور موضوعي فييج ياقلبي




luv u

 

[جولينار]

فديتك حبيبتي بوبا




اي للحين نتواصل وسوت عمليه قبل سنه الله يوفقها يارب


وبيني وبينك عمري مافتحت معها طاري سالفتنا البايخه ههههههه استحي منها مررررره



وهـ بس احس اني اشتقت بعد ماسولفت لكم عنها توي كتبت لها ع الواتس


وحشتيني

 

[PuPa^^SWeeT]

ياقلبي جوجو

تشتاقلج العافية


والله يوفقكم مع بعض


والحمدلله انها قامت بالسلامة


فدييتج ياعسوولة *

 

[Pinky -cat]

وانا بعد بنات عندي موقف كنت مستعيلة بروح الصالون وتسبحت وبطلع اشيك ولا ما عندي كاش بس كي نت جان اقول

حق اختي ابي سلف لين اسحب واردهم لج عطتني عشرة المهم رحت الصالون وخلصت وثاني يوم رحت سحبت لها

الفلوس وتييني ذيج الفكرة اني ايب ورقة صغيرة واكتب عليها بوسة والزقها على الفلوس عطيتها الفلوس ومشيت

استغربت البنت ومشيت الا اسمع صوت ضحكة هههههههههه ههههههههههه قلت شفيها اروح ولا تقولي

ها يعني سوالف فلوسج وعليها بوسة ها ههههههههههههه قتلها يس


جان تقولي والله انج ذربة والله لو انا مكانج اردلج فلوسج وفوقها ورقه عليها صورة تكرمون جوتي على بونه فلوسج

على جوتي ما منج منه انا هني هههههههههههههههههههه هههههههههههههههه وجان اقولها كل واحد على نيته

 

[PuPa^^SWeeT]

مافهمت شنو قصدج صورة جوتي


المهم حركتج حلوة سالفة ورقة عليها بوسة



يسلمووووو

 

[PuPa^^SWeeT]

تفضلووو يا بنات


نبي من مواقفكم و اراءكم


محيط عملكم ولا بيتكم

ولا صداقتكم






نبي انفيد و نستفيد و نتعظ

 

[PuPa^^SWeeT]

http://www.q8yat.com/t1020027.html


موضوع عن تربية الابناء




بس طلووو ماراح تخسرون شي


وانشالله يعجبكم

 

[قمر بيت أبوها]

بأذكر لك موقف مؤلم شوي
وحد ه من أقاربي كانت توسوس دائم بالامراض فكنت دائم انا اهاوشها واناقشها
بيوم من الايام كانت نايمه عندنا فقالت قمر ممكن اطلب منك طلب ؟
قلت أمري
قالت فحصي ثدي أخاف عندي سرطان وفحصته لها لاني انا اتابع كل شي طبي واقر كتب من زمان فتثق فيني
المهم قلت ها ارتحتي مافيك شي
بعده بكم يوم صابني المرض
ولما صابني كل مااحد زارنا ولا طلعت قاموا يسالوني عن المرضمن باب الفضول ولا يراعون احساسي
احس بسكين بحلقي مااقدر اتكلم ولااسكت
فصرت مااطلع وقتها ولا عاد اقرا اي معلومات لاني تعبت
موقف الثاني
كنت قاعده انتظر موعد الفحص الدوري عندي قبل كم سنه هالكلام
فكانت فيه مجموعهة حريم ويسوالفون وضموني لسوالف
كان تسالني وحده عن موعدي حق شنوا ؟
وجاوبتها
كان احس صوتها تغير
كان تسالني عن عمري وعن وعن لين وصلنا لنقطة الأحلام
طبعا انا وقتها كنت اتوقع انها مجرد سوالف مو اكثر
كان تضمني بقووووه وتبكي
قالت انا اختي كانت نفس اعراضك ونفس احلامك ونفس صوتك وتوفت بالمرض
موقفي اني طلعت من غير مااسوي الفحص لاني احس اني اثرت ذكرى مؤلمه لهم
موقف ثالث
واحد من اخواني كنت افكر بنتيجته المهم احاول اتجنب اساله ابي هو يقولي
وقعدت اسبوع مااساله لانه ماتكلم خفت ان عليه مواد
المهم بالصدف قلت لاخواتي اسالوا فلان نجح ولا لا ماابي اساله
قالوا معقوله مادريت ايه نجح وبلغنا من زمان
انا وقتها دمعتي نزلت من الفرحه وبنفس الوقت عتب ليش ماجاء وعلمني بنفسه
موقف الرابع
وحده منقطعه علاقتي فيها لاسباب كثيره
انا اغليها ولها ذكريات معاي
تزوجت واخبارها توصل لي بس الناس قاموا يتكلمون انها ماجابت وعنده مرض واوا سبحان الله قلقت حيل
وقلت بنفسي لازم اروح بنفسي واتطمن عليها
طبعا بعد فرق 3 سنوات
المهم جيت اخواتها وانا كنت اعتبرهم خواتي حتي بعد مانتهت علاقتنا فسالتهم فلانه وش فيها قالوا ولا شي بس تتعالجج واسكتوا
وطلعت وانا بداخلي بركان من الالم عليها
وبعده يمكن ب3 شهور ولدت
بكيت وقتها ليش خبوا علي كان خبروني بالذات ان نفسيتي كانت تعبانه عليها وادعي لها
بعد الموقف تبت اشيل هم احد مايشيل همي

