عناصر وضباط يشهدون كويتون من موقع الحادثه يشهدون على برائة القطري على المري

[جنون العاطفه]

الموضوع واضح

بس تظل علاقتنا بقطر فوق كل شي
​

 

[miss $_$ semsem]

الله يشافيهم اثنينهم لأن للحين مو متأكدين منو الظالم ومنو المظلوم ومانبي نظلم اي واحد فيهم بس عسى الله يشافيهم اثنيناتهم و يغفر لهم ويهديهم اثنينهم

 

[بطة 2009]

الله يظهر الحق يا رب

 

[بنوته كيكه]

الي سمعته وشفته من قناة تو الليل اممم انزين ليش تفكيركم انه اهو حط استكر في قطر وجا فيها في الكويت امكن حط الاستكر من الصناعيه في الكويت
ثاني شي اكثر الشهود من شباب وبنات وصديق احمد طلع يشهد وقول سالفه في تو الليل وانتو اكيد شفتو الحلقه
بس الاهم شي انه ندعي الله يشفي احمد الاسد وقومه بسلامه ورده حق اهله وربعه

 

[mnayeer]

اولا ابدي كلامي بأن ادعو للأخ أحمد بالشفاء العاجل والله يصبر امه واهله ويشفيه ويقومه لهم بالسلامه

وثانيا الله يفرج عن الاخ القطري ويرده سالم لأهله لو كان مظلوم

والله يهدي النفوس ويبعد عنا الفتن يارب

بالنسبه للمحاميه الا تدافع عن الاخ أحمد من حق اي محامي يدافع لو كان يحس ب 1 % انه موكله مظلوم وبالنسبه للمتطوعين ياما في محاميين تطوعو حق الرئيس حسني مبارك وغيرهم وغيرهم وهالشي يرجع لحريه شخصيه لكل محامي ونظرته وهدفه من القضيه اما تكون لشهره او تكون للمال او يكون نابع من ضمير وحاس انه مظلوم ... وانا ما اقدر ادش بالنوايا بس اللي اقدر اقوله لها الحق انها تطوع وتدافع عن الاخ احمد بس لاحظت أمس بالبرنامج توالليل واتوقع مو بس انا اللي لاحظت يمكن اغلبيه المشاهدين لاحضو في تناقض بالحجي الشباب او اصدقاء احمد قالو الكتابه والعباره موجوده في الزجاج الامامي للسياره والمحامي المتصل اللي متطوع بالدفاع عن احمد قال العباره موجوده بالسياره من الخلف !!!!! اذا علامة تعجب !!

مع اني في داخل نفسي ميقنه تماما انه ماكان في عباره من الاساس لسبب بسيط انه في تاريخ 25 فبراير العصر كنت ع خط الرميثيه والبدع واثناء المسيره ولا الرنج القطري يمنا طبعا قبل الحادثه وشدتني السياره وصورتها ع حسن نيه لان صوره علم قطر كان كبير من خلف السياره وصورة السياره صورتين على الجنب ومن الخلف وشفتها جدام عيوني ماكان فيها كتابه او عباره تسيئ للبنت الكويتيه والصور مازالت بكامرتي وستررجعت وقلت في نفسي شلي خلاني اصور السياره وليش هالقطري بالذات يمكن سبحان الله يكون عندي صور تدل انه هالشخص برئ من القصه المألفه عليه يمكن الله يبيني اصوره ذاك اليوم علشان فعلا يكون ماله علاقه بسالفه الملفقه له
وشفت السياره بعيوني والله يشهد ع كلامي والساكت عن الحق شيطان اخرس والله ثم والله الصور عندي ولافيها عباره ولا شي

أما بالنسبه لشق الثاني من القضيه الدهس والهوشه ماادري يمكن صح يكون في هوشه ويمكن صح يكون القطري دهس لكويتي ويمكن صح يكون الطرف الثاني سكارى او يمكن مايكونون سكارى او يمكن مايكون القطري اهو اللي دهس ما ادري بصراحه ما احط بذمتي ولا اقدر افتي انا اللي اقدر اجزم عليه وأأكد اهو التأليف الا صار عن العباره ومره يقولون مكتوبه ومره يقولون شفويا

ويمكن ارسل الصور للمحامي الموكل بالدفاع عن القطري علشان يثبت انه ماكو عباره ولا في شي من هالحجي .

وبالاخير الله يقوم أحمد ويشفيه وتبين كل الحقائق

 

[مفعمه بالحيويه]

كلنا نوقف صفوف لجل عيآلنا

مدآم بالهويه كلمة قطري

كفو يا احمد السليطي

 

[يبقى الوله]

الله يفك عووووووقك ياااااعلي المري

 

[مفعمه بالحيويه]

آمين يارب حبيبتي

 

[مفعمه بالحيويه]

وهذا صورة ولدنآ المظلوم
علي بن صبيح آل عذبه آلمري :eh_s(17): الله يحفظك

وينصرك ربي على من ظلمك ويرجعك لـبلآدك قطر فالقريب العاجل
آمين يارب :eh_s(17):




يآ علي .. خلك على الصف الامآمي ......وحن ورآك ومحزمك عند آلظفر :eh_s(17):

 

[غلا بنت الكويت]

اولا ابدي كلامي بأن ادعو للأخ أحمد بالشفاء العاجل والله يصبر امه واهله ويشفيه ويقومه لهم بالسلامه

وثانيا الله يفرج عن الاخ القطري ويرده سالم لأهله لو كان مظلوم

والله يهدي النفوس ويبعد عنا الفتن يارب

بالنسبه للمحاميه الا تدافع عن الاخ أحمد من حق اي محامي يدافع لو كان يحس ب 1 % انه موكله مظلوم وبالنسبه للمتطوعين ياما في محاميين تطوعو حق الرئيس حسني مبارك وغيرهم وغيرهم وهالشي يرجع لحريه شخصيه لكل محامي ونظرته وهدفه من القضيه اما تكون لشهره او تكون للمال او يكون نابع من ضمير وحاس انه مظلوم ... وانا ما اقدر ادش بالنوايا بس اللي اقدر اقوله لها الحق انها تطوع وتدافع عن الاخ احمد بس لاحظت أمس بالبرنامج توالليل واتوقع مو بس انا اللي لاحظت يمكن اغلبيه المشاهدين لاحضو في تناقض بالحجي الشباب او اصدقاء احمد قالو الكتابه والعباره موجوده في الزجاج الامامي للسياره والمحامي المتصل اللي متطوع بالدفاع عن احمد قال العباره موجوده بالسياره من الخلف !!!!! اذا علامة تعجب !!

مع اني في داخل نفسي ميقنه تماما انه ماكان في عباره من الاساس لسبب بسيط انه في تاريخ 25 فبراير العصر كنت ع خط الرميثيه والبدع واثناء المسيره ولا الرنج القطري يمنا طبعا قبل الحادثه وشدتني السياره وصورتها ع حسن نيه لان صوره علم قطر كان كبير من خلف السياره وصورة السياره صورتين على الجنب ومن الخلف وشفتها جدام عيوني ماكان فيها كتابه او عباره تسيئ للبنت الكويتيه والصور مازالت بكامرتي وستررجعت وقلت في نفسي شلي خلاني اصور السياره وليش هالقطري بالذات يمكن سبحان الله يكون عندي صور تدل انه هالشخص برئ من القصه المألفه عليه يمكن الله يبيني اصوره ذاك اليوم علشان فعلا يكون ماله علاقه بسالفه الملفقه له
وشفت السياره بعيوني والله يشهد ع كلامي والساكت عن الحق شيطان اخرس والله ثم والله الصور عندي ولافيها عباره ولا شي

أما بالنسبه لشق الثاني من القضيه الدهس والهوشه ماادري يمكن صح يكون في هوشه ويمكن صح يكون القطري دهس لكويتي ويمكن صح يكون الطرف الثاني سكارى او يمكن مايكونون سكارى او يمكن مايكون القطري اهو اللي دهس ما ادري بصراحه ما احط بذمتي ولا اقدر افتي انا اللي اقدر اجزم عليه وأأكد اهو التأليف الا صار عن العباره ومره يقولون مكتوبه ومره يقولون شفويا

ويمكن ارسل الصور للمحامي الموكل بالدفاع عن القطري علشان يثبت انه ماكو عباره ولا في شي من هالحجي .

وبالاخير الله يقوم أحمد ويشفيه وتبين كل الحقائق

إذا كانت عندج الصور وديها للمحامي العويهان
ومن سمعت بالحادثة وآنا احس إنه الموضوع فيه إنه
بصراحة فيه شيء غامض
الله يظهر الحق ويشفي أحمد أسد

تحياتي

 

[كويتية222]

الله يشافي احمد ويقومه بالسلامة

وينصر المظلوم يارب

والاخت mnayeer

دام عندج صورة الجيب وتثبت ان ما فيها عبارات مسيئة ليش ما قدمتيها للشرطة خليتي اي احد من خوانج يروح لهم

اذا سكتي عن هالشي بتكونين ظلمتي الشاب القطري

 

[مفعمه بالحيويه]

ويمكن ارسل الصور للمحامي الموكل بالدفاع عن القطري علشان يثبت انه ماكو عباره ولا في شي من هالحجي .