 

[PuPa^^SWeeT]

يابعد قلبي


شكلج اتشيلين هموم اللي حواليج و حساااسة و طيبة و دااافية القلب



بالنسبة للاخير عن رفيجتج اللي ولدت ياقلبي


ياكثر هالنمونة اتخبي خبر حملها ولا ولا


صار الموضوع عادي



وبالنسبة لاخووج ربي يطرح فيه البركة و يتوفق و ينجح


وربي يشافييجو يعافيج من اللي انتي فييه ياقلبي

 

[RO0O7Y KUWAITYA]

قمر بيت ابوج عسا الواحد الاحد الفرد الصمد الحي الذي لايموت يششششششافيج من الي فيج شفاء تام
ويمد بعمرج واتشوفين عيالج ان قادر ع ذلك

 

[PuPa^^SWeeT]

^^^^


امييين ياقلبي

 

[لحظآتَ]

خل أقولكم موقف سخيييييف انحطيت فيه ومت مت من البجي
وليومكم اتذكره واسأل نفسي انا ليش سويت جذيه؟
جان تأنيت شوي وحكّمت عقلي شهالغباء ؟؟؟؟؟؟؟؟؟؟؟؟؟

:

سلمكم الله , مرة ايام المراهقه يعني يوم عمري 14 سنة .. كنت اسمع اللي حولي
يقولون فلانه [ اللي هي انا ] لـ فلان .. اللي هو ولد عمتي !
ومشت علي السالفه وأقنعت عقلي الباطن اني له واني لازم احبه ههههههههههههههه

وحببت نفسي فيه غصب طيب
المهم مره كنت كاتبه اسمه بكتاب من كُتبي .. وأشعار وسوالف للراس [ يمه فشلة :eh_s(1): ]

مرت الايام وراحت سالفة الكتابات الغرامية ونسيت اصلا بأي كتاب كاتبه !

/


بالصيف هم دائماً يجون الكويت هو مع أهله [ سعوديين ] ... !
المهم سوينالهم عشاء وجو بيتنا .. وأخته يعني اكبر مني بـ 5 سنوات بس نسولف مع بعض وجذيه
فقالت لي بروح دارج اشوفها ؟ ونسولف مع بعض !
قلت اوكي!
ورحنا ........
بطلت أدراجي وقعدت تتمقّل وتشوف شغلاتي وانا عادي راضيه لإن علاقتي كانت قوية معاها :eh_s(10):
جان تمسك كتاب مااذكر اي مادة .. ولا تخزني بتعجب
وتصارخ فلااااااااااااانه :eh_s(1): من ورااااااااااي؟؟؟؟؟ :krkrkr:

أنا وين راح تفكيري؟؟؟؟؟؟؟؟؟؟؟
عبالي قرت اسم اخوها والاشعار اللي انا كاتبتها
يممممممممممه بغيت اموت
وقعدت اصارخ واناقز وابجي .. لالالاااااااا والله ماااحبه وربي ..
اصلا اخوج اعتبره اخووووووي والله مو انا اللي كاتبه وصراخ وبجي

[ لأإني كنت حياوية حييييييل وتخيلت شكلي لما تعلم اخوها وأمها وأهلي كلهم لأن البنت حيل فتّانة :eh_s(2): ومااعلمها بأسراري الخطيرة :$ ] .....

جان تنصدم :eh_s(1):
وسكتت
عطتني الكتاب ونزلت تحت !!
مسكت الكتاب ولا طلعت السالفه اني كاتبه حرف الممثل اللي معجبه فيه << مراهقه دايخه هههههههه
وكاتبه خرابيط وسوالف تحت الحرف , واااااااي هذيك الايام كنت رقله بمعنى الكلمة

,

طلعت من غبائي فاضحه نفسي والبنت وييييييييييييين وأنا ويييييييييين !!!

صج لا قالوا [ اللي ببطنه ريح ما يستريح ] عمّيت على نفسي وفتّنت على روحي
وطبعاً الحين شنو موقفي ؟
أخوها حاط بباله اني مُتيمة فيه وانا والله اعتبره حالياً مجرد أخ كبرنا بعد وعقلنا :eh_s(4):


,



خخخخخخخخخخخخخخ

 

[PuPa^^SWeeT]

ههههههههههههههههههههههه



امبيييييييييييييه



جان سكتي شوي و قلتيلها شنو




ضحكتيييني امبييييه انا اخترعت عاد تدرين


قلت الحييين سوت سيناريو بمخها

 

[لحظآتَ]

بـآآك​

بعد تذكرت موقف توه صاير بأيام الجامعة ...​

كنا حنا 4 صديقات دايم مع بعض ..!!!​

وحده من البنات كانت مملجة وعرسها قريب .. فكانت نفسيتها إكس !!​

بيوم من الأيام ...​

طالعه من محاضرتي ولا تدق وحده من البنات مو العروس لا وحده ثانيه !​

قالت الو .. لحظات .. ما كلمتي فلانه؟ [ العروس ] ؟؟؟ من الصبح ادق عليها ماترد !!!​

اخترعت قلت لا ماادري عنها كلش ؟؟؟ وندق ندق ندق ماترد ! :eh_s(10):​

حنا ندري انها مداومه بس ما ترد علينا ليشششششششش؟​

اختبصت قلوبنا والبنت الرابعه هي اقرب وحده للعروس .. فنشوفها ساكته واعصابها باردة !​

سألناها فلانه تدرين وينها ؟؟ علمينا حيل نحاتيها شفيها مفروض الحين عندها بريك وينهااااااا؟​

جان تتكرم العروس وترد علينا , كلمتها رفيقتي اللي خرعتني بالبداية , الله يسامحها حيييييييل موسوسه :eh_s(1):​

جان تجيني وعيونها مدمعة !!​

قالت لحظات ... فلانة [ العروس ] ... طالعه برا الجامعه :/ !!​

[ مع العلم حنا ما نطلع برا الجامعه بالبريكات ولا وحده فينا تسوق وشيء عظيم يعني ااذا وحده طلعت , لا ووضعها غريب يعني طالعه ما علمتنا ولا ترد على اتصالاتنا ورايحة مكان يعني غريب جداً ]​

الزبدة مادري شلون رفيقتي هذي اقنعتني ان صديقتنا العروس مسويه شيء غلط وماتبينا نعرفه
لإن وضعها مريب حيييييييل ! وقمنا نبجي وحالتنا حاله عبالنا رفيقتنا [ استغفر الله ]
مواعدة !!​

مدري شلون ابليس سيطر علينا بس والله وضعها حيل خلانا نشك فيها !!!
ومعرفتنا فيها قصيرة يعني معرفة جامعه فقط !!​