 

[جيكره(و)تتغلى25]

اول شي الله يشافي احمدد


بعدين مو غبي القطري يحط هالكتابه وجان بينت حتي لو شالها

 

[asayel]

الله ينصر القطري ويقوم الكويتي بالسلامه
انا اللي شفته في تو الليل تناقض محاميين احمد اسد في الكلام مره جدام السياره ومره ورا السياره
وزين سوا فيها السليطي فضح كذبتها
الله يديم المحبه بين قطر والكويت ويبعد الفتن عنهم​

 

[نوره 99]

الصراحه ماعرف التفاصيل
ماقول ألا الله ينصر المظلوم عن الظالم
بس ليش الناس قالبينها عنصريه ؟؟؟

 

[بدور الربيع]

الاخت صاحبه الموضوع :

من وين يايبه هالمعلومات ؟؟
اولا: بجريده اليوم 6/3 تقرير الادله الجنائيه ياكد ان احمد اسد مو سكران.....واتهامج له بالسكر هذا قذف بالباطل اذا انتى وايد دقيقه بموضوع الحلال والحرام
ثانيا:ليش متعامله مع الموضوع بحساسيه كبيره ومصنفه الطرفين ...ولد حيدر والقطري؟؟
لو كان اسم عايلته شي ثاني كان ممكن تكونين بصفهم يعني؟؟واللى رادج عن الحياد عشان اهو ولد حيدر والثاني اسد؟؟
هذا صار معيار قول كلمه الحق......الموضوع للحين بالتحقيق وماتم البث في براءه اواتهام احد الطرفين....على اي اساس عينتي نفسج قاضي وطلعتي علي المري برئ وان ربع اللي طايح بين الحياه والموت اهم اللي داهسينه؟؟
ثالثا:تكلمتي عن تطوع حوراء الحبيب....شنو الغلط؟؟
مو قتله الميموني تطوعو لهم محامين ودافعو عنهم واهم التهم ثااابته عليهم ...ويابولهم حكم مخفف؟؟
مو اللي عطوه 6شهور حبس مع ايقاف التنفيذ واهو خاطف 3 اسيويات وهاتك عرضهم والتهمه مثبته عليييه هم تطوعوله محامين دافعو عنه؟؟
ليش معترضه ان احد يتطوع للطلب بحق احمد اسد؟؟؟
عايشه الفيلجاوي الكويت كلللها بجت عليها مثل مابجت علي الميموني والشهيد الايوبي اللي قتلوة الخليه الارهابيه من التكفيرين
لاتعطين نفسج الحق انج تشككين في نيه شخص بيمارس عمله
براءه او اتهام احد من الطرفين امر متروك للقضاء وحد ......لاتجزمين بشي للحين مانتهي التحقيق فيه

ياريتج طارحه الموضوع بحياديه ...كنتي فدتي كل العضوات اللي ماعندهم فكره عن الموضوع ​

وانا معاج والله مع احمد اسد ويصبر امه واهله
لما طلعو اشاعه عن المرحومه عايشه الفيلجاوي خفنا الله ورفضنا ننشر خبر مو اكيد ومشكوك فيه
خافو ربكم عندكم عيال واهل لايدور الزمن عليكم
هذا يعتبر قذف بالباطل وبهتان وتشكيك في عيال الناس
يارب الله يقومه بالسلامه ويوضح كل شي

 

[دآيم آلحب]

انا متاكده ترليون فالميه اني كاتب رده شطوله

بس الله يستر من امسحه معنه ماكان فيه اي مخالفه ومتاكده منها

وغيري اهني شكثر يخالف فالكلام ورازين ردودهم


بس الحق ينقال القطري ماسوا شي واحنا نظل اهل

 

[مـ ع ـزوفة حز*ن]

،،


مآكو أخبآآآر ؟


عن السآلفه ؟


..............
......
..

 

[frozntouch]

الله اعلم من الصاج او الجاذب الجرايد كل يوم طلع لنا حجي

الحقيقه موجوده عند رب العالمين وحده و موجوده بقلوب اللي كانوا في الحدث

ف انا ماقول غير الله يظهر الحق انشالله وكل واحد ياخذ جزاءه سواء الغلط من منو كان الحق اكيد ما راح يضيع

والله يفرج الهم عن علي المري و بشفي احمد اسد

 

[قرنفله 99]

وانتي ليش مشتطه جذي التحقيق للحين مانتهي وانا الحين قاريه انه محولين القطري المركزي يحجزونه ٢١ يوم علي ذمة التحقيق وبالنهايه إحنا للحين موعارفين كل واحد يقول كلام غير الثاني انا مادافع لا عن الكويتي ولا عن القطري لان للحين ماندري منو الظالم ومنو المظلوم بس الي متاكده منه ان قناة الوطن حيادية بكل مواضيعها ولا تشبهينها بسكوب واذا عشان مادافعت عن القطري امس اظن شفتي اللقاء ومعرفتي ليش والمحامي نفسه اعترف بان مايدري اذا الفاكس وصل او لا واذا تتكلمين عن الظلم مؤ ظلم لما جريدة الوطن القطريه تقول ان احمد اسد مخمور واهو بين الحياة والموت وتحاليله أثبتت ان دمه خالي من الكحول لا تأخذك حيل الحميه بالنهاية القضية مانتهت ولا صدر فيها حكم انا مادافع عن احد ولا تكلم عن كويتي وقطري الله يظهر الحق ان شالله واذا القطري برئ الله يفج عوقه والله يشافي احمد اسد