المهم جت من طلعتها ... وقعدنا نعاتبها ونبجي جان تبجي ويانا وتصارخ !!!
وعذرها ان نفسيتها تعبانه من العرس وقررت تطلع بروحها ماتبي احد وياها عشان تغير جو!!
هني شكينا اكثر !!!! ولمناها قلنا من متى اذا نفسيتنا تعبت نطلع بروحنا
يعني حنا لنا عادات وتقاليد ما نطلع عنها ابدااااااااااً ومن هالكلام !!!!!!​

وبعد الشد والجذب ...​

قررنا نقطع علاقتنا فيهاااااااااااااا لإن وضعها حيل حيل مريب ويشكك وما كانت تدافع عن نفسهااا بس تصارخ وتبجي !!!! :eh_s(2):​

/​

مررت الاسابيع وحنا ما نكلم بعض
آخر شيء قررنا نسامحها وما هانت علينا عشرتهااا
بالأخير تزوجت البنت وحضرنا عرسهاا ,
والله يستر ع الجميع يارب وللحين ماندري شنو اللي صار !!!!
ومنو الصح وهل ظلمناها ولالا !!:eh_s(1):​

أستغفر الله العلي العظيم ان كنا ظالمينها .... !!​

 

[لحظآتَ]

ههههههههههههههه اي والله شفتي

بس يالله مرت الايام وكبرنا ويارب يكونون نسوا السالفه :$


:

سوري بوبا سويت حبيبتي خربت موضوعج ودرعمت عليج وكل شوي كاتبه مواقفي :$

سامحيني ياقلبي اذا عفست الصفحه ...

 

[PuPa^^SWeeT]

ويييي حياج ياقلبي







شدعوا موضوعج اصلن







بس اخاف فعلا كانت شوي تشم هوا لأنها اتعبت


ماعتقد بتواعد شكووو



ربي يستر على بنات المسلمييين

 

[لحظآتَ]

اي استغفر الله من البلاوي اللي نشوفها هناك
قمنا نتخبط ونسيء الظن
عشان جذيه رجعنا لها وبسنا راسها وتأسفنا لهااا
لإن سبحان الله حنا شكو نحاسبها ؟؟
بروحنا بشر بعد وفوقنا رب بيحاسب كل واحد فينا سواء غلطت او ما غلطت
ويمكن اصلا البنت ما سوت شيء بس طريقتها خلتنا نسيء الظن ..

الله يهدي الجميع يارب


,

عن اذنج

 

[PuPa^^SWeeT]

حياج ياقلبي





مشكوووورة عالمروووور العذب

 

[عن النسآ أفرق ~]

-



تسلمين ع الموضوع ..

موقفي :
اخر سنه لي بالثانويه مالي خلق حصةة البدنيه ف كآن ورا رمضان قلت حق الابله يعني اكسر الخاطر
ابله ماقدر العب اليوم لاني صايمه و علي الدوره ، ما حسيت الا الصف كله فاصل ضحك و انا اسالهم شفيكم
يأشرون شلون صايمه وعليج !!
عاد يوم الابله ضحكت استوعبت ههههههههههههههههههههههههههههههه​

^ ي حلو ذيك الايام . .​

 

[PuPa^^SWeeT]

هههههههههههههههه


من صجج




صايمة و علييج




هذي انا مرة


يننت ريلي بسرعة بسرعة خنرد البيت انصلي طافتني الصلاة و جذي



بسرعة بسرعة


ويدوووس بالسيارة لما صفطنا


ولا انا امبييييه نسيييت انها علي




قاللي انزيين نزلي نزلي



عصب وعليا





ومرة ثانية


قالي ليش ماصليتي اليوم

وانا افكر ليييش ما صلييت اي والله شفيييني امبيييه و مادري شنو



لما ردييت البيت بتوضا ولا اتذكر



ومرة شادة حييلي صاايمة و اقوول للابلات تراني صايمة ماراح اتريق وياكم


صارت عشر ونص و هم طلبو و تريقوو وانا اخر شي استوعبت اني ما اقدر اصووم